ಮನೇಲಿ ಹುಡುಕಿದವರನ್ನು ಮದ್ವೆ ಆಗ್ತಿದ್ದೀರಾ? ಜೀವನ ಸಂಗಾತಿ ಆರಿಸುವಾಗ ಆಗದಿರಲಿ ಈ ತಪ್ಪು!

ಅರೇಂಜ್ ಮ್ಯಾರೇಜ್ ಯಶಸ್ವಿಯಾಗಿರಬೇಕು ಅಂದ್ರೆ, ಕೆಲವು ವಿಷಯಗಳ ಬಗ್ಗೆ ಕಾಳಜಿ ವಹಿಸುವುದು ಬಹಳ ಮುಖ್ಯ. ಕೆಲವೊಮ್ಮೆ ಅರೇಂಜ್ ಮ್ಯಾರೇಜ್ ನಲ್ಲಿ ಜೀವನ ಸಂಗಾತಿಯನ್ನು ಆಯ್ಕೆ ಮಾಡುವಾಗ, ಜನರು ಕೆಲವು ತಪ್ಪುಗಳನ್ನು ಮಾಡುತ್ತಾರೆ, ಇದರಿಂದಾಗಿ ಅವರು ಭವಿಷ್ಯದಲ್ಲಿ ಅನೇಕ ಸವಾಲುಗಳನ್ನು ಎದುರಿಸಬೇಕಾಗಬಹುದು. ಈ ತಪ್ಪುಗಳ ಬಗ್ಗೆ ತಿಳಿದುಕೊಳ್ಳೋಣ.  

ಅರೇಂಜ್ ಮ್ಯಾರೇಜ್ (arranged marriage) ನಲ್ಲಿ ಉತ್ತಮ ಜೀವನ ಸಂಗಾತಿಯನ್ನು ಆಯ್ಕೆ ಮಾಡುವುದು ತುಂಬಾ ಕಷ್ಟದ ಕೆಲಸ ಏಕೆಂದರೆ ಅದು ನಿಮ್ಮ ಇಡೀ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಅರೇಂಜ್ ಮ್ಯಾರೇಜ್ ಗಳಲ್ಲಿ, ಹುಡುಗ ಮತ್ತು ಹುಡುಗಿಗಿಂತ ಕುಟುಂಬದವರೇ ಎಲ್ಲದಕ್ಕೂ ಮಧ್ಯೆ ಬರುತ್ತಾರೆ. ಭಾರತದಲ್ಲಿ, ಕೆಲವೊಂದು ಅರೇಂಜ್ ಮ್ಯಾರೇಜ್ ಗಳಲ್ಲಿ ಹುಡುಗನಿಗಿಂತ ಆತನ ಕುಟುಂಬವು ಹುಡುಗಿಯನ್ನು ಇಷ್ಟಪಡೋದು ಮುಖ್ಯ. ಇದರ ನಂತರ, ಹುಡುಗ, ಹುಡುಗಿ ನೋಡಿದ್ರೆ ಮದುವೆ ಫಿಕ್ಸ್ ಆಗೋಯ್ತು.

ಅರೇಂಜ್ ಮ್ಯಾರೇಜ್ ಗಳಲ್ಲಿ ಸರಿಯಾದ ಜೀವನ ಸಂಗಾತಿಯನ್ನು (life partner) ಹುಡುಕುವುದು ನಿಮ್ಮ ಇಡೀ ಜೀವನವನ್ನು ಬದಲಾಯಿಸುತ್ತದೆ ಮತ್ತು ನಿಮ್ಮನ್ನು ಸಂತೋಷವಾಗಿರಿಸುತ್ತದೆ. ಆದರೆ ಅನೇಕ ಬಾರಿ ಅರೇಂಜ್ ಮ್ಯಾರೇಜ್ ನಿಂದಾಗಿ, ಜನರು ತಮ್ಮ ಜೀವನದುದ್ದಕ್ಕೂ ತೊಂದರೆಗೀಡಾಗಬೇಕಾಗುತ್ತದೆ. ಅರೇಂಜ್ ಮ್ಯಾರೇಜ್ ನಲ್ಲಿ ಜೀವನ ಸಂಗಾತಿಯನ್ನು ಆಯ್ಕೆ ಮಾಡುವಾಗ ಜನರು ಕೆಲವು ತಪ್ಪುಗಳನ್ನು ಮಾಡುತ್ತಾರೆ , ಇಂತಹ ತಪ್ಪುಗಳನ್ನು ನೀವು ಮಾಡದೇ ಇದ್ದರೆ, ನಿಮಗೆ ಬೆಸ್ಟ್ ಸಂಗಾತಿ ದೊರೆಯುತ್ತಾರೆ.

ಹೊಂದಾಣಿಕೆ ಬಗ್ಗೆ ಗಮನ ಹರಿಸದೇ ಇರೋದು
ಅರೇಂಜ್ ಮ್ಯಾರೇಜ್ ಗಳಲ್ಲಿ, ಜನರು ಹೆಚ್ಚಾಗಿ ಅವರ ಕುಟುಂಬ ಹೇಗಿದೆ? ಜಾತಕ ಹೊಂದಾಣಿಕೆ (compatibility) ಆಗುತ್ತ ಅನ್ನೋದನ್ನೇ ನೋಡುತ್ತಾರೆ. ಆದರೆ ಹುಡುಗ - ಹುಡುಗಿ ನಡುವೆ ಹೊಂದಾಣಿಕೆ ಆಗುತ್ತಾ ಅನ್ನೋದನ್ನು ಮಾತ್ರ ನೋಡಲ್ಲ. ಸಾಮಾಜಿಕ ಸ್ಥಾನಮಾನ, ಮತ್ತು ಕುಟುಂಬದ ಆರ್ಥಿಕ ಸ್ಥಿತಿ. ಒಪ್ಪಿಕೊಂಡಂತೆ, ಈ ಎಲ್ಲಾ ವಿಷಯಗಳು ನೋಡುವುದು ಮುಖ್ಯ. ಹುಡುಗ -ಹುಡುಗಿ ನಡುವೆ ಹೊಂದಾಣಿಕೆ ಇಲ್ಲಾ ಅಂದ್ರೆ ಮುಂದೆ ಜೀವನ ನಡೆಸೋದು ತುಂಬಾನೆ ಕಷ್ಟವಾಗುತ್ತೆ. 

ಆದ್ಯತೆಗಳನ್ನು ನಿರ್ಲಕ್ಷಿಸುವುದು
ಅನೇಕ ಬಾರಿ ಜನರು ಕುಟುಂಬದ ಒತ್ತಡದಿಂದಾಗಿ ತಮ್ಮ ಆದ್ಯತೆಗಳು ಮತ್ತು ಆಸೆಗಳನ್ನು ನಿರ್ಲಕ್ಷಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಜೀವನ ಸಂಗಾತಿಯನ್ನು ಆಯ್ಕೆ ಮಾಡುವ ಮೊದಲು, ನಿಮ್ಮ ಆದ್ಯತೆಗಳು ಮತ್ತು ಆಸೆಗಳ ಬಗ್ಗೆ ನೀವು ಕುಟುಂಬಕ್ಕೆ ಮುಂಚಿತವಾಗಿ ಹೇಳುವುದು ಮುಖ್ಯ, ಇದರಿಂದ ನಿಮ್ಮ ಜೀವನ ಬದಲಾಗಬಹುದು. 

ಅವಸರದ ನಿರ್ಧಾರ ತೆಗೆದುಕೊಳ್ಳುವುದು (wrong decision)
ಅನೇಕ ಬಾರಿ ಜನರು ಪರಸ್ಪರ ಅರ್ಥಮಾಡಿಕೊಳ್ಳದೆ ಅವಸರದ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾರೆ. ಬೇಗನೆ ಮದುವೆಯಾಗಲಿ ಎಂದು ಇಬ್ಬರ  ಕುಟುಂಬ ಅಥವಾ ಹೊರಗಿನ ಜನರ ಒತ್ತಡವು ತುಂಬಾ ಹೆಚ್ಚಾಗಿರುತ್ತದೆ. ಒಂದು ವೇಳೆ ನಿಮ್ಮ ಅರೇಂಜ್ ಮ್ಯಾರೇಜ್ ಯಶಸ್ವಿಗೊಳಿಸಲು ನೀವು ಬಯಸಿದರೆ, ಮೊದಲಿಗೆ ಪರಸ್ಪರ ಚೆನ್ನಾಗಿ ತಿಳಿದುಕೊಳ್ಳುವುದು ಮತ್ತು ಮಾತನಾಡುವುದು ಮುಖ್ಯ.

ನಿಮ್ಮ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳದಿರುವುದು
ಅರೇಂಜ್ ಮ್ಯಾರೇಜ್ ಗಳಲ್ಲಿ, ಹುಡುಗ ಅಥವಾ ಹುಡುಗಿ ಮದುವೆಯ ನಿರ್ಧಾರಗಳನ್ನು (marriage decision)ತೆಗೆದುಕೊಳ್ಳಲು ಕುಟುಂಬಕ್ಕೆ ಸಂಪೂರ್ಣ ಅಧಿಕಾರವನ್ನು ನೀಡುತ್ತಾರೆ ಮತ್ತು ಮದುವೆ ನಂತರ ಯಾವುದೇ ಸಮಸ್ಯೆ ಇದ್ದರೆ, ಅವರು ಅದಕ್ಕಾಗಿ ಕುಟುಂಬವನ್ನು ದೂಷಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಮದುವೆ ನಂತರದ ಎಲ್ಲಾ ಸಮಸ್ಯೆಗಳನ್ನು ತಪ್ಪಿಸಲು ನೀವು ಮದುವೆ ವಿಚಾರದಲ್ಲಿ ಸ್ವಂತ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕು. 

ಮಾತನಾಡದಿರುವುದು
ಹುಡುಗ ಮತ್ತು ಹುಡುಗಿಯ ಸಂಬಂಧವನ್ನು ಎರಡು ಕುಟುಂಬಗಳು ಒಟ್ಟಿಗೆ ನಿರ್ಧರಿಸುತ್ತವೆ ಮತ್ತು ಈ ಸಮಯದಲ್ಲಿ ತಮ್ಮ ಇಡೀ ಜೀವನವನ್ನು ಒಟ್ಟಿಗೆ ಕಳೆಯಬೇಕಾದವರ ನಡುವೆ ಯಾವುದೇ ಮಾತುಕತೆ ನಡೆಯೋದೆ(not taking before marriage) ಇಲ್ಲ. ಮದುವೆಗೆ ಮೊದಲು ಹುಡುಗ ಮತ್ತು ಹುಡುಗಿ ಪರಸ್ಪರ ಮಾತನಾಡಲು ಕೆಲವು ಕುಟುಂಬದಲ್ಲಿ ಅನುಮತಿ ನೀಡೋದೆ ಇಲ್ಲ. ಅಥವಾ ಕೆಲವೊಮ್ಮೆ ಅವರು ತಮ್ಮ ಸ್ವಂತ ಇಚ್ಛೆಯಿಂದ ಪರಸ್ಪರ ಮಾತನಾಡುವುದಿಲ್ಲ. ಅರೇಂಜ್ ಮ್ಯಾರೇಜ್ ನಲ್ಲಿ ಮದುವೆಗೂ ಮುನ್ನ ಮಾತನಾಡದೇ ಇದ್ದರೆ, ಇಬ್ಬರ ನಡುವೆ ಸಮಸ್ಯೆಗಳು ಹೆಚ್ಚುವ ಸಾಧ್ಯತೆ ಇರುತ್ತೆ.