Asianet Suvarna News Asianet Suvarna News

'ಎಣ್ಣೆ ಎಲ್ಲರನ್ನೂ ಒಂದು ಮಾಡುತ್ತೆ, ಚುನಾವಣೆ ಗೆದ್ದಾಗ ನಾವೂ ಪಾರ್ಟಿ ಮಾಡ್ತೀವಿ..' ಛತ್ತೀಸ್‌ಗಢ ಶಿಕ್ಷಣ ಸಚಿವನ ವಿವಾದಿತ ಹೇಳಿಕೆ

ಛತ್ತೀಸ್‌ಗಢದ ಶಿಕ್ಷಣ ಸಚಿವ ಪ್ರೇಮ್‌ಸಾಯಿ ಸಿಂಗ್‌ ಟೆಕಮ್‌, ಮದ್ಯಪಾನ ವಿರೋಧ ಅಭಿಯಾನದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ವೇಳೆ, ಮದ್ಯಪಾನ ತೊರೆಯುವ ನಿಟ್ಟಿನಲ್ಲಿ ಸಲಹೆ ನೀಡುವ ಬದಲು, ಮದ್ಯ ಎಲ್ಲರನ್ನೂ ಒಂದು ಮಾಡುತ್ತೆ. ಚುನಾವಣೆ ಗೆದ್ದಾಗ ನಾವೂ ಪಾರ್ಟಿ ಮಾಡ್ತೀವಿ ಎಂದು ಹೇಳುವ ಮೂಲಕ ವಿವಾದ ಸೃಷ್ಟಿಸಿದ್ದಾರೆ.

Chhattisgarh School Education Minister Premsai Singh Tekam courted controversy quotes lines from Madhushala san
Author
First Published Sep 1, 2022, 3:48 PM IST

ಬಲ್ರಾಮ್‌ಪುರ (ಸೆ. 1): ಛತ್ತೀಸ್‌ಗಢದ ಶಾಲಾ ಶಿಕ್ಷಣ ಸಚಿವ ಕಾಂಗ್ರೆಸ್‌ ಪ್ರೇಮಸಾಯಿ ಸಿಂಗ್ ಟೇಕಮ್ ಅವರು, ವ್ಯಸನಮುಕ್ತ ಕಾರ್ಯಕ್ರಮದ ವೇಳೆ ಹರಿವಂಶ ರಾಯ್ ಬಚ್ಚನ್ ಅವರ ಪೌರಾಣಿಕ ಪುಸ್ತಕ 'ಮಧುಶಾಲಾ' ದ  ಸಾಲುಗಳನ್ನು ಹೇಳುವ ಮೂಲಕ ವಿವಾದವನ್ನು ಹುಟ್ಟುಹಾಕಿದ್ದಾರೆ. ಮದ್ಯವು ಜನರನ್ನು ಒಂದುಗೂಡಿಸುತ್ತದೆ ಆದರೆ ಅದನ್ನು ನಿಯಂತ್ರಿತ ರೀತಿಯಲ್ಲಿ ಸೇವಿಸಬೇಕು ಎಂದು ಹೇಳಿದ್ದಾರೆ. ಮಂಗಳವಾರ ಇಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಟೆಕಮ್‌ ಆಡಿದ ಮಾತುಗಳ ವಿಡಿಯೋವನ್ನು ಪೋಸ್ಟ್ ಮಾಡಿ, ವಿರೋಧ ಪಕ್ಷವಾದ ಭಾರತೀಯ ಜನತಾ ಪಕ್ಷವು ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ನೇತೃತ್ವದ ರಾಜ್ಯದ ಕಾಂಗ್ರೆಸ್ ಸರ್ಕಾರದಲ್ಲಿ "ವ್ಯಂಗ್ಯಚಿತ್ರಗಳ" ಕೊರತೆಯಿಲ್ಲ ಕಾಲೆಳೆದಿದೆ. ವಡ್ರಾಫ್‌ನಗರದ ಶಾಲಾ ಮಕ್ಕಳು ಭಾಗವಹಿಸಿದ್ದ ಮತ್ತು ಅದರ ‘ನಶಾ ಮುಕ್ತಿ ಅಭಿಯಾನ’ದ ಅಡಿಯಲ್ಲಿ ಪೋಲೀಸರು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಟೇಕಾಮ್ ಅವರ ಭಾಷಣದ ಒಂದು ನಿಮಿಷದ ವೀಡಿಯೊ ಗುರುವಾರ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. 'ಹರಿವಂಶ ರಾಯ್ ಬಚ್ಚನ್ ಜಿ ಅವರು ‘ಮಂದಿರ್ ಮಸೀದಿ ಜಗ್ಡಾ ಕರ್ತೆ, ಲೇಕಿನ್ ಏಕ್ ಕರ್ತಿ ಮಧುಶಾಲಾ’ (ಮಂದಿರ ಮಸೀದಿಗಳು ಗಲಾಟೆ ಮಾಡುತ್ತವೆ, ಎಲ್ಲರನ್ನು ಒಂದು ಮಾಡುವುದು ಮಧುಶಾಲಾ) ಎಂದು ಬರೆದಿದ್ದರು. ಆದರೆ ಮದ್ಯ ಸೇವನೆಯಲ್ಲಿ ನಿಯಂತ್ರಣ ಇರಬೇಕು. ನೀವು ನಿಮ್ಮ ಸ್ವಂತ ನಿಯಂತ್ರಣವನ್ನು ಹೊಂದಿರಬೇಕು' ಎಂದು ಸಚಿವರು ತಮ್ಮ ಭಾಷಣದಲ್ಲಿ ಹೇಳಿದ್ದರು.

