ಸತ್ಯ ಸೀರಿಯಲ್ನ ಈ ನಟಿ ಕಾಸರಗೋಡಿನ ಬ್ಯೂಟಿ: ಈಗ ಸಿನಿಮಾಗೆ ಎಂಟ್ರಿ
ತಮಿಳಿನ 'ಉಪ್ಪು ಪುಳಿ ಖಾರಂ' ವೆಬ್ ಸೀರಿಸ್ನಲ್ಲಿ ನಟಿಸಿದ್ದ ಆಯಿಷಾ ಈಗ ನಾಯಕಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ತಮಿಳು ಮಾತ್ರವಲ್ಲದೆ, ಮಲಯಾಳಂ ಚಿತ್ರದಲ್ಲೂ ನಾಯಕಿಯಾಗಿ ಅಭಿನಯಿಸಲಿದ್ದಾರೆ.
ಕೇರಳದ ಕಾಸರಗೋಡಿನಲ್ಲಿ ಹುಟ್ಟಿ ಬೆಳೆದವರು ನಟಿ ಆಯಿಷಾ ಜೀನತ್. ಕಾಲೇಜಿನಲ್ಲಿ ಓದುತ್ತಿದ್ದಾಗಲೇ ವಿಜಯ್ ಟಿವಿಯ "ರೆಡಿ ಸ್ಟೆಡಿ ಗೋ" ರಿಯಾಲಿಟಿ ಶೋನ ಮೊದಲ ಸೀಸನ್ನಲ್ಲಿ ಸ್ಪರ್ಧಿಯಾಗಿ ಪರಿಚಿತರಾದರು. ಬಳಿಕ ಸನ್ ಟಿವಿಯ 'ಮಾಯ' ಧಾರಾವಾಹಿಯಲ್ಲಿ ನಟಿಸಿದರು. ನಂತರ ವಿಜಯ್ ಟಿವಿಯ 'ಪೊನ್ಮಗಳ್ ವಂದಾಳ್' ಧಾರಾವಾಹಿಯಲ್ಲಿ ನಟಿಸಿದರು.
ನಾಯಕಿಯಾಗಿ ಆಯಿಷಾ; ನಾಯಕ ಯಾರು?
ಹೀಗೆ ಪ್ರತಿಯೊಂದು ಧಾರಾವಾಹಿಯಲ್ಲೂ ತಮ್ಮ ನಟನಾ ಕೌಶಲ್ಯವನ್ನು ಪ್ರದರ್ಶಿಸುತ್ತಿದ್ದ ಆಯಿಷಾ ಅವರಿಗೆ ಜೀ ತಮಿಳಿನ 'ಸತ್ಯ' ಧಾರಾವಾಹಿ ಅವರನ್ನು 'ಸತ್ಯ' ಎಂದು ಗುರುತಿಸುವಂತೆ ಮಾಡಿತು. ಈ ಧಾರಾವಾಹಿ ಮೂಲಕ ಅಭಿಮಾನಿಗಳ ಪ್ರೀತಿ ಮತ್ತು ಬೆಂಬಲವನ್ನು ಗಳಿಸಿದ ಅವರು ನಂತರ 'ರಾಜಮಗಳ್', 'ಸೆಂಬರುತ್ತಿ', 'ಸತ್ಯ ಸೀಸನ್ 2' ಹೀಗೆ ಹಲವು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ.
