ನಾಳೆ ಮಹತ್ವದ ಆ್ಯಪಲ್ ಈವೆಂಟ್: ಐಫೋನ್‌ 15 ಜತೆ ಮತ್ತೇನು ಸರ್‌ಪ್ರೈಸ್‌ ಕಾದಿದೆ ನೋಡಿ..

ಆ್ಯಪಲ್ ಕಂಪನಿ ನಾಳೆ ಮಹತ್ವದ 'Wonderlust' ಈವೆಂಟ್‌ ನಡೆಸಲಿದೆ. ಈ ವೇಳೆ ಕಂಪನಿಯ ಮಹತ್ವಾಕಾಂಕ್ಷೆಯ ಐಫೋನ್‌ 15 ಅನ್ನು ಬಿಡುಗಡೆ ಮಾಡಲಾಗುತ್ತದೆ. ಸೆಪ್ಟೆಂಬರ್‌ 12 ರಂದು ನಡೆಯುವ ಈವೆಂಟ್‌ನಲ್ಲಿ ಕಂಪನಿಯು ಕನಿಷ್ಟ ಆರು ಹೊಸ  Apple ಉತ್ಪನ್ನಗಳನ್ನು ಮತ್ತು ಪ್ರಾಯಶಃ ಹೆಚ್ಚಿನದನ್ನು ಪ್ರಾರಂಭಿಸುವ ನಿರೀಕ್ಷೆಯಿದೆ. 

ಈ  'Wonderlust' ಈವೆಂಟ್‌ನಲ್ಲಿ ಐಫೋನ್‌ 15 ಮಾತ್ರವಲ್ಲದೆ Apple iOS 17, iPadOS 17, watchOS 10 ಮತ್ತು tvOS 17 ಗಾಗಿ ಬಿಡುಗಡೆ ದಿನಾಂಕಗಳನ್ನು ಸಹ ಪ್ರಕಟಿಸುತ್ತದೆ ಎಂದು ತಿಳಿದುಬಂದಿದೆ. ಆ್ಯಪಲ್ನ ಸೆಪ್ಟೆಂಬರ್ ಈವೆಂಟ್‌ ವೇಳೆ ಕಳೆದ ಹಲವು ವರ್ಷಗಳಂತೆ ಈ ವರ್ಷವೂ ಹೊಸ ಐಫೋನ್‌ ಬಿಡುಗಡೆಗೆ ಜನ ಕಾಯುತ್ತಿದ್ದಾರೆ. 

ನಾಲ್ಕು ಹೊಸ ಐಫೋನ್‌ಗಳು
Apple ಈ ಈವೆಂಟ್‌ನಲ್ಲಿ ನಾಲ್ಕು ಮಾಡೆಲ್‌ಗಳನ್ನು ಬಿಡುಗಡಡೆ ಮಾಡುವ ನಿರೀಕ್ಷೆಗಳಿವೆ. iPhone 15, iPhone 15 Plus, iPhone 15 Pro ಮತ್ತು iPhone 15 Pro Max ಪ್ರಾರಂಭಿಸುವ ಸಾದ್ಯತೆ ಇದೆ. 2023 ರ ಟಾಪ್ ಎಂಡ್‌ ಐಫೋನ್ ಅನ್ನು ಐಫೋನ್ 15 ಅಲ್ಟ್ರಾ ಎಂದು ಕರೆಯಬಹುದು ಎಂದು ವರದಿಗಳಿದ್ದರೂ, ಐಫೋನ್ 15 ಪ್ರೋ ಮ್ಯಾಕ್ಸ್ ಹೆಸರನ್ನೇ ಮುಂದುವರಿಸಬಹುದು ಎಂದೂ ಹೇಳುತ್ತದೆ. 

ಸಾಮಾನ್ಯ ಐಫೋನ್ 15 ಮತ್ತು 15 ಪ್ಲಸ್ ಮೂಲ ಮಾದರಿಗಳಾಗಿದ್ದು, ಅಲ್ಯೂಮಿನಿಯಂ ಸೈಡ್ಸ್‌ ಮತ್ತು ಗಾಜಿನ ಹಿಂಭಾಗವನ್ನು ಒಳಗೊಂಡಿರುತ್ತದೆ. ಹಾಗೂ, ಎರಡು ಉನ್ನತ ಮಟ್ಟದ ಐಫೋನ್ 15 ಮಾದರಿಗಳು ಟೈಟಾನಿಯಂ ಫ್ರೇಮ್‌ಗಳನ್ನು ಒಳಗೊಂಡಿರುತ್ತವೆ. ಕಳೆದ ವರ್ಷದ ದೊಡ್ಡ ಪರದೆ ಮತ್ತು ಕ್ಯಾಮೆರಾ ಅಪ್‌ಗ್ರೇಡ್ ಡೈನಾಮಿಕ್ ಐಲ್ಯಾಂಡ್ ಮತ್ತು 48MP ಕ್ಯಾಮೆರಾ ಈ ವರ್ಷವೂ ಬೇಸ್ iPhone 15 ಸರಣಿಯ ಮಾಡೆಲ್‌ಗೆ ಬರುವ ನಿರೀಕ್ಷೆಯಿದೆ. 

