60ನೇ ಜನ್ಮದಿನಕ್ಕೆ ಒಂದು ದಿನ ಮುನ್ನ ಅದಾನಿಯಿಂದ 60 ಸಾವಿರ ಕೋಟಿ ದಾನ!
ದೇಶದ ಆರೋಗ್ಯ, ಶಿಕ್ಷಣ ಮತ್ತು ಕೌಶಲ್ಯ ಅಭಿವೃದ್ಧಿಗೆ ಈ ದೇಣಿಗೆಯನ್ನು ನೀಡುವುದಾಗಿ ಹೇಳಿದ್ದು, ಅದಾನಿ ಫೌಂಡೇಷನ್ ಮೂಲಕ ಈ ಹಣದ ಬಳಕೆಯಾಗಲಿದೆ ಎಂದು ಅದಾನಿ ಗ್ರೂಪ್ ಕಂಪನಿ ತಿಳಿಸಿದೆ.
Followಮುಂಬೈ (ಜೂನ್ 23): ಏಷ್ಯಾದ ಶ್ರೀಮಂತ ವ್ಯಕ್ತಿ, ಅದಾನಿ ಗ್ರೂಪ್ (Adani Group ) ಕಂಪನಿ ಅಧ್ಯಕ್ಷ ಗೌತಮ್ ಅದಾನಿ (Gautam Adani) ಮತ್ತು ಅವರ ಕುಟುಂಬವು ಅವರ 60 ನೇ ಹುಟ್ಟುಹಬ್ಬದ ಪ್ರಯುಕ್ತ 60,000 ಕೋಟಿ ರೂಪಾಯಿಗಳನ್ನು ಸಾಮಾಜಿಕ ಕಾರ್ಯಗಳಿಗೆ (social causes) ದೇಣಿಗೆ ನೀಡುವ ವಾಗ್ದಾನ ಮಾಡಿದೆ. ಸಾಮಾಜಿಕ ಕಾರ್ಯಗಳಿಗೆ ಈ ಹಣವನ್ನು ವರ್ಗಾವಣೆ ಮಾಡುವ ನಿಟ್ಟಿನಲ್ಲಿ ಅದಾನಿ ಫೌಂಡೇಶನ್ (Adani Foundation) ಕಾರ್ಯ ನಿರ್ವಹಿಸುತ್ತದೆ.
ಆರೋಗ್ಯ ರಕ್ಷಣೆ, ಶಿಕ್ಷಣ ಮತ್ತು ಕೌಶಲ್ಯ ಅಭಿವೃದ್ಧಿಯನ್ನು ಉತ್ತೇಜಿಸಲು ಅದಾನಿ ಫೌಂಡೇಶನ್ ಈ ದೇಣಿಗೆಯನ್ನು ನಿರ್ವಹಿಸುತ್ತದೆ ಎಂದು ಅದಾನಿ ಗುರುವಾರ ಬ್ಲೂಮ್‌ಬರ್ಗ್‌ಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ. "ಇದು ಭಾರತೀಯ ಕಾರ್ಪೊರೇಟ್ ಇತಿಹಾಸದಲ್ಲಿ ಪ್ರತಿಷ್ಠಾನಕ್ಕೆ ಮಾಡಿದ ಅತಿದೊಡ್ಡ ಹಣಕಾಸಿನ ವಾಗ್ದಾನ" ಎಂದು ಅವರು ಹೇಳಿದರು. ತಮ್ಮ ತಂದೆ ಶಾಂತಿಲಾಲ್ ಅದಾನಿ (Shantilal Adani) ಅವರ ಜನ್ಮ ಶತಮಾನೋತ್ಸವ ವರ್ಷವಾಗಿರುವ ಕಾರಣ ಸಾಮಾಜಿಕ ಕಾರ್ಯಗಳಿಗೆ ಈ ಹಣ ನೀಡಲಿರುವುದಾಗಿ ಹೇಳಿದರು.
"ಭಾರತದ ಜನಸಂಖ್ಯಾ ಪ್ರಯೋಜನದ ಸಾಮರ್ಥ್ಯವನ್ನು ಬಳಸಿಕೊಳ್ಳಲು, ಆರೋಗ್ಯ, ಶಿಕ್ಷಣ ಮತ್ತು ಕೌಶಲ್ಯ ಅಭಿವೃದ್ಧಿಯ ಕ್ಷೇತ್ರಗಳ ಮೇಲೆ ಕೇಂದ್ರೀಕರಿಸುವ ಅಗತ್ಯತೆ ಹೆಚ್ಚುತ್ತಿದೆ. ಈ ಪ್ರತಿಯೊಂದು ಕ್ಷೇತ್ರಗಳಲ್ಲಿನ ಕೊರತೆಗಳು 'ಆತ್ಮನಿರ್ಭರ ಭಾರತ'ಕ್ಕೆ ಅಡ್ಡಿಯಾಗಿದೆ. ಅದಾನಿ ಫೌಂಡೇಶನ್ ಈ ಎಲ್ಲಾ ಕ್ಷೇತ್ರಗಳಲ್ಲಿ ಸಮಗ್ರ ಅಭಿವೃದ್ಧಿ ಪ್ರಯತ್ನಗಳ ಮೇಲೆ ಕೇಂದ್ರೀಕರಿಸಿದ ಸಮುದಾಯಗಳೊಂದಿಗೆ ಕೆಲಸ ಮಾಡುವಲ್ಲಿ ಶ್ರೀಮಂತ ಅನುಭವವನ್ನು ಗಳಿಸಿದೆ. ಈ ಸವಾಲುಗಳನ್ನು ಎದುರಿಸುವುದು ನಮ್ಮ ಭವಿಷ್ಯದ ಉದ್ಯೋಗಿಗಳ ಸಾಮರ್ಥ್ಯ ಮತ್ತು ಸ್ಪರ್ಧಾತ್ಮಕತೆಯನ್ನು ಗಣನೀಯವಾಗಿ ಹೆಚ್ಚಿಸಬಹುದು" ಎಂದು ಅದಾನಿ ಗ್ರೂಪ್ ಹೇಳಿಕೆಯಲ್ಲಿ ತಿಳಿಸಿದೆ.
