ಗಂಡನ ಮೇಲೆ ಚಪ್ಪಲಿ ಎಸೆದ ಅಂಕಿತಾ, ಇತ್ತ ಆದಿಲ್ ದುರಾನಿ ಜೊತೆ ರಾಖಿ ಸಾವಂತ್ ಬಿಗ್ ಬಾಸ್‌ ಮನೆಗೆ!?

ಬಿಗ್ ಬಾಸ್ 17(Big Boss 17)  ಬಹು ಎಲಿಮಿನೇಷನ್‌ಗಳು ಮತ್ತು ಹೊಸ ವೈಲ್ಡ್ ಕಾರ್ಡ್ ಪ್ರವೇಶಗಳೊಂದಿಗೆ ತೀವ್ರವಾದ ನಾಟಕಕ್ಕೆ ಸಿದ್ಧವಾಗಿದೆ. ಹಿಂದಿನ ವಿವಾದಗಳಿಗೆ ಹೆಸರುವಾಸಿಯಾಗಿರುವ ರಾಖಿ ಸಾವಂತ್ (Rakhi Sawant), ವಿಚ್ಛೇದಿತ ಪತಿ ಆದಿಲ್ ಖಾನ್ ದುರಾನಿಯೊಂದಿಗೆ (Adil Khan Durrani) ಮತ್ತೆ ಬಿಗ್‌ ಬಾಸ್‌ ಮನೆ ಪ್ರವೇಶಿಸಬಹುದು ಎಂದು ವರದಿಗಳು ಹೇಳುತ್ತಿವೆ. 

ಜನಪ್ರಿಯ ರಿಯಾಲಿಟಿ ಶೋ ಬಿಗ್ ಬಾಸ್ 17  ಅನೇಕ ಎಲಿಮಿನೇಷನ್‌ಗಳು ಮತ್ತು ಹೊಸ ವೈಲ್ಡ್ ಕಾರ್ಡ್ ಸ್ಪರ್ಧಿಗಳ (Wild Card Contestants) ಪ್ರವೇಶದೊಂದಿಗೆ ನಾಟಕೀಯ ತಿರುವು ಪಡೆಯಲು ಸಿದ್ಧವಾಗಿದೆ. 

ಪ್ರಸ್ತುತ ಪಟ್ಟಿಯಲ್ಲಿ ಅಂಕಿತಾ ಲೋಖಂಡೆ, ವಿಕ್ಕಿ ಜೈನ್, ಐಶ್ವರ್ಯ ಶರ್ಮಾ, ನೀಲ್ ಭಟ್, ಇಶಾ ಮಾಳವಿಯಾ, ಅಭಿಷೇಕ್ ಕುಮಾರ್, ಸನ್ನಿ ಆರ್ಯ, ಅನುರಾಗ್ ಧೋಬಾಲ್, ಜಿಗ್ನಾ ವೋರಾ, ಮುನಾವರ್ ಫರುಕಿ, ಫಿರೋಜಾ ಖಾನ್, ಮನ್ನಾರಾ ಚೋಪ್ರಾ, ನವಿದ್ ಸೋಲೆ, ರಿಂಕು ಧವನ್, ಅರುಣ್ ಶ್ರೀಕಾಂತ್, ಅರುಣ್ ಶ್ರೀಕಾಂತ್ ಇದ್ದಾರೆ.

ಕಾರ್ಯಕ್ರಮದ ಮೆರಗನ್ನು ಮತ್ತಷ್ಟು ಹೆಚ್ಚಿಸಲು ಎರಡನೇ ವಾರದಲ್ಲಿ ಮನಸ್ವಿ ಮತ್ತು ಸಮರ್ಥ್ ವೈಲ್ಡ್ ಕಾರ್ಡ್ ಪ್ರವೇಶ ಮಾಡಿ  ಬಿಗ್‌ಬಾಸ್‌ ಮನೆಗೆ ಹೊಸ ಮನೋರಂಜನೆ ಹೆಚ್ಚಿಸಿದರು.

ಸ್ಪರ್ಧೆಯನ್ನು ಇನ್ನಷ್ಟು ತೀವ್ರಗೊಳಿಸಲು, ಹೊಸ ವೈಲ್ಡ್ ಕಾರ್ಡ್ ಸ್ಪರ್ಧಿಗಳ ಪ್ರವೇಶವನ್ನು ಪರಿಗಣಿಸುತ್ತಿದ್ದಾರೆ. ಈ ಹೆಸರುಗಳಲ್ಲಿ ಅತ್ಯಂತ ಗಮನಾರ್ಹವಾದದ್ದು ರಾಖಿ ಸಾವಂತ್. ಬಿಗ್ ಬಾಸ್‌ನಲ್ಲಿ ಪರಿಚಿತ ಮುಖ. ಈ ಹಿಂದೆ 1, 14 ಮತ್ತು 15ರ ಸೀಸನ್‌ಗಳಲ್ಲಿ ಭಾಗವಹಿಸಿದ ರಾಖಿ  ಆಟದಲ್ಲಿ ಅನುಭವ ಇರೋರು.

