12 ವರ್ಷಕ್ಕೊಮ್ಮೆ ಅರಳೋ ಹೂವಿದು, ದೃಷ್ಟಿ ಹಾಯಿಸಲು ಲಕ್ಷಾಂತರ ರೂಪಾಯಿ ವ್ಯಯಿಸುತ್ತಾರೆ!

ಈ ಹೂವುಗಳು ಭಾರತದಲ್ಲಿ ಕರ್ನಾಟಕ, ಕೇರಳ ಮತ್ತು ತಮಿಳುನಾಡಿನ ಶೋಲಾ ಕಾಡುಗಳಲ್ಲಿನ ಎತ್ತರದ ಪರ್ವತಗಳಲ್ಲಿ ಮಾತ್ರ ಕಂಡುಬರುತ್ತವೆ.

ನೀಲಕುರಿಂಜಿ ನೋಡಲು ದೂರದಿಂದ ಜನರು ಬರುತ್ತಾರೆ. ಈ ಹೂವಿನಿಂದಾಗಿ, ಪ್ರವಾಸಿಗರ ದಂಡೇ ಹರಿದು ಬರುತ್ತದೆ. ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಜನರು ಕೇರಳಕ್ಕೆ ಬಂದು ಈ ಹೂವಿನ ಸೌಂದರ್ಯ ಆಸ್ವಾದಿಸುತ್ತಾರೆ.

3,000 ಹೆಕ್ಟೇರ್‌ ವ್ಯಾಪ್ತಿಯ ಬೆಟ್ಟಗಳ ನಡುವೆ ನೀಲಕುರಿಂಜಿ ಹೂವಿನ ಅಪರೂಪದ ಸಸ್ಯಗಳು ಕಂಡುಬರುತ್ತವೆ. ಈ ಸಸ್ಯಗಳು ಮೊಳಕೆಯೊಡೆಯಲು ಮತ್ತು 30 ರಿಂದ 60 ಸೆಂ.ಮೀ ಎತ್ತರಕ್ಕೆ ಬೆಳೆಯಲು ಇನ್ನೂ 12 ವರ್ಷಗಳನ್ನು ತೆಗೆದುಕೊಳ್ಳುತ್ತದೆ.

ನೀಲಕುರಿಂಜಿ ಸಸ್ಯವು ಸಾಮಾನ್ಯವಾಗಿ ಏಷ್ಯಾ ಮತ್ತು ಆಸ್ಟ್ರೇಲಿಯಾದಲ್ಲಿ ಕಂಡುಬರುತ್ತದೆ. ಇದು ಸ್ಟ್ರೋಬಿಲಾಂಥಸ್ ಜಾತಿಗೆ ಸೇರಿದ್ದು, ಸುಮಾರು 450 ಪ್ರಬೇಧ ಹೊಂದಿದೆ, ಅದರಲ್ಲಿ 146 ಭಾರತದಲ್ಲಿ ಕಂಡುಬರುತ್ತದೆ ಮತ್ತು ಅವುಗಳಲ್ಲಿ 43 ಕೇರಳದಲ್ಲಿವೆ.

ಕೊರೋನಾದಿಂದಾಗಿ ಕೇರಳದಲ್ಲಿ ಪ್ರವಾಸೋದ್ಯಮ ನಿಷೇಧಿಸಲಾಗಿದೆ. ಇಲ್ಲಿ ನಿತ್ಯ 20 ಸಾವಿರ ಹೊಸ ಪ್ರಕರಣಗಳು ವರದಿಯಾಗುತ್ತಿವೆ. ಹೀಗಿದ್ದರೂ ಜನರು ಈ ಬಾರಿ ಈ ಹೂವಿನ ಸೌಂದರ್ಯ ನೋಡಲು ಬರುತ್ತಾರೆ ಎಂಬ ಸಣ್ಣ ಭರವಸೆ ಇದೆ.

ಕರೋನಾದಿಂದಾಗಿ, ಈ ಬಾರಿ ನೀಲಕುರಿಂಜಿಯಿಂದ ಅಲಂಕರಿಸಲ್ಪಟ್ಟ ಬೆಟ್ಟಗಳು ಮೌನವಾಗಿವೆ. ಹೀಗಿದ್ದರೂ ಇಲ್ಲಿನ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ವೈರಲ್ ಆಗುತ್ತಿವೆ.