ನಟ, ಶಾಸಕ ಬಾಲಕೃಷ್ಣರಿಂದ ಛಾಯಾಗ್ರಾಹಕಗೆ ಕಪಾಳಮೋಕ್ಷ!
ಟಾಲಿವುಡ್ ಸಿನಿಮಾ ರಂಗದ ನಟ ಹಾಗೂ ಹಿಂದೂಪುರ ಶಾಸಕ ನಂದಮೂರಿ ಬಾಲಕೃಷ್ಣ| ನಟ, ಶಾಸಕ ಬಾಲಕೃಷ್ಣರಿಂದ ಛಾಯಾಗ್ರಾಹಕಗೆ ಕಪಾಳಮೋಕ್ಷ!
ಅನಂತಪುರ(ಮಾ.08): ಟಾಲಿವುಡ್ ಸಿನಿಮಾ ರಂಗದ ನಟ ಹಾಗೂ ಹಿಂದೂಪುರ ಶಾಸಕ ನಂದಮೂರಿ ಬಾಲಕೃಷ್ಣ ಅವರು ಛಾಯಾಗ್ರಾಹಕರೊಬ್ಬರಿಗೆ ಕಪಾಳಮೋಕ್ಷ ಮಾಡಿದ ಘಟನೆ ಪಕ್ಷದ ಕಾರ್ಯಕರ್ತರೊಬ್ಬರ ನಿವಾಸದ ಮುಂದೆ ನಡೆದಿದೆ. ಹಿಂದೂಪುರ ನಗರಸಭೆ ವ್ಯಾಪ್ತಿಯಲ್ಲಿ ನಡೆದ ಕಾರ್ಯಕ್ರಮವನ್ನು ಛಾಯಾಗ್ರಾಹಕ ಸೆರೆ ಹಿಡಿಯುತ್ತಿದ್ದರು.
ಈ ವೇಳೆ ಶಾಸಕ ಬಾಲಕೃಷ್ಣ ಅವರು ಎಲ್ಲವನ್ನೂ ವಿಡಿಯೋ ಮಾಡದಂತೆ ತಾಕೀತು ಮಾಡಿ ಕಪಾಳಕ್ಕೆ ಹೊಡೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಈ ಘಟನೆ ಖಂಡಿಸಿ ಶಾಸಕನ ವಿರುದ್ಧ ಹಿಂದೂಪುರದ ಅಂಬೇಡ್ಕರ್ ಸರ್ಕಲ್ನಲ್ಲಿ ಛಾಯಾಗ್ರಾಹಕರ ಸಂಘಟನೆ ಪ್ರತಿಭಟನೆ ನಡೆಸಿದೆ. ಕೊನೆಗೆ ಟಿಡಿಪಿ ಕಪಾಳಕ್ಕೆ ಹೊಡೆಸಿಕೊಂಡ ಮತ್ತು ನಟರು ಇಬ್ಬರ ಹೇಳಿಕೆಯನ್ನು ಒಳಗೊಂಡ ವಿಡಿಯೋವನ್ನು ಬಿಡುಗಡೆ ಮಾಡಿ ತಿಪ್ಪೆ ಸಾರಿಸಲು ಯತ್ನಿಸಿದೆ.