ವಿಶೇಷವಾಗಿ ತನ್ನ ವಿವಾದಾತ್ಮಕ ಮದುವೆಗಳಿಗಾಗಿ. ರಾಖಿ ಸಾವಂತ್ ನಿರಂತರವಾಗಿ ಪ್ರಚಾರದಲ್ಲಿದ್ದಾರೆ,  ಸೀಸನ್ 14 ರಲ್ಲಿ, ಅವಳು ರಿತೇಶ್ ಜೊತೆಗಿನ ತಮ್ಮ ರಹಸ್ಯ ವಿವಾಹವನ್ನು ಬಹಿರಂಗಪಡಿಸಿದರು ಮತ್ತು ನಂತರ ಅವರನ್ನು ಪ್ರದರ್ಶನಕ್ಕೆ ಕರೆ ತಂದರು. ಆದರೆ ಶೋ ನಂತರ ರಿತೇಶ್ ಈಗಾಗಲೇ ಮದುವೆಯಾಗಿದ್ದು, ರಾಖಿಯನ್ನು ಅವರಿಂದ ಬೇರೆಯಾಗಲು  ಕಾರಣವಾಯಿತು ಎಂದು ಬಹಿರಂಗವಾಯಿತು.

ನಂತರ  ರಾಖಿ ಸಾವಂತ್‌ ಆದಿಲ್ ಖಾನ್ ದುರಾನಿಯೊಂದಿಗೆ ಸಂಬಂಧ ಹೊಂದಿದ್ದರು ಮತ್ತು  ರಹಸ್ಯವಾಗಿ ಮದುವೆಯಾದರು. ಆದರೆ  ನಂತರ ಆದಿಲ್ ಮೋಸ ಮತ್ತು ಆರ್ಥಿಕ ದುರುಪಯೋಗ ಮಾಡಿದ್ದಾರೆ ಎಂದು ರಾಖಿ ಆರೋಪ ಮಾಡಿದರು.

ಈಗ ಆಶ್ಚರ್ಯಕರ ಟ್ವಿಸ್ಟ್‌ನಲ್ಲಿ, ಆದಿಲ್ ಖಾನ್ ದುರಾನಿ ಕೂಡ ರಾಖಿ ಸಾವಂತ್ ಜೊತೆಗೆ ವೈಲ್ಡ್ ಕಾರ್ಡ್ ಆಗಿ ಬಿಗ್ ಬಾಸ್ 17 ಗೆ ಪ್ರವೇಶಿಸಬಹುದು ಎಂದು ವರದಿಗಳು ಸೂಚಿಸುತ್ತವೆ. ಇಬ್ಬರ ನಡುವೆ ನಡೆಯುತ್ತಿರುವ ಪರಸ್ಟರ ಆರೋಪಗಳು  ಗಮನ ಸೆಳೆಯುತ್ತಲೇ ಇದೆ.

ಆದಿಲ್ ರಾಖಿಯ ವಿರುದ್ಧ ಗಂಭೀರವಾದ ಆರೋಪಗಳನ್ನು ಮಾಡುವುದರೊಂದಿಗೆ, ಆಕೆಯ ತಾಯಿಯ ಆರೋಗ್ಯದ ಸೋಗಿನಲ್ಲಿ ಹಣವನ್ನು ಸುಲಿಗೆ ಮಾಡಿದ್ದಾರೆ ಎಂದೂ ಸೇರಿಸಿದ್ದಾರೆ.

ರಾಖಿ ಮತ್ತು ಆದಿಲ್ ಅವರಲ್ಲದೆ, ವೈಲ್ಡ್ ಕಾರ್ಡ್ ಪ್ರವೇಶಿಸುವ ಸಂಭಾವ್ಯರ ಪಟ್ಟಿಯಲ್ಲಿ ತಸ್ನಿಮ್ ನೆರೂರ್ಕರ್, ಪೂನಂ ಪಾಂಡೆ, ಫ್ಲೋರಾ ಸೈನಿ, ಭವಿನ್ ಭಾನುಶಾಲಿ, ಅಧ್ಯಾಯನ್ ಸುಮನ್ ಮತ್ತು ಜಹನಾರಾ ಆಲಂ ಸೇರಿದ್ದಾರೆ.