ನಿದ್ದೆ ಮಾಡುತ್ತಿರುವಾಗ್ಲೇ ಹಠಾತ್ ಸಾವು, ಅಪಾಯದಿಂದ ಪಾರಾಗೋದು ಹೇಗೆ ?
ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿ ಕೇಳಿ ಬರ್ತಿರೋ ವಿಷ್ಯ, ನಿದ್ರೆಯ (Sleep) ಸಮಯದಲ್ಲಿ ಹಠಾತ್ ಆಗಿ ಸಂಭವಿಸುವ ಸಾವು (Death). ಎಷ್ಟೋ ಮಂದಿ ರಾತ್ರಿ ಆರಾಮವಾಗಿ ಮಲಗಿದರೂ ಬೆಳಗ್ಗೆ (Morning) ಎದ್ದೇಳೋದೆ ಇಲ್ಲ. ನಿದ್ರೆಯಲ್ಲಾಗುವ ಈ ಹಠಾತ್ ಸಾವಿಗೆ ಕಾರಣವೇನು ತಿಳಿಯೋಣ.
ಹಿಂದೆಲ್ಲಾ ಮನುಷ್ಯರು (Human) ನೂರು ವರ್ಷದ ವರೆಗೆ ಆರೋಗ್ಯ (Health)ವಾಗಿ ಬದುಕುತ್ತಿದ್ದರು. ಆದ್ರೆ ಈಗಲೂ ಚಿಕ್ಕಂದಿನಿಂದಲೇ ಆರೋಗ್ಯ ಸಮಸ್ಯೆಗಳು ಕಾಡಲು ಶುರುಮಾಡುತ್ತವೆ. ಮೂವತ್ತು ಕಳೆಯಿತು ಅಂದ್ರೆ ಸಾಲು ಸಾಲು ರೋಗಗಳು (Disease) ದೇಹವನ್ನು ಹಿಂಡಿ ಹಿಪ್ಪೆ ಮಾಡಿ ಬಿಡುತ್ತದೆ. ಅದರಲ್ಲೂ ಇತ್ತೀಚಿಗೆ ನಿದ್ದೆಯ ಸಮಯದಲ್ಲಿ ಹಠಾತ್ ಸಾವಿನ (Death) ಪ್ರಮಾಣ ಹೆಚ್ಚಾಗ್ತಿದೆ. ಎಷ್ಟೋ ಮಂದಿ ರಾತ್ರಿ ಆರಾಮವಾಗಿ ಮಲಗಿದರೂ ಬೆಳಗ್ಗೆ ಎದ್ದೇಳೋದೆ ಇಲ್ಲ. ನಿದ್ರೆಯಲ್ಲಾಗುವ ಈ ಹಠಾತ್ ಸಾವಿಗೆ ಕಾರಣವೇನು ? ಇದನ್ನು ತಿಳಿಯಲು ನಾವೇನು ಮಾಡ್ಬೋದು ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯ.
ಹೃದಯಾಘಾತ (Heartattack) ಅಥವಾ ಪಾರ್ಶ್ವವಾಯು, ಅಪಘಾತ ಸಾವಿನ ವಿಧದಲ್ಲೇ ಅತ್ಯಂತ ಕ್ರೂರವಾಗಿದೆ. ಬದುಕಿರುವ ಪ್ರತಿಯೊಬ್ಬರಿಗೂ ಎಂದಾದರೂ ಒಂದು ದಿನ ಸಾಯಲೇಬೇಕು ಎಂದು ಗೊತ್ತಿರುತ್ತೆ. ಆದರೂ ಪ್ರತಿಯೊಬ್ಬರೂ ನೋವುರಹಿತ ಅಂತ್ಯವನ್ನು ನಿರೀಕ್ಷಿಸುತ್ತಾರೆ. ನಿದ್ರೆಯಲ್ಲಿ ಮರಣಹೊಂದುವುದು ಕೆಲವರಿಗೆ ಹಾದುಹೋಗುವ ಅತ್ಯಂತ ಶಾಂತಿಯುತ ಮಾರ್ಗಗಳಲ್ಲಿ ಒಂದಾಗಿದೆ ಎಂದು ತೋರುತ್ತದೆ ಆದರೆ ಹೆಚ್ಚಿನವರು ನಿದ್ರೆಯಲ್ಲುಂಟಾಗುವ ಸಾವಿನ ಬಗ್ಗೆ ಭಯ ಪಡುತ್ತಾರೆ. ತಜ್ಞರ ಪ್ರಕಾರ, ರಾತ್ರಿಯಲ್ಲಿ ಸಂಭವಿಸುವ ಹಠಾತ್, ಅನಿರೀಕ್ಷಿತ ಸಾವುಗಳಲ್ಲಿ 90 ಪ್ರತಿಶತವು ಹೃದಯ ಸ್ತಂಭನಕ್ಕೆ ಕಾರಣವಾಗುತ್ತದೆ.
