Asianet Suvarna News

ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಲು #Online ಹ್ಯಾಪಿನೆಸ್ ಕೋರ್ಸ್

ವಿಶ್ವವೇ ಎದುರಿಸುತ್ತಿರುವ ಈ ಸಂದಿಗ್ಧ ಪರಿಸ್ಥಿತಿಯಲ್ಲಿ ಪ್ರತಿಯೊಬ್ಬರೂ ತಮ್ಮ ಆರೋಗ್ಯದ ಕಡೆ ಗಮನವಿಟ್ಟುಕೊಳ್ಳಬೇಕಾದ ಅನಿವಾರ್ಯತೆ ಇದೆ. ಅದರಲ್ಲಿಯೂ ಶ್ವಾಸಕೋಶದ ಆರೋಗ್ಯದ ಕಡೆ ಅಗತ್ಯಕ್ಕಿಂತ ಹೆಚ್ಚು ನಿಗಾ ವಹಿಸಬೇಕು. ಅದಕ್ಕೆ ಸಹಕಾರಿಯಾಗುವಂತೆ ಆರ್ಟ್ ಲೀವಿಂಗ್ ಹಮ್ಮಿಕೊಳ್ಳುತ್ತಿದೆ ಆನ್‌ಲೈನ್ ಸುದರ್ಶನ ಕ್ರಿಯಾ ಕೋರ್ಸ್. ಇಲ್ಲಿದೆ ವಿವರ...

Art of Living online Happiness course Apr 30 to May3
Author
Bengaluru, First Published Apr 29, 2020, 11:42 AM IST
  • Facebook
  • Twitter
  • Whatsapp

ಇಡೀ ವಿಶ್ವವೇ ಮಹಾಮಾರಿ ಕೊರೋನಾ ಭಯದಿಂದ ಇದೆ. ಆದರೆ, ಈ ರೋಗ ಬಂದವರೆಲ್ಲ ಸಾಯುವುದಿಲ್ಲ ಎಂಬುವುದು ಎಲ್ಲರಿಗೂ ಗೊತ್ತು. ಅಲ್ಲದೇ ರೋಗ ಬಾರದ ಹಾಗೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳುವ ಅಗತ್ಯವೂ ಇದೆ. ಇದಕ್ಕೆ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ ಮನೆ ಮದ್ದುಗಳ ಜೊತೆ, ಪೋಷಕಾಂಶಯುಕ್ತ ಆಹಾರ ಸೇವನೆಯೂ ಅಗತ್ಯ. 

ಈಗಾಗಲೇ ಪ್ರಾಣಾಯಾಮ ಈ ರೋಗಕ್ಕೆ ಅತ್ಯುತ್ತಮ ಮದ್ದೆಂದು ದಿಲ್ಲಿಯಲ್ಲಿ ಗುಣಮುಖನಾದ ಮೊದಲ ರೋಗಿ ಹೇಳಿದ್ದು, ಶ್ವಾಸಕೋಶದ ಆರೋಗ್ಯದ ಮೇಲೆ ಹೆಚ್ಚು ಗಮನ ಹರಿಸುವುದು ಇಂದಿನ ಅತ್ಯಗತ್ಯ. ಈ ನಿಟ್ಟಿನಲ್ಲಿ ಸುದರ್ಶನ ಕ್ರಿಯೆ ಅತ್ಯಂತ ಉಪಯೋಗವಾಗಲಿದ್ದು, ಆರ್ಟ್ ಆಪ್ ಲೀವಿಂಗ್ ಮೇ 21, ಗುರುವಾರದಿಂದ ಮೇ 24, ಭಾನುವಾರದವರೆಗೆ ಎರಡು ಬ್ಯಾಚ್‌ಗಳಲ್ಲಿ ದಿನಕ್ಕೆ 2 ಗಂಟೆಯಂತೆ ನುರಿತ ತಜ್ಞರಿಂದ ಸುದರ್ಶನ ಕ್ರಿಯೆ ತರಬೇತಿ ನೀಡುತ್ತಿದೆ.

