ಎಷ್ಟು ಉಜ್ಜಿ ತೊಳೆದ್ರೂ ಕಲೆ ಹೋಗ್ತಿಲ್ವಾ? ಪಾತ್ರೆ ಪಳಪಳ ಹೊಳೆಯಲು ಇಲ್ಲಿವೆ ಸಿಂಪಲ್ ಟಿಪ್ಸ್!

ಪಾತ್ರೆಗಳನ್ನ ಕ್ಲೀನ್ ಮಾಡುವ ಟಿಪ್ಸ್: ಪಾತ್ರೆಗಳ ಮೇಲಿರುವ ಹಠಮಾರಿ ಕಲೆಗಳನ್ನ ತೆಗೆಯೋದು ಅಂದ್ರೆ ಸುಮ್ನೆ ಅಲ್ಲ. ಅವುಗಳನ್ನ ಉಜ್ಜಿ ಉಜ್ಜಿ ಕೈಗಳು ನೋಯುತ್ತವೆ, ಆದ್ರೆ ಕಲೆಗಳು ಮಾತ್ರ ಹೋಗೋದಿಲ್ಲ. ಅಂಥ ಕಲೆಗಳನ್ನ ಈ ಸಿಂಪಲ್ ಟಿಪ್ಸ್ ಬಳಸಿ ಕ್ಲೀನ್ ಮಾಡಿ.

ಅಡುಗೆಮನೆಯಲ್ಲಿ ಬಳಸುವ ಪಾತ್ರೆಗಳು ಹೊಸದಾಗಿರುವಾಗ ಚೆನ್ನಾಗಿರುತ್ತವೆ, ಆದ್ರೆ ಬಳಸಿದಂತೆ ಅವುಗಳ ಮೇಲೆ ಹಠಮಾರಿ ಕಲೆಗಳು ಉಂಟಾಗುತ್ತವೆ. ಅವುಗಳನ್ನ ಮೊದಲಿನಿಂದ ಸರಿಯಾಗಿ ನೋಡಿಕೊಳ್ಳದಿದ್ರೆ ಕ್ಲೀನ್ ಮಾಡೋದು ತುಂಬಾನೇ ಕಷ್ಟ. ನಿಮ್ಮ ಮನೆಯಲ್ಲೂ ಪಾತ್ರೆಗಳ ಮೇಲೆ ಅಥವಾ ತಳದಲ್ಲಿ ಗಟ್ಟಿಯಾದ ಕಪ್ಪು ಕಲೆಗಳಿದ್ರೆ ಮನೆಯಲ್ಲಿರುವ ಕೆಲವು ವಸ್ತುಗಳನ್ನ ಬಳಸಿ ಸುಲಭವಾಗಿ ಕ್ಲೀನ್ ಮಾಡಬಹುದು. ಅವು ಯಾವವು ಅಂತ ನೋಡೋಣ.

ಉಗುರುಬೆಚ್ಚಗಿನ ನೀರು, ಡಿಶ್ ವಾಶ್

ಉಗುರುಬೆಚ್ಚಗಿನ ನೀರು, ಡಿಶ್ ವಾಶ್ ಮಿಕ್ಸ್ ಮಾಡಿ ಲಿಕ್ವಿಡ್ ತರ ಮಾಡಿ ಪಾತ್ರೆಗಳನ್ನ ತೊಳೆದ್ರೆ ಗಟ್ಟಿಯಾದ ಕಲೆಗಳು ಈಸಿಯಾಗಿ ಕ್ಲೀನ್ ಆಗಿ ಹೋಗ್ತವೆ. ಮೊದಲಿಗೆ ಒಂದು ಪಾತ್ರೆಯಲ್ಲಿ ಉಗುರುಬೆಚ್ಚಗಿನ ನೀರನ್ನ ತೆಗೆದುಕೊಳ್ಳಿ. ನಂತರ ಅದರಲ್ಲಿ ಕೆಲವು ಡ್ರಾಪ್ಸ್ ಡಿಶ್ ವಾಶ್ ಹಾಕಿ. ರಾತ್ರಿಯಿಡೀ ಹಾಗೇ ನೆನೆಯಲು ಬಿಡಿ. ಮಾರನೇ ದಿನ ಬೆಳಗ್ಗೆ ಸ್ಕ್ರಬ್‌ನಿಂದ ಚೆನ್ನಾಗಿ ಉಜ್ಜಿ  ನಂತರ ನಾರ್ಮಲ್ ನೀರಿನಿಂದ ಕ್ಲೀನ್ ಮಾಡಿದ್ರೆ ಪಾತ್ರೆ ಹೊಸ ರೀತಿ ಪಳಪಳ ಹೊಳೆಯುತ್ತೆ.

