ಸೋಲೋ ಡೇಟಿಂಗ್… ನಿಮ್ಮನ್ನು ನೀವು ಪ್ರೀತಿಸಲಿದು ಬೆಸ್ಟ್ ಐಡಿಯಾ!

ಯಾವುದೇ ಸಂಬಂಧದಲ್ಲಿ (Relationship) ಪ್ರೀತಿಯನ್ನು ಕಾಪಾಡಿಕೊಳ್ಳಲು ಇಬ್ಬರು ವ್ಯಕ್ತಿಗಳು ಬೇಕಾಗುತ್ತಾರೆ. ಪರಸ್ಪರರ ಸಂತೋಷ (Happiness) ಮತ್ತು ದುಃಖಗಳನ್ನು (Sarrow) ಹಂಚಿಕೊಳ್ಳಬಲ್ಲ ಇಬ್ಬರು ವ್ಯಕ್ತಿಗಳು ಜೊತೆ ಇದ್ದಾಗ ಸಂಬಂಧ ಚೆನ್ನಾಗಿರುತ್ತೆ. ಆದರೆ, ಬದಲಾಗುತ್ತಿರುವ ಯುಗದಲ್ಲಿ, ಸಂಬಂಧಗಳ ಅರ್ಥವೂ ಬದಲಾಗಲು ಪ್ರಾರಂಭಿಸಿದೆ. ಈಗ ಇತರರಲ್ಲಿ ತಮ್ಮ ಸಂತೋಷವನ್ನು ಕಂಡುಕೊಳ್ಳದ ಅನೇಕರಿದ್ದಾರೆ. ಹಾಗಾಗಿ ಸೋಲೋ ಡೇಟಿಂಗ್ ಟ್ರೆಂಡ್ ಗಮನಾರ್ಹವಾಗಿ ಹೆಚ್ಚಾಗಲು ಬಹುಶಃ ಇದು ಕಾರಣ. ನಿಮಗೆ ನೀವೇ ಸಂಗಾತಿಯಾಗಿ, ಜೀವನವನ್ನು ಎಂಜಾಯ್ ಮಾಡೋದೇ ಸೋಲೋ ಡೇಟಿಂಗ್. 
 

ನೀವು ಇತರರಿಗಿಂತ ಹೆಚ್ಚಾಗಿ ನಿಮ್ಮನ್ನು ಪ್ರೀತಿಸೋದು (loving yourself more) ಮತ್ತು ನಿಮ್ಮ ಬಗ್ಗೆ ಸಂಪೂರ್ಣ ಕಾಳಜಿ ವಹಿಸೋದು ತಪ್ಪೇನಲ್ಲ. ಏಕವ್ಯಕ್ತಿ ಅಥವಾ ಸೋಲೋ ಡೇಟಿಂಗ್ ಟ್ರೆಂಡ್ ಕೆಲವು ಜನರಿಗೆ ವಿಚಿತ್ರವಾಗಿ ತೋರಬಹುದು, ಆದರೆ ಇದು ವಾಸ್ತವವಾಗಿ ಅನೇಕ ಪ್ರಯೋಜನಗಳನ್ನು ಹೊಂದಿದೆ. ಆದ್ದರಿಂದ ಇಂದು ಈ ಲೇಖನದಲ್ಲಿ ನಾವು ನಿಮಗೆ ಸೋಲೋ ಡೇಟಿಂಗ್ ನ ಪ್ರಯೋಜನಗಳ ಬಗ್ಗೆ ಹೇಳುತ್ತಿದ್ದೇವೆ-
 

ನಿಮ್ಮನ್ನು ನೀವು ಮೊದಲು ಅರ್ಥ ಮಾಡ್ಕೊಳ್ಳಿ
ಸೋಲೋ ಡೇಟಿಂಗ್ ಮಾಡುವಾಗ, ಒಬ್ಬ ವ್ಯಕ್ತಿ ತನ್ನನ್ನು ತಾನು ಪ್ರೀತಿಸಲು ಪ್ರಾರಂಭಿಸುತ್ತಾನೆ. ತನ್ನನ್ನು ಸಂತೋಷಪಡಿಸಲು ತನ್ನ ಉತ್ಸಾಹವನ್ನು ಪೂರೈಸಲು ಪ್ರಯತ್ನಿಸುತ್ತಾನೆ. ಇದು ನಿಮ್ಮನ್ನು ಹುಡುಕಲು ನಿಮಗೆ ಸಹಾಯ ಮಾಡುತ್ತದೆ. ಸೋಲೋ ಡೇಟಿಂಗ್ (Solo Dating) ನಿಮ್ಮ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಿಮಗೆ ಅವಕಾಶ ನೀಡುತ್ತದೆ. ನಿಮಗೆ ಯಾವುದು ಸಂತೋಷವನ್ನು ನೀಡುತ್ತದೆ ಮತ್ತು ನೀವು ಏನು ಮಾಡಬಹುದು ಎಂದು ನೀವು ತಿಳಿದುಕೊಳ್ಳುತ್ತೀರಿ. 