ಸೀರಿಯಲ್ಗಳಲ್ಲಿ ನಟಿಸಿದ್ದು ಮಾತ್ರವಲ್ಲದೇ, ಬಿಗ್ ಬಾಸ್ ತಮಿಳು ಸೀಸನ್ 6 ರಲ್ಲಿ ಭಾಗವಹಿಸುವ ಅವಕಾಶ ಆಯಿಷಾ ಅವರಿಗೆ ಸಿಕ್ಕಿತು. ಈ ಸೀಸನ್ನಲ್ಲಿ ಸುಮಾರು 62 ದಿನಗಳ ಕಾಲ ಸ್ಪರ್ಧಿಸಿ 63 ನೇ ದಿನದಂದು ಹೊರಬಂದರು. ಕಳೆದ ವರ್ಷ ಜೀ ತಮಿಳಿನ 'ಸಮಯಲ್ ಎಕ್ಸ್ಪ್ರೆಸ್' ಕಾರ್ಯಕ್ರಮವನ್ನು ಕೂಡ ಆಯಿಷಾ ನಿರೂಪಿಸಿದರು. ಸ್ಪರ್ಧಿಯಾಗಿ ಪ್ರಾರಂಭಿಸಿ, ಸಣ್ಣ ಪರದೆಯಲ್ಲಿ ತಮ್ಮದೇ ಆದ ಸ್ಥಾನವನ್ನು ಗಳಿಸಿಕೊಂಡಿದ್ದಾರೆ ಆಯಿಷಾ. ಜೀನತ್
ಹಾಟ್ಸ್ಟಾರ್ನಲ್ಲಿ ಬಿಡುಗಡೆಯಾದ 'ಉಪ್ಪು ಪುಳಿ ಖಾರಂ' ವೆಬ್ ಸೀರಿಸ್ನಲ್ಲೂ ಆಯೇಷಾ ನಟಿಸಿದ್ದಾರೆ. 'ಮೈ ಫಾದರ್ ಈಸ್ ಸ್ಟ್ರೇಂಜ್' ಎಂಬ ಕೊರಿಯನ್ ಸೀರಿಸ್ನ ತಮಿಳು ರಿಮೇಕ್ ಆಗಿ ಈ ಸೀರಿಸ್ ಬಿಡುಗಡೆಯಾಗಿ ಉತ್ತಮ ಪ್ರತಿಕ್ರಿಯೆ ಪಡೆದು ಮೊದಲ ಸೀಸನ್ ಯಶಸ್ವಿಯಾಗಿ ಮುಗಿದಿದೆ. ಈ ಸೀರಿಸ್ 128 ಕಂತುಗಳವರೆಗೆ ಪ್ರಸಾರವಾಯಿತು. ಇದರ ಜೊತೆಗೆ ಕೆಲವು ಕಿರುಚಿತ್ರಗಳಲ್ಲೂ ನಟಿಸಿದ್ದಾರೆ ಆಯೇಷಾ. 'ತಾಯಂಗ ಪಿನ್ ತಾರಂ', 'ದಿ ಪಾತ್' ಮತ್ತು 'ಮೆಡ್ರಾಸ್ ಮಲರ್' ಕಿರುಚಿತ್ರಗಳಲ್ಲಿ ನಟಿಸಿದ್ದಾರೆ. ಈಗ 'ತಾರಾ' ಎಂಬ ವೆಬ್ ಸೀರಿಸ್ನಲ್ಲೂ ನಟಿಸುತ್ತಿದ್ದಾರೆ.
ಮಲಯಾಳಂನಲ್ಲಿ 'ಡಾಕ್ಟರ್ ಬೆನ್ನೆಟ್' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿರುವ ಆಯಿಷಾ ತಮಿಳಿನಲ್ಲೂ ನಾಯಕಿಯಾಗಿ ಪಾದಾರ್ಪಣೆ ಮಾಡುತ್ತಿದ್ದಾರೆ. ಹೊಸ ನಿರ್ದೇಶಕ ಜಾಫರ್ ನಿರ್ದೇಶನದ ಹೊಸ ಚಿತ್ರದಲ್ಲಿ ನಟಿಸಲು ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ. ಈ ಚಿತ್ರದಲ್ಲಿ ದಿವಂಗತ ನಟ ರಘುವರನ್ ಅವರ ಸಹೋದರ ರಮೇಶ್ ಮತ್ತು ಪುಖಳ್ ಸೇರಿದಂತೆ ಹಲವರು ನಟಿಸುತ್ತಿದ್ದಾರೆ. 'ವಿದಾಮುಯರ್ಚಿ', 'ರಾವಣ ಕೋಟಮ್', 'ಇರುಂಬುತಿರೈ' ಚಿತ್ರಗಳಲ್ಲಿ ನಟಿಸಿರುವ ಗಣೇಶ್ ಸರವಣನ್ ಆಯಿಷಾ ಜೊತೆ ನಾಯಕನಾಗಿ ನಟಿಸುತ್ತಿದ್ದಾರೆ. 2023ರ ಫೆಬ್ರವರಿ 14 ರಂದು ಇವರು ಪ್ರಸಿದ್ಧ ಛಾಯಾಗ್ರಾಹಕ ಹರಣ್ ರೆಡ್ಡಿ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.