Sapta Sagaradaache Elloಗೆ ಎರಡು ವರ್ಷ: ಕುತೂಲಹದ ಪೋಸ್ಟ್​ ಶೇರ್​ ಮಾಡಿದ ರಕ್ಷಿತ್​ ಶೆಟ್ಟಿ!

ರಕ್ಷಿತ್​ ಶೆಟ್ಟಿ ಮತ್ತು ರುಕ್ಮಿಣಿ ವಸಂತ್​ ಅಭಿನಯದ ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ಬಿಡುಗಡೆಯಾಗಿ ಎರಡು ವರ್ಷ ಕಳೆದಿರುವ ಹಿನ್ನೆಲೆಯಲ್ಲಿ ನಟ ಈ ಬಗ್ಗೆ ಪೋಸ್ಟ್​ ಹಾಕಿದ್ದಾರೆ. ಅವರು ಬರೆದಿರುವುದು ಏನು? 

Image Credit : Google

ಸಪ್ರಸಾಗರದಾಚೆಗೆ 2ರ ಸಂಭ್ರಮ

2023ರ ಆಗಸ್ಟ್​ 31ರಂದು ಬಿಡುಗಡೆಯಾಗಿದ್ದ ಸಪ್ತ ಸಾಗರದಾಚೆ ಎಲ್ಲೋ (Sapta Sagaradaache Ello) ಚಿತ್ರಕ್ಕೆ ಎರಡು ವರ್ಷಗಳು ಮುಗಿದಿವೆ. ಎ ಸೈಡ್​ ಬಿ ಸೈಡ್​ ಎಂದು ಎರಡು ಭಾಗಗಳಲ್ಲಿ ಬಂದ ಈ ಸಿನಿಮಾ ಸೂಪರ್​ ಡೂಪರ್​ ಆಗಿತ್ತು. ರಕ್ಷಿತ್​ ಶೆಟ್ಟಿ ಮತ್ತು ರುಕ್ಮಿಣಿ ವಸಂತ್ ನಟನೆಯ ಈ ಚಿತ್ರಕ್ಕೆ ಮನಸೋಲದವರೇ ಇಲ್ಲ. ಇದೀಗ ಚಿತ್ರಕ್ಕೆ ಎರಡು ವರ್ಷಗಳಾಗಿವೆ.

Image Credit : our own

ಸಿನಿಮಾ ಬಿಡುಗಡೆಯಾಗಿ 2 ವರ್ಷ

ಕುತೂಹಲದ ಕಥೆಯಿರುವ ಚಿತ್ರ ಬಿಡುಗಡೆಗೊಂಡು ಎರಡು ವರ್ಷಗಳಾಗಿರುವ ಹಿನ್ನೆಲೆಯಲ್ಲಿ ರಕ್ಷಿತ್​ ಶೆಟ್ಟಿ ಅವರು ಪೋಸ್ಟ್​ ಒಂದನ್ನು ಶೇರ್​ ಮಾಡಿದ್ದಾರೆ. ಹಾಗೆ ನೋಡಿದರೆ ರಕ್ಷಿತ್​ ಶೆಟ್ಟಿ ಅವರು ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಮಾಡುವುದು ಬಲು ಅಪರೂಪ. ಆದರೆ ಇದೀಗ ಈ ಬಗ್ಗೆ ಪೋಸ್ಟ್​ ಶೇರ್​ ಮಾಡಿರುವುದು ಕುತೂಹಲಕ್ಕೆ ಕಾರಣವಾಗಿದೆ.

Image Credit : our own

ರಕ್ಷಿತ್​ ಶೆಟ್ಟಿ ಪೋಸ್ಟ್​

ಇದರಲ್ಲಿ ಅವರು, 'ಕಥೆಯಾಗಿ ಆರಂಭವಾದದ್ದು ನಿಮ್ಮಿಂದಾಗಿ ಭಾವನೆಗಳ ಸಮುದ್ರವಾಯಿತು. ಮನು ಮತ್ತು ಪ್ರಿಯಾ 2 ವರ್ಷಗಳ ನಂತರವೂ ನಿಮ್ಮ ಹೃದಯದಲ್ಲಿ ವಾಸಿಸುತ್ತಿರುವುದಕ್ಕೆ ಧನ್ಯವಾದಗಳು' ಎಂದು ಬರೆದುಕೊಂಡಿದ್ದಾರೆ. ಈ ಮೂಲಕ ಪ್ರೇಕ್ಷಕರಿಗೆ ಧನ್ಯವಾದ ಸಲ್ಲಿಸಿದ್ದಾರೆ.

