ಶಾಲೆಯಲ್ಲಿ ಊಟ ಮಾಡ್ತಿದ್ದ ಬಾಲಕನ ಮೇಲೆ ಬಿದ್ದ 250 ವರ್ಷದ ಹಳೆಯ ಮರ!
ಚಂಡೀಗಢದ ಸೆಕ್ಟರ್ 9ರಲ್ಲಿ ಈ ದುರ್ಘಟನೆ ನಡೆದಿದೆ. ಇಲ್ಲಿನ ಖಾಸಗಿ ಶಾಲೆಯೊಂದರಲ್ಲಿ ದೊಡ್ಡ ಮರವೊಂದು ಬಿದ್ದಿದೆ. ಮರ ಬಿದ್ದ ರಭಸಕ್ಕೆ ಹಲವು ಮಕ್ಕಳು ಗಾಯಗೊಂಡಿದ್ದಾರೆ. ಎಲ್ಲರನ್ನೂ ಆಸ್ಪತ್ರೆಗೆ ದಾಖಲಿಸಲಾಗಿದೆ.
Followಚಂಡೀಗಢ (ಜುಲೈ 8): ಇಲ್ಲಿನ ಖಾಸಗಿ ಶಾಲೆಯ (Private School) ಆವರಣದಲ್ಲಿದ್ದ ಹಳೆಯ ಮರವೊಂದು ಕುಸಿದು ಬಿದ್ದಿದೆ. ಶಾಲೆಯ ಆವರಣದಲ್ಲಿದ್ದ 250 ವರ್ಷ ಹಳೆಯದಾದ ಮರ ಕುಸಿದು ಬಿದ್ದ ಪರಿಣಾಮ ಒಬ್ಬ ಬಾಲಕ ದಾರುಣ ಸಾವಿಗೀಡಾಗಿದ್ದು, 14 ಮಕ್ಕಳು ಒಬ್ಬ ಶಿಕ್ಷಕರು ಗಾಯಗೊಂಡಿದ್ದಾರೆ. ಇದರಲ್ಲಿ ಮೂವರು ಮಕ್ಕಳ ಸ್ಥಿತಿ ಗಂಭೀರವಾಗಿದೆ ಎನ್ನಲಾಗಿದೆ.
ಇದು 250 ವರ್ಷ ಹಳೆಯ ಪಾರಂಪರಿಕ ಮರವಾಗಿತ್ತು(heritage tree fell) ಎಂದು ಹೇಳಲಾಗುತ್ತಿದೆ. ಮರ ಬಿದ್ದ ರಭಸಕ್ಕೆ ಹಲವು ಮಕ್ಕಳು ಗಾಯಗೊಂಡಿದ್ದಾರೆ. ಅಪಘಾತದಲ್ಲಿ ಮಗುವೊಂದು ಪ್ರಾಣ ಕಳೆದುಕೊಂಡಿದೆ. ಗಾಯಗೊಂಡವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಸೆಕ್ಟರ್ 9 ರಲ್ಲಿರುವ ಕಾರ್ಮೆಲ್ ಕಾನ್ವೆಂಟ್ ಶಾಲೆಯಲ್ಲಿ(Carmel Convent School) ಈ ಅಪಘಾತ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಊಟದ ಸಮಯದಲ್ಲಿ ಅಪಘಾತ ಸಂಭವಿಸಿದೆ. ಆ ಸಮಯದಲ್ಲಿ ಮರದ ಬಳಿ ಅನೇಕ ಮಕ್ಕಳು ಸೇರಿದ್ದರು. ಏಕಾಏಕಿ ಮರ ಬಿದ್ದ ಪರಿಣಾಮ ಹಲವು ಮಕ್ಕಳು ಅದರ ಅಡಿಗೆ ಸಿಲುಕಿಕೊಂಡು ಕೂಗಾಡುತ್ತಿದ್ದುರ. ಗಾಯಗೊಂಡ ಮಕ್ಕಳನ್ನು GMSH-16 ಗೆ ದಾಖಲಿಸಲಾಗಿದೆ. 3 ಮಕ್ಕಳ ಸ್ಥಿತಿ ಚಿಂತಾಜನಕವಾಗಿದೆ ಎನ್ನಲಾಗಿದೆ.
