Acid Reflux: ಈ ದಿನನಿತ್ಯದ ಅಭ್ಯಾಸಗಳು ನಿಮಗೆ ಅಸಿಡಿಟಿ ತರುತ್ತಿರಬಹುದು..
ಅಸಿಡಿಟಿ ಸಮಸ್ಯೆ ನಿಮ್ಮನ್ನು ತುಂಬಾ ಭಾದಿಸುತ್ತಿದೆ ಎಂದಾದರೆ ಅದಕ್ಕೆ ನೀವು ಮಾಡುವ ದೈನಂದಿನ ತಪ್ಪುಗಳೇ ಕಾರಣ ಇರಬಹುದು. ಈ ಕೆಲವು ಅನಾರೋಗ್ಯಕರ ಅಭ್ಯಾಸಗಳನ್ನುಈಗಲೇ ನಿಲ್ಲಿಸಿ ಹಾಗೂ ಅಸಿಡಿಟಿಗೆ ಗುಡ್‌ ಬಾಯ್‌ ಹೇಳಿ.
 )
Followಮೊದಲೇ ಚಳಿಗಾಲದಲ್ಲಿ ಆರೋಗ್ಯ ಸಮಸ್ಯೆಗಳು ಹೆಚ್ಚು. ಅದರಲ್ಲಿಯೂ ಈ ಅಸಿಡಿಟಿ (Acidity) ಸಮಸ್ಯೆ ಜೊತೆಯಾದರೆ ಯಾವ ಕೆಲಸವೂ ಮುಂದೆ ಸಾಗುವುದಿಲ್ಲ. ಆದರೆ ನಿಮ್ಮ ಕೆಲವು ತಪ್ಪು ಹವ್ಯಾಸಗಳೇ ಈ ಅಸಿಡಿಟಿಗೆ ಕಾರಣ ಆಗಿರಬಹುದು ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಉದಾಹರಣೆಗೆ ಹೆಚ್ಚು ಚಹಾ ಸೇವಿಸುವುದು, ಊಟವಾದ ಕೂಡಲೇ ಮಲಗಿ ಬಿಡಿವುದು, ಹೆಚ್ಚು ಮಸಾಲೆಯುಕ್ತ ಆಹಾರ ಸೇವಿಸುವುದು ಹೀಗೆ.. ಇನ್ನೂ ಕೆಲವು ಅನಾರೋಗ್ಯಕರ ಜೀವನ ಶೈಲಿ ಅಸಿಡಿಟಿಗೆ ಆಹ್ವಾನ ನೀಡುತ್ತಿರುತ್ತದೆ.
ಈ ರೀತಿಯ ಅಭ್ಯಾಸಗಳು ಯಾವುವು ನೋಡೋಣ.
- ಜೀರ್ಣಕ್ರಿಯೆಗೆ ಕಷ್ಟವಾಗುವಂತಹ ಹೆಚ್ಚು ಮಸಾಲಯುಕ್ತ , ಉಪ್ಪಿನಾಂಶವಿರುವ, ಹುಳಿಯಾಗಿರುವ ಹಾಗೂ ಎಣ್ಣೆಯಲ್ಲಿ ಕರಿದ ಪದಾರ್ಥ ಸೇವಿಸಬಾರದು ಹಾಗೂ ಮುಖ್ಯವಾಗಿ ಫಾಸ್ಟ್ ಫುಡ್‌‌ನಿಂದ ದೂರ ಇರಬೇಕು.
- ಅತಿ ಹೆಚ್ಚು ಎನಿಸುವಷ್ಟು ಆಹಾರ ಸೇವನೆ ಮಾಡಬೇಡಿ. ಅಂದರೆ ಒಂದೇ ಬಾರಿಗೆ ಹೆಚ್ಚು ಊಟ ತಿನ್ನುವ ಬದಲು ಆಗಾಗ ಸ್ವಲ್ಪ ಪ್ರಮಾಣದ ಆಹಾರ ಸೇವನೆ ಮಾಡಿ. ಇದರಿಂದ ಜೀರ್ಣಕ್ರಿಯೆಗೆ ಸುಲಭವಾಗುತ್ತದೆ. ಹೆಚ್ಚು ಹುಳಿಯ ಅಂಶವನ್ನು ಹೊಂದಿರುವ ಹಣ್ಣುಗಳಿಂದ (Fruits) ದೂರವಿರಿ, ಖಾಲಿ ಹೊಟ್ಟೆಯಲ್ಲಿ ಕಿತ್ತಳೆಯಂತಹ ಹುಳಿಯ ಹಣ್ಣುಗಳನ್ನು ತಿನ್ನುವುದರಿಂದ ಗ್ಯಾಸ್ಟಿಕ್ ಸಮಸ್ಯೆಯ ಜೊತೆಗೆ ಹೃದಯಕ್ಕೆ ತೊಂದರೆ ಉಂಟಾಗಬಹುದು.
- ತುಂಬಾ ಸಮಯಗಳ ತನಕ ಹಸಿವನ್ನು (Hunger) ತಡೆದಿಟ್ಟುಕೊಳ್ಳಬೇಡಿ. ಇದರಿಂದ ಅಸಿಡಿಟಿ ಸಮಸ್ಯೆ ಜಾಸ್ತಿಯಾಗುತ್ತದೆ. ಹಾಗೂ ಊಟ ಮಾಡದೆ ಇರುವುದು ಕೂಡಾ ಅಸಿಡಿಟಿಗೆ ಕಾರಣವಾಗುತ್ತದೆ.
