ಹುಟ್ಟು ಹಬ್ಬದ ಸಂಭ್ರಮದಲ್ಲಿ ಶ್ರೀರಸ್ತು ಶುಭಮಸ್ತು ನಟಿ… ಮುದ್ದಾಗಿ ವಿಶ್ ಮಾಡಿದ ಪತಿ!
ಶ್ರೀರಸ್ತು ಶುಭಮಸ್ತು ಸೀರಿಯಲ್ ನಲ್ಲಿ ಓಡಿಹೋದೋಳೆ ಅಂತಾನೆ ಜನಪ್ರಿಯತೆ ಪಡೆದಿರುವ ನಟಿ ದೀಪಾ ಕಟ್ಟೆ, ಇಂದು ಹುಟ್ಟು ಹಬ್ಬದ ಸಂಭ್ರಮದಲ್ಲಿದ್ದು, ಅವರಿಗೆ ಪತಿ ಮುದ್ದಾಗಿ ವಿಶ್ ಮಾಡಿದ್ದಾರೆ.
ಝೀ ಕನ್ನಡದಲ್ಲಿ (Zee Kannada) ಪ್ರಸಾರವಾಗುವ ಶ್ರೀರಸ್ತು ಶುಭಮಸ್ತು ಧಾರಾವಾಹಿಯಲ್ಲಿ ತುಳಸಿ ಮಗಳು ದುಡ್ಡಿಗಾಗಿ ಏನು ಬೇಕಾದರೂ ಮಾಡಲು ತಯಾರಿರುವ ಸಂಧ್ಯಾ ಪಾತ್ರದಲ್ಲಿ ನಟಿಸುತ್ತಿರುವ ನಟಿ ದೀಪಾ ಕಟ್ಟೆ ಇಂದು ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.
ಬರ್ತ್ ಡೇ ಸ್ಪೆಷಲ್ ಆಗಿ ನಟಿ ದೀಪಾ (Deepa Katte) ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಕೆಂಪು ಬಣ್ಣದ ಡ್ರೆಸ್ ತೊಟ್ಟು ಹಲವಾರು ಫೋಟೋ ಶೂಟ್ ಕೂಡ ಮಾಡಿಸಿದ್ದಾರೆ. ಫೋಟೋಗಳಲ್ಲಿ ದೀಪಾ ತುಂಬಾನೆ ಮುದ್ದಾಗಿ ಕಾಣಿಸುತ್ತಿದ್ದಾರೆ.
ಇನ್ನು ದೀಪಾ ಕಟ್ಟೆ ಹುಟ್ಟುಹಬ್ಬಕ್ಕೆ ಈ ಬಾರಿ ವಿಶೇಷವಾಗಿ ಅವರ ಪತಿ ಸೋಶಿಯಲ್ ಮೀಡಿಯಾದಲ್ಲಿ ಮುದ್ದಾಗಿ ವಿಶ್ ಮಾಡಿದ್ದಾರೆ.ಇಬ್ಬರು ಜೊತೆಯಾಗಿರುವ ಫೋಟೋ ಶೇರ್ ಮಾಡಿರುವ ಪತಿ ರಕ್ಷಿತ್ ಯಡಪಡಿತ್ತಾಯ (Rakshith Yadapadithaya) ಹ್ಯಾಪಿ ಬರ್ತ್ ಡೇ ಡಿಯರ್ ಹೆಂಡ್ತಿ ಎಂದು ಬರೆದುಕೊಂಡಿದ್ದಾರೆ.
ಸೋಶಿಯಲ್ ಮೀಡೀಯಾದಲ್ಲಿ (social media) ದೀಪಾ ಗಂಡನ ಜೊತೆ ಮದುವೆಯ, ಎಂಗೇಜ್ ಮೆಂಟ್ , ಟ್ರಾವೆಲ್ ಫೋಟೋಗಳನ್ನು ಶೇರ್ ಮಾಡುತ್ತಿರುತ್ತಾರೆ. ಅಲ್ಲದೇ ದೀಪಾ ಅವರ ಹಲವು ರೀಲ್ಸ್ ಗಳನ್ನು ಶೂಟ್ ಮಾಡಿದ್ದ ಕ್ರೆಡಿಟ್ ಕೂಡ ಗಂಡನದ್ದೇ. ಗಂಡನ ಮುದ್ದಾದ ಬರ್ತ್ ವಿಶ್ ನೋಡಿ ದೀಪಾ ಖುಷಿಯಾಗಿದ್ದಾರೆ.
