ಪಾತ್ರಗಳ ಆಯ್ಕೆ, ಡ್ರೆಸ್ಸಿಂಗ್ ಬಗ್ಗೆ ತುಂಬಾನೆ ಚೂಸಿ ಅಂಕಿತಾ ಅಮರ್…ಸಿಂಪಲ್ ಬೆಡಗಿಯನ್ನ ಸಾಯಿ ಪಲ್ಲವಿಗೆ ಹೋಲಿಸಿದ ಜನ!

ರಕ್ಷಿತ್ ಶೆಟ್ಟಿ ನಿರ್ಮಾಣದ ಇಬ್ಬನಿ ತಬ್ಬಿದ ಇಳಿಯಲಿ (Ibbani Tabbida Ileyali)ಸಿನಿಮಾಗೆ ಅದ್ಭುತವಾದ ರೆಸ್ಪಾನ್ಸ್ ಸಿಕ್ಕಿದೆ. ಈ ಕ್ಲಾಸಿಕಲ್ ಸಿನಿಮಾ ಜನರನ್ನು ಥಿಯೇಟರ್ ನತ್ತ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಅದರಲ್ಲೂ ನಾಯಕಿ ಅಂಕಿತಾ ಅಮರ್ ಪಾತ್ರವನ್ನು ಎಲ್ಲರೂ ಇಷ್ಟಪಟ್ಟಿದ್ದಾರೆ. ಭವಿಷ್ಯದಲ್ಲಿ ಸ್ಯಾಂಡಲ್ ವುಡ್ ನ ಅದ್ಭುತ ನಟಿಯಾಗುವ ಭರವಸೆ ಮೂಡಿಸಿದ್ದಾರೆ. 

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ಧಾರವಾಹಿ ನಮ್ಮನೆ ಯುವರಾಣಿ ಮೂಲಕ ಮೀರಾ ಆಗಿ ಜನಮನ ಗೆದ್ದ ನಟಿ ಅಂಕಿತಾ ಅಮರ್ (Ankita Amar) ಮುಂದೆ ತಮಿಳು ಸೀರಿಯಲ್ ನಲ್ಲೂ ನಟಿಸಿ, ಬಳಿಕ ಸಿನಿಮಾಗಳಲ್ಲಿ ತುಂಬಾನೆ ಬ್ಯುಸಿಯಾಗಿದ್ದಾರೆ. ಅಂಕಿತಾ ಕೈಯಲ್ಲಿ ಹಲವು ಸಿನಿಮಾಗಳು ಇವೆ. 

ಇಬ್ಬನಿ ತಬ್ಬಿದ ಇಳೆಯಲಿ ಈಗಷ್ಟೇ ರಿಲೀಸ್ ಆಗಿ ಭಾರಿ ಸದ್ದು ಮಾಡ್ತಿದೆ. ಇದರ ಜೊತೆಗೆ ಅಂಕಿತಾ ಮತ್ತು ಶೈನ್ ಶೆಟ್ಟಿ (Shine Shetty) ಅಭಿನಯದ ಜಸ್ಟ್ ಮ್ಯಾರೀಡ್ ಸಿನಿಮಾ ಕೂಡ ಸುದ್ದಿಯಲ್ಲಿದೆ. ಇದಲ್ಲದೇ ಮೈ ಹೀರೋ ಎನ್ನುವ ಸಿನಿಮಾದಲ್ಲೂ ಅಂಕಿತಾ ನಟಿಸುತ್ತಿದ್ದಾರೆ. ಪೃಥ್ವಿ ಅಂಬಾರ್ ಜೊತೆಗೆ ಅಬ ಜಬ ದಬ ಸಿನಿಮಾದಲ್ಲೂ ಗಾಯಕಿಯಾಗಿ ಅಂಕಿತಾ ಕಾಣಿಸಿಕೊಳ್ಳಲಿದ್ದಾರೆ. 

