ಉದ್ಯಮಿಗೆ ಪೋರ್ನ್ ಸಿಡಿ ತೋರಿಸಿ ಕೋಟಿ ಕೋಟಿ ಗುಳುಂ: ಸುಂದರಿಯ ಕರಾಳ ಮುಖ!
ರಾಜಸ್ಥಾನದ ಜಯ್ಪುರದಲ್ಲಿ ಶಾಕಿಂಗ್ ಪ್ರಕರಣವೊಂದು ವರದಿಯಾಗಿದೆ. ಇಲ್ಲಿ ಹನಿಟ್ರ್ಯಾಪ್ ಪ್ರಕರಣದಲ್ಲಿ ಮಾಜಿ ಮಿಸಸ್ ಇಂಡಿಯಾ ರಾಜಸ್ಥಾನ್-2019, ಪ್ರಿಯಾಂಕಾ ಚೌಧರಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಪ್ರತಿಷ್ಠಿತ ಉದ್ಯಮಿಗೆ ಬ್ಲ್ಯಾಕ್‌ಮೇಲ್ ಮಾಡಿದ ಆರೋಪದಡಿ ಪ್ರಿಯಾಂಕಾರನ್ನು ಬಂಧಿಸಿದ್ದಾರೆ.
ಪ್ರಿಯಾಂಕಾ ಮೊದಲು ಈ ಉದ್ಯಮಿಯನ್ನು ತಮ್ಮ ಸೌಂದರ್ಯಪಾಶಕ್ಕೆ ಸಿಲುಕಿಸಿದ್ದಾರೆ ಹಾಗೂ ಗೆಳೆತನ ಮಾಡಿ ಲಕ್ಷಾಂತರ ರೂಪಾಯಿ ಹಣ ಲೂಟಿ ಹೊಡೆದಿದ್ದಾರೆ ಎಂಬ ಆರೋಪವಿದೆ. ಇದಕ್ಕೂ ಮುನ್ನ ಉದ್ಯಮಿಗೆ ಅಶ್ಲೀಲ ಸಿಡಿ ಕಳುಹಿಸಿ ಮೂವತ್ತು ಲಕ್ಷ ಪಪೀಕಿದ್ದ ಈ ಸುಂದರಿ, ಈಗ ಒಂದು ಕೋಟಿ ನಗದು ಹಾಗೂ ಜಮೀನು ನೀಡುವಂತೆ ಬೇಡಿಕೆ ಇಟ್ಟಿದ್ದರೆನ್ನಲಾಗಿದೆ.
ಶ್ಯಾಮನಗರ ಪೊಲೀಸ್ ಠಾಣೆಯ ಎಎಸ್‌ಐ ಜಯ್ ಸಿಂಗ್ ಈ ಬಗ್ಗೆ ಮಾಹಿತಿ ನೀಡುತ್ತಾ ಆರೋಪಿ ಮಹಿಳೆಯ ವಿಚಾರಣೆ ಮುಂದುವರೆದಿದೆ. ಅವರು ಮೂಲತಃ ಜಯ್ಪುರರದ ಉತ್ತಮ್ ರಸ್ತೆ ನಿವಾಸಿ. ಅವರ ಪತಿ ರಾಜಸ್ಥಾನ ಪೊಲೀಸ್ ಇಲಾಖೆಯಲ್ಲಿ ಹೆಡ್‌ ಕಾನ್ಸ್ಟೇಬಲ್ ಆಗಿದ್ದಾರೆ. ಯುವತಿಯನ್ನು ಶುಕ್ರವಾರ ತಡರಾತ್ರಿ ಬಂಧಿಸಲಾಗಿದೆ ಎಂದಿದ್ದಾರೆ. ಇನ್ನು ಯುವತಿಯ ಬಲೆಗೆ ಬಿದ್ದ ಉದ್ಯಮಿ ಘಾಸೀಲಾಲ್ ಚೌಧರಿ ಪಾರ್ಶ್ವನಾಥ ಕಾಲೋನಿ ನಿವಾಸಿಯಾಗಿದ್ದು, ಜೂನ್ 3 ರಂದು ದೂರು ನೀಡಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿರುವ ಉದ್ಯಮಿ, ಪ್ರಿಯಾಂಕಾ 2016 ರಲ್ಲಿ ತಮ್ಮ ಪತಿಯೊಂದಿಗೆ ನಮ್ಮ ಮನೆಗೆ ಬಂದಿದ್ದರು. ತನ್ನ ಆಕೆ ತಾನು ನಿಮ್ಮ ಪಕ್ಕದ ಹಳ್ಳಿಯವಳು ಎಂದು ಹೇಳಿ ನಮ್ಮ ಕಟ್ಟಡದಲ್ಲಿ ಬಬಾಡಿಗೆ ಮನೆ ಪಡೆದಳು. ನಿಧಾನವಾಗಿ ನನ್ನೊಂದಿಗೆ ಗೆಳೆತನ ಮಾಡಿಕೊಂಡು ಕೌಟುಂಬಿಕ ಸಂಬಂಧ ಬೆಳೆಸಿದಳು ಎಂದಿದ್ದಾರೆ.
