ಮದುವೆ ಆದ್ಮೇಲೆ ತೂಕ ಹೆಚ್ಚಾಗಲು ಅದೇ ಕಾರಣವೇ?

ಮದುವೆಯ ನಂತರ, ಹುಡುಗಿಯರು ಮತ್ತು ಹುಡುಗರು ಸಹ ಇದ್ದಕ್ಕಿದ್ದಂತೆ ಹೆಚ್ಚು ದಪ್ಪಗಾಗಲು ಆರಂಭಿಸುತ್ತಾರೆ. ಆದರೆ ಇದಕ್ಕೆ ಲೈಂಗಿಕತೆ ಕಾರಣವೇ? ಹೆಚ್ಚಿನ ಜನ ಇದನ್ನೆ ಹೇಳ್ತಾರೆ. ಆದರೆ ಮದುವೆಯ ನಂತರ ತೂಕ ಹೆಚ್ಚಾಗಲು ಕಾರಣ ನಿಜವಾಗ್ಲೂ ಇದೇನಾ? ಅಥವಾ ಬೇರೆ ಏನಾದರೂ ಇದೆಯೇ? ತಿಳಿಯಿರಿ.

ರೆಗ್ಯುಲರ್ ಆಗಿ ಸೆಕ್ಸ್ (Regular Sex) ಮಾಡೋದ್ರಿಂದ ತೂಕ ಹೆಚ್ಚಾಗುತ್ತೆ. ಆಗಾಗ್ಗೆ ಜನರು ಇದನ್ನು ಹೇಳುವುದನ್ನು ಕೇಳಿರಬಹುದು. ಮದುವೆ ನಂತರ ಹೆಚ್ಚಾದ ತೂಕಕ್ಕೆ ಸೆಕ್ಸ್ ಮಾತ್ರ ಕಾರಣ ಎಂದು ಎಲ್ಲರೂ ಹೇಳುತ್ತಾರೆ. ಈ ಪರಿಕಲ್ಪನೆಯು ಹಲವಾರು ವರ್ಷಗಳಿಂದ ಜನರ ಮನಸ್ಸಿನಲ್ಲಿ ಉಳಿದಿದೆ. ಹೆಚ್ಚಿನ ಜನರು ಇದನ್ನು ನಿಜವೆಂದು ನಂಬುತ್ತಾರೆ. ಆದರೆ ಅದು ನಿಜವಾಗಿಯೂ ಹೌದೇ?  ಇದು ನಿಜವಾಗಿದ್ದರೆ, ನೀವು ಸೆಕ್ಸ್ ಮಾಡೋದನ್ನು ಬಿಟ್ಟಾಗ ತೂಕ ಇಳಿಬೇಕು ಅಲ್ವಾ?. ಆದರೆ ಅದು ನಡೆಯುವುದಿಲ್ಲ. ಹಾಗಿದ್ರೆ ಯಾವುದು ನಿಜಾ? ತಜ್ಞರು ಈ ಬಗ್ಗೆ ಏನು ಹೇಳುತ್ತಾರೆ ಅನ್ನೋದನ್ನು ನೋಡೋಣ.

ಸಾಮಾನ್ಯವಾಗಿ, ಮಹಿಳೆಯರು ವಿವಾಹದ ನಂತರ ನಿಯಮಿತವಾಗಿ ದೈಹಿಕ ಸಂಬಂಧಗಳನ್ನು (Physical Relationship) ಹೊಂದಲು ಪ್ರಾರಂಭಿಸುತ್ತಾರೆ ಮತ್ತು ಈ ಸಮಯದಲ್ಲಿ ತೂಕ ಹೆಚ್ಚಾಗಿದ್ದಕ್ಕೆ ಸೆಕ್ಸ್ ಕಾರಣ ಎಂದು ಧೂಷಿಸುತ್ತಾರೆ. ಇದರ ಬಗ್ಗೆ ತಜ್ಞರ ಅಭಿಪ್ರಾಯ ಏನು ಅನ್ನೋದನ್ನು ಕೇಳೋಣ. 

