ಬೋಲ್ಡ್ ಪೋಸ್ ಕೊಟ್ಟ ಆರಾಧನಾ! ಮಾಲಾಶ್ರೀ ಮಗಳಾಗಿ ಈ ಥರ ಫೋಟೊ ಹಾಕ್ಬೇಡಿ ಅಂದ್ರು ಫ್ಯಾನ್ಸ್

ಕನ್ನಡ ಸಿನಿಮಾ ರಂಗದ ಕನಸಿನ ರಾಣಿ ಎಂದೇ ಖ್ಯಾತಿ ಪಡೆದಿರುವ ಮಾಲಾಶ್ರೀಯವರ (Malashree) ಮಗಳು ಆರಾಧನಾ ರಾಮ್ ಕಾಟೇರ ಸಿನಿಮಾದಲ್ಲಿ ದರ್ಶನ್ ತೂಗ್ ದೀಪ್ ಗೆ ನಾಯಕಿಯಾಗುವ ಮೂಲಕ, ಭರ್ಜರಿ ಪರ್ಫಾರ್ಮೆನ್ಸ್ ನೀಡಿದ್ದು, ಕನ್ನಡದ ಭರವಸೆಯ ನಟಿಯಾಗಿ ಹೊರಹೊಮ್ಮಿದ್ದಾರೆ. 
 

ಕನ್ನಡ ಚಿತ್ರರಂಗದ ಹೆಸರಾಂತ ನಿರ್ಮಾಪಕ ದಿವಂಗತ ರಾಮ್ ಹಾಗೂ ನಟಿ ಮಾಲಾಶ್ರೀ ಮಗಳು ಆರಾಧನಾಗೆ (Arahdana Ram)ಮೊದಲ ಚಿತ್ರದಲ್ಲಿ ದರ್ಶನ್ ರಂತಹ ಸ್ಟಾರ್ ನಟನ ಜೊತೆ ನಟಿಸುವ ಅವಕಾಶ ಸಿಕ್ಕಿತ್ತು. ಈ ಸಿನಿಮಾದಲ್ಲಿ ಆರಾಧಾನ ಹಳ್ಳಿ ಹುಡುಗಿಯಾಗಿ ನಟಿಸಿದ್ದು, ಇದರಿಂದ ಅಪಾರ ಅಭಿಮಾನಿಗಳನ್ನು ಸಹ ಪಡೆದಿದ್ದರು. 
 

ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟೀವ್ ಆಗಿರುವ ಆರಾಧನಾ ಇತ್ತೀಚೆಗೆ ಹೆಸರಾಂತ ಫೋಟೋಗ್ರಾಫರ್ ಡಬ್ಬು ರತ್ನಾನಿ (Dabbu Ratnani )ಅವರಿಂದ ಫೋಟೋ ಶೂಟ್ ಮಾಡಿಸಿಕೊಂಡಿದ್ದು, ಅದನ್ನು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಬೋಲ್ಡ್ ಆಗಿರುವ ಫೋಟೋಗೆ ಮಿಶ್ರಪ್ರತಿಕ್ರಿಯೆ ವ್ಯಕ್ತವಾಗಿದೆ. 
 

ಡೀಪ್ ನೆಕ್ ಇರುವಂತಹ ಕಪ್ಪು ಬಣ್ಣದ ಮಿನಿ ಡ್ರೆಸ್, ಅದಕ್ಕೊಪ್ಪುವ ಕಪ್ಪು ಬಣ್ಣದ ನೀ ಲೆಂಗ್ತ್ ಶೂ ಧರಿಸಿರುವ ಆರಾಧನಾ ಕಣ್ಣಲ್ಲೇ ಕೊಲ್ಲುವಂತಹ ಬೋಲ್ಡ್ ಲುಕ್ ನೀಡಿದ್ದಾರೆ. ಈ ಫೋಟೋ ನೋಡಿ ಹೆಚ್ಚಿನ ಅಭಿಮಾನಿಗಳು ಮಾತ್ರ ಬೇಜಾರಾಗಿದ್ದಾರೆ. 
 

ನಮ್ಮ ಕನಸಿನ ರಾಣಿ ಮಾಲಾಶ್ರೀಯವರ ಮಗಳಾಗಿ ಈ ಥರ ಬಟ್ಟೆ ಹಾಕಬೇಡಿ. ಕನ್ನಡದ ಮೇಲೆ ತುಂಬಾ ಅಭಿಮಾನ ಇದೆ ಇತರ ಪೋಸ್ಟ್ ಬಿಡಬೇಡಿ ಅಕ್ಕ, ಕೈಮುಗಿದು ಕೇಳುತ್ತೇವೆ ಪೋಸ್ಟ್ ಡಿಲೀಟ್ ಮಾಡಿ ಎಂದು ಅಭಿಮಾನಿಯೊಬ್ಬ ಅಂಗಲಾಚಿದ್ದಾರೆ. 
 

