Asianet Suvarna News Asianet Suvarna News

Mann Ki Baat Updates: ನನಗೆ ಅಧಿಕಾರದಲ್ಲಿರುವುದು ಬೇಕಾಗಿಲ್ಲ ಎಂದ ಮೋದಿ

  • Mann Ki Baat Updates: ಜನರ ಜೊತೆ ಪ್ರಧಾನಿ ಮೋದಿ ಮಾತುಗಳು
  • 83ನೇ ಎಪಿಸೋಡ್‌ನಲ್ಲಿ ಮಾತನಾಡಿದ ನರೇಂದ್ರ ಮೋದಿ(Modi)
  • ಈ ವರ್ಷದ ಸೆಕೆಂಡ್ ಲಾಸ್ಟ್ ಎಡಿಷನ್‌
  • ಜನರ ಜೊತೆ ಪ್ರಧಾನಿ ಶೇರ್ ಮಾಡಿಕೊಂಡ ವಿಚಾರಗಳೇನೇನು ?
Dont Want to Be in Power My Goal is to Serve People Modi on 83rd Mann Ki Baat dpl
Author
Bangalore, First Published Nov 28, 2021, 12:02 PM IST
  • Facebook
  • Twitter
  • Whatsapp

ಪ್ರಧಾನಿ ನರೇಂದ್ರ ಮೋದಿ ಅವರು ಭಾನುವಾರ ನ.28ರಂದು ತಮ್ಮ ಮಾಸಿಕ ರೇಡಿಯೊ ಕಾರ್ಯಕ್ರಮ ‘ಮನ್ ಕಿ ಬಾತ್’ನ 83 ನೇ ಸಂಚಿಕೆಯಲ್ಲಿ ರಾಷ್ಟ್ರವನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಇದು ವರ್ಷದ 'ಮನ್ ಕಿ ಬಾತ್' ನ ಎರಡನೇ ಕೊನೆಯ ಆವೃತ್ತಿಯಾಗಿದೆ. ಈ ಬಾರಿಯ ಕಾರ್ಯಕ್ರಮದಲ್ಲಿ ಪ್ರಧಾನಿ ಮೋದಿ ಹಲವು ವಿಚಾರಗಳ ಕುರಿತು ಮಾತನಾಡಿದ್ದು ಅವರ ಮಾತುಗಳ ಮುಖ್ಯಾಂಶಗಳು ಹೀಗಿವೆ.

ಹೆಚ್ಚಿನ ಯುವ ಜನಸಂಖ್ಯೆಯನ್ನು ಹೊಂದಿರುವ ಪ್ರತಿ ದೇಶದಲ್ಲಿ ಮೂರು ಅಂಶಗಳು ಬಹಳ ಮುಖ್ಯವಾಗುತ್ತದೆ. ಕೆಲವೊಮ್ಮೆ, ಇದು ಯುವಕರ ನಿಜವಾದ ಗುರುತಾಗುತ್ತದೆ. ಮೊದಲ ಅಂಶ - ಕಲ್ಪನೆಗಳು ಮತ್ತು ನಾವೀನ್ಯತೆ. ಎರಡನೆಯದು ಅಪಾಯಗಳನ್ನು ಎದುರಿಸುವ ಮನೋಭಾವ ಮತ್ತು ಮೂರನೆಯದು ನನ್ನಿಂದ ಮಾಡಬಹುದು ಎಂಬ ಮನೋಭಾವ. ಇದು ಸ್ಟಾರ್ಟ್‌ಅಪ್‌ಗಳ ಯುಗ ಮತ್ತು ಇಂದು ಭಾರತವು ಸ್ಟಾರ್ಟ್‌ಅಪ್‌ಗಳ ಜಗತ್ತಿನಲ್ಲಿ ಮುಂಚೂಣಿಯಲ್ಲಿದೆ ಎಂಬುದು ನಿಜ ಎಂದಿದ್ದಾರೆ.

ಅಧಿಕಾರ ಬೇಡ ಎಂದು ಮೋದಿ

83ನೇ 'ಮನ್ ಕಿ ಬಾತ್' ನಲ್ಲಿ ಪ್ರಧಾನಿ ಮೋದಿ ಅವರು ಮಾತನಾಡಿ ತಾವು 'ಅಧಿಕಾರದಲ್ಲಿರಲು ಬಯಸುವುದಿಲ್ಲ, ಜನರ ಸೇವೆಯೇ ನನ್ನ ಗುರಿ' ಎಂದು ಹೇಳಿದ್ದಾರೆ. ಸರ್ಕಾರದ ಪ್ರಯತ್ನದಿಂದ, ಸರ್ಕಾರದ ಯೋಜನೆಗಳಿಂದ ಯಾವುದೇ ಜೀವನ ಹೇಗೆ ಬದಲಾಯಿತು, ಆ ಬದಲಾದ ಜೀವನದ ಅನುಭವವೇನು? ಇದನ್ನು ಕೇಳಿದಾಗ ನಮಗೂ ಸಂಚಲನ ಮೂಡುತ್ತದೆ. ಇದು ಮನಸ್ಸಿಗೆ ತೃಪ್ತಿಯನ್ನು ನೀಡುತ್ತದೆ. ಆ ಯೋಜನೆಯನ್ನು ಜನರ ಬಳಿಗೆ ಕೊಂಡೊಯ್ಯಲು ಸ್ಫೂರ್ತಿ ನೀಡುತ್ತದೆ. ಇದನ್ನೇ ನಾನು ಜೀವನದಿಂದ ಹುಡುಕುತ್ತೇನೆ. ಅಧಿಕಾರದಲ್ಲಿರಲು ಬಯಸುವುದಿಲ್ಲ, ಜನರ ಸೇವೆಯೇ ನನ್ನ ಗುರಿ ಎಂದಿದ್ದಾರೆ.

