ಮಕ್ಕಳ್‌ ಸೆಲ್ವನ್‌ ವಿಜಯ್‌ ಸೇತುಪತಿ ಆಸ್ತಿ ಎಷ್ಟು, ಹೂಡಿಕೆ ಮಾಡಿದ್ದೆಲ್ಲಿ?

ಸಿನಿಮಾದಲ್ಲಿ ಏನಾದರೂ ಸಾಧಿಸಬೇಕು ಅಂತ ಬಂದು, ಆರಂಭದಲ್ಲಿ ಪುದುಪೇಟೈ, ಎಂ.ಕುಮಾರನ್ ಸನ್ ಆಫ್ ಮಹಾಲಕ್ಷ್ಮಿ ಹೀಗೆ ಚಿಕ್ಕ ಪುಟ್ಟ ಪಾತ್ರಗಳಲ್ಲಿ ನಟಿಸಿದ್ದ ವಿಜಯ್ ಸೇತುಪತಿಗೆ ದೊಡ್ಡ ಬ್ರೇಕ್ ಸಿಕ್ಕಿದ್ದು 'ತೆನ್ಮೇರ್ಕು ಪರುವಕ್ಕಾಟ್ರು' ಚಿತ್ರದಿಂದ. ಸೀನು ರಾಮಸಾಮಿ ನಿರ್ದೇಶನದ ಈ ಚಿತ್ರದ ಮೂಲಕ ನಾಯಕ ನಟನಾಗಿ ಪರಿಚಿತರಾದರು. ಈ ಚಿತ್ರಕ್ಕೆ ರಾಷ್ಟ್ರ ಪ್ರಶಸ್ತಿ ಕೂಡ ಸಿಕ್ಕಿತ್ತು.

'ತೆನ್ಮೇರ್ಕು ಪರುವಕ್ಕಾಟ್ರು' ಚಿತ್ರದ ಯಶಸ್ಸಿನ ನಂತರ, 'ಪಿಜ್ಜಾ', 'ಸೂದು ಕವ್ವುಂ', 'ನಡುವುಲ ಕೊಂಜಂ ಪಕ್ಕತ್ತ ಕಾನೋಮ್' ಹೀಗೆ ಹ್ಯಾಟ್ರಿಕ್ ಹಿಟ್ ಚಿತ್ರಗಳನ್ನು ನೀಡಿ ತಮಿಳು ಸಿನಿಮಾದ ಸ್ಟಾರ್ ನಟರಾಗಿ ಹೊರಹೊಮ್ಮಿದರು. ನಾಯಕನಾಗಿ ಮಾತ್ರವಲ್ಲದೆ ಖಳನಾಯಕ, ಪೋಷಕ ಪಾತ್ರಗಳಲ್ಲೂ ನಟಿಸಿದ ವಿಜಯ್ ಸೇತುಪತಿಗೆ ತಮಿಳು ಮಾತ್ರವಲ್ಲದೆ ತೆಲುಗು, ಹಿಂದಿ, ಮಲಯಾಳಂ ಭಾಷೆಗಳಿಂದಲೂ ಅವಕಾಶಗಳು ಹರಿದು ಬಂದವು.

ಬಾಲಿವುಡ್ ಬಾದ್‍ಶಾ ಶಾರುಖ್ ಖಾನ್‍ಗೆ ಖಳನಾಯಕನಾಗಿ ವಿಜಯ್ ಸೇತುಪತಿ ನಟಿಸಿದ 'ಜವಾನ್' ಚಿತ್ರ ಬಾಕ್ಸ್ ಆಫೀಸ್‍ನಲ್ಲಿ 1000 ಕೋಟಿಗೂ ಹೆಚ್ಚು ಗಳಿಸಿ ಸೂಪರ್ ಹಿಟ್ ಆಯಿತು. ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ವಿಜಯ್ ಸೇತುಪತಿ ಇತ್ತೀಚೆಗೆ ಬಿಗ್ ಬಾಸ್ ಕಾರ್ಯಕ್ರಮದ ನಿರೂಪಕರಾಗಿಯೂ ಕಾಣಿಸಿಕೊಂಡರು. ಕಮಲ್ ಹಾಸನ್ 7 ಸೀಸನ್‍ಗಳನ್ನು ನಿರೂಪಿಸಿದ್ದರೆ, 8ನೇ ಸೀಸನ್‍ನಲ್ಲಿ ವಿಜಯ್ ಸೇತುಪತಿ ನಿರೂಪಕರಾಗಿ ಬಂದಿದ್ದರು.

