ದೇಶಾದ್ಯಾಂತ 84 ಲಕ್ಷ ವಾಟ್ಸಾಪ್ ಖಾತೆಗಳು ಬ್ಯಾನ್! ಈ ಕೆಲಸ ಮಾಡಿದ್ರೆ ನಿಮ್ದೂ ನಿಷೇಧ!

ಜಗತ್ತಿನ ಅತ್ಯಂತ ಜನಪ್ರಿಯ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಂದಾದ ವಾಟ್ಸಾಪ್ ನಿರಂತರವಾಗಿ ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸುತ್ತಿದೆ. ಆದಾಗ್ಯೂ, ವಾಟ್ಸಾಪ್ ಈಗ ಒಂದರ ನಂತರ ಒಂದು ಖಾತೆಗಳನ್ನು ನಿಷೇಧಿಸುತ್ತಿದೆ. ನಿಮ್ಮ ಖಾತೆಯೂ ಮುಂದಿನದ್ದಾಗಿರಬಹುದು.

ಸುಮಾರು 84 ಲಕ್ಷ ಖಾತೆಗಳನ್ನು ಈಗಾಗಲೇ ನಿಷೇಧಿಸಲಾಗಿದೆ. ಕೇವಲ ಒಂದು ತಿಂಗಳೊಳಗೆ ಹಲವಾರು ಖಾತೆಗಳನ್ನು ನಿಷೇಧಿಸಲಾಗುತ್ತಿದೆ. ವಂಚನೆಗಾಗಿ ಬಳಸುವ ವಾಟ್ಸಾಪ್ ಖಾತೆಗಳನ್ನು ಈಗ ನಿಷೇಧಿಸಲಾಗುತ್ತಿದೆ.

ಕಂಪನಿಯು ಈ ಬಗ್ಗೆ ಪಾರದರ್ಶಕತಾ ವರದಿಯನ್ನು ಸಹ ಪ್ರಕಟಿಸಿದೆ. ಬಳಕೆದಾರರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಸುಮಾರು 84.58 ಲಕ್ಷ ವಾಟ್ಸಾಪ್ ಖಾತೆಗಳನ್ನು ನಿಷೇಧಿಸಲಾಗಿದೆ.

ಕಂಪನಿಯ ವರದಿಯ ಪ್ರಕಾರ, ಆಗಸ್ಟ್ 1 ರಿಂದ ಆಗಸ್ಟ್ 31 ರವರೆಗೆ ಈ ಖಾತೆಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. 16.61 ಲಕ್ಷ ಖಾತೆಗಳನ್ನು ತಕ್ಷಣವೇ ಮುಚ್ಚಲಾಗಿದೆ. ಒಬ್ಬ ವ್ಯಕ್ತಿಯು ಇನ್ನೊಬ್ಬ ಬಳಕೆದಾರರ ವಿರುದ್ಧ ದೂರು ದಾಖಲಿಸಿದರೆ, ತನಿಖೆಯ ನಂತರ ಖಾತೆಯನ್ನು ಮುಚ್ಚಲಾಗುತ್ತದೆ.