ಮನುಷ್ಯನ ದೇಹದಲ್ಲಿ ಹಲ್ಲುಗಳು ಬಹು ಮುಖ್ಯ ಅಂಗ. ಹಲ್ಲು ಸರಿಯಾಗಿರದಿದ್ದರೆ ಮುಖದ ಅಂದವೇ ಹದಗೆಡುತ್ತದೆ. ಹಲ್ಲಿನ ಆರೋಗ್ಯದೆಡೆಗೆ ಎಷ್ಟು ಗಮನ ಹರಿಸಿದರೂ ಸಾಲದು. ಬರೀ ಎರಡು ಬಾರಿ ಬ್ರಷ್ ಮಾಡದಿರಷ್ಟೇ ಸಾಲದು, ಹಲ್ಲಿನ ಆರೋಗ್ಯಕ್ಕಾಗಿ ಅಗತ್ಯ ಆಹಾರವನ್ನೂ ಸೇವಿಸುವುದು ಬಹುಮಖ್ಯ. ಅಷ್ಟಕ್ಕೂ ಈ ಹಲ್ಲಿನ ಆರೋಗ್ಯದ ಬಗ್ಗೆ ಪ್ರಭಾವ ಬೀರೋ ಅಂಶಗಳು ಯಾವುವು? ಆಲ್ಲದೇ ನಾವು ಮಾಡುವ ಕೆಲಸವೂ ದಂತ ಆರೋಗ್ಯದ ಬಗ್ಗೆ ಹೇಗೆ ಪರಿಣಾಮ ಬೀರುತ್ತೆ?

ವೇಯ್ಟ್ ಲಿಫ್ಟಿಂಗ್: ಸ್ವಾಭಾವಿಕವಾಗಿ ಭಾರ ಎತ್ತುವಾಗ ಹಲ್ಲುಗಳ ಮೇಲೂ ಹೆಚ್ಚಿನ ಒತ್ತಡ ಬೀರುತ್ತದೆ. ಜೊತೆಗೆ ವಸಡೂ ಸೆಳೆತವೂ ಕಾಡುತ್ತೆ. 

ಗಟ್ಟಿ ಬ್ರಶ್: ಗಟ್ಟಿಯಾದ ಬ್ರಶ್‌ನಿಂದ ಹಲ್ಲುಜ್ಜಿದರೆ ವಸಡಿನ ಮೇಲೆ ಪರಿಣಾಮ ಬೀರುತ್ತದೆ, ಜೊತೆಗೆ ಹಲ್ಲುಗಳ ಎನಾಮಲ್ ಉದುರಲು ಆರಂಭವಾಗುತ್ತದೆ. ಆದುದರಿಂದ ಫ್ಲೋರೈಡ್ ಯುಕ್ತ ಪೇಸ್ಟ್ ಬಳಸಿ.  ಹಲ್ಲುಗಳನ್ನು ದಿನದಲ್ಲಿ ಎರಡು ಬಾರಿ ಬ್ರಷ್ ಮಾಡಿ. 

ಕಾರ್ಡಿಯೋ: ಜರ್ಮನಿ ಶೋಧದ ಪ್ರಕಾರ ತುಂಬಾ ಸಮಯದವರೆಗೆ ಕಾರ್ಡಿಯೋ ವರ್ಕ್ ಔಟ್ ಮಾಡಿದರೆ ಹಲ್ಲುಗಳ ಸಮಸ್ಯೆ ಉಂಟಾಗುತ್ತದೆ. ಆದುದರಿಂದ ಎಕ್ಸರ್ ಸೈಜ್ ಮಾಡುವ ಮುನ್ನ ಬ್ರಷ್ ಮಾಡುವುದೊಳಿತು. 

ಔಷಧಿಗಳು: ಅಲರ್ಜಿ, ಹೃದಯ ಸಮಸ್ಯೆ, ಬಿಪಿ ಮೊದಲಾದ ಔಷಧ ಸೇವಿಸುವುದರಿಂದಲೂ ಬಾಯಿ ಒಣಗಲು ಆರಂಭವಾಗುತ್ತದೆ. ಇದೇನು ದೊಡ್ಡ ಸಮಸ್ಯೆ ಅಲ್ಲ ಎಂದು ಅನಿಸಬಹುದು. ಆದರೆ ಇದು ಹಲ್ಲಿನ ಮೇಲೆ ಅಡ್ಡ ಪರಿಣಾಮ ಬೀರುತ್ತದೆ. ಇದು ಹಲ್ಲು ಸವೆಯುವಂತೆ ಮಾಡುತ್ತದೆ. 

ಈ ಆಹಾರ ಸೇವನೆ ತಕ್ಷಣ ಬ್ರಷ್ ಮಾಡುವುದು: ಆಮ್ಲೀಯ ಖಾದ್ಯ ಪದಾರ್ಥಗಳಾದ ಜ್ಯೂಸ್, ಹಣ್ಣು, ಸ್ಪೋರ್ಟ್ಸ್ ಡ್ರಿಂಕ್, ರೆಡ್ ವೈನ್ ಮತ್ತು ಸೋಡಾ ಸೇವಿಸಿದ ಎನಾಮಲ್ ಸಡಿಲವಾಗುತ್ತದೆ.  ಅದಕ್ಕೆ ಈ ಪದಾರ್ಥಗಳನ್ನು ತಿಂದು, ಕುಡಿದ ನಂತರ ಬ್ರಷ್ ಮಾಡಲೇ ಬಾರದು.