ದ್ವೇಷ ಮರೆತು 6 ವರ್ಷ ನಂತರ ಒಂದಾದ ಕಪಿಲ್ ಶರ್ಮಾ-ಸುನಿಲ್ ಗ್ರೋವರ್!

ಹಾಸ್ಯನಟ ಕಪಿಲ್ ಶರ್ಮಾ (Kapil Sharma)  ಮತ್ತು ಸುನಿಲ್ ಗ್ರೋವರ್ (Sunil Grover)  ನಡುವೆ 2018 ರಲ್ಲಿ ಭಾರಿ ಜಗಳವಾಗಿತ್ತು, ನಂತರ ಸುನಿಲ್ ಕಪಿಲ್ ಅವರ ಕಾರ್ಯಕ್ರಮವನ್ನು ತೊರೆದರು. ಈಗ ಜಗಳದ  6 ವರ್ಷಗಳ ನಂತರ ಇಬ್ಬರೂ ಮತ್ತೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ.

ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ಒಟ್ಟಿಗೆ ಕಾಣಿಸಿಕೊಂಡಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿದೆ. ಸದ್ಯದಲ್ಲೇ ಕಾರ್ಯಕ್ರಮವೊಂದರಲ್ಲಿ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಆದರೆ ಅವರ ಮುಂಬರುವ ಕಾರ್ಯಕ್ರಮವು ಟಿವಿಯಲ್ಲಿ ಅಲ್ಲ  ಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಇರುತ್ತದೆ, ಇದನ್ನು ತಯಾರಕರು ಸಾಮಾಜಿಕ ಮಾಧ್ಯಮದ ಮೂಲಕ ಅಧಿಕೃತವಾಗಿ ಘೋಷಿಸಿದ್ದಾರೆ.

Kapil Sharma , Sunil Grover

ವಾಸ್ತವವಾಗಿ, ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ಅವರ ಈ ಶೋ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮ್ ಆಗಲಿದೆ. ಕಾರ್ಯಕ್ರಮದ ನಿರ್ಮಾಪಕರು ಅದರ ಪ್ರೋಮೋವನ್ನು ಹಂಚಿಕೊಂಡ ತಕ್ಷಣ, ಸಾಮಾಜಿಕ ಮಾಧ್ಯಮದಲ್ಲಿ ಸಂಚಲನ ಉಂಟಾಗಿದೆ.

ಈ ಪ್ರೋಮೋ ವೀಡಿಯೋವನ್ನು ಹಂಚಿಕೊಂಡ ನಿರ್ಮಾಪಕರು ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ಮತ್ತೊಮ್ಮೆ ಮರಳುತ್ತಿದ್ದಾರೆ. ಶೀಘ್ರದಲ್ಲೇ ಅವರ ಹೊಸ ವಿಳಾಸ ನೆಟ್‌ಫ್ಲಿಕ್ಸ್ ಆಗಿರುತ್ತದೆ ಎಂದು ಹೇಳಿದ್ದಾರೆ.

ಕಪಿಲ್ ಶರ್ಮಾ ಮತ್ತು ಸುನೀಲ್‌  ವೀಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ. ಕಪಿಲ್ ನಾನು ನೆಟ್‌ಫ್ಲಿಕ್ಸ್‌ನಲ್ಲಿ ಬರುತ್ತಿದ್ದೇನೆ ಎಂದಾಗ  ಸುನೀಲ್ ನಾನು ಬರುತ್ತಿದ್ದೇನೆ  ಎಂದಾಗ, ಕಪಿಲ್ ಮತ್ತೆ ಒಟ್ಟಿಗೆ ಹೋಗೋಣ ಎನ್ನುವುದನ್ನು ಕಾಣಬಹುದು.

ನಂತರ  ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ಜೊತೆಗೆ ಕಿಕು ಶಾರದಾ, ಕೃಷ್ಣ ಅಭಿಷೇಕ್, ಅರ್ಚನಾ ಪೂರ್ಣ ಮತ್ತು ರಾಜೀವ್ ಠಾಕೂರ್ ಕೂಡ ವೀಡಿಯೋದಲ್ಲಿ ಕಾಣಿಸಿಕೊಳ್ಳುತ್ತಾರೆ.

6 ವರ್ಷಗಳ ದ್ವೇಷ ಮರೆತು  ಕಪಿಲ್ ಮತ್ತು ಸುನಿಲ್ ಈಗ ಒಂದಾಗಿದ್ದಾರೆ. ಈ ಪ್ರೋಮೋ ನೋಡಿದ ಅಭಿಮಾನಿಗಳು ಈ ಕಾರ್ಯಕ್ರಮವನ್ನು ನೋಡಲು ಉತ್ಸುಕರಾಗಿದ್ದಾರೆ. ಆದರೆ, ಪ್ರದರ್ಶನವನ್ನು ಯಾವಾಗ ಸ್ಟ್ರೀಮ್ ಮಾಡಲಾಗುತ್ತದೆ ಎಂಬುದನ್ನು ತಯಾರಕರು ಬಹಿರಂಗಪಡಿಸಿಲ್ಲ. 

2018 ರಲ್ಲಿ ಆಸ್ಟ್ರೇಲಿಯಾದಿಂದ ಬರುವಾಗ ಕಪಿಲ್ ಶರ್ಮಾ ಮತ್ತು ಸುನಿಲ್ ಗ್ರೋವರ್ ವಿಮಾನದಲ್ಲಿ ಜಗಳವಾಡಿದರು. ಆ ವೇಳೆ ಕಪಿಲ್ ತಾಳ್ಮೆ ಕಳೆದುಕೊಂಡು ಸುನಿಲ್ ಮೇಲೆ ಶೂ ಎಸೆದಿದ್ದರು ಎನ್ನಲಾಗಿದೆ.