ಈ ಬಗ್ಗೆ ತಜ್ಞರು ಏನು ಹೇಳುತ್ತಾರೆಂದು ತಿಳಿಯಿರಿ

ಈ ಬಗ್ಗೆ ಮಾಹಿತಿ ನೀಡಿರುವ ತಜ್ಞರೊಬ್ಬರು ಅತಿಯಾದ ಲೈಂಗಿಕತೆಯಿಂದ ತೂಕ ಹೆಚ್ಚಳ ಆಗುತ್ತೆ ಅನ್ನೋದು ಸುಳ್ಳು ಎಂದು ಹೇಳಿದ್ದಾರೆ. ನಿಮ್ಮ ಸಂಬಂಧದಲ್ಲಿ ನೀವು ಸಂಪೂರ್ಣವಾಗಿ ಸಂತೃಪ್ತರಾಗಿದ್ದರೆ ಮತ್ತು ತುಂಬಾ ಸಂತೋಷವಾಗಿದ್ದರೆ, ದೇಹವು ಪ್ರೋಲ್ಯಾಕ್ಟಿನ್ ಎಂಬ ಹಾರ್ಮೋನ್ ಬಿಡುಗಡೆ ಮಾಡುತ್ತದೆ. ಇದನ್ನು ನಾವು ರಿಲ್ಯಾಕ್ಸ್ ಹಾರ್ಮೋನ್ (Relax Harmones) ಎಂದೂ ಸಹ ಕರೆಯುತ್ತೇವೆ. ಈ ಹಾರ್ಮೋನುಗಳು ಹೆಚ್ಚಿನ ಪ್ರಮಾಣದಲ್ಲಿ ಬಿಡುಗಡೆಯಾದರೆ, ಆಗ ತೂಕ ಹೆಚ್ಚಾಗುವ ಸಾಧ್ಯತೆಯಿದೆ.

ಇದಲ್ಲದೆ, 'ನಿಯಮಿತ ಲೈಂಗಿಕತೆಯು ಸ್ಥೂಲಕಾಯಕ್ಕೆ (obesity) ಕಾರಣವಲ್ಲ' ಎಂದು ತಜ್ಞರು ಹೇಳಿದರು. ನಿಮ್ಮ ಜೀವನಶೈಲಿ, ಆಹಾರ ಪದ್ಧತಿ, ಅತಿಯಾದ ವಿಶ್ರಾಂತಿ, ದೈಹಿಕವಾಗಿ ಸ್ಥಿರವಾಗಿರುವುದು ಇತ್ಯಾದಿಗಳು ತೂಕ ಹೆಚ್ಚಳಕ್ಕೆ ಕಾರಣಗಳಾಗಿವೆ. ಯಾವುದೇ ರೀತಿಯ ಲೈಂಗಿಕ ಚಟುವಟಿಕೆಯು ತೂಕದ ಮೇಲೆ ಪರಿಣಾಮ ಬೀರುವುದಿಲ್ಲ.

ಸಂತೋಷದ ವೈವಾಹಿಕ ಜೀವನವು (happy married life) ತೂಕ ಹೆಚ್ಚಳಕ್ಕೆ ಕಾರಣವಾಗಬಹುದು

ಸಾಮಾನ್ಯವಾಗಿ, ಜನರು ಮದುವೆಯ ನಂತರ ನಿಯಮಿತ ಸೆಕ್ಸ್ ಮಾಡಲು ಪ್ರಾರಂಭಿಸುತ್ತಾರೆ. ಮಹಿಳೆಯರಲ್ಲಿ ತೂಕ ಹೆಚ್ಚಳವು ಮದುವೆಯ ನಂತರವೇ ಸಾಮಾನ್ಯವಾಗಿ ಕಂಡುಬರುತ್ತದೆ. ಕೆಲವರು ಇದನ್ನು ನಿಯಮಿತ ಲೈಂಗಿಕತೆಯ ಅಡ್ಡಪರಿಣಾಮವೆಂದು ಪರಿಗಣಿಸುತ್ತಾರೆ. 

ಸಂಶೋಧನೆಯ ಪ್ರಕಾರ, ವಿವಾಹಿತ ದಂಪತಿಗಳು (married couples) ಮತ್ತು ಸಂತೃಪ್ತ ದಂಪತಿ ಹೆಚ್ಚು ಹಸಿವನ್ನು ಅನುಭವಿಸುತ್ತಾರೆ. ಈ ಕಾರಣದಿಂದಾಗಿ ಅವರ ಕ್ಯಾಲೋರಿ ಸೇವನೆ ಹೆಚ್ಚಾಗಿರುತ್ತದೆ. ಇದರಿಂದಾಗಿ ಅವರ ತೂಕ ಸಹ ಹೆಚ್ಚಾಗುತ್ತೆ. ಹಾಗಾಗಿ ಇದಕ್ಕೂ ಲೈಂಗಿಕತೆಗೂ ಯಾವುದೇ ಸಂಬಂಧ ಇಲ್ಲ.