ನಮ್ಮನೆ ಯುವರಾಣಿ (Nammane Yuvarani) ಸೀರಿಯಲ್ ನಿಂದ ಹೊರ ಬಂದ ಮೇಲೆ ಅಂಕಿತಾ ಸಿನಿಮಾ ಯಾವಾಗ ತೆರೆ ಮೇಲೆ ಬರುತ್ತೆ ಎಂದು ಅಭಿಮಾನಿಗಳು ಕಾಯುತ್ತಿದ್ದರು. ಇದೀಗ 2 ವರ್ಷದ ಬಳಿಕ ಇಬ್ಬನಿ ತಬ್ಬಿದ ಇಳಿಯಲಿ ರಿಲೀಸ್ ಆಗಿದೆ. ಮುಂದಿನ ಸಿನಿಮಾಗಳು ಯಾವಾಗ ರಿಲೀಸ್ ಆಗುತ್ತೋ ಗೊತ್ತಿಲ್ಲ. ಇದೆಲ್ಲದರ ನಡುವೆ ಅಂಕಿತಾ ಅಮರ್ ಸಿಂಪ್ಲಿಸಿಟಿ ಎಲ್ಲಾ ಕಡೆಗಳಲ್ಲೂ ಎದ್ದು ಕಾಣುತ್ತಿದೆ. 
 

ಬಹುಮುಖ ಪ್ರತಿಭೆಯಾಗಿರುವ ಅಂಕಿತಾ ಅಮರ್, ನಟಿಯಾಗಿ ಜೊತೆಗೆ ಗಾಯಕಿಯಾಗಿ, ಭರತನಾಟ್ಯ ಡ್ಯಾನ್ಸಾರ್ ಆಗಿ, ನಿರೂಪಕಿಯಾಗಿ, ಕ್ರಿಕೇಟ್ ಹೋಸ್ಟ್ ಆಗಿ ಸಹ ಗುರುತಿಸಿಕೊಂಡವರು. ಅದು ಸಿನಿಮಾ ಪ್ರೊಮೋಷನ್ ಆಗಿರಲಿ, ನಿರೂಪಣೆಯಾಗಿರಲಿ ಅಂಕಿತಾ ಅಮರ್ ಯಾವಾಗ್ಲೂ ತುಂಬಾನೆ ಸಿಂಪಲ್ ಆಗಿ ಕಾಣಿಸಿಕೊಳ್ಳುತ್ತಾರೆ. ಇವರ ಸಿಂಪ್ಲಿಸಿಟಿಯನ್ನು ಕನ್ನಡಿಗರು ಮೆಚ್ಚಿಕೊಂಡಿದ್ದಾರೆ. ಇವರನ್ನ ನೋಡಿ ನಟಿ ಸಾಯಿ ಪಲ್ಲವಿಗೆ ಹೋಲಿಸ್ತಾರೆ ಜನ. 

ಫಸ್ಟ್ ಡೇ ಫಸ್ಟ್ ಶೋ ಎನ್ನುವ ಯೂ ಟ್ಯೂಬ್ ಚಾನೆಲ್ ಒಂದರಲ್ಲಿ ನೀಡಿದ ಸಂದರ್ಶನದಲ್ಲಿ ತಮ್ಮ ಡ್ರೆಸ್ ಮತ್ತು ಪಾತ್ರಗಳ ಬಗ್ಗೆ ಮಾತನಾಡಿದ ಅಂಕಿತಾ, ನಮ್ಮ ಅಮ್ಮ-ಅಪ್ಪ ತುಂಬಾನೆ ಸಪೋರ್ಟಿವ್ ಆಗಿದ್ದಾರೆ. ಈತರ ಡ್ರೆಸ್ ಮಾಡ್ಬೇಕು, ಹೀಗಿರ್ಬೇಕು ಅಂತ ಯಾವುದಕ್ಕೂ ರಿಸ್ಟ್ರಿಕ್ಟ್ ಮಾಡಲ್ಲ. ಅಮ್ಮ ಹೇಳ್ತಾರೆ ಆ ತರ ಬಟ್ಟೆ ಹಾಕು ಅಂತ, ಆದ್ರೆ ನಂಗೇನೆ ಅದೆಲ್ಲಾ ಇಷ್ಟ ಆಗಲ್ಲ ಎಂದಿದ್ದಾರೆ. 