ಸಬ್‌ ಕಾ ಸಾಥ್, ಸಬ್‌ ಕಾ ವಿಕಾಸ್, ಉದಾಹರಣೆ ಕೊಟ್ಟ ಮೋದಿ:

ಜಲೌನ್‌ನಲ್ಲಿ ನೂನ್ ನದಿ ಎಂಬ ನದಿ ಇತ್ತು. ಕ್ರಮೇಣ, ನದಿಯು ಅಳಿವಿನ ಅಂಚಿಗೆ ಬಂದಿತು. ಇದರಿಂದ ಈ ಭಾಗದ ರೈತರಿಗೆ ಸಂಕಷ್ಟ ಎದುರಾಗಿತ್ತು. ಜಲೌನ್‌ನ ಜನರು ಈ ವರ್ಷ ಸಮಿತಿಯನ್ನು ರಚಿಸಿ ನದಿಯನ್ನು ಪುನರುಜ್ಜೀವನಗೊಳಿಸಿದರು. ಇದು ‘ಸಬ್ಕಾ ಸಾಥ್, ಸಬ್ಕಾ ವಿಕಾಸ್’ಗೆ ಉದಾಹರಣೆ ಎಂದಿದ್ದಾರೆ.

ನೌಕಾಪಡೆ ದಿನಾಚರಣೆ:

ಇನ್ನೆರಡು ದಿನಗಳಲ್ಲಿ ಡಿಸೆಂಬರ್ ತಿಂಗಳು ಆರಂಭವಾಗಲಿದೆ. ದೇಶವು ನೌಕಾಪಡೆಯ ದಿನ ಮತ್ತು ಸಶಸ್ತ್ರ ಪಡೆಗಳ ಧ್ವಜ ದಿನವನ್ನು ಆಚರಿಸುತ್ತದೆ. ಡಿಸೆಂಬರ್ 16 ರಂದು ದೇಶವು 1971 ರ ಯುದ್ಧದ ಸುವರ್ಣ ಮಹೋತ್ಸವವನ್ನು ಆಚರಿಸುತ್ತಿದೆ ಎಂದು ನಮಗೆಲ್ಲರಿಗೂ ತಿಳಿದಿದೆ. ಈ ಎಲ್ಲಾ ಸಂದರ್ಭಗಳಲ್ಲಿ, ನಾನು ದೇಶದ ಭದ್ರತಾ ಪಡೆಗಳನ್ನು ನೆನಪಿಸಿಕೊಳ್ಳುತ್ತೇನೆ, ನಮ್ಮ ವೀರರನ್ನು ನೆನಪಿಸಿಕೊಳ್ಳುತ್ತೇನೆ ಎಂದಿದ್ದಾರೆ.

ಮನ್ ಕಿ ಬಾತ್(Mann Ki Baat) ಎಂಬುದು ಪ್ರಧಾನಿ ಮೋದಿಯವರ ಮಾಸಿಕ ರೇಡಿಯೋ ಭಾಷಣವಾಗಿದ್ದು, ಪ್ರತಿ ತಿಂಗಳ ಕೊನೆಯ ಭಾನುವಾರದಂದು ಪ್ರಸಾರವಾಗುತ್ತದೆ. ಕಾರ್ಯಕ್ರಮವನ್ನು AIR ಮತ್ತು ದೂರದರ್ಶನದ ಸಂಪೂರ್ಣ ನೆಟ್‌ವರ್ಕ್‌ನಲ್ಲಿ ಮತ್ತು AIR ನ್ಯೂಸ್ ಮತ್ತು ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಪ್ರಸಾರ ಮಾಡಲಾಗುತ್ತದೆ.

ತಮ್ಮ ರೇಡಿಯೊ ಕಾರ್ಯಕ್ರಮದ ಹಿಂದಿನ ಆವೃತ್ತಿಯಲ್ಲಿ, 100 ಕೋಟಿಗೂ ಹೆಚ್ಚು ಜನರನ್ನು ಒಳಗೊಂಡಿರುವ ವೇಗದ ಕೋವಿಡ್ ಲಸಿಕೆ ಅಭಿಯಾನದಲ್ಲಿ ಆರೋಗ್ಯ ಕಾರ್ಯಕರ್ತರನ್ನು ಪ್ರಧಾನಿ ಮೋದಿ ಶ್ಲಾಘಿಸಿದ್ದರು. ಭಾನುವಾರ ಯುಎನ್ ದಿನದ ಸಂದರ್ಭದಲ್ಲಿ 'ಭಾರತವು ಪ್ರಮುಖ ಪಾತ್ರ ವಹಿಸುತ್ತದೆ' ಎಂದು ಹೇಳಿದ್ದರು.

Follow Us:
Download App:
  • android
  • ios