ನಿಮ್ಮ ಸಂಗಾತಿಗೆ ಇದು ಎರಡನೇ ಮದುವೆಯೇ? ಹಾಗಿದ್ರೆ ಈ ವಿಷ್ಯ ನೆನಪಿರಲಿ

ಮದುವೆಯನ್ನು ಬಹಳ ಪವಿತ್ರ ಬಂಧವೆಂದು ಪರಿಗಣಿಸಲಾಗುತ್ತದೆ ಮತ್ತು ಭಾರತದಲ್ಲಿ ಸಾಮಾನ್ಯವಾಗಿ ಒಬ್ಬರಿಗೆ ವಿವಾಹವು ಒಮ್ಮೆ ಮಾತ್ರ ಸಂಭವಿಸುತ್ತದೆ ಎಂದು ಹೇಳಲಾಗುತ್ತದೆ, ಆದರೆ ಇಂದು ಹಾಗಿಲ್ಲ. ಅನೇಕ ಬಾರಿ ಜನರು ಮತ್ತೆ ಮದುವೆಯಾಗಬೇಕಾದ (second marriage) ಪರಿಸ್ಥಿತಿ ಉಂಟಾಗುತ್ತದೆ. ಆದರೆ ಗಮನಿಸಬೇಕಾದ ಅಂಶವೆಂದರೆ ಮೊದಲ ಮದುವೆಯ ಸಮಯದಲ್ಲಿ ಇರೋ ಉತ್ಸಾಹವು ಎರಡನೇ ಮದುವೆಯ ಸಮಯದಲ್ಲಿ ಇರೋದಿಲ್ಲ. ಸಂಬಂಧವನ್ನು ಕಾಪಾಡಿಕೊಳ್ಳುವಾಗ ಸಂಗಾತಿಯಲ್ಲಿ ಕೆಲವು ಬದಲಾವಣೆಗಳನ್ನು ಸಹ ಕಾಣಬಹುದು.

ನಾವು ಆಧುನಿಕ ಯುಗವನ್ನು ನೋಡಿದರೆ, ವಿಚ್ಛೇದನವು (divorce) ಸಾಮಾನ್ಯವಾಗುತ್ತಿವೆ ಮತ್ತು ಜಾಗತಿಕ ಅಂಕಿಅಂಶಗಳ ಪ್ರಕಾರ ಭಾರತದಲ್ಲಿ ವಿಚ್ಛೇದನದ ಪ್ರಮಾಣ ಕಡಿಮೆ ಎಂದು ವಿಶ್ವಸಂಸ್ಥೆಯ ವರದಿ ಹೇಳುತ್ತದೆ. ಆದರೆ ಕಳೆದ ಎರಡು ದಶಕಗಳಲ್ಲಿ ಈ ಪ್ರಮಾಣವೂ ಹೆಚ್ಚಾಗಿದೆ. ನೀವು ಈಗಾಗಲೇ ಮದುವೆಯಾಗಿರುವ ಯಾರನ್ನಾದರೂ ಮದುವೆಯಾಗಿದ್ದರೆ ಅಥವಾ ನೀವು ಯಾರನ್ನಾದರೂ ಮದುವೆಯಾಗಲು ಯೋಚಿಸುತ್ತಿದ್ದರೆ, ಕೆಲವು ವಿಷಯಗಳನ್ನು ತಿಳಿದುಕೊಳ್ಳೋದು ಬಹಳ ಮುಖ್ಯ-

ಭಾವನಾತ್ಮಕ ಹೊರೆ ಕಡಿಮೆಯಾಗುವುದಿಲ್ಲ
ಮೊದಲ ಮದುವೆಯಿಂದ ಉಂಟಾದ ದುಃಖ ಒಂದಲ್ಲ ಒಂದು ರೀತಿಯಲ್ಲಿ ಸಂಗಾತಿಯ ಮನಸ್ಸಿನಲ್ಲಿ ಉಳಿಯುತ್ತದೆ. ಸಂಗಾತಿಯು ಕೆಟ್ಟದ್ದನ್ನು ಅನುಭವಿಸುವ ಸಂದರ್ಭಗಳೂ ಇರುತ್ತವೆ ಮತ್ತು ಸಂಗಾತಿಯು ತನ್ನ ಮಾಜಿ ಸಂಗಾತಿಯನ್ನು ಮಿಸ್ (missing their ex partner) ಮಾಡಿಕೊಳ್ಳುವ ಚಾನ್ಸಸ್ ಕೂಡ ಇರುತ್ತೆ.