ಯುವಜನರು ಹಾರ್ಟ್‌ ಸ್ಕ್ರೀನಿಂಗ್ ಮಾಡೋದ್ರಿಂದ ಹೃದಯಾಘಾತ ತಪ್ಪಿಸಬಹುದಾ ?
ನಿದ್ರೆಯ ಸಮಯದಲ್ಲಿ ಸಾವನ್ನು ತಡೆಯಲು ಒಂದು ಮಾರ್ಗವಿದೆಯೇ ? ತಜ್ಞರು ಸೂಚಿಸಿರುವಂತೆ ನಿದ್ರೆಯಲ್ಲಾಗುವ ಸಾವಿನ ಅಪಾಯವನ್ನು ಸೂಚಿಸುವ ಕೆಲವು ಲಕ್ಷಣಗಳು, ಅದಕ್ಕೆ ಪರಿಹಾರಗಳು ಇಲ್ಲಿವೆ.
ನಿದ್ರೆಯಲ್ಲಿ ಉಸಿರುಗಟ್ಟುವಿಕೆಯ ಅನುಭವ: ನಿದ್ದೆ ಮಾಡಿದಾಗ ಕೆಲವೊಬ್ಬರಿಗೆ ಉಸಿರುಗಟ್ಟಿದ ಅನುಭವವಾಗುತ್ತದೆ. ಇದು ಅಪಾಯಕಾರಿ ಅಂಶವಾಗಿದೆ. ಇದುಸಾವಿನ ಅಪಾಯಕ್ಕೆ (Danger) ಸಂಬಂಧಿಸಿದ ಅಪಾಯಕಾರಿ ಪರಿಸ್ಥಿತಿಗಳಲ್ಲಿ ಒಂದಾಗಿದೆ. ಈ ಸ್ಥಿತಿಯು ಹೃದಯಾಘಾತ ಅಥವಾ ಹೃದಯ ಸ್ತಂಭನದ ಅಪಾಯವನ್ನು ಹೆಚ್ಚಿಸಬಹುದು. ಈ ಸ್ಥಿತಿಯನ್ನು ಗುಣಪಡಿಸಬಹುದಾದರೂ, 90 ಪ್ರತಿಶತ ಪ್ರಕರಣಗಳು ರೋಗನಿರ್ಣಯಗೊಳ್ಳದೆ ಹೋಗುತ್ತವೆ. ದೀರ್ಘಕಾಲದ ಗೊರಕೆ ಇದರ ಮುಖ್ಯ ಲಕ್ಷಣವಾಗಿದೆ.
ಎದೆ ನೋವನ್ನು ಎಂದಿಗೂ ಕಡೆಗಣಿಸಬೇಡಿ: ಎದೆನೋವು (Chest pain) ಸಹ ಅಪಾಯಕಾರಿ ಆರೋಗ್ಯ ಸಮಸ್ಯೆಗಳಲ್ಲಿ ಒಂದಾಗಿದೆ. ಇದು ಹೃದಯಾಘಾತದ ಅಪಾಯದೊಂದಿಗೆ ನೇರವಾಗಿ ಸಂಬಂಧಿಸಿದೆ - ಎದೆಯ ಪ್ರದೇಶದಲ್ಲಿ ಒತ್ತಡ, ಬಿಗಿತ, ಹಿಸುಕಿದಂತಾಗುವುದು ಮತ್ತು ಸೌಮ್ಯ ಅಸ್ವಸ್ಥತೆಯ ಸಂವೇದನೆ ಕಂಡು ಬಂದರೆ ಅದನ್ನು ನಿರ್ಲಕ್ಷಿಸಬೇಡಿ, ಆದಷ್ಟು ಬೇಗ ವೈದ್ಯರನ್ನು ಸಂಪರ್ಕಿಸಿ.