ಹಾರ್ಮೋನುಗಳಲ್ಲಿನ ಬದಲಾವಣೆಗಳು ತೂಕ ಹೆಚ್ಚಳಕ್ಕೆ ಕಾರಣವಾಗಬಹುದು

ನಿಯಮಿತ ಲೈಂಗಿಕ ಕ್ರಿಯೆಯಿಂದಾಗಿ, ಕೆಲವು ಮಹಿಳೆಯರು ತಮ್ಮ ದೇಹದಲ್ಲಿ ದಪ್ಪ ಮಿಡ್ರಿಫ್, ತೊಡೆ ಮತ್ತು ಪೃಷ್ಠಗಳಂತಹ ರೋಗಲಕ್ಷಣಗಳನ್ನು ಹೊಂದಿರುತ್ತಾರೆ ಎಂದು ಜನರು ಸಾಮಾನ್ಯವಾಗಿ ನಂಬುತ್ತಾರೆ. ಇದು ನಿಜವಾಗಿದ್ದರೂ, ಇದು ಲೈಂಗಿಕ ಸಂಬಂಧಕ್ಕೆ ಪ್ರವೇಶಿಸುವುದರಿಂದ ಉಂಟಾಗುವ ಹಾರ್ಮೋನುಗಳ ಬದಲಾವಣೆಗಳಿಂದ ಉಂಟಾಗಬಹುದು, ಲೈಂಗಿಕತೆಯಲ್ಲ. ಸೆಕ್ಸ್ ನಂತರ ಬಿಡುಗಡೆಯಾಗುವ ಸಂತೋಷದ ಹಾರ್ಮೋನುಗಳು ಸಹ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತವೆ.

ಸೆಕ್ಸ್ ಮತ್ತು ತೂಕ ನಷ್ಟ (sex and weight loss)

ನಿಯಮಿತ ಲೈಂಗಿಕತೆಯು ಕ್ಯಾಲೊರಿಗಳನ್ನು ಬರ್ನ್ ಮಾಡಲು ಸಹಾಯ ಮಾಡುತ್ತದೆ. ಸಂಶೋಧನೆಯ ಪ್ರಕಾರ, ನೀವು ಬೆಡ್ ನಲ್ಲಿ ಸಕ್ರಿಯವಾಗಿದ್ದರೆ, ಅದು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಲೈಂಗಿಕತೆಯು ಹೃದಯದ ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಿದೆ ಮತ್ತು ಇದು ಹೃದಯ ಬಡಿತವನ್ನು ಸಮತೋಲನದಲ್ಲಿರಿಸುತ್ತದೆ.

ಬ್ಯಾಂಗೋರ್ ಯೂನಿವರ್ಸಿಟಿ ಯುಕೆ ನಡೆಸಿದ ಅಧ್ಯಯನದ ಪ್ರಕಾರ, ಲೈಂಗಿಕತೆಯ ಸಮಯದಲ್ಲಿ ಹಸಿವನ್ನು ನಿಯಂತ್ರಿಸುವ ಹಾರ್ಮೋನುಗಳ ಉತ್ಪಾದನೆ ಹೆಚ್ಚಾಗುತ್ತದೆ. ಉದಾಹರಣೆಗೆ "ಆಕ್ಸಿಟೋಸಿನ್" ಇದನ್ನು ಪ್ರೀತಿಯ ಹಾರ್ಮೋನುಗಳು ಎಂದು ಕರೆಯಲಾಗುತ್ತದೆ. ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಆಕ್ಸಿಟೋಸಿನ್ ಹೆಚ್ಚಾಗುತ್ತದೆ ಮತ್ತು ಇದು ಕ್ಯಾಲೋರಿಗಳ ಸೇವನೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಅದೇ ಸಮಯದಲ್ಲಿ, ನಿಯಮಿತ ಲೈಂಗಿಕತೆಯು ಆಗಾಗ್ಗೆ ಹಸಿವಿನ ಸಮಸ್ಯೆಗಳನ್ನು ಉಂಟುಮಾಡುವುದಿಲ್ಲ ಮತ್ತು ಇದು ತೂಕ ಹೆಚ್ಚಳದ ಬದಲು ತೂಕ ಇಳಿಸಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ.