ಗಂಡನ ನಡೆ ಹೀಗಿದ್ಯಾ? ಯೋಚಿಸಲೇ ಬೇಡಿ, ಅವನು ಯಾವತ್ತೂ ನಿಮ್ಮಿಂದ ದೂರವಾಗೋಲ್ಲ!

ಮದುವೆ (marriage) ಬಂಧವು ತುಂಬಾ ದುರ್ಬಲವಾಗಿದ್ರೆ, ಇದನ್ನು ಸಾಕಷ್ಟು ಪ್ರೀತಿ ಮತ್ತು ವಿಶ್ವಾಸದೊಂದಿಗೆ ಜೋಡಿಸಬೇಕಾಗುತ್ತದೆ. ಇವುಗಳಲ್ಲಿ ಯಾವುದಾದರೂ ಒಂದು ದುರ್ಬಲಗೊಂಡರೆ, ಸಂಬಂಧವು ಮುರಿದು ಬೀಳುವುದು ಸಾಮಾನ್ಯ. ಅದೇ ಸಮಯದಲ್ಲಿ, ಕೆಲವು ಸಂದರ್ಭಗಳಲ್ಲಿ, ವಿಷಯ ವಿಚ್ಛೇದನದವರೆಗೂ ತಲುಪುತ್ತದೆ, ಕೆಲವೊಮ್ಮೆ ಏನಾಗುತ್ತೆ ಅಂದ್ರೆ, ಸಂಗಾತಿಯೂ ನಿಮ್ಮನ್ನು ಜೀವನಪೂರ್ತಿ ಚೆನ್ನಾಗಿ ನೋಡಿಕೊಳ್ಳುತ್ತಾನೋ? ಅಥವಾ ಜೊತೆಯಾಗಿರುತ್ತಾನೋ ಅನ್ನೋದನ್ನು ಅರ್ಥ ಮಾಡಿಕೊಳ್ಳಲು ಸಹ ಕಷ್ಟಪಡಬೇಕಾಗುತ್ತೆ. ಕೆಲವೊಮ್ಮೆ ಸಂಬಂಧವನ್ನು ಅರ್ಥಮಾಡಿಕೊಳ್ಳೋದೆ ತುಂಬಾ ಕಷ್ಟ. ಇದರಿಂದ ಅಂತರ ಉಂಟಾಗಿ ಬೇರೆ ಬೇರೆಯಾಗುವ ಸಾಧ್ಯತೆ ಕೂಡ ಇದೆ.

ನಿಮಗೂ ನಿಮ್ಮ ಸಂಗಾತಿ ಮೇಲೆ ಸಂಶಯ ಇದ್ರೆ, ನಿಮ್ಮ ಪತಿಯ ಬಾಡಿ ಲಾಂಗ್ವೇಜ್ ನೋಡುವ ಮೂಲಕ ಅವರು ಈ ಮದುವೆಯಲ್ಲಿ ಉಳಿಯಲು ಬಯಸುತ್ತಾರೆಯೇ ಅಥವಾ ಇಲ್ಲವೇ ಎಂಬುದನ್ನು ನೀವು ಹೇಗೆ ಕಂಡುಹಿಡಿಯಬಹುದು ಅನ್ನೋದನ್ನು ತಿಳಿಯೋಣ.. 

ನಿಮ್ಮ ಪತಿ ಮದುವೆಯನ್ನು ಉಳಿಸಲು ಬಯಸುತ್ತಾರೆಯೇ ಎಂದು ತಿಳಿಯುವುದು ಹೇಗೆ?
ನಿಮ್ಮ ಪತಿ ನಿಮ್ಮನ್ನು ಎಂದಿಗೂ ಬಿಟ್ಟುಕೊಡುವುದಿಲ್ಲ ಅನ್ನೋದಾದ್ರೆ, ಅವರ ಕೆಲವು ಕ್ರಿಯೆಗಳು ನಿಮಗೆ ತಿಳಿಯುವಂತೆ ಇರುತ್ತವೆ. ಅವರು ಹಿಂದೆಂದಿಗಿಂತಲೂ ಹೆಚ್ಚು ನಿಮ್ಮನ್ನು ನೋಡಿಕೊಳ್ಳಲು (caring husband) ಪ್ರಾರಂಭಿಸಿದ್ರೆ. ಮೊದಲಿನಂತೆ ನಿಮ್ಮ ಎಲ್ಲಾ ವಿಷಯಗಳನ್ನು ಕೇಳಲು ಪ್ರಾರಂಭಿಸಿದ್ದಾರೆ. ಅವರು ಗೌರವಿಸಲು ಪ್ರಾರಂಭಿಸಿದ್ರೆ ನಿಮ್ಮನ್ನ ಅವರು ಬಿಟ್ಟು ಹೋಗಲ್ಲ ಎಂದರ್ಥ. 