ಮರ 70 ಅಡಿ ಎತ್ತರವಿತ್ತು: ಕಾರ್ಮೆಲ್ ಕಾನ್ವೆಂಟ್ ಶಾಲೆಯಲ್ಲಿ ಪಾರಂಪರಿಕ ಪೀಪಲ್ ಮರವೊಂದು ಉರುಳಿ ಬಿದ್ದಿದೆ. ಈ ಮರವು ಸುಮಾರು 250 ವರ್ಷ ಹಳೆಯದು ಮತ್ತು 70 ಅಡಿ ಎತ್ತರವಿತ್ತು. ಅದೇ ವೇಳೆ ಅಪಘಾತದ ಮಾಹಿತಿ ತಿಳಿಯುತ್ತಿದ್ದಂತೆ ಪೋಷಕರು ಕೂಡ ಶಾಲೆಗೆ ಆಗಮಿಸಿದ್ದಾರೆ. ಪೋಷಕರು ಗೇಟ್‌ನಲ್ಲಿ ಗಲಾಟೆ ಮಾಡಿದರು. ಅದೇ ಸಮಯದಲ್ಲಿ, ಶಾಲೆಯಲ್ಲಿ ಪರಿಹಾರ ಮತ್ತು ರಕ್ಷಣಾ ಕಾರ್ಯ ನಡೆಯುತ್ತಿದೆ. ಪೊಲೀಸರೊಂದಿಗೆ ಆಡಳಿತಾಧಿಕಾರಿಗಳೂ ಸ್ಥಳಕ್ಕೆ ಆಗಮಿಸಿದರು. ಬೇಸಿಗೆ ರಜೆ ಮುಗಿದು ಜುಲೈ 1ರಿಂದ ಮತ್ತೆ ಶಾಲೆಗಳು ಆರಂಭವಾಗಿದ್ದವು.
ಘಟನೆಯ ಬಗ್ಗೆ ಮಾಹಿತಿ ಪಡೆದ ಎಸ್‌ಎಸ್‌ಪಿ ಕುಲದೀಪ್ ಸಿಂಗ್ ಚಹಾಲ್ ಸೇರಿದಂತೆ ಅನೇಕ ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದರು. ಘಟನೆಯ ಕುರಿತು ಸೆಕ್ಟರ್ 3 ಪೊಲೀಸ್ ಠಾಣೆ ತನಿಖೆ ನಡೆಸುತ್ತಿದೆ. ಈ ಮರವನ್ನು ಎಲ್ಲಾ ಕಡೆಯಿಂದಲೂ ಸಿಮೆಂಟಿನಿಂದ ಮುಚ್ಚಲಾಗಿತ್ತು. ಊಟದ ಸಮಯದಲ್ಲಿ ಮಕ್ಕಳು ಹೆಚ್ಚಾಗಿ ಅದರ ಬಳಿ ಕುಳಿತುಕೊಳ್ಳುತ್ತಿದ್ದುದಲ್ಲದೆ, ಅದರ ಬಳಿಯೇ ಆಟವಾಡುತ್ತಿದ್ದರು.
ಇದನ್ನೂ ಓದಿ: Andrew Symonds: ಆಕ್ಸಿಡೆಂಟ್‌ನಲ್ಲಿ ಆಸ್ಟ್ರೇಲಿಯಾ ಮಾಜಿ ಆಲ್ರೌಂಡರ್ ಸೈಮಂಡ್ಸ್ ದುರಂತ ಸಾವು..!
