ಡೆಸ್ಕ್ ಕೆಲಸದಿಂದ ಬೆನ್ನುನೋವು ಹೆಚ್ಚಾಗಿದ್ಯಾ ? Standing desk ಬಳಸಿ ನೋಡಿ
ಡೆಸ್ಕ್ ಉದ್ಯೋಗಗಳು ನಿಮಗೆ ನಿರಂತರವಾಗಿ ಬೆನ್ನು ನೋವನ್ನು ನೀಡುತ್ತಿವೆಯೇ ? ಹಾಗಿದ್ರೆ ಸ್ಟ್ಯಾಂಡಿಂಗ್ ಡೆಸ್ಕ್ ಅನ್ನು ಈಗಿನಿಂದಲೇ ಬಳಸಲು ಆರಂಭಿಸಿ. ಇದ್ರಿಂದ ಏನೆಲ್ಲಾ ಪ್ರಯೋಜನವಿದೆ ನಾವ್‌ ಹೇಳ್ತೀವಿ.
 )
Followಕೋವಿಡ್-19 ಸಾಂಕ್ರಾಮಿಕದ ನಂತರ, ನಮ್ಮ ಕುಳಿತುಕೊಳ್ಳುವ ಸಮಯವು ಗಣನೀಯವಾಗಿ ಹೆಚ್ಚಾಗಿದೆ. ಏಕೆಂದರೆ ಬಹಳಷ್ಟು ಕೆಲಸಗಳು ಆಫೀಸಿನಿಂದ ಮನೆಗಳಿಗೆ ಸ್ಥಳಾಂತರಗೊಂಡಿವೆ. ನಮ್ಮಲ್ಲಿ ಹೆಚ್ಚಿನವರು ನಮ್ಮ ಲ್ಯಾಪ್‌ಟಾಪ್‌ಗಳ ಮುಂದೆ ಇಡೀ ದಿನ ಕುಳಿತುಕೊಳ್ಳಬೇಕಾದ ಡೆಸ್ಕ್ ಉದ್ಯೋಗಗಳನ್ನು ಹೊಂದಿದ್ದಾರೆ. ಆದ್ರೆ ಇಂಥಾ ಕೆಲಸದ ಮಾದರಿಯು ಕನಿಷ್ಠ ಚಟುವಟಿಕೆಯೊಂದಿಗೆ ದೀರ್ಘ ಗಂಟೆಗಳ ಕಾಲ ಕುಳಿತುಕೊಳ್ಳುವುದನ್ನು ಒಳಗೊಳ್ಳುತ್ತದೆ. ಇದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಬೆನ್ನು ನೋವು, ಕಾಲು ನೋವು ಮೊದಲಾದ ಸಮಸ್ಯೆಗಳನ್ನು ಉಂಟು ಮಾಡಬಹುದು. ನೀವು ಸಹ ಇಂಥಾ ಸಮಸ್ಯೆಯಿಂದ ಬಳಲುತ್ತಿದ್ದರೆ ಸ್ಟ್ಯಾಡಿಂಗ್ ಡೆಸ್ಕ್ ಬಳಸಿ ನೋಡ್ಬೋದು.
ಎತ್ತರವಾಗಿರುವ ಮೇಜುಗಳನ್ನು ಈ ರೀತಿ ಕೆಲಸ (Work) ಮಾಡಲು ಬಳಸಬಹುದು. ಹೀಗೆ ನಿಂತು ಕೆಲಸ ಮಾಡುವುರಿಂದ, ಕುಳಿತುಕೊಂಡು ಕೆಲಸ ಮಾಡುವುದರಿಂದ ಉಂಟಾಗುವ ಹಲವು ಆರೋಗ್ಯ ಸಮಸ್ಯೆಗಳು (Health problem) ಕಡಿಮೆಯಾಗುತ್ತವೆ. ಸ್ಟ್ಯಾಡಿಂಗ್ ಡೆಸ್ಕ್‌ನಲ್ಲಿ ಕೆಲಸ ಮಾಡುವುದರಿಂದ ಆರೋಗ್ಯಕ್ಕೆ ಸಿಗುವ ಹಲವ ಪ್ರಯೋಜನಗಳು ಇಲ್ಲಿವೆ.
