- Home
- Entertainment
- TV Talk
- ಬಿಗ್ಬಾಸ್ನಲ್ಲಿ ಮಿಂಚಿದ ಕ್ರೀಡಾ ತಾರೆಗಳು, ಗೆದ್ದವರೆಷ್ಟು? ಕನ್ನಡದಲ್ಲಿ ಇದ್ದವರೆಷ್ಟು?
ಬಿಗ್ಬಾಸ್ನಲ್ಲಿ ಮಿಂಚಿದ ಕ್ರೀಡಾ ತಾರೆಗಳು, ಗೆದ್ದವರೆಷ್ಟು? ಕನ್ನಡದಲ್ಲಿ ಇದ್ದವರೆಷ್ಟು?
ಬಿಗ್ಬಾಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಜನಮನ ಗೆದ್ದ ಕ್ರೀಡಾಪಟುಗಳ ಸಂಕ್ಷಿಪ್ತ ಪರಿಚಯ ಇಲ್ಲಿದೆ. ಕ್ರಿಕೆಟ್, ಕುಸ್ತಿ, ರೇಸಿಂಗ್ ಸೇರಿದಂತೆ ವಿವಿಧ ಕ್ರೀಡಾ ಕ್ಷೇತ್ರಗಳ ಹಲವು ತಾರೆಗಳು ಬಿಗ್ಬಾಸ್ ಮನೆಯೊಳಗೆ ತಮ್ಮ ಛಾಪು ಮೂಡಿಸಿದ್ದಾರೆ.
ಇನ್ನೇನು ಸ್ವಲ್ಪ ದಿನಗಳು ಕಳೆದರೆ ಬಿಗ್ಬಾಸ್ ಎಲ್ಲಾ ಭಾಷೆಗಳಲ್ಲಿ ಒಂದೊಂದಾಗಿ ಆರಂಭವಾಗಲಿದೆ. ಕನ್ನಡದಲ್ಲಿ ಬಿಗ್ಬಾಸ್ ಸೀಸನ್ 12 ಆರಂಭಕ್ಕೆ ದಿನಗಣನೆ ಆರಂಭವಾಗಿದೆ. ಈ ಬಾರಿ ಕೂಡ ಕಿಚ್ಚ ಸುದೀಪ್ ಅವರೇ ಕಾಯಕ್ರಮ ನಡೆಸಿ ಕೊಡಲಿದ್ದು, ಈಗಾಗಲೇ ಒಂದು ಸುತ್ತಿನ ಪತ್ರಿಕಾಗೋಷ್ಠಿ ನಡೆದಿದೆ. ಇದೀಗ ಕನ್ನಡದ ಬಿಗ್ಬಾಸ್ ಸೇರಿ ಯಾರೆಲ್ಲ ಕ್ರಿಡಾಪಟುಗಳು ಬಿಗ್ಬಾಸ್ ನಲ್ಲಿ ಭಾಗವಹಿಸಿ ಪ್ರಶಸ್ತಿ ಗೆದ್ದಿದ್ದಾರೆಂಬುದನ್ನು ಇಲ್ಲಿ ನೀಡಲಾಗಿದೆ.
ಎಸ್ ಶ್ರೀಶಾಂತ್ ಬಿಗ್ ಬಾಸ್ 12ರಲ್ಲಿ ಭಾಗವಹಿಸಿದ್ದ ಭಾರತದ ಮಾಜಿ ಕ್ರಿಕೆಟಿಗ, ಆ ಋತುವಿನ ಅತ್ಯಂತ ಜನಪ್ರಿಯ ಸ್ಪರ್ಧಿಗಳಲ್ಲಿ ಒಬ್ಬರಾಗಿದ್ದರು. ಅವರು ಸ್ಪರ್ಧೆಯನ್ನು ರನ್ನರ್ಅಪ್ ಆಗಿ ಮುಗಿಸಿದರು ಮತ್ತು ತಮ್ಮ ಭಾವನಾತ್ಮಕ ಪ್ರತಿಕ್ರಿಯೆಗಳು ಹಾಗೂ ಕ್ರೀಡಾ ಮನೋಭಾವದಿಂದಲೇ ವೀಕ್ಷಕರ ಗಮನ ಸೆಳೆದರು.
ಮೂಲತಃ ಮೈಸೂರಿನವರಾದ ದೊಡ್ಡ ಗಣೇಶ್ ವಿಕೆಟ್ ಕೀಪರ್ ಮತ್ತು ಆರಂಭಿಕ ಬ್ಯಾಟ್ಸ್ಮನ್ ಆಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅಕ್ಟೋಬರ್ 2016 ರಲ್ಲಿ ಬಿಗ್ ಬಾಸ್ ಕನ್ನಡ 4 ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದರು ಮತ್ತು ಎರಡು ವಾರಗಳ ಕಾಲ ದೊಡ್ಡ ಮನೆಯಲ್ಲಿ ಇದ್ದರು.
ಮೂಲತಃ ಉಡುಪಿಯವರಾದ ಅರವಿಂದ್ ಕೆಪಿ ಭಾರತೀಯ ವೃತ್ತಿಪರ ಮೋಟಾರ್ ರೇಸರ್. ಸಿಎಸ್ ಸಂತೋಷ್ ನಂತರ ಡಕಾರ್ ರ್ಯಾಲಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಎರಡನೇ ಭಾರತೀಯ. ಬಿಗ್ ಬಾಸ್ ಕನ್ನಡ ಸೀಸನ್ 8ರ ರಿಯಾಲಿಟಿ ಶೋನಲ್ಲಿ ರನ್ನರ್-ಅಪ್ ಆಗಿದ್ದರು.