ಹಾಗೂ,  iPhone 15 ಮತ್ತು iPhone 15 Plus A16 ಬಯೋನಿಕ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು iPhone 15 Pro ಮತ್ತು iPhone 15 Pro Max ಇತ್ತೀಚಿನ ಪೀಳಿಗೆಯ A17 ಪ್ರೊಸೆಸರ್ ಅನ್ನು ಪಡೆಯುತ್ತದೆ ಎನ್ನಲಾಗಿದೆ.  ಎಲ್ಲಾ ನಾಲ್ಕು iPhone 15 ಮಾಡೆಲ್‌ಗಳು ಲೈಟ್ನಿಂಗ್‌ನಿಂದ USB-C ಸಂಪರ್ಕಕ್ಕೆ ಬದಲಾಯಿಸಲು ಸಹ ಸೂಚಿಸಲಾಗಿದೆ. ಕಪ್ಪು, ಬಿಳಿ, ಹಳದಿ ಮತ್ತು ನೀಲಿ ಬಣ್ಣಗಳಲ್ಲಿ ಹೊಸ ಫೋನ್‌ಬಿಡುಗಡೆಯಾಗಬಹುದು ಎಂದೂ ಹೇಳಲಾಗ್ತಿದೆ.

ಎರಡು ಹೊಸ ಆ್ಯಪಲ್ ವಾಚ್‌ ಮಾಡೆಲ್‌!
Apple Watch Series 9 ಮತ್ತು Apple Watch Ultra 2 ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆಯೂ ಇದೆ. Apple Watch Series 9 ಪ್ರಸ್ತುತ 41-ಮಿಲಿಮೀಟರ್ ಮತ್ತು 45-ಮಿಲಿಮೀಟರ್ ಗಾತ್ರಗಳಲ್ಲಿ ಲಭ್ಯವಿರುತ್ತದೆ. Apple ತನ್ನ Apple Watch Ultra 2 ಗಾಗಿ 49 mm ಗಾತ್ರ ಇರಬಹುದು ಎಂದೂ ಹೇಳಲಾಗಿದೆ. ಹಾಗೂ, ಸ್ಟ್ಯಾಂಡರ್ಡ್ ವಾಚ್‌ಗಳು 2018 ರಲ್ಲಿ ಪರಿಚಯಿಸಲಾದ ಸರಣಿ 4 ರಂತೆಯೇ ಅದೇ ಮೂಲ ವಿನ್ಯಾಸವನ್ನು ಹೊಂದಿರುತ್ತದೆ. ಆದರೆ ಅಲ್ಟ್ರಾ ಕಳೆದ ವರ್ಷದ ಲುಕ್‌ ಹೊಂದಿರಬಹುದು.  

AirPods Pro
USB ಟೈಪ್ C ಚಾರ್ಜಿಂಗ್ ಬೆಂಬಲದೊಂದಿಗೆ Apple ಏರ್‌ಪಾಡ್ಸ್‌ ಪ್ರೋ ಅನ್ನು ಪ್ರಾರಂಭಿಸಬಹುದು. ಇಯರ್‌ಬಡ್‌ಗಳು ಯಾವುದೇ ಪ್ರಮುಖ ಹೊಸ ಹಾರ್ಡ್‌ವೇರ್ ವೈಶಿಷ್ಟ್ಯಗಳನ್ನು ಪಡೆಯುವ ಸಾಧ್ಯತೆಯಿಲ್ಲ, ಆದರೆ ಸಾಫ್ಟ್‌ವೇರ್ ಅಪ್‌ಡೇಟ್ ಸುಧಾರಿತ ಸ್ವಯಂಚಾಲಿತ ಸಾಧನ ಸ್ವಿಚಿಂಗ್ ಮತ್ತು ಏರ್‌ಪಾಡ್‌ಗಳಿಂದಲೇ ಮ್ಯೂಟ್ ಮತ್ತು ಅನ್‌ಮ್ಯೂಟ್ ಮಾಡುವ ಸಾಮರ್ಥ್ಯವನ್ನು ತರಬಹುದು ಎಂದು ವರದಿಯಾಗಿದೆ.