ಬೇಕಿಂಗ್ ಸೋಡಾ

ಪಾತ್ರೆಗಳನ್ನ ಕ್ಲೀನ್ ಮಾಡೋಕೆ ಬೇಕಿಂಗ್ ಸೋಡಾ ಬೇಕಿಂಗ್ ಸೋಡಾ ಹಲವು ರೀತಿಗಳಲ್ಲಿ ಬಳಸಬಹುದು. ಇದು ಎಂಥ ಹಠಮಾರಿ ಕಲೆಗಳನ್ನಾದ್ರೂ, ಕೆಟ್ಟ ವಾಸನೆಯನ್ನಾದ್ರೂ ತೆಗೆಯೋಕೆ ತುಂಬಾನೇ ಬೆಸ್ಟ್. ಪಾತ್ರೆ ಮೇಲಿರುವ ಕೊರಕು ಕಲೆಗಳನ್ನ ಹೋಗಲಾಡಿಸೋಕೆ ಬೇಕಿಂಗ್ ಸೋಡಾನ ನೀರಿನಲ್ಲಿ ಮಿಕ್ಸ್ ಮಾಡಿ ಗಟ್ಟಿ ಪೇಸ್ಟ್ ತರ ಮಾಡ್ಕೊಳ್ಳಿ. ಅದನ್ನ ಕಲೆ ಮೇಲೆ ಹಾಕಿ 30 ನಿಮಿಷ ಅಥವಾ ರಾತ್ರಿಯಿಡೀ ಹಾಗೇ ಬಿಟ್ಟು, ನಂತರ ಸ್ಕ್ರಬ್‌ನಿಂದ ಉಜ್ಜಿ ಕ್ಲೀನ್ ಮಾಡಿ. ನಂತರ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ನಿಂಬೆಹಣ್ಣು, ಉಪ್ಪು

ನಿಂಬೆಹಣ್ಣು, ಉಪ್ಪು ನ್ಯಾಚುರಲ್ ಕ್ಲೀನರ್‌ಗಳಾಗಿ ಕೆಲಸ ಮಾಡುತ್ತವೆ. ಇವು ಯಾವುದೇ ಕಲೆಗಳನ್ನಾದ್ರೂ ಕ್ಲೀನ್ ಮಾಡೋಕೆ ಚೆನ್ನಾಗಿ ಬಳಕೆ ಆಗ್ತವೆ. ಪಾತ್ರೆ ಮೇಲೆ ಶೇಖರಣೆಯಾಗಿರುವ ಕಲೆಗಳನ್ನ ಹೋಗಲಾಡಿಸೋಕೆ ನಿಂಬೆಹಣ್ಣು, ಉಪ್ಪಿನಿಂದ ಪೇಸ್ಟ್ ತಯಾರಿಸಿ. ಒಂದು ನಿಂಬೆಹಣ್ಣನ್ನ ಅರ್ಧಕ್ಕೆ ಕತ್ತರಿಸಿ, ಒಂದು ಭಾಗದಲ್ಲಿ ಉಪ್ಪು ಹಾಕಿ ಪಾತ್ರೆ ಮೇಲಿರುವ ಕಲೆ ಮೇಲೆ ಚೆನ್ನಾಗಿ ಉಜ್ಜಿ. ಈ ತರ ಮಾಡಿದ್ರೆ ಪಾತ್ರೆ ಮೇಲಿರುವ ಕಲೆಗಳು ಹೋಗ್ತವೆ. ನಂತರ ಉಗುರುಬೆಚ್ಚಗಿನ ನೀರಿನಿಂದ ತೊಳೆದ್ರೆ ಹೊಸ ಪಾತ್ರೆಗಳಂತೆ ಮಿಂಚಿ ಅಡುಗೆ ಮನೆ ಅಂದವನ್ನು ಹೆಚ್ಚಿ

ವಿನೆಗರ್

ವಿನೆಗರ್ ಒಂದು ಪವರ್‌ಫುಲ್ ಕ್ಲೀನರ್. ಇದು ಪಾತ್ರೆ ಮೇಲಿರುವ ಹಠಮಾರಿ ಕಲೆಗಳನ್ನ ಸುಲಭವಾಗಿ ತೆಗೆಯೋಕೆ ಸಹಾಯ ಮಾಡುತ್ತೆ. ಒಂದು ಪಾತ್ರೆಯಲ್ಲಿ ಸಮನಾಗಿ ನೀರು, ವಿನೆಗರ್ ಹಾಕಿ ಕೆಲವು ಗಂಟೆಗಳ ಕಾಲ ಹಾಗೇ ಬಿಡಿ. ಇಲ್ಲಾಂದ್ರೆ ರಾತ್ರಿಯಿಡೀ ನೆನೆಸಿ. ಬೆಳಗ್ಗೆ ಸ್ಕ್ರಬ್‌ನಿಂದ ಚೆನ್ನಾಗಿ ಕಲೆಗಳ ಮೇಲೆ ಉಜ್ಜಿ, ನಂತರ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ವಿನೆಗರ್‌ನಲ್ಲಿರುವ ಆಮ್ಲ ಗುಣಗಳು ಕಲೆಯನ್ನ ಈಸಿಯಾಗಿ ತೆಗೆಯುತ್ತವೆ.ಸುತ್ತೆ.