ಅಷ್ಟೇ ಅಲ್ಲ ಅವರು ಸಂಬಂಧದಲ್ಲಿ ಅನ್ಯೋನ್ಯತೆಯನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಿದ್ದರೆ, ಇದು ನಿಮ್ಮ ಸಂಬಂಧದಲ್ಲಿ ಹೊಳಪನ್ನು ತರಬಹುದು. ನಿಮ್ಮ ಪತಿ ಈ ರೀತಿಯ ಏನನ್ನಾದರೂ ಮಾಡುತ್ತಿದ್ದರೆ, ಅವರು ಸಂಬಂಧವನ್ನು ಉಳಿಸಲು (save relationship) ಬಯಸುತ್ತಾರೆ ಎಂದು ಅರ್ಥಮಾಡಿಕೊಳ್ಳಿ. ಅವರು ಯಾವತ್ತೂ ನಿಮ್ಮನ್ನು ಮಿಸ್ ಮಾಡಿಕೊಳ್ಳಲು ಬಯಸುವುದಿಲ್ಲ. 

ನೀವು ಮನೆ ಕೆಲಸಗಳನ್ನು ಮಾಡುತ್ತಿದ್ದರೆ, ಹಿಂದೆಂದೂ ಸಹಾಯ ಮಾಡದವರು ಇದೀಗ ಎಲ್ಲಾ ವಿಷ್ಯಗಳಲ್ಲೂ ನಿಮಗೆ ನೆರವು ನೀಡಿದ್ರೆ, ಇದು ಮದುವೆಯನ್ನು ಉಳಿಸುವ ಸಂಕೇತವಾಗಿದೆ. ಅದೇ ಸಮಯದಲ್ಲಿ, ನಿರ್ಧಾರ ತೆಗೆದುಕೊಳ್ಳುವ ಮೊದಲು ಅವರು ನಿಮ್ಮೊಂದಿಗೆ ಆ ಬಗ್ಗೆ ಚರ್ಚೆ ನಡೆಸಿ ನಿರ್ಧಾರ ತೆಗೆದುಕೊಂಡ್ರೆ, ಅದು, ಸಂಬಂಧವನ್ನು ಪುನರಾರಂಭಿಸುವ ಉತ್ತಮ ಸಂಕೇತ.  

ಇಷ್ಟೇ ಅಲ್ಲದೇ ಅವರು ಮಕ್ಕಳ ಜವಾಬ್ದಾರಿಯನ್ನು (responsibility of kids) ತೆಗೆದುಕೊಂಡಿದ್ದರೆ ಅದು ಸಂಬಂಧ ಮುಂದುವರೆಯಲು ಉತ್ತಮ ಸಂಕೇತ. ನಿಮ್ಮ ಪತಿ ಇದೆಲ್ಲವನ್ನೂ ಮಾಡುತ್ತಿದ್ದಾರೆ ಎಂದಾದ್ರೆ ಅವರಿಗೆ ಈ ಮದುವೆಯ ಬಂಧನದಿಂದ ದೂರ ಸರಿಯೋದಕ್ಕೆ ಇಷ್ಟ ಇಲ್ಲ ಎಂದು ಅರ್ಥ. ಅವರು ಯಾವತ್ತೂ ನಿಮ್ಮನ್ನು ಬಿಟ್ಟು ದೂರ ಹೋಗಲ್ಲ.