ನಮ್ಮ ಮನೆಯಲ್ಲಿ ಅದು ಮಾಡ್ಬೇಡ ಇದು ಮಾಡ್ಬೇಡ ಅಂತ ಏನು ಇಲ್ಲ, ಆ ಥರ ಪಾತ್ರಗಳು ಬಂದ್ರೆ ನಾನು ಮಾಡಲ್ಲ ಅಷ್ಟೇ, ನನಗೆ ಕಂಫರ್ಟೇಬಲ್ ಅನಿಸಿದ್ದನ್ನು ಮಾತ್ರ ನಾನು ಮಾಡ್ತೀನಿ. ಅದು ನಂಗೆ ಸರಿ ಅನಿಸಿಲ್ಲ ಅಂದ್ರೆ ನಾನು ಮಾಡೋದೆ ಇಲ್ಲ ಎಂದಿದ್ದಾರೆ ಅಂಕಿತಾ. ಆ ಮೂಲಕ ಬೋಲ್ಡ್ ಡ್ರೆಸ್, ಬೋಲ್ಡ್ ಪಾತ್ರಗಳಿಗೆ ಇನ್ ಡೈರೆಕ್ಟ್ ಆಗಿ ನೋ ಅಂದಿದ್ದಾರೆ ಈ ಬೆಡಗಿ. 

ಪಾತ್ರದ ಬಗ್ಗೆ ಚೂಚಿಯಾಗಿರೋದು, ಯಾವಾಗ್ಲೂ ಸೀರೆ, ಅಥವಾ ಸಿಂಪಲ್ ಡ್ರೆಸ್ ಮಾಡ್ಕೊಂಡು ಹೆಚ್ಚು ಮೇಕಪ್ ಹಾಕದೆ ಕಾಣಿಸಿಕೊಳ್ಳುವ ಅಂಕಿತಾ ಅಮರ್ ಅವರನ್ನು ನೋಡಿದಾಗ ನಟಿ ಸಾಯಿ ಪಲ್ಲವಿ ನೆನಪಾಗುತ್ತೆ. ಬೋಲ್ಡ್ ಸೀನ್ ಗಳಲ್ಲಿ ಸಾಯಿ ಪಲ್ಲವಿ (Sai Pallavi) ಯಾವತ್ತೂ ಕಾಣಿಸಿಕೊಂಡವರೇ ಅಲ್ಲ, ಜೊತೆಗೆ ಯಾವಾಗ್ಲೂ ಸೀರೆಯಲ್ಲಿ, ಸಿಂಪಲ್ ಉಡುಗೆಯಲ್ಲಿ ಕಾಣಿಸಿಕೊಳ್ಳುವ ಈ ನಟಿ ತಮ್ಮ ನಟನೆಯ ಮೂಲಕವೇ ದೇಶಾದ್ಯಂತ ಜನರ ಮನಗೆದ್ದಿದ್ದಾರೆ. ಇದೀಗ ಅಂಕಿತಾ ಅಮರ್ ಕೂಡ ಅದೇ ಹಾದಿಯಲ್ಲಿದ್ದು, ತಮ್ಮ ನಟನೆ ಮೂಲಕ ಈಗಾಗನೆ ಜನಮನ ಗೆದ್ದಿದ್ದು, ಭರವಸೆಯ ನಟಿಯಾಗಿ ಹೊರಹೊಮ್ಮಿದ್ದಾರೆ.