ಬಿಗ್ ಬಾಸ್ ಕಾರ್ಯಕ್ರಮ ನಿರೂಪಿಸಲು ವಿಜಯ್ ಸೇತುಪತಿಗೆ 60 ಕೋಟಿ ಸಂಭಾವನೆ ನೀಡಲಾಗಿದೆ. ಸಿನಿಮಾದಲ್ಲಿ ನಾಯಕನಾಗಿ ನಟಿಸಲು 30 ಕೋಟಿ ಸಂಭಾವನೆ ಪಡೆಯುವ ವಿಜಯ್ ಸೇತುಪತಿ, ಬಿಗ್ ಬಾಸ್‍ಗೆ ಎರಡು ಪಟ್ಟು ಸಂಭಾವನೆ ಪಡೆದಿದ್ದಾರೆ.

14 ವರ್ಷಗಳ ಹಿಂದೆ ನಾಯಕ ನಟನಾಗಿ ಬಂದ ವಿಜಯ್ ಸೇತುಪತಿ 50ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರ ಒಟ್ಟು ಆಸ್ತಿ 140 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. ಚೆನ್ನೈನಲ್ಲಿ 50 ಕೋಟಿ ರೂ. ಮೌಲ್ಯದ ಐಷಾರಾಮಿ ಬಂಗಲೆ ಹೊಂದಿದ್ದಾರೆ.

ಒಟಿಟಿಯಲ್ಲಿ ಅಬ್ಬರಿಸಿದ ವಿಜಯ್ ಸೇತುಪತಿಯ 'ಮಹಾರಾಜ'ನ ಜೇಬು ಸೇರಿದ ಹಣವೆಷ್ಟು?

ವಿಜಯ್ ಸೇತುಪತಿ ತಮ್ಮ ಗಳಿಕೆಯನ್ನು ಹೆಚ್ಚಾಗಿ ರಿಯಲ್ ಎಸ್ಟೇಟ್‍ನಲ್ಲಿ ಹೂಡಿಕೆ ಮಾಡುತ್ತಾರೆ. ಚೆನ್ನೈನಲ್ಲಿ ಕೀಳ್ಪಾಕ್ಕಂ, ಎಣ್ಣೂರು ಸೇರಿದಂತೆ ಹಲವು ಪ್ರದೇಶಗಳಲ್ಲಿ 100 ಎಕರೆಗೂ ಹೆಚ್ಚು ಭೂಮಿ ಹೊಂದಿದ್ದಾರೆ. ಕಾರುಗಳ ಮೇಲೆ ಅಪಾರ ಆಸಕ್ತಿ ಹೊಂದಿರುವ ವಿಜಯ್ ಸೇತುಪತಿ ಮಿನಿ ಕೂಪರ್, BMW 7 ಸೀರೀಸ್, ಇನ್ನೋವಾ, ಬೆನ್ಜ್ ಕಾರುಗಳನ್ನು ಹೊಂದಿದ್ದಾರೆ.

ಬಿಗ್ ಬಾಸ್ ಮನೆಗೆ ಲವ್ವರ್ ಜೊತೆಗೆ ಎಂಟ್ರಿ ಕೊಟ್ಟ ಕನ್ನಡದ ಆಕಾಶದೀಪ ದಿವ್ಯಾಳ ಗಂಡ ಅರ್ನವ್!