40 ಆಯ್ತು, ಹೆಚ್ಚುತ್ತಿದೆ ತೂಕ, ತಲೆ ಬಿಸಿ ಬಿಡಿ ಇಲ್ಲಿದೆ ಪರಿಹಾರ
ಜನರನ್ನು ಹೆಚ್ಚಾಗಿ ಕಾಡುವ ಸಾಮಾನ್ಯ ಸಮಸ್ಯೆ ಎಂದರೆ ತೂಕದಲ್ಲಿನ ಏರಿಳಿತ. ತೂಕ ಕಡಿಮೆ ಮಾಡಿಕೊಳ್ಳಲು ಜನರು ನಾನಾ ರೀತಿಯ ಪ್ರಯತ್ನಗಳನ್ನು ಮಾಡುತ್ತಿರುತ್ತಾರೆ. 40 ವರ್ಷ ಮೇಲ್ಪಟ್ಟ ಮಹಿಳೆಯರು ಇಲ್ಲಿರುವ ಸರಳ ಟಿಪ್ಸ್ ಅನುಸರಿಸಿ ತೂಕ ನಿಯಂತ್ರಣದಲ್ಲಿ ಇಟ್ಟುಕೊಳ್ಳಿ.
Followತೂಕ ನಿರ್ವಹಣೆ (Weight Management) ಅತ್ಯಂತ ಕಷ್ಟಕರವಾದ ಕೆಲಸಗಳಲ್ಲಿ ಒಂದಾಗಿದೆ. ಪುರುಷರಾಗಲಿ ಅಥವಾ ಮಹಿಳೆಯರಾಗಲಿ, ಪ್ರತಿಯೊಬ್ಬರೂ ಒಂದು ವಯಸ್ಸಿನ ನಂತರ ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳಲು ಹೆಣಗಾಡುತ್ತಾರೆ. ತೂಕವನ್ನು ಕಡಿಮೆ ಮಾಡಲು ಹಲವಾರು ಮಾರ್ಗಗಳಿವೆ. ಆದರೂ, ನಮ್ಮೆಲ್ಲರಲ್ಲೂ ಒಂದು ಪ್ರಶ್ನೆ ಕಾಡುತ್ತದೆ, ಅದೇನೆಂದರೆ ನಾವು ಏಕೆ ತೂಕವನ್ನು ಹೆಚ್ಚಿಸಿಕೊಳ್ಳುತ್ತಿದ್ದೇವೆ, ನಾವು ಆರೋಗ್ಯಕರವಾಗಿ ತಿನ್ನುತ್ತಿದ್ದೇವೆ, ವ್ಯಾಯಾಮ ಮಾಡುತ್ತಿದ್ದೇವೆ ಮತ್ತು ಉತ್ತಮ ಜೀವನಶೈಲಿಯನ್ನು (Lifestyle)ನಡೆಸುತ್ತಿದ್ದೇವೆ ಇಷ್ಟಾದರೂ ತೂಕ ಹೆಚ್ಚಾಗಲು ಕಾರಣ ಏನಿರಬಹುದು ಎಂಬುದು .
ಈ ಸಮಸ್ಯೆಯು ಪುರುಷರಿಗಿಂತ ಮಹಿಳೆಯರಲ್ಲಿ (Women) ಹೆಚ್ಚಾಗಿ ಕಂಡುಬರುತ್ತದೆ. ಸ್ತ್ರೀ ದೇಹಗಳು ಸಂಕೀರ್ಣವಾಗಿವೆ (Complex). ಅವರು ಕಾಲಾನಂತರದಲ್ಲಿ ಹಲವಾರು ಬದಲಾವಣೆಗಳಿಗೆ ಒಳಗಾಗುತ್ತಾರೆ. ಪ್ರೌಢಾವಸ್ಥೆಗೆ ಬಂದ ನಂತರ, ಹಾರ್ಮೋನುಗಳ ಬದಲಾವಣೆಗಳು ಮತ್ತು ಮುಟ್ಟಿನಿಂದಾಗಿ ತೂಕ ಹೆಚ್ಚಾಗುವ (Gain Weight) ಸಾಧ್ಯತೆ ಇರುತ್ತದೆ ಮತ್ತು ಗರ್ಭಧಾರಣೆಯ ನಂತರ ಇತರ ಹಲವು ಅಂಶಗಳು ಪ್ರಮುಖ ಪಾತ್ರವಹಿಸುತ್ತವೆ. ನಾವು ಸುತ್ತಲೂ ನೋಡಿದರೆ, 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರು ತಮಗಿಂತ ಸಣ್ಣ ವಯಸ್ಸಿನವರ ತೂಕಕ್ಕಿಂತ ಹೆಚ್ಚು ತೂಕವನ್ನು ಹೊಂದುತ್ತಾರೆ. ಏಕೆ ಎಂದು ನೀವು ಆಶ್ಚರ್ಯಪಟ್ಟರೆ, ನಿಮ್ಮ ಪ್ರಶ್ನೆಗೆ ಕೆಲವು ತಜ್ಞರ ಉತ್ತರ ಹೀಗಿದೆ.