ಮಲೆನಾಡಿನ ಹುಡುಗಿಯಾಗಿರುವ ದೀಪಾ ಕಟ್ಟೆ ಇದೇ ಮೇ ತಿಂಗಳಲ್ಲಿ ಐಟಿ ಉದ್ಯೋಗಿ ರಕ್ಷಿತ್ ಯಡಪಡಿತ್ತಾಯ ಅವರ ಜೊತೆ ವೈವಾಹಿಕ ಜೀವನಕ್ಕೆ (married life) ಕಾಲಿಟ್ಟಿದ್ದರು. ಮದುವೆಯ ಬಳಿಕ ಮೊದಲ ಬಾರಿಗೆ ಹುಟ್ಟುಹಬ್ಬ ಜೊತೆಯಲ್ಲಿ ಆಚರಿಸಿಕೊಳ್ಳೋ ಸಂಭ್ರಮದಲ್ಲಿದ್ದಾರೆ ದೀಪಾ.
ಶ್ರೀರಸ್ತು ಶುಭಮಸ್ತು ಸೀರಿಯಲ್ ನಲ್ಲಿ ದೀಪಾ ಅಮ್ಮ ಮತ್ತು ಕುಟುಂಬದವರನ್ನು ತನ್ನ ಅತಿಯಾಸೆ ತೀರಿಸಿಕೊಳ್ಳಲು ಮಾತ್ರ ಉಪಯೋಗಿಸುವ ಸೊಕ್ಕಿನ ಹುಡುಗಿಯಾಗಿ ನಟಿಸಿದ್ದಾರೆ. ಸೀರಿಯಲ್ ನಲ್ಲಿ ಇವರು ತಾತನಿಂದಾಗಿ ಓಡಿ ಹೋದೋಳೆ ಅಂತಾನೆ ಫೇಮಸ್. ಇವರು ನೆಗೆಟಿವ್ ರೋಲ್ ನಲ್ಲಿ (negative role)ಕಾಣಿಸಿಕೊಂಡರೂ, ಇವರ ಅಭಿನಯವನ್ನು ಜನರು ಮೆಚ್ಚಿಕೊಂಡಿದ್ದಾರೆ.
ದೀಪಾ ಕಟ್ಟೆ ವೃತ್ತಿಯಲ್ಲಿ ಇಂಜಿನಿಯರ್ ಆಗಿದ್ದು, ಈ ಹಿಂದೆ ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು, ಆದರೆ ನಟನೆಯಲ್ಲಿ ಆಸಕ್ತಿ ಇದ್ದ ಅವರು ಬಳಿಕ ಇಂಜಿನಿಯರಿಂಗ್ ವೃತ್ತಿ ತೊರೆದು ಕಿರುತೆರೆಗೆ ನಿರೂಪಕಿಯಾಗಿ ಎಂಟ್ರಿ ಕೊಟ್ಟರು.
ಇದೀಗ ‘ಶ್ರೀರಸ್ತು ಶುಭಮಸ್ತು’, ಸೀರಿಯಲ್ ನಲ್ಲಿ ನಟಿಸುತ್ತಿರುವ ದೀಪಾ ಇದಕ್ಕೂ ಮೊದಲು ಮಿಥುನ ರಾಶಿ, ಹಿಟ್ಲರ್ ಕಲ್ಯಾಣ, ಜೀವ ಹೂವಾಗಿದೆ’ ಮುಂತಾದ ಸೀರಿಯಲ್ಗಳಲ್ಲಿ ಅಭಿನಯಿಸಿದ್ದಾರೆ. ವಿಲನ್, ಸಾಧು, ನಾಯಕಿ ಹೀಗೆ ಎಲ್ಲಾ ಪಾತ್ರಕ್ಕೂ ಸೈ ಎನಿಸುವ ದೀಪಾ ಕಟ್ಟೆಯವರಿಗೆ ನಮ್ಮ ಕಡೆಯಿಂದಲೂ ಹುಟ್ಟು ಹಬ್ಬದ ಶುಭಾಶಯಗಳು