ಈ ಉದ್ಯಮಿ ಬಳಿ ಬಹಳಷ್ಟು ಹಣ ಹಾಗೂ ಜಮೀನು ಇದೆ ಎಂದು ಪ್ರಿಯಾಂಕಾಗೆ ತಿಳಿದಾಗ ಆಕೆ ಮತ್ತಷ್ಟು ಆತ್ಮೀಯತೆ ಬೆಳೆಸಿಕೊಳ್ಳಲಾರಂಭಿಸಿದ್ದಾಳೆ. ಅಲ್ಲದೇ ಇತ್ತೀಚೆಗೆ ತನ್ನ ಪರಿಸ್ಥಿತಿ ಬಹಳ ಕೆಟ್ಟದಾಗಿದೆ ಎಂಬ ನೆಪ ಕೊಟ್ಟು ಹಣ ಕೇಳಲಾರಂಭಿಸಿದ್ದಳು. ಹೀಗೆ ಆಕೆ ಈ ಉದ್ಯಮಿಯನ್ನು ತನ್ನ ಬಲೆಗೆ ಬೀಳಿಸಿದ್ದಳು. ಹಣ ಹಿಂತಿರುಗಿಸಲು ಹೇಳುದಾಗ ಅಶ್ಲೀಲ ವಿಡಿಯೋ ತೋರಿಸಿ ಬ್ಲ್ಯಾಕ್‌ಮೇಲ್ ಮಾಡಲಾರಂಭಿಸಿದ್ದಳು.
ಪ್ರಾಥಮಿಕ ತನಿಖೆಯಲ್ಲಿ ಮಿಸಸ್ ಇಂಡಿಯಾ ರಾಜಸ್ಥಾನ್-2019ರ ವಿಜೇತೆಯಾಗಿದ್ದ ಪ್ರಿಯಾಂಕಾಗೆ ಐಷಾರಾಮಿ ಜೀವನ ಸಾಗಿಸುವ ಹುಚ್ಚಿತ್ತು. ಶ್ರೀಮಂತರಂತೆ ಜೀವನ ಸಾಗಿಸುವ ಆಸೆ ಹೊಂದಿದ್ದಳು. ಐಷಾರಾಮಿ ಹೋಟಡಲ್‌ಗಳಲ್ಲಿ ತಿಂಡಿ ಹಾಗೂ ಪಾರ್ಟಿ ಮಾಡುತ್ತಿದ್ದಳು. ಆದರೆ ಆಕೆ ಖುದ್ದು ಇಷ್ಟು ಹಣ ಗಳಿಸುವುದು ಅಸಾಧ್ಯವಾಗಿತ್ತು. ಹೀಗಾಗಿ ಉದ್ಯಮಿಯನ್ನು ಬಲೆಗೆ ಬೀಳಿಸಿಕೊಂಡಿದ್ದಳೆಂದು ತಿಳಿದು ಬಂದಿದೆ.