ಐಶ್ವರ್ಯ ಪಿಸ್ಸೆ ಕರ್ನಾಟಕದ ಭಾರತೀಯ ಮೋಟಾರ್ ಸ್ಪೋರ್ಟ್ಸ್ ಕ್ರೀಡಾಪಟು. ಅವರು ಸರ್ಕ್ಯೂಟ್ ಮತ್ತು ಆಫ್-ರೋಡ್ ಮೋಟಾರ್ ಸೈಕಲ್ ರೇಸರ್ ಆಗಿದ್ದು, ವಿಶ್ವ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಮೋಟಾರ್ ಸ್ಪೋರ್ಟ್ಸ್ ಕ್ರೀಡಾಪಟು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಬಿಗ್ ಬಾಸ್ ಕನ್ನಡ ಸೀಸನ್ 8ರಲ್ಲಿ ಭಾಗವಹಿಸಿದ್ದರು.
ದಿ ಗ್ರೇಟ್ ಖಲಿ, WWEನ ಪ್ರಸಿದ್ಧ ಕುಸ್ತಿಪಟು, ಬಿಗ್ ಬಾಸ್ 4ರಲ್ಲಿ ಭಾಗವಹಿಸಿದ್ದರು. ಅವರು ತಮ್ಮ ಭಾರೀ ದೇಹಾಕೃತಿ ಮತ್ತು ಶಾಂತ ವ್ಯಕ್ತಿತ್ವದಿಂದ ಜನಪ್ರಿಯರಾಗಿದ್ದರು. ಅವರು ಋತುವಿನ ಮೊದಲ ರನ್ನರ್ಅಪ್ ಆಗಿದ್ದರು.
ವಿಂದು ದಾರಾ ಸಿಂಗ್, ದಂತಕಥೆ ಕುಸ್ತಿಪಟು ದಾರಾ ಸಿಂಗ್ ಅವರ ಪುತ್ರ, ಬಿಗ್ ಬಾಸ್ 3ರಲ್ಲಿ ವಿಜೇತರಾಗಿ ಹೊರಹೊಮ್ಮಿದರು. ಅವರು ತಮ್ಮ ಸಂತೋಷಭರಿತ ವ್ಯಕ್ತಿತ್ವ ಮತ್ತು ಕಾರ್ಯತಂತ್ರದ ಆಟದಿಂದ ಶೋವಿನ ಸ್ಪೋಟಕ ಸ್ಪರ್ಧಿಯಾಗಿ ಗುರುತಿಸಿಕೊಂಡರು.
ಸಲೀಲ್ ಅಂಕೋಲಾ ಬಿಗ್ ಬಾಸ್ 1ರಲ್ಲಿ ಭಾಗವಹಿಸಿದ್ದರೂ, ಕ್ರಿಕೆಟ್ ಒಪ್ಪಂದಗಳಿಗೆ ಸಂಬಂಧಿಸಿದ ಕಾನೂನು ಸಮಸ್ಯೆಗಳ ಕಾರಣದಿಂದ ಅವರು ಕಾರ್ಯಕ್ರಮವನ್ನು ಮದ್ಯದಲ್ಲೇ ತೊರೆದರು. ಅವರ ವಾಸ್ತವ್ಯ ಅಲ್ಪಾವಧಿಯಷ್ಟೇ ಇತ್ತು.
ಸಂಗ್ರಾಮ್ ಸಿಂಗ್, ವೃತ್ತಿಪರ ಕುಸ್ತಿಪಟು, ಬಿಗ್ ಬಾಸ್ 7ರಲ್ಲಿ ಸ್ಪರ್ಧಿಸಿ ಫೈನಲ್ ಹಂತದ ಸ್ಪರ್ಧಿಯಾಗಿ ಗುರುತಿಸಲ್ಪಟ್ಟಿದ್ದರು. ಅವರ ಶಿಸ್ತಿನ ಜೀವನಶೈಲಿ, ಶಾಂತ ಸ್ವಭಾವ ಮತ್ತು ಸಕಾರಾತ್ಮಕ ಮನೋಭಾವಕ್ಕೆ ಶೋದಲ್ಲಿ ಭಾರೀ ಮೆಚ್ಚುಗೆ ಸಿಕ್ಕಿತ್ತು.
ನವಜೋತ್ ಸಿಂಗ್ ಸಿಧು, ಭಾರತದ ಮಾಜಿ ಕ್ರಿಕೆಟಿಗ ಮತ್ತು ಟಿವಿ ವ್ಯಕ್ತಿತ್ವ, ಬಿಗ್ ಬಾಸ್ 6ರಲ್ಲಿ ಭಾಗವಹಿಸಿದ್ದರು. ಆದರೆ ರಾಜಕೀಯ ಬದ್ಧತೆಗಳ ಕಾರಣದಿಂದ ಅವರು ಸ್ವಯಂಪ್ರೇರಣೆಯಿಂದ ಕಾರ್ಯಕ್ರಮವನ್ನು ತೊರೆದರು.
ವಿನೋದ್ ಕಾಂಬ್ಳಿ, ಮತ್ತೊಬ್ಬ ಮಾಜಿ ಕ್ರಿಕೆಟಿಗ, ಬಿಗ್ ಬಾಸ್ 3ರಲ್ಲಿ ಭಾಗವಹಿಸಿದ್ದರು. ಅವರ ವಾಸ್ತವ್ಯ ತೀರಾ ಕಡಿಮೆ ಸಮಯದವಷ್ಟೇ ಆಗಿದ್ದರೂ, ತಮ್ಮ ಸ್ನೇಹಪರ ಸ್ವಭಾವದಿಂದ ಶೋದಲ್ಲಿ ಗಮನ ಸೆಳೆದಿದ್ದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.