“ನಾನು ಸಾಕಷ್ಟು ಸಭೆಗೆ ಹಾಜರಾಗಿದ್ದೇನೆ, ಅಲ್ಲಿ ಒಂದು ವಿಭಾಗವು ಮದ್ಯದ ದುಷ್ಪರಿಣಾಮಗಳನ್ನು ಉಲ್ಲೇಖಿಸಿ ಅದರ ಸೇವನೆಯನ್ನು ವಿರೋಧಿಸಿತು, ಆದರೆ ಇನ್ನೊಂದು ವಿಭಾಗವು ಅದರ ಪ್ರಯೋಜನಗಳನ್ನು ಉಲ್ಲೇಖಿಸಿ ಅದನ್ನು ಬೆಂಬಲಿಸಿತು. ಮದ್ಯ ಎಲ್ಲರನ್ನು ಒಂದುಗೂಡಿಸುತ್ತದೆ. ನಾವು ಇದನ್ನು ಕೆಲವೊಮ್ಮೆ ಆಚರಣೆಗಳು ಮತ್ತು ಚುನಾವಣೆಗಳಲ್ಲಿ ಬಳಸುತ್ತೇವೆ. ಚುನಾವಣೆ ಗೆದ್ದಾಗ ಇದರ ಪಾರ್ಟಿಯನ್ನೂ ಮಾಡ್ತೇವೆ' ಎಂದು ಟೇಕಮ್ ಹೇಳಿದ್ದಾರೆ.


ಆ ಬಳಿಕ ಅದನ್ನು ಸಾಕಷ್ಟು ಹೊತ್ತು ವಿವರಿಸಿದ ಟೆಕಮ್, "ದಾರು (ಮದ್ಯ) ಎಂದರೆ 'ಡಿ'. ಇದು ಡಿಲ್ಯೂಷನ್‌ ಅನ್ನು ಹೇಳುತ್ತದೆ. ಹೆಚ್ಚಿನ ನೀರನ್ನು ಮಿಶ್ರ ಮಾಡಿಕೊಂಡು ಡಿಲ್ಯೂಟ್‌ ಮಾಡುವ ಮೂಲಕ ನಿಧಾನವಾಗಿ ಸೇವಿಸಬೇಕು.  ಒಂದೇ ಬಾರಿಗೆ ಅಷ್ಟೂ ಮದ್ಯವನ್ನು ಸೇವಿಸಬಾರದು. ಮದ್ಯದ ದುಷ್ಪರಿಣಾಮಗಳ ಕುರಿತು ಸಭೆಗೆ ಸಲಹೆ ನೀಡಿದ ಅವರು, ವ್ಯಸನಕ್ಕೆ ಒಳಗಾಗಬಾರದು ಎಂದು ಹೇಳಿದರು.

ಬಿಜೆಪಿ ಶಾಸಕ ಅಜಯ್ ಚಂದ್ರಾಕರ್ ಅವರು, “ಭೂಪೇಶ್ ಬಾಘೇಲ್ ಜಿ ಅವರ ಸರ್ಕಾರ ಮತ್ತು ಪಕ್ಷವು ಕಾರ್ಟೂನ್‌ಗಳಿಂದ ತುಂಬಿದೆ. ಅವರಲ್ಲಿ ಯಾರಿಗೂ ವಿಷಯಗಳ ಬಗ್ಗೆ ತಿಳುವಳಿಕೆ ಇಲ್ಲ. ಇದು ಕಾರ್ಯನಿರ್ವಹಿಸುತ್ತಿರುವ ಸರ್ಕಾರವಲ್ಲ, ಆದರೆ ದೆಹಲಿಯಿಂದ ನಿಯಂತ್ರಿಸಲ್ಪಡುವ ಬೊಂಬೆ ಪ್ರದರ್ಶನವಾಗಿದೆ (ಕಾಂಗ್ರೆಸ್ ಹೈಕಮಾಂಡ್ ಅನ್ನು ಉಲ್ಲೇಖಿಸಿ)' ಎಂದು ಟೀಕಿಸಿದ್ದಾರೆ. ಸಾಕಷ್ಟು ಪ್ರಯತ್ನಗಳ ಹೊರತಾಗಿಯೂ ಟೆಕಮ್‌ ಅವರ ಪ್ರತಿಕ್ರಿಯೆಯನ್ನು ಪಡೆಯಲು ಸಾಧ್ಯವಾಗಿಲ್ಲ ಎಂದುಪಿಟಿಐ ವರದಿ ಮಾಡಿದೆ.