ಸಂಗಾತಿ ಭಾವನಾತ್ಮಕವಾಗಿ ಕುಗ್ಗಿದಾಗ (emotionally down) ಇದನ್ನು ನಿಭಾಯಿಸುವುದು ಬಹಳ ಮುಖ್ಯ. ಏಕೆಂದರೆ ಇದು ಸಂಭವಿಸಿದಾಗಲೆಲ್ಲಾ, ನೀವು ಜಗಳವಾಡಿದರೆ ಅಥವಾ ಈ ವಿಷಯವನ್ನು ಹೃದಯಕ್ಕೆ ತೆಗೆದುಕೊಂಡರೆ, ಸಂಬಂಧವನ್ನು ಕಾಪಾಡಿಕೊಳ್ಳುವುದು ಕಷ್ಟ. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಹೃದಯದಲ್ಲಿ ಒಂದು ರೀತಿಯ ಭಾವನಾತ್ಮಕ ಹೊರೆ ಸೃಷ್ಟಿಯಾಗುತ್ತದೆ. ನಿಮಗೆ ಅದು ಇಷ್ಟವಾಗದೇ ಇದ್ದರೆ, ಪ್ರತಿ ಬಾರಿ ಅಡ್ಡಿಪಡಿಸುವ ಬದಲು, ಅದರ ಬಗ್ಗೆ ನಿಮ್ಮ ಸಂಗಾತಿಯೊಂದಿಗೆ ನಿಧಾನವಾಗಿ ಮಾತನಾಡಿ. 

ನಿಮ್ಮ ಸಂಗಾತಿಯ ಇನ್ ಸೆಕ್ಯೂರಿಟಿ ಬಗ್ಗೆ ತಿಳಿದುಕೊಳ್ಳೋದು ಮುಖ್ಯ
ಸಂಗಾತಿಯು ಒಂದು ರೀತಿಯಲ್ಲಿ ಅಸುರಕ್ಷಿತ ಭಾವನೆ (insecurity feeling) ಹೊಂದಿರಬಹುದು. ಉದಾಹರಣೆಗೆ, ಮೊದಲ ಮದುವೆ ಮುರಿದು ಬಿದ್ದರೆ, ಮತ್ತೊಂದು ಮದುವೆಯಾಗಲು ಒಂದು ರೀತಿಯ ಇನ್ ಸೆಕ್ಯೂರಿಟಿ ಫೀಲ್ ಆಗುತ್ತದೆ.. ಆದರೆ ಪ್ರತಿಯೊಂದು ಸಂಬಂಧವು ಒಂದೇ ಆಗಿರುವುದಿಲ್ಲ, ಆದರೆ ಜಗಳವಾಡುವ ಬದಲು, ನೀವು ಸಂಗಾತಿಯ ಅಭದ್ರತೆಯನ್ನು ಸ್ವಲ್ಪ ಮಟ್ಟಿಗೆ ಅರ್ಥಮಾಡಿಕೊಳ್ಳಬೇಕು. 

ತಜ್ಞರ ಸಲಹೆ ಬಹಳ ಮುಖ್ಯ (expert advise)
ಸಂಬಂಧಕ್ಕೆ ಸಂಬಂಧಿಸಿದ ಯಾವುದೇ ಪ್ರಮುಖ ನಿರ್ಧಾರ ತಕ್ಷಣ ತೆಗೆದುಕೊಳ್ಳಬೇಡಿ. ಅದು ಮದುವೆಯಾಗಬೇಕೇ ಅಥವಾ ಮದುವೆಯನ್ನು ಮುರಿಯಬೇಕೇ ಅಥವಾ ಕುಟುಂಬ ಯೋಜನೆ ಮುಂತಾದ ಯಾವುದೇ ದೊಡ್ಡ ನಿರ್ಧಾರವಾಗಿರಬಹುದು. ಯೋಚನೆ ಮಾಡಿ ನಿರ್ಧಾರ ಮಾಡೋದು ಮುಖ್ಯ.  ವಾಸ್ತವವಾಗಿ, ವಿಚ್ಛೇದನದ ದುಃಖ ಅಥವಾ ಸಂಗಾತಿಯನ್ನು ಕಳೆದುಕೊಳ್ಳುವುದು ಯಾವುದೇ ರೀತಿಯಲ್ಲಿ ಕೆಟ್ಟದಾಗಿರಬಹುದು.
 