ಸ್ವಾತಂತ್ರ್ಯದ ಅರ್ಥ ತಿಳಿಯುತ್ತೆ
ಇಬ್ಬರು ವ್ಯಕ್ತಿಗಳು ಸಂಬಂಧದಲ್ಲಿದ್ದಾಗ ಸಂಗಾತಿಯ ಬಗ್ಗೆ ಹೆಚ್ಚು ಯೋಚನೆ ಮಾಡುತ್ತಿರುತ್ತಾರೆ. ಜೊತೆಗೆ ಯಾವಾಗಲೂ ತಮ್ಮ ಸಂಗಾತಿಯನ್ನು ಹೇಗೆ ಸಂತೋಷಪಡಿಸೋದು ಅನ್ನೋದನ್ನೇ ಯೋಚಿಸಿ, ಅದನ್ನೇ ಮಾಡುತ್ತಾರೆ. ಕೆಲವೊಮ್ಮೆ ತಮಗೆ ಇಷ್ಟವಾಗಿದ್ದರೂ ಸಂಗಾತಿಗೆ ಇಷ್ಟವಿಲ್ಲ ಎಂದು ಯಾವುದೋ ಕೆಲಸವನ್ನು ಸಹ ನೀವು ಮಾಡದೇ ಬಿಡುತ್ತೀರಿ. ಆದರೆ ಸೋಲೋ ಡೇಟಿಂಗ್ ನಿಮ್ಮ ಮನಸ್ಸಿನಲ್ಲಿ ಸ್ವಾತಂತ್ರ್ಯದ ಪ್ರಜ್ಞೆಯನ್ನು ಹೆಚ್ಚಿಸುತ್ತದೆ. ನಿಮ್ಮ ಕಂಪನಿಯನ್ನು ಆನಂದಿಸಲು ನೀವು ಕಲಿತಾಗ, ನೀವು ಇಷ್ಟಬಂದ ಕೆಲಸವನ್ನು ಯಾರದ್ದೆ ಭಯ ಇಲ್ಲದೇ ನೀವು ಮಾಡಬಹುದು.

ವೈಯಕ್ತಿಕ ಬೆಳವಣಿಗೆಗೆ ಸಹಕಾರಿ
ಸೋಲೋ ಡೇಟಿಂಗ್ ವೈಯಕ್ತಿಕ ಬೆಳವಣಿಗೆಗೆ (self developement) ಸಹಾಯ ಮಾಡುತ್ತದೆ. ನೀವು ಸೋಲೋ ಡೇಟಿಂಗ್‌ಗೆ ಹೋದಾಗ, ನಿಮ್ಮನ್ನು ಸಂತೋಷವಾಗಿಡಲು ನಿಮ್ಮ ಕಂಫರ್ಟ್ ಝೋನ್ (Comfort Zone)ನಿಂದ ಹೊರಬರಲು ಪ್ರಯತ್ನಿಸಿ. ಅನೇಕ ಹೊಸ ವಿಷಯಗಳು ಮತ್ತು ಸವಾಲುಗಳನ್ನು ಪ್ರಯತ್ನಿಸಿ. ಈ ರೀತಿಯಾಗಿ, ನಿಮ್ಮ ವಯಕ್ತಿಕ ಬೆಳವಣಿಗೆಯನ್ನು ಸುಲಭವಾಗಿ ಮಾಡಬಹುದು. 

ನಿಮ್ಮನ್ನು ನೀವೇ ಸಂತೋಷವಾಗಿಡೋಕೆ ಸಾಧ್ಯ ಅನ್ನೋದು ತಿಳಿಯುತ್ತೆ
ಸೋಲೋ ಡೇಟಿಂಗ್ ನಿಮಗೆ ಹೊಂದಿಕೊಳ್ಳಲು ಸಹಾಯ ಮಾಡುತ್ತದೆ. ನಿಮ್ಮ ಡೇಟಿಂಗ್ ಬಗ್ಗೆ ಪ್ಲ್ಯಾನ್ (dating plan) ಮಾಡಲು ಬೇರೊಬ್ಬರ ಅನುಮತಿ ಅಥವಾ ಸಮಯವಕ್ಕಾಗಿ ಕಾಯುವ ಅಗತ್ಯವಿಲ್ಲ. ನಿಮ್ಮ ಸಮಯವನ್ನು ಯಾವಾಗ, ಎಲ್ಲಿ ಮತ್ತು ಹೇಗೆ ಕಳೆಯಲು ನೀವು ಬಯಸುತ್ತೀರಿ ಎಂಬುದನ್ನು ನೀವು ನಿರ್ಧರಿಸುತ್ತೀರಿ. ನಿಮ್ಮ ಸಂತೋಷವನ್ನು ನೀವು ಇನ್ನೊಬ್ಬ ವ್ಯಕ್ತಿಯಲ್ಲಿ ಕಂಡುಕೊಳ್ಳಬೇಕಾಗಿಲ್ಲ ಅನ್ನೋದು ನಿಮಗೆ ಅರ್ಥವಾಗುತ್ತೆ.

ಉತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳಬಹುದು!
ಸೋಲೋ ಡೇಟಿಂಗ್ ಉತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ. ನೀವು ನಿರ್ಧಾರ ತೆಗೆದುಕೊಂಡಾಗಲೆಲ್ಲಾ, ಇತರರ ಅಭಿಪ್ರಾಯಗಳು ಅಥವಾ ಬಯಕೆಗಳಿಂದ ಪ್ರಭಾವಿತರಾಗುವ ಅಗತ್ಯವನ್ನು ನೀವು ಭಾವಿಸುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ನೀವು ನಿಜವಾಗಿಯೂ ತೆಗೆದುಕೊಳ್ಳಲು ಬಯಸುವ ನಿರ್ಧಾರಗಳನ್ನು ಮಾತ್ರ ನೀವು ತೆಗೆದುಕೊಳ್ಳುತ್ತೀರಿ.