Bigg Boss 13 ಕುರಿತು ಬಿಗ್​ ಅಪ್​ಡೇಟ್​: ವಿಡಿಯೋದಲ್ಲಿ ಕಿಚ್ಚ ಹೇಳಿದ್ದೇನು? ಇಲ್ಲಿದೆ ಒಂದು ರೋಚಕ ಟ್ವಿಸ್ಟ್​

ಬಿಗ್​ಬಾಸ್​ 13ನೇ ಸೀಸನ್​ಗಾಗಿ ವೀಕ್ಷಕರು ಕಾತರದಿಂದ ಕಾಯುತ್ತಿದ್ದು, ಕಿಚ್ಚ ಸುದೀಪ್ ಅವರೇ ನಿರೂಪಣೆ ಮಾಡುವುದು ಖಚಿತವಾಗಿದೆ. ಈ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ಸೀಸನ್ 13ರ ದಿನಾಂಕ ಘೋಷಿಸುವ ವಿಡಿಯೋ ವೈರಲ್ ಆಗಿದ್ದು, ಅದು ವೀಕ್ಷಣೆಗಾಗಿ ಎಐ ಬಳಸಿ ಸೃಷ್ಟಿಸಿದ ನಕಲಿ ವಿಡಿಯೋ ಎಂಬುದು ಬಯಲಾಗಿದೆ.

Image Credit : bbkseason13 Instagram

Bigg Boss 13ಗೆ ಕಾತರ

ಬಿಗ್​ಬಾಸ್​ ಎಂದರೆ ಬಾಯ್ಬಿಟ್ಟು ನೋಡುವ ಲಕ್ಷಾಂತರ ವೀಕ್ಷಕರಿದ್ದಾರೆ. ಇಲ್ಲಿ ನಡೆಯುವ ಜಗಳ, ಕಾಂಟ್ರವರ್ಸಿ, ಲವ್​ಸ್ಟೋರಿ... ಹೀಗೆ ಎಲ್ಲವನ್ನೂ ನೋಡಲು ತುದಿಗಾಲಿನಲ್ಲಿ ನಿಲ್ಲುವ ವೀಕ್ಷಕರು ಹಲವರು. ಇದಾಗಲೇ 12 ಸೀಸನ್​ಗಳನ್ನು ಮುಗಿಸಿರುವ ಬಿಗ್​ಬಾಸ್​ನಲ್ಲಿ 13ನೇ ಸೀಸನ್​ ಯಾವಾಗ ಶುರುವಾಗುತ್ತದೆ ಎಂದು ಹಲವರು ಕಾತರದಿಂದ ಕಾಯುತ್ತಿದ್ದಾರೆ.

Image Credit : bbkseason13 Instagram

ನಾಲ್ಕು ಸೀಸನ್​ಗಳಲ್ಲಿ ಸುದೀಪ್​

11ನೇ ಸೀಸನ್​ ಬಳಿಕ ಮುಂದಿನ ಸೀಸನ್​ನಿಂದ ತಾವು ಕಾಣಿಸಿಕೊಳ್ಳುವುದಿಲ್ಲ ಎಂದು ಶಾಕ್​ ಕೊಟ್ಟ ಕಿಚ್ಚ ಸುದೀಪ್​, ಕೊನೆಗೆ ಒಂದಲ್ಲ, ನಾಲ್ಕು ಸೀಸನ್​ಗಳನ್ನು ಒಪ್ಪಿಕೊಂಡಿದ್ದಾರೆ. ತಾವು ಮುಂದೆ ಕಾಣಿಸಿಕೊಳ್ಳುವುದಿಲ್ಲ ಎನ್ನುವುದಕ್ಕೂ ತಮ್ಮದೇ ಆದ ಕಾರಣ ಕೊಟ್ಟು, ಕೊನೆಗೆ ತಾವು ಯಾಕೆ ಕಾಣಿಸಿಕೊಳ್ಳುತ್ತಿದ್ದೇವೆ ಎನ್ನುವುದಕ್ಕೂ ಕಾರಣ ಕೊಟ್ಟಿದ್ದಾರೆ. ಇದರಿಂದಾಗಿ ಕಿಚ್ಚ ಸುದೀಪ್​ (Kichcha Sudeep) 13ನೇ ಸೀಸನ್​ ಅನ್ನು ನಡೆಸಿಕೊಡುವುದು ಕನ್​ಫರ್ಮ್​ ಆಗಿದೆ.