ಅಧಿಕಾರದ 'ಅಮಲು' ನಿಮಗೂ ತಟ್ಟಿತಲ್ಲ..! ಕೇಜ್ರಿವಾಲ್‌ ಸರ್ಕಾರದ ಮದ್ಯನೀತಿಯ ಬಗ್ಗೆ ಅಣ್ಣಾ ಹಜಾರೆ ಭಾವುಕ ಪತ್ರ!

ಮದ್ಯಕ್ಕೆ ಪರ್ಯಾಯವಾಗಿ "ಭಾಂಗ್ ಮತ್ತು ಗಾಂಜಾ" ವನ್ನು ಪ್ರೋತ್ಸಾಹಿಸಬೇಕು ಎಂದು ರಾಜ್ಯ ಬಿಜೆಪಿ ಶಾಸಕ ಕೃಷ್ಣಮೂರ್ತಿ ಬಂಧಿ ಇತ್ತೀಚೆಗೆ ಸೂಚಿಸಿದ ನಂತರ ಮದ್ಯದ ಕುರಿತು ಅವರ ಹೇಳಿಕೆಗಳು ಬಂದಿವೆ. ಭಾಂಗ್‌ ಅಥವಾ ಗಾಂಜಾ ಸೇವಿಸದ ವ್ಯಕ್ತಿಗಳು ಅತ್ಯಾಚಾರ, ಕೊಲೆ ಮತ್ತು ದರೋಡೆಯಂತಹ ಅಪರಾಧಗಳನ್ನು ಮಾಡುವುದಿಲ್ಲ ಎಂದು ಹೇಳಿದ್ದಾರೆ.

Office Etiquette: ಕಚೇರಿ ಪಾರ್ಟಿಯಲ್ಲಿ ಇಮೇಜ್ ಹಾಳ್ಮಾಡ್ಕೊಳ್ಳಬೇಡಿ !

ಕೆಟ್ಟ ರಸ್ತೆ ಇದ್ರೆ ಅಪಘಾತವಾಗೋದಿಲ್ಲ: ಇನ್ನೊಂದು ವೀಡಿಯೋದಲ್ಲಿ, ರಸ್ತೆ ಹದಗೆಟ್ಟ ಸ್ಥಳದಲ್ಲಿ ರಸ್ತೆ ಅಪಘಾತಗಳು ನಡೆಯುವುದಿಲ್ಲ ಆದರೆ ರಸ್ತೆ ಚೆನ್ನಾಗಿರುವಲ್ಲಿ ಸಂಭವಿಸುತ್ತವೆ ಎಂದು ಅವರು ಹೇಳುವ ಮೂಲಕ ವಿವಾದ ಸೃಷ್ಟಿಸಿದ್ದರು. "ರಸ್ತೆಯ ಕಳಪೆ ಸ್ಥಿತಿಯ ಬಗ್ಗೆ ನಾವು ಜನರಿಂದ ಕರೆಗಳನ್ನು ಸ್ವೀಕರಿಸುತ್ತೇವೆ, ಆದರೆ ಆ ರಸ್ತೆಗಳಲ್ಲಿಅಪಘಾತಗಳು ಸಂಭವಿಸುವುದಿಲ್ಲ. ಆದರೆ, ಉತ್ತಮ ರಸ್ತೆಗಳನ್ನು ಹೊಂದಿರುವ ಸ್ಥಳಗಳು, ಅವರ ಜನರು ಪೂರ್ಣ ವೇಗದಲ್ಲಿ ಚಾಲನೆ ಮಾಡುತ್ತಾರೆ ಮತ್ತು ಅಪಘಾತಗಳು ಸಂಭವಿಸುತ್ತವೆ," ಎಂದು ಸಚಿವರು ಹೇಳಿದ್ದರು. ವೀಡಿಯೊಗಳನ್ನು ಅಪ್‌ಲೋಡ್ ಮಾಡಿದಾಗಿನಿಂದ, ಇದು ಶಿಕ್ಷಣ ಸಚಿವರಾಗಿ ಟೇಕಾಮ್ ಅವರ "ವಿಶ್ವಾಸಾರ್ಹತೆ" ಕುರಿತು ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆ ನಡೆಯುತ್ತಿದೆ.

 

Follow Us:
Download App:
  • android
  • ios