ಬೆಡ್ ಬೇಡ ಬಿಡಿ, ಬರೀ ನೆಲದಲ್ಲಿ ಮಲಗಿ ನೋಡಿ..ಎಷ್ಟೊಂದು ಆರೋಗ್ಯ ಸಮಸ್ಯೆ ಪರಿಹಾರವಾಗುತ್ತೆ
ಸ್ಟ್ಯಾಡಿಂಗ್ ಡೆಸ್ಕ್ ಬಳಸುವುದರ ಪ್ರಯೋಜನಗಳು
1. ಹೆಚ್ಚು ಕ್ಯಾಲೊರಿ ಬರ್ನ್ ಮಾಡಲು ಸಾಧ್ಯವಾಗುತ್ತದೆ: ಜರ್ನಲ್ ಆಫ್ ಫಿಸಿಕಲ್ ಆಕ್ಟಿವಿಟಿ ಅಂಡ್ ಹೆಲ್ತ್‌ನಲ್ಲಿ ಪ್ರಕಟವಾದ ಸಂಶೋಧನೆಯು ಕುಳಿತುಕೊಳ್ಳುವಾಗ, ನಾವು ಗಂಟೆಗೆ 80 ಕ್ಯಾಲೊರಿಗಳನ್ನು ಬರ್ನ್ ಮಾಡುತ್ತೇವೆ ಎಂಬುದನ್ನು ತಿಳಿಸಿದೆ. ಟೈಪಿಂಗ್ ಅಥವಾ ಟಿವಿ ನೋಡುವಾಗಲೂ ಇದು ಸಂಭವಿಸುತ್ತದೆ. ಮತ್ತೊಂದೆಡೆ, ನಿಂತಿರುವಾಗ, ಸುಟ್ಟ ಕ್ಯಾಲೊರಿಗಳ ಸಂಖ್ಯೆಯು ಸುಮಾರು 88 ಕ್ಯಾಲೊರಿಗಳು ಮತ್ತು ವಾಕಿಂಗ್ 210 ಕ್ಯಾಲೊರಿಗಳನ್ನು ಸುಡುತ್ತದೆ. ವಾಕಿಂಗ್ ಹೆಚ್ಚು ಕ್ಯಾಲೊರಿ ಸುಡಲು ಕಾರಣವಾಗುತ್ತದೆಯಾದರೂ ನಾವು ವಾಕ್ ಮಾಡುತ್ತಾ ಕೆಲಸ ಮಾಡಲು ಸಾಧ್ಯವಿಲ್ಲ. ಹೀಗಾಗಿ ಸ್ಟ್ಯಾಡಿಂಗ್ ಡೆಸ್ಕ್‌ನಲ್ಲಿ ಕೆಲಸ ಮಾಡುವುದು ಅತ್ಯುತ್ತಮ ಆಯ್ಕೆಯಾಗಿದೆ.
2. ಭುಜ ಮತ್ತು ಬೆನ್ನು ನೋವನ್ನು ಕಡಿಮೆ ಮಾಡುತ್ತದೆ: ಎಲ್ಲಾ ಡೆಸ್ಕ್ ಕೆಲಸಗಾರರು ಎದುರಿಸುವ ಸಾಮಾನ್ಯ ಸಮಸ್ಯೆಯೆಂದರೆ ಭುಜ ಮತ್ತು ಬೆನ್ನು ನೋವು. ನಾವು ಇಡೀ ದಿನ ಲ್ಯಾಪ್‌ಟಾಪ್ ಮುಂದೆ ಒಂದೇ ಭಂಗಿಯಲ್ಲಿ ಕುಳಿತುಕೊಳ್ಳುವ ಸ್ಥಿತಿ ಬೆನ್ನುನೋವಿಗೆ (Backpain) ಕಾರಣವಾಗುತ್ತದೆ. 2018ರ ಅಧ್ಯಯನದ ಪ್ರಕಾರ, ಕೆಲವು ವಾರಗಳ ಸ್ಟ್ಯಾಂಡಿಂಗ್ ಡೆಸ್ಕ್‌ಗಳ ಬಳಕೆಯ ನಂತರ, ಜನರು ತಮ್ಮ ಕೆಳ ಬೆನ್ನುನೋವಿನಲ್ಲಿ 50 ಪ್ರತಿಶತದಷ್ಟು ಇಳಿಕೆಯನ್ನು ವರದಿ ಮಾಡಿದ್ದಾರೆ. ಕುಳಿತುಕೊಳ್ಳುವ ಡೆಸ್ಕ್‌ನಲ್ಲಿ ಕೆಟ್ಟ ಭಂಗಿಯು ಈ ನೋವುಗಳಿಗೆ ಕಾರಣವಾಗುತ್ತದೆ. ಆದರೆ ಸ್ಟ್ಯಾಡಿಂಗ್ ಡೆಸ್ಕ್‌ನಲ್ಲಿ ನಾವು ನೇರವಾಗಿ ನಿಲ್ಲುತ್ತೇವೆ ಮತ್ತು ಆ ಸಮಸ್ಯೆಯು ಸ್ವಯಂಚಾಲಿತವಾಗಿ ಪರಿಹರಿಸಲ್ಪಡುತ್ತದೆ. ಆದ್ದರಿಂದ ಸ್ಟ್ಯಾಂಡಿಂಗ್ ಡೆಸ್ಕ್‌ಗಳ ಪ್ರಯೋಜನಗಳಲ್ಲಿ ಇದು ಕೂಡಾ ಒಂದು.