ಶಾಲಾ ಆಡಳಿತ ಮಂಡಳಿ ಮುರಿದು ಬಿದ್ದಿರುವ ಮರವನ್ನು ಕತ್ತರಿಸುವ ಕಾರ್ಯದಲ್ಲಿ ತೊಡಗಿದೆ. ಘಟನೆ ಕುರಿತು ಮಾಹಿತಿ ಪಡೆದ ಮಕ್ಕಳ ಕುಟುಂಬಸ್ಥರು ಶಾಲೆಗೆ ಆಗಮಿಸಿದ್ದರು. ಗೇಟ್‌ನ ಹೊರಗೆ, ಅವರು ಶಾಲೆಗೆ ಪ್ರವೇಶಿಸಲು ಒತ್ತಾಯಿಸಿದರು. ಅದೇ ಸಮಯದಲ್ಲಿ, ಕಾನೂನು ಮತ್ತು ಸುವ್ಯವಸ್ಥೆ ಕಾಪಾಡಲು ಶಾಲೆಯ ಹೊರಗೆ ಪೊಲೀಸ್ ಪಡೆಯನ್ನು ನಿಯೋಜಿಸಲಾಯಿತು. ಆಮ್ ಆದ್ಮಿ ಪಕ್ಷದ ಚಂಡೀಗಢ ಅಧ್ಯಕ್ಷ ಪ್ರೇಮ್ ಗಾರ್ಗ್ ಕೂಡ ಈ ಸಂದರ್ಭ ಆಗಮಿಸಿದರು.
ಇದನ್ನೂ ಓದಿ: ಹಂಪ್ಸ್‌ಗಳು ಮಾಯ, ಪ್ರಧಾನಿ ಮೋದಿ ಬಂದು ಹೋದ ರಸ್ತೆ ಈಗ ಆಕ್ಸಿಡೆಂಟ್‌ ಝೋನ್!
ವಿಶೇಷವಾಗಿ ಚಂಡೀಗಢದ ಆಡಳಿತದ ಅರಣ್ಯ ಮತ್ತು ವನ್ಯಜೀವಿ ಇಲಾಖೆಯು ಈ ಮರವನ್ನು ಪಾರಂಪರಿಕ ಮರವೆಂದು ಘೋಷಿಸಿದೆ ಮತ್ತು ಅದರ ಬಗ್ಗೆ ಮಾಹಿತಿಯನ್ನು ಮರದ ಜೊತೆಗೆ ಹಾಕಲಾಗಿದೆ. ಹೀಗಿರುವಾಗ ಶಾಲೆಯಂತಹ ಜಾಗದಲ್ಲಿ ಪಾರಂಪರಿಕ ಮರವಿದ್ದರೂ ಏನು ಪ್ರಯೋಜನ ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಪರಂಪರೆಯ ಮರವು ಹಳೆಯದಾಗಿ ಮತ್ತು ಬೀಳುವ ಸಾಧ್ಯತೆಗಳಿದ್ದವು, ಇದರ ನಡುವೆಯೂ ವನ್ಯಜೀವಿ ಇಲಾಖೆ ಇದರ ಬಗ್ಗೆ ಯಾವುದೇ ಕ್ರಮ ಕೈಗೊಂಡಿಲ್ಲ. ಮಕ್ಕಳ ಪ್ರಾಣಕ್ಕಿಂತ ಅವರ ಪರಂಪರೆಯ ಮರ ಪ್ರೀತಿ ಆಡಳಿತಕ್ಕೆ ಪ್ರಿಯವಾಗಿತ್ತು. ಇಷ್ಟು ಹಳೆಯ ಮರವನ್ನು ಇಲ್ಲಿಂದ ಕಡಿಯಲು ಅಥವಾ ಅದನ್ನು ಕತ್ತರಿಸಲು ಏಕೆ ಯೋಚಿಸಲಿಲ್ಲ ಎಂದು ಪೋಷಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