Health Tips : ಗರ್ಭಾವಸ್ಥೆಯಲ್ಲಿ ಬೇಕಾಬಿಟ್ಟಿ ಮಾತ್ರೆ ಸೇವನೆ ತಪ್ಪು
ಪೌಷ್ಟಿಕತಜ್ಞೆ ಅಂಜಲಿ ಮುಖರ್ಜಿ ಅವರು ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರಲ್ಲಿ ತೂಕ ಹೆಚ್ಚಾಗಲು ಕಾರಣಗಳನ್ನು ಹೈಲೈಟ್ ಮಾಡುವ ಪೋಸ್ಟ್ (Post) ಒಂದನ್ನು ಹಂಚಿಕೊಂಡಿದ್ದಾರೆ. ಅವರ ಪ್ರಕಾರ, 40 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರು ತೂಕ ಹೆಚ್ಚಾಗಲು ಮುಖ್ಯ ಕಾರಣವೆಂದರೆ ಕೆಲವು ವರ್ಷಗಳ ಹಿಂದೆ ಅವರು ಮಾಡಿದಷ್ಟು ಪರಿಣಾಮಕಾರಿಯಾಗಿ ಕ್ಯಾಲೊರಿಗಳನ್ನು ಸುಡಲು (Burn) ಅವರ ಚಯಾಪಚಯ (Metabolism) ಕ್ರಿಯೆಯು ನಿಧಾನವಾಗುತ್ತದೆ. ಅವರು ಕ್ಯಾಲೊರಿಗಳನ್ನು ಸುಡುವುದಿಲ್ಲ. ಹೀಗಾಗಿ ವ್ಯಾಯಾಮ ಮಾಡುವ ಮಹಿಳೆಯರು ಸಹ ತಮ್ಮ ಹೊಟ್ಟೆಯ ಪ್ರದೇಶದ ಸುತ್ತಲೂ ತೂಕವನ್ನು ಅನುಭವಿಸುತ್ತಾರೆ.
40 ರ ನಂತರವೂ ಆರೋಗ್ಯಕರ ತೂಕವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುವ ಅಭ್ಯಾಸಗಳ ಕುರಿತು ಕೆಲವು ಸರಳ ಮತ್ತು ಉಪಯುಕ್ತ ಸಲಹೆಗಳನ್ನು ಹಂಚಿಕೊಂಡಿದ್ದಾರೆ.
- ನೀವು ತಿಂಡಿ ತಿನ್ನಲು ಬಯಸಿದರೆ, ಬಾದಾಮಿ (Almond), ವಾಲ್‌ನಟ್ಸ್, ಕುಂಬಳಕಾಯಿ ಬೀಜಗಳು ಮತ್ತು ಸೂರ್ಯಕಾಂತಿ ಬೀಜಗಳಂತಹ ಬೀಜಗಳನ್ನು (Nuts) ಹೆಚ್ಚು ಸೇವಿಸಿ.
- ನಮ್ಮ ದೇಹವು ಸಕ್ರಿಯವಾಗಿರಲು ಮತ್ತು ಚಯಾಪಚಯವನ್ನು ಹೆಚ್ಚಿಸಲು ಸಾಕಷ್ಟು ಪ್ರೋಟೀನ್ (Protein) ಅನ್ನು ಹೊಂದಿರಬೇಕು, ಆದ್ದರಿಂದ ಪ್ರೋಟೀನ್ ಸೇವನೆಯನ್ನು ಹೆಚ್ಚಿಸಿ
- ದಿನಕ್ಕೆ ಕೇವಲ 30 ನಿಮಿಷಗಳ ಕಾಲ ವ್ಯಾಯಾಮ (Exercising) ಮಾಡುವುದರಿಂದ ನೀವು ಕಿಲೋಗಳನ್ನು ಕಳೆದುಕೊಳ್ಳಬಹುದು ಮತ್ತು ಶಕ್ತಿ ಮತ್ತು ನಮ್ಯತೆಯನ್ನು ನಿರ್ಮಿಸಬಹುದು.
- ಫೈಬರ್ (Fiber) ಸಮೃದ್ಧವಾಗಿರುವ ಆಹಾರವನ್ನು ಸೇವಿಸಿ. ನಿಮ್ಮ ಆಹಾರದಲ್ಲಿ ದಿನಕ್ಕೆ ಒಮ್ಮೆ ಅಥವಾ ಎರಡು ಬಾರಿ ಸಬ್ಜಾ ಅಥವಾ ಚಿಯಾ ಬೀಜಗಳು ಅಥವಾ ಇಸಾಬ್ಗೋಲ್ (Isabgol) ಅನ್ನು ಸೇರಿಸಿ.
ಇಂಥಾ ಆಹಾರದ ಸೇವನೆ ಬ್ರೈನ್‌ ಟ್ಯೂಮರ್‌ಗೆ ಕಾರಣವಾಗುತ್ತೆ ಎಚ್ಚರ
- ಪೌಷ್ಟಿಕಾಂಶದ ಕೊರತೆಯ ವಿರುದ್ಧ ಹೋರಾಡಲು ವಿಟಮಿನ್, ಕ್ಯಾಲ್ಸಿಯಂ (Calcium) ಮತ್ತು ಕಬ್ಬಿಣದ ಪೂರಕಗಳನ್ನು (Suppliments) ಹೊಂದಿರಿ.
- ಹೊರಗಿನ ಆಹಾರ ಸೇವನೆಗೆ ಸಾಧ್ಯವಾದಷ್ಟು ಕಡಿವಾಣ ಹಾಕಿ.
- ಪ್ರತಿದಿನ ಧಾನ್ಯಗಳು (Whole Grains), ಬೇಳೆಗಳು (Dals), ತಾಜಾ ಹಣ್ಣುಗಳು ಮತ್ತು ತಾಜಾ ತರಕಾರಿಗಳನ್ನು ಸೇವಿಸಿ
- ಕನಿಷ್ಠ 8 ಗಂಟೆಗಳ ಕಾಲ ಉತ್ತಮ ನಿದ್ರೆ ಮಾಡಿ.
ಈ ಎಲ್ಲಾ ಸಲಹೆಗಳು ನಿಮ್ಮ ದೇಹದ ತೂಕವನ್ನು ನಿಯಂತ್ರಣದಲ್ಲಿ ಇಡಲು ಸಹಾಯ ಮಾಡುತ್ತವೆ.