ಅಲ್ಲದೇ ಮನೆಯಲ್ಲಿಯೇ ಕುಳಿತಿರುವ ಮನುಷ್ಯನ ಮನಸ್ಸೂ ಸಂಕುಚಿತವಾಗುತ್ತಿದೆ. ದಾಂಪತ್ಯದಲ್ಲಿ ವಿರಸವೂ ಹೆಚ್ಚಾಗುತ್ತಿದೆ. ಈ ಲಾಕ್‌ಡೌನ್ ಅವಧಿ ಇನ್ನೂ ಕೆಲವು ದಿನ, ತಿಂಗಳ ಕಾಲ ಮುಂದುವರಿಯುವ ಸೂಚನೆ ಇದ್ದು, ಅವೆಲ್ಲವಕ್ಕೂ ಹೊಂದಿಕೊಂಡು ಮುಂದುವರಿಯುವ ಅನಿವಾರ್ಯತೆ ಇದೆ. ಒಟ್ಟಿನಲ್ಲಿ ಮಾನಸಿಕ ಹಾಗೂ ದೈಹಿಕ ಆರೋಗ್ಯದ ಕಾಳಜಿ ವಹಿಸುವುದು ಎಲ್ಲರ ಮೊದಲ ಆದ್ಯತೆಯಾಗಿದ್ದು, ಈ ನಿಟ್ಟಿನಲ್ಲಿ ಏನೆಲ್ಲಾ ಮಾಡಲು ಸಾಧ್ಯವೋ ಅವನ್ನು ಮಾಡಿದರೆ ಮಾತ್ರ ಮನುಷ್ಯನ ಮುಂದಿನ ಬದುಕು ಯಾತನೆಯಿಂದ ದೂರವಾಗಬಹುದು. ಮನಸ್ಸು ಹಾಗೂ ದೈಹಿಕ ಆರೋಗ್ಯದ ಮೇಲೆ ಪ್ರಭಾವ ಬೀರುವ ಸುದರ್ಶನ ಕ್ರಿಯೆ ಈ ಅವಧಿಯಲ್ಲಿ ಮಾಡಲೇಬೇಕಾದ ಕಾರ್ಯಗಳಲ್ಲಿ ಒಂದು ಎಂಬುವುದು ಈಗಾಗಲೇ ಹಲವರು ಮನಗೊಂಡಿದ್ದಾರೆ. 

ಕೋವಿಡ್ ಗೆಲ್ಲಲು ಪ್ರಾಣಾಯಾಮ ಬೆಸ್ಟ್ ಮದ್ದು

ಝೂಮ್ ಆ್ಯಪ್ ಸಹಾಯದಿಂದ ಈ ತರಬೇತಿ ನೀಡಲಿದ್ದು, ಈ ಆ್ಯಪ್‌ನೊಂದಿಗೆ ಇಂಟರ್ನೆಟ್ ಸೌಲಭ್ಯ ಇರುವವರು ಸುಲಭವಾಗಿ ಈ ಕೋರ್ಸ್ ಪೂರೈಸಬಹುದು. 

ಲಾಕ್‌ಡೌನ್ ಹಾಗೂ ಕೊರೋನಾ ವೈರಸ್ ಹಬ್ಬುತ್ತಿರುವ ಹಿನ್ನೆಲೆಯಲ್ಲಿ ಏಕೆ ಧ್ಯಾನ, ಪ್ರಾಣಾಯಾದ ಅಗತ್ಯವಿದೆ? 

