'ನನ್ನರಸಿ ರಾಧೆ' ಧಾರಾವಾಹಿಯಲ್ಲಿ ವಿಜಯ್ ಕಾಶಿ ಪತ್ನಿ ವೈಜಯಂತಿ; ಸಾಧನೆ ಪಟ್ಟಿ ತುಂಬಾ ದೊಡ್ಡದು!
ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನನ್ನರಸಿ ರಾಧೆ' ಇತ್ತೀಚಿನ ಎಪಿಸೋಡ್‌ಗಳು ವೀಕ್ಷಕರ ಗಮನ ಸೆಳೆಯುತ್ತಿವೆ. ಸಂತೋಷ್ ಸಹೋದರಿಯಾಗಿ, ಅಗಸ್ತ್ಯ ಅತ್ತೆಯಾಗಿ, ಇಂಚರಾ ಮುದ್ದಿನ ಸುಧಾ ಅಮ್ಮ ಯಾರು ಗೊತ್ತಾ?
ಸುಧಾ ಅಮ್ಮ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಖ್ಯಾತ ಕುಚುಪುಡಿ ನೃತ್ಯಗಾರ್ತಿ ವೈಜಯಂತಿ ಕಾಶಿ.
ಕನ್ನಡ ಚಿತ್ರರಂಗದ ಹಿರಿಯ ನಟ ವಿಜಯ್ ಕಾಶಿ ಪತ್ನಿಯೇ ವೈಜಯಂತಿ ಕಾಶಿ.
ಕುಚುಪುಡಿ ನೃತ್ಯಗಾರ್ತಿಯಾಗಿರುವ ವೈಜಯಂತಿ ಅನೇಕ ಕನ್ನಡ ಸಿನಿಮಾಗಳಲ್ಲಿಯೂ ಅಭಿನಯಿಸಿದ್ದಾರೆ.
ಕರ್ನಾಟಕ ಸಂಗೀತ ನೃತ್ಯ ಅಕಾಡಮಿ ಅಧ್ಯಕ್ಷೆಯಾಗಿರುವ ವೈಜಯಂತಿ, ತಮ್ಮದೇ ನೃತ್ಯ ಶಾಲೆಯನ್ನೂ ನಡೆಸುತ್ತಿದ್ದಾರೆ. 'ಶಾಂಭವಿ ಸ್ಕೂಲ್‌ ಆಫ್‌ ಡ್ಯಾನ್ಸ್‌'ನಲ್ಲಿ ಕುಚುಪುಡಿ ಹೇಳಿಕೊಡುತ್ತಿದ್ದಾರೆ.
6ನೇ ವಯಸ್ಸಿಗೆ ನೃತ್ಯ ಅಭ್ಯಾಸ ಆರಂಭಿಸಿದ ವೈಜಯಂತಿ, ಟಿಎಸ್‌ ನಾಗಾಭರಣ ಅಭಿನಯ ಶಾಲೆಗೆ ಸೇರುವ ಮೂಲಕ ರಂಗಭೂಮಿಗೆ ಪಾದಾರ್ಪಣೆ ಮಾಡಿದರು.
ವಿದ್ಯಾಭ್ಯಾಸದ ನಂತರ ವೈಜಯಂತಿ ಬ್ಯಾಂಕ್‌ವೊಂದರಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದುರ. ಅದನ್ನು ಬಿಟ್ಟು ನೃತ್ಯ ಕ್ಷೇತ್ರದಲ್ಲಿಯೇ ತಮ್ಮನ್ನು ತೊಡಗಿಸಿಕೊಂಡರು.
ವೈಜಯಂತಿ ಹಾಗೂ ವಿಜಯ್ ಕಾಶಿ ಪುತ್ರಿ ಪ್ರತೀಕ್ಷಾ ಕಾಶಿ ಕೂಡ ಕುಚುಪುಡಿ ಡ್ಯಾನ್ಸರ್.