ಮತ್ತೊಬ್ಬರು ಈ ಥರಾ ಪೋಸ್ಟ್ ಹಾಕಬೇಡಿ. ಮೊದಲನೇ ಸಿನಿಮಾ  ಸೂಪರ್ ಹಿಟ್ ಆಗಿದೆ. ಅದರಲ್ಲಿ ನಿಮ್ಮ ಪಾತ್ರ ನೋಡಿ ಅಭಿಮಾನಿಯಾದೆ, ಅಲ್ಲದೇ ನನ್ನ ಫೇವರೇಟ್ ಹೀರೊಯಿನ್ ಮಾಲಾಶ್ರೀ ಮೇಡಂ ಮಗಳು ನೀವು, ಅವರು ಈ ಥರಾ ಎಲ್ಲಾ ಬಟ್ಟೆ ಹಾಕಿಲ್ಲಾ . ನೀವು ಈ ಥರಾ ಫೋಟೊ ಹಾಕಬೇಡಿ ಪ್ಲೀಸ್ ಎಂದು ಕೆಲವರು ಹೇಳಿದ್ದಾರೆ. 
 

ಮತ್ತೊಬ್ಬರು ಯಾಕೆ ಡಬ್ಬು ರತ್ನಾನಿ ಅವರ ಬಳಿ ಫೋಟೋ ಶೂಟ್ ಮಾಡಿಸಿದ್ದು, ಅವರೇನು ಫೋಟೋ ಶೂಟ್ ಮಾಡೋದಕ್ಕೆ ಕ್ರಿಯೇಟಿವ್ ಎಫರ್ಟ್ ಹಾಕೋದೆ ಇಲ್ಲ. ಅಷ್ಟೇ ಯಾಕೆ ಅವರು ನಿಮ್ಮ ಫೋಟೋವನ್ನು ತಮ್ಮ ಪರ್ಸನಲ್ ಅಕೌಂಟ್ ನಲ್ಲಿ ಶೇರ್ ಮಾಡೋದೂ ಇಲ್ಲ. ನಮ್ಮ ಬೆಂಗಳೂರಿನಲ್ಲೇ ಸಾಕಷ್ಟು ಟ್ಯಾಲೆಂಟೆಡ್ ಫೋಟೋಗ್ರಾಫರ್ (talented photographer) ಇದ್ದಾರೆ, ಅವರಿಂದ ಫೋಟೋ ಶೂಟ್ ಮಾಡಿಸಬಹುದಲ್ವಾ ಎಂದಿದ್ದಾರೆ. 

ಇನ್ನೊಬ್ರು ಬೇಕಾಗಿತ್ತ ನಿಮಗೆ ಈ ರೀತಿಯ ಫೋಟೋಗಳು. ಚೂರು ಬೆಳವಣಿಗೆ ಆದ ಕೂಡಲೆ ನಿಮ್ಮ ಮಂದ ಬುದ್ಧಿಗಳನ್ನ ತೋರಿಸ್ತೀರ ಅಲ್ವ ಎಂದರೆ, ಮತ್ತೊಬ್ರು ಕಾಟೇರಾ ಸಿನಿಮಾ ನೋಡಿ ನಿಮಗೆ ಅಭಿಮಾನಿಯಾದೆ, ಆದರೆ ಈವಾಗ ನೋಡಿದ್ರೆ ಈ ಥರ ಪೋಸ್ಟ್ ಮಾಡಿರೋದು ನೋಡಿದ್ರೆ ಬೇಜಾರು ಆಗುತ್ತೆ ಎಂದಿದ್ದಾರೆ. 

ಇನ್ನು ಹೆಚ್ಚಿನ ಅಭಿಮಾನಿಗಳು ಆರಾಧನಾ ರಾಮ್ ಬೋಲ್ಡ್ ನೆಸ್ ಗೆ(boldness) ಫಿದಾ ಆಗಿದ್ದಾರೆ. ಕಿಲ್ಲಿಂಗ್ ಫೋಟೋಗ್ರಫಿ, ತುಂಬಾನೆ ಬೋಲ್ಡ್ ಆಗಿ ಕಾಣಿಸ್ತೀರಾ, ಬೆಂಕಿ ಥರಾ ಇದೀರಾ, ವಾವ್ ಎಂದೆಲ್ಲಾ ಹೇಳಿ ಫೈರ್ ಸಿಂಬಲ್ ಇಮೋಜಿ ಹಾಕುವ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.