ಕೊರೋನಾ ವೈರಸ್ ಎಂಬ ಸಾಂಕ್ರಾಮಿಕ ರೋಗ ವಿಶ್ವವ್ಯಾಪಿ ಪಸರಿಸಿದ್ದು, ಇದರಿಂದ ಹೊರ ಬರುವುದು ಜಗತ್ತಿನ ಏಕೈಕ ಗುರಿಯಾಗಿದೆ. ಈ ಸಂದರ್ಭದಲ್ಲಿ ಶ್ವಾಸಕೋಶದ ಮೇಲೆ ಪ್ರಭಾವ ಬೀರುವ ಈ ವೈರಸ್‌ನಿಂದ ಪಾರಾಗಲು ನಮ್ಮ ಶ್ವಾಸಕೋಶದ ಆರೋಗ್ಯವನ್ನು ಚೆನ್ನಾಗಿಟ್ಟುಕೊಳ್ಳಬೇಕೆಂಬುವುದು ಕಟು ಸತ್ಯ. ಈ ನಿಟ್ಟಿನಲ್ಲಿ ಆರ್ಟ್ ಆಫ್ ಲೀವಿಂಗ್‌ನ ಸುದರ್ಶನ ಕ್ರಿಯಾ ಹೆಚ್ಚು ಫಲಕಾರಿಯಾಗಿದ್ದು, ಇದನ್ನು ಕಲಿತರೆ ಮನಸ್ಸು ಹಾಗೂ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಸುಲಭವಾಗಲಿದೆ. 

ಈ ಸುದರ್ಶನ ಕ್ರಿಯೆ ಉಪಯೋಗಗಳೇನು?
- ನಮ್ಮ ಆರೋಗ್ಯವನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳುವುದು ಸದ್ಯದ ತುರ್ತು. ಅದಕ್ಕಾಗಿ ಈ ಕೋರ್ಸ್ ಸಹಕಾರಿ.
- ಆತಂಕ, ಭಯ, ಚಿಂತೆಗಳನ್ನು ದೂರ ಮಾಡಬಹುದು.
- ಸುಖವಾಗಿ ನಿದ್ರಿಸಲು. 
- ಮನಸ್ಸಿನ ಮೇಲೆ ಹಿಡಿತ ಸಾಧಿಸಿ, ಜೀವನವನ್ನು ಮತ್ತಷ್ಟು ಸುಧಾರಿಸಿಕೊಳ್ಳಲು. 
- ನಮ್ಮಲ್ಲಿರೋ ಅಗಾಧ ಶಕ್ತಿಯನ್ನು ಹೊರ ಹಾಕಲು ಈ ಕೋರ್ಸ್ ಸಹಕರಿಸುತ್ತದೆ. 

ಕೊರೋನಾ ನಿವಾರಣೆಗೆ ಯೋಗ, ಧ್ಯಾನ

ಅದೂ ಅಲ್ಲದೇ ಈ ಕ್ರಿಯೆ ಉಸಿರಾಟದ ಪ್ರಕ್ರಿಯೆ ಕಲಿಸಲಿದ್ದು, ರೋಗ ನಿರೋಧ ಶಕ್ತಿಯನ್ನೂ ಹೆಚ್ಚಿಸಿಕೊಳ್ಳುವಲ್ಲಿಯೂ ಸಹಕಾರಿಯಾಗಲಿದೆ. ಸುಮಾರು 156 ದೇಶಗಳಲ್ಲಿ ಕಳೆದ 40 ವರ್ಷಗಳಿಂದ ಈ ವಿದ್ಯೆಯ ತರಬೇತಿ ನೀಡಲಾಗುತ್ತಿದ್ದು, ಅತ್ಯುತ್ತಮ ಫಲ ನೀಡುತ್ತಿದೆ. 

ಹೆಚ್ಚಿನ ಮಾಹಿತಿಗೆ
ಅಶೋಕ್: 8861 920 769,  
ಮಾಧವಿ 9686 435 298
ಅಥವಾ 
ಮಹಾದೇವ್ ಪ್ರಸಾದ್: 9739516209
ಅವರನ್ನು ಸಂಪರ್ಕಿಸಬಹುದು.

ರಿಜಿಸ್ಟ್ರೇಷನ್‌ಗೆ ಇಲ್ಲಿ ಕ್ಲಿಕ್ಕಿಸಿ

Follow Us:
Download App:
  • android
  • ios