ಸಾಕಷ್ಟು ನಿದ್ರೆ ಮಾಡಿ: ಸಾಕಷ್ಟು ನಿದ್ರೆ ಮಾಡದಿರುವುದು ಮಧುಮೇಹ (Diabetes), ಬುದ್ಧಿಮಾಂದ್ಯತೆ, ಬೊಜ್ಜು ಮತ್ತು ಹೃದಯದ ತೊಂದರೆಗಳಂತಹ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಆದ್ದರಿಂದ, ಪ್ರತಿ ರಾತ್ರಿ ಕನಿಷ್ಠ ಏಳು ಗಂಟೆಗಳ ನಿದ್ರೆ ಪಡೆಯಲು ತಜ್ಞರು ಸೂಚಿಸುತ್ತಾರೆ.
ಮಲಗಿದ್ರೂ ನಿದ್ದೆ ಬರದೆ ಒದ್ದಾಡ್ತೀರಾ, ಎಂಟೇ ನಿಮಿಷದಲ್ಲಿ ನಿದ್ದೆಗೆ ಜಾರೋ ಟ್ರಿಕ್ಸ್ ಇಲ್ಲಿದೆ
ನಿಯಮಿತ ಹೃದಯ ತಪಾಸಣೆ: ಹೃದಯದ (Heart) ಆರೋಗ್ಯದ ಮೇಲ್ವಿಚಾರಣೆಯನ್ನು ಪಡೆಯಲು ವೈದ್ಯರನ್ನು ನಿಯಮಿತವಾಗಿ ಭೇಟಿ ಮಾಡುವುದು ದೀರ್ಘಾವಧಿಯಲ್ಲಿ ರೋಗಗಳ ಅಪಾಯವನ್ನು ತಪ್ಪಿಸಲು ಉತ್ತಮ ಮಾರ್ಗಗಳಲ್ಲಿ ಒಂದಾಗಿದೆ. ಇದರೊಂದಿಗೆ, ಸಾಕಷ್ಟು ವ್ಯಾಯಾಮವನ್ನು ಮಾಡಿ. ಆರೋಗ್ಯಕರ ಆಹಾರವನ್ನು ಸೇವಿಸಿ. ಅಲ್ಕೋಹಾಲ್ ಮತ್ತು ತಂಬಾಕಿನಿಂದ ದೂರವಿಡಿ.
ಔಷಧಿಗಳ ಬಗ್ಗೆ ಜಾಗರೂಕರಾಗಿರಿ: ಖಿನ್ನತೆ-ಶಮನಕಾರಿಗಳು, ನಿದ್ರಾಜನಕಗಳು ಅಥವಾ ಹೃದಯ ಅಥವಾ ಶ್ವಾಸಕೋಶದ ಕಾಯಿಲೆಯಂತಹ ಪರಿಸ್ಥಿತಿಗಳಿಗೆ ನೋವು ಔಷಧಿಗಳನ್ನು (Medicine) ಸೇವಿಸುವ ಜನರು ತಮ್ಮ ನಿದ್ರೆಯಲ್ಲಿ ಸಾವಿನ ಅಪಾಯಕ್ಕೆ ಹೆಚ್ಚು ಒಳಗಾಗುತ್ತಾರೆ. ಆದ್ದರಿಂದ, ಅಪಾಯವನ್ನು ಕಡಿಮೆ ಮಾಡುವ ವಿಧಾನಗಳಿಗಾಗಿ ವೈದ್ಯರೊಂದಿಗೆ ಸಮಾಲೋಚನೆ ನಡೆಸಿ. ಔಷಧಿಯ ಸಮಯವನ್ನು ಬದಲಾಯಿಸಲು ಪ್ರಯತ್ನಿಸುವುದು ಅಥವಾ ಡೋಜ್ ಆಫ್ ಮಾಡುವ ಮೊದಲು ಹಗುರವಾದ ಡೋಸ್ ಅನ್ನು ಆಯ್ಕೆ ಮಾಡುವುದು.