"ನನಗೆ ಸ್ಫೂರ್ತಿ ನೀಡಿದ ತಂದೆಯ 100 ನೇ ಜನ್ಮ ವಾರ್ಷಿಕೋತ್ಸವದ ಜೊತೆಗೆ, ಈ ವರ್ಷ ನನ್ನ 60ನೇ ವರ್ಷದ ಜನ್ಮದಿನವೂ ಆಗಿದೆ. ಹಾಗಾಗಿ ನಮ್ಮ ಕುಟುಂಬವು ವಿಶೇಷವಾಗಿ ನಮ್ಮ ದೇಶದ ಗ್ರಾಮೀಣ ಪ್ರದೇಶಗಳಲ್ಲಿ ಆರೋಗ್ಯ, ಶಿಕ್ಷಣ ಮತ್ತು ಕೌಶಲ್ಯ ಅಭಿವೃದ್ಧಿಗೆ ಸಂಬಂಧಿಸಿದ ದತ್ತಿ ಚಟುವಟಿಕೆಗಳಿಗೆ 60,000 ಕೋಟಿ ರೂ. ಹಣವನ್ನು ನೀಡಲು ತೀರ್ಮಾನಿಸಿದೆ ಎಂದು ಗೌತಮ್ ಅದಾನಿ ಹೇಳಿದ್ದಾರೆ.
ಮೆಟಾ ಸಂಸ್ಥಾಪಕ ಮಾರ್ಕ್ ಜುಕರ್‌ಬರ್ಗ್, ವಾರೆನ್ ಬಫೆಟ್‌ ಅವರಂಥ ಜಾಗತಿಕ ಶತಕೋಟ್ಯಧಿಪತಿಗಳ ಸಾಲಿಗೆ ಸೇರುವ ಗೌತಮ್ ಅದಾನಿ, ಶುಕ್ರವಾರ 60ನೇ ವರ್ಷಕ್ಕೆ ಕಾಲಿಡಲಿದ್ದಾರೆ. ಜುಕರ್ ಬರ್ಗ್ ಹಾಗೂ ಬಫೆಟ್‌ ಅವರ ಆದಾಯದ ಹೆಚ್ಚಿನ ಪಾಲು ಸಾಮಾಜಿಕ ಕಾರ್ಯಗಳಿಗೆ ಹೋಗುತ್ತದೆ. ಅದರಂತೆ ಗೌತಮ್ ಅದಾನಿ ಕೂಡ ಸಾಮಾಜಿಕ ಕಾರ್ಯಗಳಿಗೆ ದೇಣಿಗೆಯನ್ನು ನೀಡುವ ತೀರ್ಮಾನ ಮಾಡಿದ್ದಾರೆ. ಬ್ಲೂಮ್‌ಬರ್ಗ್ ಬಿಲಿಯನೇರ್ಸ್ ಇಂಡೆಕ್ಸ್‌ನ ಪ್ರಕಾರ ಸುಮಾರು $92 ಶತಕೋಟಿ ನಿವ್ವಳ ಮೌಲ್ಯದೊಂದಿಗೆ, ಅದಾನಿ ಈ ವರ್ಷ ತನ್ನ ಸಂಪತ್ತಿಗೆ ಸ್ವಲ್ಪ ಹೆಚ್ಚು $15 ಶತಕೋಟಿಯನ್ನು ಸೇರಿಸಿದ್ದಾರೆ ಎಂದು ವರದಿ ಮಾಡಿದೆ.
