* ಮೂರು ವರ್ಷ ಪೂರೈಸಿದ ವಿಶ್ವದ ಅತೀ ದೊಡ್ಡ ಆರೋಗ್ಯ ಸ್ಕೀಂ ಆಯುಷ್ಮಾನ್ ಭಾರತ್* 10 ಕೋಟಿಗೂ ಅಧಿಕ ಬಡ ಕುಟುಂಬಗಳಿಗೆ ವಾರ್ಷಿಕ 5ಲಕ್ಷ ರೂಪಾಯಿವರೆಗೆ ಆರೋಗ್ಯ ವಿಮೆ * ಮೋದಿ ಸಂದೇಶದೊಂದಿಗೆ ಟ್ವೀಟ್
ನವದೆಹಲಿ(ಸೆ.23): 10 ಕೋಟಿಗೂ ಅಧಿಕ ಬಡ ಕುಟುಂಬಗಳಿಗೆ ವಾರ್ಷಿಕ 5ಲಕ್ಷ ರೂಪಾಯಿವರೆಗೆ ಆರೋಗ್ಯ ವಿಮೆ ಕಲ್ಪಿಸುವ ವಿಶ್ವದ ಅತಿದೊಡ್ಡ ಆರೋಗ್ಯ ಯೋಜನೆ, ಆಯುಷ್ಮಾನ್ ಭಾರತ್(healthcare scheme Ayushman Bharat PMJAY)ಮೂರು ವರ್ಷ ಪೂರೈಸಿದೆ. ಕೇಂದ್ರ ಸರ್ಕಾರ (MyGovIndia) ಈ ಬಗ್ಗೆ ಟ್ವೀಟ್ ಮಾಡಿದೆ.
ಆಯುಷ್ಮಾನ್ ಭಾರತದಲ್ಲಿ ಕರ್ನಾಟಕ ದೇಶಕ್ಕೇ ನಂ.1!
ಸೆಪ್ಟೆಂಬರ್ 23, 2018 ರಂದು ಆಯುಷ್ಮಾನ್ ಭಾರತ್ ಪ್ರಾರಂಭಗೊಂಡಿತ್ತು. ಇನ್ನು ಈ ಬಗ್ಗೆ ಮಾಡಲಾದ ಟ್ವಿಟ್ನಲ್ಲಿ 'ಬಡ ಕುಟುಂಬದ ಯಾವುದೇ ಸದಸ್ಯರು ಅನಾರೋಗ್ಯಕ್ಕೆ ಒಳಗಾದರೆ, ಇಡೀ ಕುಟುಂಬ ಅಸಮಾಧಾನಗೊಳ್ಳುತ್ತದೆ ಮತ್ತು ಅವರ ಆರ್ಥಿಕ ಸ್ಥಿತಿ ಕೆಟ್ಟದಾಗಿ ಪರಿಣಾಮ ಬೀರುತ್ತದೆ. ಹೀಗಿರುವಾಗ ಆಯುಷ್ಮಾನ್ ಭಾರತ್ ಆರೋಗ್ಯಕರ ಭಾರತಕ್ಕೆ ಸಮಗ್ರ ಪರಿಹಾರವಾಗಿದೆ' ಎಂದು ಪ್ರಧಾನಿ ನರೇಂದ್ರ ಮೋದಿ(arendra Modi)ಯ ಸಂದೇಶವನ್ನು ನೀಡಲಾಗಿದೆ.
ಏನಿದು ಯೋಜನೆ?