Back Pain Relief Tips: ಬೆನ್ನು ನೋವೇ? ಮನೆಯಲ್ಲೇ ಪರಿಹಾರ ಕಂಡುಕೊಳ್ಳಿ
3. ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ: ಊಟದ ನಂತರ ನಿಮ್ಮ ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಹೆಚ್ಚಾಗುತ್ತದೆ. ಆದರೆ ಕುಳಿತು ಕೆಲಸ ಮಾಡುವವರಿಗೆ ಹೋಲಿಸಿದರೆ ಊಟದ ನಂತರ ನಿಂತು ಕೆಲಸ ಮಾಡುವ ಕೆಲಸಗಾರರು ತಮ್ಮ ಸಾಮಾನ್ಯ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚು ವೇಗವಾಗಿ ಸಾಧಿಸುತ್ತಾರೆ ಎಂದು ಅಧ್ಯಯನಗಳು ಗಮನಿಸಿವೆ. ಊಟದ ನಂತರ ಕುಳಿತುಕೊಳ್ಳುವುದು ಮಧುಮೇಹದ (Diabetes) ಅಪಾಯವನ್ನು ಹೆಚ್ಚಿಸುತ್ತದೆ ಮತ್ತು ಆದ್ದರಿಂದ ಕೆಲಸ ಮಾಡಲು ಸ್ಟ್ಯಾಡಿಂಗ್ ಮೇಜುಗಳನ್ನು ಬಳಸಲು ಸಲಹೆ ನೀಡಲಾಗುತ್ತದೆ.
4. ಗ್ಲುಕೋಸ್ ಮಟ್ಟ ನಿಯಂತ್ರಣದಲ್ಲಿಡುತ್ತದೆ: ಸ್ಟ್ಯಾಂಡಿಂಗ್ ಡೆಸ್ಕ್‌ಗಳು ಗ್ಲೂಕೋಸ್ ಮಟ್ಟವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ. ಕುಳಿತುಕೊಳ್ಳುವುದು ನಿಮ್ಮ ಬೊಜ್ಜು, ಮಧುಮೇಹ, ಹೃದಯರಕ್ತನಾಳದ ಕಾಯಿಲೆ, ಕ್ಯಾನ್ಸರ್ (ವಿಶೇಷವಾಗಿ ಕರುಳಿನ ಅಥವಾ ಸ್ತನದ ಕ್ಯಾನ್ಸರ್) ಮತ್ತು ಅಕಾಲಿಕ ಮರಣದ ಅಪಾಯಗಳನ್ನು ಹೆಚ್ಚಿಸುತ್ತದೆ. ಆದರೆ ನಿಂತು ಕೆಲಸ ಮಾಡುವ ಡೆಸ್ಕ್‌ಗಳು ನಿಸ್ಸಂಶಯವಾಗಿ ಈ ಎಲ್ಲಾ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