- ಹೆಚ್ಚು ಬೆಳ್ಳುಳ್ಳಿ, ಉಪ್ಪು, ಎಣ್ಣೆ ಹಾಗೂ ಮೆಣಸಿನಕಾಯಿಯಿರುವ ಆಹಾರದಿಂದ ದೂರವಿದ್ದಷ್ಟೂ ಆರೋಗ್ಯ ಚನ್ನಾಗಿರುತ್ತದೆ.
- ಇನ್ನು ಮುಖ್ಯವಾಗಿ ಏನನ್ನಾದರೂ ತಿಂದ ಕೂಡಲೇ ಮಲಗುವ ಅಭ್ಯಾಸ ಬಿಟ್ಟು ಬಿಡಿ.
- ಆದಷ್ಟರ ಮಟ್ಟಿಗೆ ಆಲ್ಕೋಹಾಲ್‌ (Alcohol), ಧೂಮಪಾನ, ಟೀ ಹಾಗೂ ಕಾಫಿಯನ್ನು ಬಹಳ ಮಿತಿಯಲ್ಲಿ ಸೇವಿಸಿ, ಸೇವನೆ ನಿಲ್ಲಿಸಿಯೇ ಬಿಟ್ಟರೆ ಇನ್ನೂ ಒಳಿತು.
Sleep Tips: ನೀವೆಷ್ಟು ಗಂಟೆ ನಿದ್ದೆ ಮಾಡಬೇಕು ಅಂದ್ರೆ..
ಎಷ್ಟೇ ಎಚ್ಚರಿಕೆ ವಹಿಸಿದರೂ ಅಸಿಡಿಟಿ ಸಮಸ್ಯೆ ಎದುರಾಗುತ್ತಿದೆ ಎಂದಾದರೆ ಮನೆಯಲ್ಲಿಯೇ ಇದಕ್ಕೆ ಮದ್ದು ತಯಾರಿಸಬಹುದು.
- ಕೊತ್ತಂಬರಿ (Coriander) ನೀರನ್ನು ಕುಡಿಯಿರಿ. ಇದನ್ನು ತಯಾರಿಸುವ ಕ್ರಮ ಹೀಗಿದೆ- ಕೊತ್ತೊಂಬರಿ ಬೀಜವನ್ನು ಪುಡಿ ಮಾಡಿ ನೀರಿನೊಂದಿಗೆ ಸೇರಿಸಿ ರಾತ್ರಿ ಇಡೀ ನೆನೆಯಲು ಇಡಬೇಕು. ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಬೇಕಿದ್ದರೆ ಸಕ್ಕರೆ ಸೇರಿಸಿಕೊಂಡು ಕುಡಿಯಿರಿ.
- ಊಟವಾದ ಮೇಲೆ ಅರ್ಧ ಚಮಚದಷ್ಟು ಸೋಂಪನ್ನು (Fennel) ತಿನ್ನಿ.
- ರಾತ್ರಿ ಮಲಗುವಾಗ ಒಣ ದ್ರಾಕ್ಷಿಯನ್ನು ನೆನೆಸಿ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ನೆನೆಸಿಟ್ಟ ನೀರನ್ನು (Water) ಕುಡಿಯಿರಿ.
- ಮಲಗುವ ಮುಂಚೆ ಹಸುವಿನ ತುಪ್ಪವನ್ನು ಬೆಚ್ಚಗಿನ ಹಾಲಿನೊಂದಿಗೆ ಮಿಶ್ರಣ ಮಾಡಿ ಕುಡಿಯಿರಿ. ಇದರಿಂದಾಗಿ ಮಲಬದ್ಧತೆ ಹಾಗೂ ನಿದ್ರಾಹೀನತೆಯ ಸಮಸ್ಯೆ ಮಾಯವಾಗುತ್ತದೆ.
Type 2 Diabetes :ವಾಕಿಂಗ್‌ ಮಾಡುವುದರಿಂದ ದೊಡ್ಡ ರಿಲೀಫ್
- ದಾಳಿಂಬೆ, ಬಾಳೆಹಣ್ಣು, ಬೇಯಿಸಿದ ಸೇಬು (Apple), ಒಣದ್ರಾಕ್ಷಿ ಹಾಗೂ ತೆಂಗಿನಕಾಯಿಯನ್ನು ಪದಾರ್ಥಗಳನ್ನು ಹೆಚ್ಚು ಸೇವಿಸುವುದರಿಂದ ಅಸಿಡಿಟಿ ಸಮಸ್ಯೆ ದೂರವಾಗುತ್ತದೆ.
- ಬೆಳಗ್ಗೆ ಹಾಗೂ ಸಂಜೆಯ ಸಮಯದಲ್ಲಿ ಅಲೋವೆರಾ (Aloe vera) ಜ್ಯೂಸ್‌ ಮಾಡಿ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.
- 15 ರಿಂದ 20 ರಷ್ಟು ನೆಲ್ಲಿಕಾಯಿಯ (Amla) ಜ್ಯೂಸ್‌ ಅನ್ನು ದಿನದಲ್ಲಿ ಎರಡು ಬಾರಿ ಸೇವಿಸಿ. ಇದನ್ನು ಪುಡಿಯ ರೂಪದಲ್ಲಿ ಬೇಕಿದ್ದರೂ ಸೇವಿಸಬಹುದು.
ಈ ಕೆಲವು ಸುಲಭ ಉಪಾಯಗಳಿಂದ ಅಸಿಡಿಟಿ ಸಮಸ್ಯೆಯನ್ನು ನಿವಾರಿಸಿಕೊಳ್ಳಿ ಹಾಗೂ ನೆಮ್ಮದಿಯಾಗಿ ಜೀವಿಸಿ.