ವಿಚ್ಛೇದನದಿಂದಾಗಿ, ಕೋಪ, ಸ್ವಯಂ-ಅನುಮಾನ, ತಪ್ಪಿತಸ್ಥತೆ, ಗೊಂದಲದಂತಹ ಅನೇಕ ಭಾವನೆಗಳು ಉದ್ಭವಿಸುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಮೊದಲ ಸಂಗಾತಿಯನ್ನು ಅರ್ಥಮಾಡಿಕೊಂಡ (understanding partner) ನಂತರವೇ ಸಂಬಂಧಕ್ಕೆ ಸಂಬಂಧಿಸಿದ ಯಾವುದೇ ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳುವುದು ಮುಖ್ಯ. 

ಪ್ರತಿಯೊಬ್ಬರೂ ಎರಡನೇ ಅವಕಾಶವನ್ನು ಪಡೆಯಬೇಕು, ಆದರೆ ... 
ಪ್ರತಿಯೊಬ್ಬರೂ ಎರಡನೇ ಅವಕಾಶಕ್ಕೆ ಅರ್ಹರು. ಯಾರಾದರೂ ಈ ಮೊದಲು ಸಂಬಂಧದಲ್ಲಿ ಸಂತೋಷ ಕಂಡುಕೊಳ್ಳದಿದ್ದರೆ, ಅವರು ತಮ್ಮ ಮುಂಬರುವ ಸಂಬಂಧದಲ್ಲಿ ಒಂದು ರೀತಿಯ ಸಂತೋಷ ಪಡೆಯಬಹುದು. ಆದರೆ ಎರಡನೇ ಅವಕಾಶ ನೀಡುವ ಮೊದಲು, ಸಂಗಾತಿಯು ಮೊದಲ ಗಾಯದಿಂದ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆಯೇ ಎಂಬುದನ್ನು ನೆನಪಿನಲ್ಲಿಡಿ. ಅಂತಹ ಭಾವನೆಗಳು ಮುಂಬರುವ ಜೀವನದ ಮೇಲೆ ಹೆಚ್ಚಿನ ಪರಿಣಾಮ ಬೀರಬಹುದು. ಆದ್ದರಿಂದ ನಿಮ್ಮ ಸಂಗಾತಿ ಯಾವ ರೀತಿಯ ಆಘಾತವನ್ನು ಅನುಭವಿಸುತ್ತಿದ್ದಾರೆ ಎಂದು ನೀವು ತಿಳಿದುಕೊಳ್ಳುವುದು ಬಹಳ ಮುಖ್ಯ.  

ಅಂತಹ ಸಮಯದಲ್ಲಿ, ಮದುವೆಗೆ ಸಂಬಂಧಿಸಿದ ನಿರ್ಧಾರ ತೆಗೆದುಕೊಳ್ಳುವ ಮೊದಲು ನೀವು ನಿಮ್ಮ ಸಂಗಾತಿಯೊಂದಿಗೆ ಮಾತುಕತೆ ನಡೆಸಬೇಕು. ರಿಲೆಶನ್ಶಿಪ್ ಎಕ್ಸ್ ಪರ್ಟ್ (relationship expert) ಅಭಿಪ್ರಾಯವು  ಹೆಚ್ಚು ಸಹಾಯಕ. ಹಾಗಾಗಿ ಇನ್ನು ಮುಂದೆ ಎರಡನೇ ಮದುವೆಯಾಗುತ್ತಿರುವ ಸಂಗಾತಿ ಜೊತೆ ಮುಂದುವರೆಯುವ ಮುನ್ನ ಇವುಗಳ ಬಗ್ಗೆ ಯೋಚನೆ ಮಾಡಿ.