Image Credit : bbkseason13 Instagram

13ನೇ ಸೀಸನ್​

ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ 13ನೇ ಸೀಸನ್​ ಎನ್ನುವ ವಿಡಿಯೋ ವೈರಲ್​ ಆಗಿದೆ. ಇದರಲ್ಲಿ 143 ದಿನ ಕಾದರೆ ಬಿಗ್​ಬಾಸ್​ 13 ನೇ ಸೀಸನ್​ ಶುರುವಾಗುತ್ತದೆ ಎಂದು ಇದೆ. bbkseason 13 ಎನ್ನುವ ಇನ್ಸ್ಟಾಗ್ರಾಮ್​ನಲ್ಲಿ ಇದನ್ನು ಶೇರ್​ ಮಾಡಲಾಗಿದೆ.

Image Credit : bbkseason13 Instagram

ಹೊಸ ಕಂಟೆಸ್ಟೆಂಟ್​, ಹೊಸ ಆಟಗಳು

ಈ ವಿಡಿಯೋದಲ್ಲಿ ಕಿಚ್ಚ ಸುದೀಪ್​ ಅವರು ಬಂದು ಹೊಸ ಕಂಟೆಸ್ಟೆಂಟ್​, ಹೊಸ ಆಟಗಳು ಎಂದಿದ್ದಾರೆ. ಈ ಮನೆಯಲ್ಲಿಯೂ ಕಿಚ್ಚು ಇರುತ್ತದೆ, ಹುಚ್ಚು ಇರುತ್ತದೆ. ಮನಸ್ಸಿನಲ್ಲಿಯೇ ಮಡಗಿರುವ ರೊಚ್ಚು ಇರುತ್ತದೆ ಎಂದಿದ್ದಾರೆ.

Image Credit : bbkseason13 Instagram

ವಿಡಿಯೋದ ಅಸಲಿಯತ್ತೇನು?

ಅಸಲಿಗೆ ಇದು ಅಸಲಿ ವಿಡಿಯೋ ಕಂಡ ಹಾಗೆಯೇ ಕಾಣಿಸುತ್ತದೆ. ಅಷ್ಟಕ್ಕೂ ಇದು ಎಐ ಯುಗ. ಎಐನಲ್ಲಿ ಇದನ್ನು ಕ್ರಿಯೇಟ್​ ಮಾಡಲಾಗಿದೆ. ಸೀಸನ್​ 13 ಅನ್ನು ಜನರು ಕಾತರದಿಂದ ಕಾಯುತ್ತಿದ್ದಾರೆ ಎನ್ನುವ ಕಾರಣಕ್ಕೆ ಅದನ್ನೇ ಬಂಡವಾಳ ಮಾಡಿಕೊಂಡು ಹೆಚ್ಚು ಹೆಚ್ಚು ವ್ಯೂವ್ಸ್​ ತರುವುದಕ್ಕಾಗಿ ಹೊಸ ಪ್ರೊಫೈಲ್​ ಕ್ರಿಯೇಟ್​ ಮಾಡಲಾಗಿದೆ. ಚಾನೆಲ್​ ಹೆಸರನ್ನು ಕಲರ್ಸ್​ ಸೂಪರ್​ ಎಂದು ಮಾಡಲಾಗಿದೆ!

Image Credit : bbkseason13 Instagram

ಕಮೆಂಟ್​ ಸೆಕ್ಷನ್​ ಆಫ್​

ಇದೇ ಕಾರಣಕ್ಕೆ ಜನರು ಬೈಯುತ್ತಾರೆಂದು ಕಮೆಂಟ್​ ಸೆಕ್ಷನ್​ ಕೂಡ ಆಫ್​ ಮಾಡಲಾಗಿದೆ. ಒಟ್ಟಿನಲ್ಲಿ ಬಿಗ್​ಬಾಸ್​ ಎನ್ನುವ ಹುಚ್ಚು, ಜನರನ್ನು ಎಷ್ಟು ಮರಳು ಮಾಡುತ್ತಿದೆಯೋ, ಈ ವಿಡಿಯೋ ಅನ್ನು ಕೂಡ ನಿಜ ಎಂದು ನಂಬಿ ಮರುಳು ಆಗುತ್ತಿದ್ದಾರೆ ಹಲವರು.