Bigg Bossನಲ್ಲಿ ಮಾರ್ಕ್​ ಚಿತ್ರದ ಹವಾ: 'ಸೈಕೋ ಸೈತಾನ್​' ಹಾಡಿಗೆ ಸ್ಪರ್ಧಿಗಳ ಭರ್ಜರಿ ಸ್ಟೆಪ್- ಕಿಚ್ಚ ಫಿದಾ

ಕಿಚ್ಚ ಸುದೀಪ್ ಅಭಿನಯದ 'ಮಾರ್ಕ್' ಚಿತ್ರವು ರಾಜ್ಯಾದ್ಯಂತ ಬಿಡುಗಡೆಯಾಗಿದ್ದು, ಅಭಿಮಾನಿಗಳಿಂದ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಈ ಚಿತ್ರದಲ್ಲಿ ಸುದೀಪ್ ಅಮಾನತುಗೊಂಡ ಪೊಲೀಸ್ ಅಧಿಕಾರಿಯ ಮಾಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

Image Credit : Asianet News

ಇಂದು ಮಾರ್ಕ್​ ಬಿಡುಗಡೆ

ಕಿಚ್ಚ ಸುದೀಪ್​ ಅಭಿನಯದ ಮಾರ್ಕ್​ ಚಿತ್ರ (Mark Movie) ಇಂದು ರಾಜ್ಯಾದ್ಯಂತ ಬಿಡುಗಡೆಯಾಗಿದೆ. ಅಭಿಮಾನಿಗಳಿಂದ ಭರ್ಜರಿ ರಿಸ್​ಪಾನ್ಸ್​ ವ್ಯಕ್ತವಾಗುತ್ತಿದೆ. ಗೋಪಾಲಕೃಷ್ಣ ದೇಶಪಾಂಡೆ, ರೋಶಿನಿ ಪ್ರಕಾಶ್, ಅರ್ಚನಾ ಕೊಟ್ಟಿಗೆ, ಪ್ರತಾಪ್ ನಾರಾಯಣ್, ಅಶ್ವಿನ್ ಹಾಸನ್ ಮುಂತಾದವರು ಇರುವ ಈ ಚಿತ್ರವನ್ನು ಕಿಚ್ಚನ ಫ್ಯಾನ್ಸ್​ ನೋಡಿ ಫಿದಾ ಆಗಿದ್ದಾರೆ.

Image Credit : Asianet News

ಗೆಟಪ್​ ಬದಲು

ಮಾರ್ಕ್​ ಸಿನಿಮಾದಲ್ಲಿ (Sudeep's Mark Movie) ಇದಾಗಲೇ ಪೋಸ್ಟರ್​ನಲ್ಲಿಯೇ ನೋಡಿರುವಂತೆ ಸುದೀಪ್​ ಅವರ ಗೆಟಪ್​ ಫುಲ್​ ಬದಲಾಗಿದ್ದು, ಅವರು ಮಾಸ್​ ಅವತಾರ ಎತ್ತಿದ್ದಾರೆ. ಈ ಸಿನಿಮಾದ ಟ್ರೈಲರ್​ ರಿಲೀಸ್​ ಆದ ಸಂದರ್ಭದಲ್ಲಿಯೇ ಈ ಸಿನಿಮಾ ಕೂಡ ಮ್ಯಾಕ್ಸ್​ ರೀತಿಯಲ್ಲಿ ಬಂದಿರಬಹುದು ಎನ್ನುವ ಫ್ಯಾನ್ಸ್​ ಊಹೆ ನಿಜವಾಗಿದೆ. ಏಕೆಂದರೆ ಇದು ಸುದೀಪ್​ ಜೊತೆ ಅದೇ ನಿರ್ದೇಶಕ ವಿಜಯ್ ಕಾರ್ತಿಕೇಯ ಅವರು ಮಾಡಿರುವ ಸಿನಿಮಾ. ಆದ್ದರಿಂದ ಎರಡೂ ಸಿನಿಮಾಗಳು ಸುಮಾರು ಒಂದೇ ರೀತಿ ಇವೆ ಎನ್ನುವುದಾಗಿ ಚಿತ್ರವೀಕ್ಷಕರು ಹೇಳುತ್ತಿದ್ದಾರೆ.