ಫೆಬ್ರವರಿ 2018 ರಲ್ಲಿ, ಕೇಂದ್ರ ಸರ್ಕಾರವು ಪ್ರತ್ಯೇಕ ಉಪ ಕೇಂದ್ರಗಳು ಮತ್ತು ಪ್ರಾಥಮಿಕ ಆರೋಗ್ಯ ಕೇಂದ್ರಗಳನ್ನು ಬದಲಿಸುವ ಮೂಲಕ 1,50,000 ಆರೋಗ್ಯ ಮತ್ತು ಕ್ಷೇಮ ಕೇಂದ್ರಗಳನ್ನು (HWC) ರಚಿಸುವುದಾಗಿ ಘೋಷಿಸಿತು. ಈ ಉಪಕ್ರಮವು ಸಮಗ್ರ ಪ್ರಾಥಮಿಕ ಆರೋಗ್ಯ ಕೇಂದ್ರ (CPHC) ಮತ್ತು ಆರೋಗ್ಯ ಸೇವೆಗಳನ್ನು ಜನರ ಮನೆಗಳಿಗೆ ತಲುಪಿಸುವ ಪ್ರಯತ್ನವಾಗಿದೆ. ಈ ಕೇಂದ್ರಗಳು ಸಾಂಕ್ರಾಮಿಕವಲ್ಲದ ರೋಗಗಳು ಸೇರಿದಂತೆ ಉಚಿತ ಅಗತ್ಯ ಔಷಧಗಳು, ರೋಗನಿರ್ಣಯ ಮತ್ತು ತಾಯಿ ಮತ್ತು ಮಕ್ಕಳ ಆರೋಗ್ಯ ಸೇವೆಗಳನ್ನು ಸಹ ಒದಗಿಸುತ್ತವೆ ಎಂದು pmjay.gov.in ನಲ್ಲಿ ಆಯುಷ್ಮಾನ್ ಭಾರತ್ ಯೋಜನೆ ಬಗ್ಗೆ ಮಾಹಿತಿ ನೀಡಲಾಗಿದೆ.
‘ಆಯುಷ್ 64’ ಕೋವಿಡ್ ಔಷಧ ಮಾರುಕಟ್ಟೆಗೆ : ಸೇವಿಸಿದ ವಾರದೊಳಗೆ ಸೋಂಕು ಶಮನ
ಭಾರತ ಸರ್ಕಾರವು 2018 ರ ಕೇಂದ್ರ ಹಣಕಾಸು ಬಜೆಟ್ನಲ್ಲಿ ಆಯುಷ್ಮಾನ್ ಭಾರತ್ ಯೋಜನೆ ಘೋಷಿಸಿತ್ತು. ದೇಶದಲ್ಲಿ ಒಂದು ಲಕ್ಷ ಆರೋಗ್ಯ ಮತ್ತು ಕ್ಷೇಮ ಕೇಂದ್ರಗಳನ್ನು ಸ್ಥಾಪಿಸುವುದು ಹಾಗೂ 10 ಕೋಟಿ ಕುಟುಂಬಗಳಿಗೆ ವಾರ್ಷಿಕ 5.00 ಲಕ್ಷ ರೂ ಆರೋಗ್ಯ ವಿಮಾ ರಕ್ಷಣೆ ಒದಗಿಸುವುದು ಈ ಯೋಜನೆಯ ಪ್ರಮುಖ ಎರಡು ಸ್ತಂಭಗಳಾಗಿವೆ
ಇನ್ನು 10.74 ಕೋಟಿಗೂ ಹೆಚ್ಚು ಬಡ ಮತ್ತು ವಂಚಿತ ಕುಟುಂಬಗಳು (ಅಥವಾ ಸುಮಾರು 50 ಕೋಟಿ ಫಲಾನುಭವಿಗಳು) ಈ ಯೋಜನೆಯಡಿ ಪ್ರಯೋಜನಗಳನ್ನು ಪಡೆಯಬಹುದು ಎಂದೂ pmjay.gov.in ನಲ್ಲಿ ಬರೆಯಲಾಗಿದೆ.
* ಈ ಯೋಜನೆಯಡಿಯಲ್ಲಿ, ವೈದ್ಯಕೀಯ ಚಿಕಿತ್ಸೆ, ಆರೋಗ್ಯ ಚಿಕಿತ್ಸೆ ಮತ್ತು ಔಷಧಗಳು 3 ದಿನಗಳ ಮೊದಲು ಮತ್ತು 15 ದಿನಗಳ ನಂತರ ಆಸ್ಪತ್ರೆಯಲ್ಲಿ ಉಚಿತವಾಗಿ ಲಭ್ಯವಿದೆ.
* ಈ ಯೋಜನೆಯಡಿ ಕುಟುಂಬದ ಗಾತ್ರ, ವಯಸ್ಸು ಅಥವಾ ಲಿಂಗಕ್ಕೆ ಯಾವುದೇ ಮಿತಿಯಿಲ್ಲ.
* ಈ ಯೋಜನೆಯಡಿ, ಮೊದಲಿನಿಂದಲೂ ಇರುವ ವಿವಿಧ ವೈದ್ಯಕೀಯ ಪರಿಸ್ಥಿತಿಗಳು ಮತ್ತು ಗಂಭೀರ ರೋಗಗಳನ್ನು ಮೊದಲ ದಿನದಿಂದಲೇ ಪರಿಗಣಿಸಲಾಗುತ್ತದೆ.