ಟೈಮ್‌ ವಿಶ್ವದ 100 ಪ್ರಭಾವಿಗಳಲ್ಲಿ ಭಾರತದ ಮೂವರು
"ನಾವು ಮುಂಬರುವ ತಿಂಗಳುಗಳಲ್ಲಿ ಕಾರ್ಯತಂತ್ರವನ್ನು ರೂಪಿಸಲು ಮತ್ತು ಈ ಮೂರು ಕ್ಷೇತ್ರಗಳಲ್ಲಿ ಹಣ ಹಂಚಿಕೆಯನ್ನು ನಿರ್ಧರಿಸಲು ಮೂರು ತಜ್ಞರ ಸಮಿತಿಗಳನ್ನು ನಿರ್ಮಿಸುತ್ತೇವೆ" ಎಂದು ಅವರು ಹೇಳಿದರು. ಸಮಿತಿಗಳು ಪೋಷಕ ಪಾತ್ರಗಳಲ್ಲಿ ಅದಾನಿ ಕುಟುಂಬದ ಸದಸ್ಯರನ್ನು ಹೊಂದಿರುತ್ತಾರೆ ಎಂದು ಅವರು ಹೇಳಿದರು.
Adani Group ಸಿಮೆಂಟ್ ಉತ್ಪಾದನಾ ವಲಯಕ್ಕೆ ಅದಾನಿ ಎಂಟ್ರಿ, 78000 ಕೋಟಿ ರೂಗೆ ಎಸಿಸಿ ಪಾಲು ಖರೀದಿ!
“ಬಹಳ ಮೂಲಭೂತ ಮಟ್ಟದಲ್ಲಿ, ಈ ಎಲ್ಲಾ ಮೂರು ಕ್ಷೇತ್ರಗಳಿಗೆ ಸಂಬಂಧಿಸಿದ ಕಾರ್ಯಕ್ರಮಗಳನ್ನು ಸಮಗ್ರವಾಗಿ ನೋಡಬೇಕು ಮತ್ತು ಸಮಾನ ಮತ್ತು ಭವಿಷ್ಯಕ್ಕೆ ಸಿದ್ಧವಾಗಿರುವ ಭಾರತವನ್ನು ನಿರ್ಮಿಸಲು ಅವು ಒಟ್ಟಾಗಿ ಪ್ರಮುಖ ಪಾತ್ರವನ್ನು ರೂಪಿಸುತ್ತವೆ. ದೊಡ್ಡ ಪ್ರಾಜೆಕ್ಟ್ ಯೋಜನೆ ಮತ್ತು ಕಾರ್ಯಗತಗೊಳಿಸುವಿಕೆಯಲ್ಲಿನ ನಮ್ಮ ಅನುಭವ ಮತ್ತು ಅದಾನಿ ಫೌಂಡೇಶನ್ ಮಾಡಿದ ಕೆಲಸದ ಕಲಿಕೆಗಳು ಈ ಕಾರ್ಯಕ್ರಮಗಳನ್ನು ಅನನ್ಯವಾಗಿ ವೇಗಗೊಳಿಸಲು ನಮಗೆ ಸಹಾಯ ಮಾಡುತ್ತದೆ" ಎಂದು ಅದಾನಿ ಅವರ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಈ ಸಂದರ್ಭದಲ್ಲಿ, ಅಜೀಂ ಪ್ರೇಮ್‌ಜಿ ಫೌಂಡೇಶನ್‌ನ ಅಧ್ಯಕ್ಷ ಮತ್ತು ವಿಪ್ರೋ ಲಿಮಿಟೆಡ್‌ನ ಸಂಸ್ಥಾಪಕ ಅಧ್ಯಕ್ಷರೂ ಆಗಿರುವ ಅಜೀಂ ಪ್ರೇಮ್‌ಜಿ ಕೂಡ ಮಾತನಾಡಿದ್ದು, “ಗೌತಮ್ ಅದಾನಿ ಮತ್ತು ಅವರ ಕುಟುಂಬದ ಸಹಾಯ, ಬದ್ಧತೆಯು ನಾವೆಲ್ಲರೂ ಪ್ರಯತ್ನಿಸಬಹುದಾದ ಉದಾಹರಣೆಯಾಗಬೇಕು. ಮಹಾತ್ಮಾ ಗಾಂಧಿಯವರ ಸಂಪತ್ತಿನ ಟ್ರಸ್ಟಿಶಿಪ್ ತತ್ವವನ್ನು ನಮ್ಮ ವ್ಯವಹಾರದ ಯಶಸ್ಸಿನ ಉತ್ತುಂಗದಲ್ಲಿ ಜೀವಿಸಲು ಮತ್ತು ನಮ್ಮ ಸೂರ್ಯಾಸ್ತದ ವರ್ಷಗಳವರೆಗೆ ಕಾಯಬೇಕಾಗಿಲ್ಲ. "ನಮ್ಮ ದೇಶದ ಸವಾಲುಗಳು ಮತ್ತು ಸಾಧ್ಯತೆಗಳು ಸಂಪತ್ತು, ಪ್ರದೇಶ, ಧರ್ಮ, ಜಾತಿ ಮತ್ತು ಹೆಚ್ಚಿನವುಗಳ ಎಲ್ಲಾ ವಿಭಜನೆಗಳನ್ನು ಕತ್ತರಿಸಿ ನಾವು ಒಂದಾಗಿ ಕೆಲಸ ಮಾಡಬೇಕೆಂದು ಬಯಸುತ್ತೇವೆ" ಎಂದು ಅವರು ಹೇಳಿದರು.