Image Credit : Asianet News

ಸೋಷಿಯಲ್​ ಮೀಡಿಯಾದಲ್ಲಿ ಹವಾ

ಮಾರ್ಕ್​ ಚಿತ್ರದಲ್ಲಿ ಸುದೀಪ್​ ಅವರದ್ದು ಪೊಲೀಸ್​ ಅಧಿಕಾರಿಯ ಪಾತ್ರ. ಆದರೆ ಅಮಾನತುಗೊಂಡಿರುವ ಅಧಿಕಾರಿ ಅವರು. ಈಗಿನ ಪೀಳಿಗೆಗೆ ಇಷ್ಟವಾಗುವಂತೆ ಫೈಟಿಂಗ್​ ದೃಶ್ಯಗಳು ಹೇರಳವಾಗಿವೆ. ಅದೇ ರೀತಿ ಕೆಲವು ಹಾಡುಗಳು ಕೂಡ ಇದಾಗಲೇ ಸೋಷಿಯಲ್​ ಮೀಡಿಯಾದಲ್ಲಿ ಹವಾ ಸೃಷ್ಟಿಸಿವೆ.

Image Credit : Instagram

ಸೈಕೋ ಸೈತಾನ್​

ಅಂಥ ಹಾಡುಗಳಲ್ಲಿ ಒಂದು ಸೈಕೋ ಸೈತಾನ್​ (Psycho Saithan). 'ದಾದ ಯಾರ್ ಗೊತ್ತಾ, ತಲಾ ಸ್ವಾಗ್ ಗೊತ್ತಾ, ಸುಕ್ಕ ಸ್ಟೈಲ್ ಗೊತ್ತಾ, ಝಕಾಸ್ ಸೈಕ್ ಗೊತ್ತಾ' ಎನ್ನುವ ಈ ಹಾಡಿಗೆ ಇದೀಗ ಬಿಗ್​ಬಾಸ್​ (Bigg Boss) ಸ್ಪರ್ಧಿಗಳು ಸಕತ್​ ಸ್ಟೆಪ್​ ಹಾಕಿದ್ದಾರೆ. ಇದನ್ನು ನೋಡಿ ಖುದ್ದು ಸುದೀಪ್​ ಅವರೇ ಫಿದಾ ಆಗಿದ್ದಾರೆ.

Image Credit : Instagram

ಒಳ್ಳೆಯ ಕಲೆಕ್ಷನ್​

ಹೇಳಿ ಕೇಳಿ ಇಂದು ಕ್ರಿಸ್‌ಮಸ್. ರಜಾ ದಿನವಾಗಿರುವ ಹಿನ್ನೆಲೆಯಲ್ಲಿ, ಫಸ್ಟ್ ಡೇ ಒಳ್ಳೆಯ ಕಲೆಕ್ಷನ್ ಮಾಡುವಲ್ಲಿ ಡೌಟೇ ಇಲ್ಲ. ಇಂದು ಬೆಳಗ್ಗೆ ಆರು ಗಂಟೆಗೆ ವಿಶೇಷ ಶೋ ಅನ್ನು ಅರೇಂಜ್ ಮಾಡಲಾಗಿತ್ತು. ಇದಾಗಲೇ ಬಹುತೇಕ ಚಿತ್ರಂದಿರ ಹೌಸ್‌ಫುಲ್ ಆಗಿವೆ. ಈ ಸಿನಿಮಾ ಕರ್ನಾಟಕದಾದ್ಯಂತ ಮಲ್ಟಿಪ್ಲೆಕ್ಸ್ ಹಾಗೂ ಸಿಂಗಲ್‌ ಸ್ಕ್ರೀನ್ ಸೇರಿ 330ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ರಿಲೀಸ್ ಮಾಡಲಾಗುತ್ತಿದೆ.