ಆ್ಯಪಲ್‌ ಕಂಪನಿಯಿಂದ ಗಣೇಶ ಚತುರ್ಥಿ ಆಫರ್, ಐಫೋನ್ ಬೆಲೆಯಲ್ಲಿ ಭಾರಿ ಕಡಿತ!

ಭಾರತದಲ್ಲೇ ಸಂಪೂರ್ಣವಾಗಿ ಉತ್ಪಾದನೆಯಾಗಿರುವ ಐಫೋನ್ 15 ಇತ್ತೀಚೆಗಷ್ಟೇ ಜಗತ್ತಿಗೆ ಬಿಡುಗಡೆಯಾಗಿದೆ. ಇದರ ಬೆನ್ನಲ್ಲೇ ಆ್ಯಪಲ್ ತನ್ನ ಹಿಂದಿನ ಜನರೇಶನ್ ಮಾಡೆಲ್ ಫೋನ್‌ಗಳ ಬೆಲೆ ಕಡಿತ ಮಾಡಿದೆ.

ಆ್ಯಪಲ್ ಐಫೋನ್ 14, ಹಾಗೂ 13 ಮಾಡೆಲ್‌ನಲ್ಲಿ ಎಲ್ಲಾ ವೇರಿಯೆಂಟ್ ಮೇಲೆ ಬೆಲೆ ಕಡಿತಗೊಳಿಸಿದೆ. ದುಬಾರಿ ಬೆಲೆಯ ಐಫೋನ್ ಇದೀಗ ಕೈಗೆಟುಕವ ದರದಲ್ಲಿ ಲಭ್ಯವಿದೆ. ಈ ಆಫರ್ ಕೆಲ ದಿನದಗಳ ಮಾತ್ರ ಇರಲಿದೆ.

79,900 ರೂಪಾಯಿ ಬೆಲೆಯ ಆ್ಯಪಲ್ ಐಫೋನ್ 14 (128GB) ಫೋನ್ ಬೆಲೆ ಇದೀಗ 69,900 ರೂಪಾಯಿಗೆ ಲಭ್ಯವಿದೆ. ಬರೋಬ್ಬರಿ 10,000 ರೂಪಾಯಿ ಕಡಿತಗೊಳಿಸಲಾಗಿದೆ.  ಇನ್ನು ಆ್ಯಪಲ್ ಐಫೋನ್ 14 (256GB) ಫೋನ್ ಬೆಲೆಯಲ್ಲೂ 10,000 ರೂಪಾಯಿ ಕಡಿತಗೊಳಿಸಲಾಗಿದೆ.

1,09,900 ರೂಪಾಯಿ ಬೆಲೆಯ 512GB ಸ್ಟೋರೇಜ್ ಸಾಮರ್ಥ್ಯದ ಆ್ಯಪಲ್ ಐಫೋನ್ 14 ಬೆಲೆ ಇದೀಗ 99,900 ರೂಪಾಯಿಗೆ ಲಭ್ಯವಿದೆ. ಈ ವೇರಿಯೆಟ್  ಮೇಲೂ 10,000 ರೂಪಾಯಿ ಕಡಿತಗೊಳಿಸಲಾಗಿದೆ.

89,900 ರೂಪಾಯಿ ಬೆಲೆಯಲ್ಲಿ ಬಿಡುಗಡೆಯಾದ  ಆ್ಯಪಲ್ ಐಫೋನ್ 14 ಪ್ಲಸ್ (128GB) ಫೋನ್ ಇದೀಗ 79,900 ರೂಪಾಯಿಗೆ  ಲಭ್ಯವಿದೆ. ಇನ್ನು 256GB ವೇರಿಯೆಂಟ್ ಫೋನ್ ಬೆಲೆಯಲ್ಲೂ 10,000 ರೂಪಾಯಿ ಕಡಿತಗೊಳಿಸಲಾಗಿದ್ದು, 89,900 ರೂಪಾಯಿಗೆ ಲಭ್ಯವಿದೆ

512GB ಸ್ಟೋರೇಜ್ ಸಾಮರ್ಥ್ಯದ ಆ್ಯಪಲ್ ಐಫೋನ್ 14 ಪ್ಲಸ್ ಫೋನ್ ಬೆಲೆಯಲ್ಲಿ 10 ಸಾವಿರ ರೂ ಕಡಿತ ಮಾಡಲಾಗಿದೆ. ಈ ಮೊದಲು 1,19,900 ರೂಪಾಯಿ ಇದ್ದ ಬೆಲೆ ಇದೀಗ 1,09,900 ರೂಪಾಯಿಗೆ ಲಭ್ಯವಿದೆ.

ಆ್ಯಪಲ್ ಐಫೋನ್  13(128GB)  ಫೋನ್ ಬೆಲೆಯಲ್ಲಿ 20,000 ರೂಪಾಯಿ ಕಡಿತಗೊಳಿಸಲಾಗಿದ್ದು, ಸದ್ಯ 59,900 ರೂಪಾಯಿಗೆ ಲಭ್ಯವಿದೆ. ಇನ್ನು 256GB ಸ್ಟೋರೇಜ್ ಫೋನ್ 89,900 ರೂಪಾಯಿ ಬದಲು 69,900 ರೂಪಾಯಿಗೆ ಲಭ್ಯವಿದೆ. 512GB ಫೋನ್ ಬೆಲೆಯಲ್ಲಿ 20,000 ರೂಪಾಯಿ ಕಡಿತಗೊಳಿಸಲಾಗಿದ್ದು, ಸದ್ಯ 89,900 ರೂಪಾಯಿಗೆ ಲಭ್ಯವಿದೆ.

ಆ್ಯಪಲ್ ಐಫೋನ್ 12 (64GB) ಫೋನ್ ಮೇಲೆ 16,910 ರೂಪಾಯಿ ಕಡಿತಗೊಳಿಸಲಾಗಿದೆ. ಇದೀಗ 48,990 ರೂಪಾಯಿ ಬೆಲೆಯಲ್ಲಿ ಲಭ್ಯವಿದೆ. ಇನ್ನು 256GB ಸ್ಟೋರೇಜ್ ವೇರಿಯೆಂಟ್ ಫೋನ್ ಮೇಲೆ 15,910 ರೂಪಾಯಿ ರಿಯಾಯಿತಿ ನೀಡಲಾಗಿದ್ದು, 64,990 ರೂಪಾಯಿ ಬೆಲೆಯಲ್ಲಿ ಲಭ್ಯವಿದೆ.