Image Credit : our own

ತನ್ನದಲ್ಲದ ತಪ್ಪಿಗೆ ಜೈಲು ಸೇರಿದ ಮನು

ಇನ್ನು ಸಿನಿಮಾದ ಎ ಸೈಡ್​ ಸ್ಟೋರಿ ಹೇಳುವುದಾದರೆ, ಬದುಕಿನಲ್ಲಿ ಬಹುಬೇಗನೇ ಸೆಟ್ಲ್ ಆಗಬೇಕು, ತನ್ನ ಹುಡುಗಿಯನ್ನ ಚೆನ್ನಾಗಿ ನೋಡಿಕೊಳ್ಳಬೇಕು ಎಂಬ ಉದ್ದೇಶದಿಂದ ತನ್ನದಲ್ಲದ ತಪ್ಪಿಗೆ ತಲೆ ಕೊಟ್ಟು ಮನು ಅರ್ಥಾತ್​ ರಕ್ಷಿತ್ ಶೆಟ್ಟಿ ಜೈಲಿಗೆ ಹೋಗಲು ಒಪ್ಪಿಕೊಳ್ಳುತ್ತಾನೆ. ಆದರೆ ತಾನು ಮಾಡಿದ್ದು ಭಯಾನಕ ತಪ್ಪು ಎಂದು ಯೋಚಿಸುವಷ್ಟರಲ್ಲಿಯೇ ಬದುಕುಅಲ್ಲೋಲ ಕಲ್ಲೋಲ ಆಗಿಬಿಡುತ್ತದೆ.

Image Credit : our own

ಮನುಗೆ 10 ವರ್ಷ ಶಿಕ್ಷೆ

ಮನುಗೆ 10 ವರ್ಷ ಜೈಲು ಶಿಕ್ಷೆ ಖಚಿತವಾದರೆ, ಇತ್ತ ಯಾರಿಗಾಗಿ ಆತ ಜೈಲಿಗೆ ಹೋಗಿದ್ದನೋ ಆ ಪ್ರೇಯಸಿ ಪ್ರಿಯಾ (ರುಕ್ಮಿಣಿ ವಸಂತ್​) ಬೇರೊಬ್ಬನ ಜೊತೆ ಮದುವೆಯಾಗುವ ಪರಿಸ್ಥಿತಿ ಬರುತ್ತದೆ. ಇಲ್ಲಿಗೆ 'ಸಪ್ತ ಸಾಗರದಾಚೆ ಎಲ್ಲೋ- ಸೈಡ್ ಎ' ಕಥೆ ಮುಗಿಯುತ್ತದೆ.

Image Credit : our own

ಬದಲಾದ ಮನು

ನಂತರ ಬರುವುದೇ ಬಿ ಸೈಡ್​. ಇಲ್ಲಿ ಮೊದಲ ಭಾಗದಲ್ಲಿ ಕಂಡ ಮನು ಬದಲಾಗಿದ್ದಾನೆ. ದೇಹತೂಕ ಹೆಚ್ಚಿದ ಜೊತೆ ಮಾನಸಿಕವಾಗಿಯೂ ಜರ್ಜಿತವಾಗಿದ್ದಾನೆ.

Image Credit : our own

ಪ್ರಿಯಾ ಬದುಕು ನರಕ

ಅತ್ತ, ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ ಪತಿಯೊಡನೆ ಸಂಸಾರ ಸಾಗಿಸುತ್ತ ಪ್ರಿಯಾ, ತನ್ನದೇ ತಾಪತ್ರಯಗಳೊಂದಿಗೆ ಜೀವನ ನಡೆಸುತ್ತಿದ್ದಾಳೆ. 

Image Credit : our own

ಕಥೆ ಏನಾಗುತ್ತೆ?

ಇವರಿಬ್ಬರ ಕಥೆ ಮುಂದೇನಾಗುತ್ತೆ? ತನಗೆ ಮೋಸ ಮಾಡಿದವರಿಗೆ ಮನು ಸೇಡು ತೀರಿಸಿಕೊಳ್ಳುತ್ತಾನಾ? ಪ್ರಿಯಾ ಬದುಕಿಗೆ ಮತ್ತೆ ಎಂಟ್ರಿ ನೀಡುತ್ತಾನಾ ಇತ್ಯಾದಿ ಕಥೆ ಹೇಳುತ್ತದೆ ಬಿ ಸೈಡ್​

What began as a story became a sea of emotions because of you. Grateful that Manu and Priya still live in your hearts, 2 years on! 🤗#2YearsOfSSEpic.twitter.com/IeCXr7xytH

— Rakshit Shetty (@rakshitshetty) September 1, 2025