ಕೋಪ ಬಂದಾಗ ಮುಖ ಕೆಂಪಾಗೋದೇಕೆ? ಇಲ್ಲಿದೆ ಇಂಟರೆಸ್ಟಿಂಗ್ ರೀಸನ್!

ನಮ್ಮ ಹಿರಿಯರು ಕೋಪ ನಮ್ಮ ಶತ್ರು ಅಂತ ಹೇಳ್ತಾರೆ. ಕೋಪ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಅದಕ್ಕೆ ಸಾಧ್ಯವಾದಷ್ಟು ಕೋಪನ ಕಡಿಮೆ ಮಾಡ್ಕೊಳ್ಳಿ ಅಂತಾರೆ. ಆದ್ರೆ ಕೋಪ ಬಂದಾಗ ಮುಖ ಕೆಂಪಾಗೋದನ್ನ ನೋಡಿರ್ತೀವಿ. ಹೀಗೆ ಯಾಕಾಗುತ್ತೆ ಅಂತ ಯೋಚಿಸಿದ್ದೀರಾ?

ಕೋಪ

ಕೋಪ, ಸಾಮಾನ್ಯ ಭಾವನೆ. ಕೋಪ ಬರೋಕೆ ಹಲವು ಕಾರಣಗಳಿರಬಹುದು. ಕೋಪಿಷ್ಟರನ್ನ ನೋಡೋಕೆ ಭಯಾನೇ ಆಗುತ್ತೆ. ಕೆಲವರ ಮುಖ ಕೆಂಪಾಗುತ್ತೆ. ಹೀಗೆ ಮುಖ ಕೆಂಪಾಗೋಕೆ ದೇಹದಲ್ಲಿ ಆಗೋ ರಾಸಾಯನಿಕ ಬದಲಾವಣೆಗಳೇ ಕಾರಣ ಅಂತ ಗೊತ್ತಾ? ಇದರ ಹಿಂದೆ ವೈಜ್ಞಾನಿಕ ಕಾರಣವಿದೆ. ಏನು ಅಂತ ಈಗ ನೋಡೋಣ.

ಕೋಪದ ಭಾವನೆ

ಕೋಪ, ಭಯ ಬಂದಾಗ ದೇಹದಲ್ಲಿ ಅಡ್ರಿನಾಲಿನ್ ಹಾರ್ಮೋನ್ ಹೆಚ್ಚಾಗಿ ಬಿಡುಗಡೆಯಾಗುತ್ತೆ. ಇದು ಹೃದಯ ಬಡಿತ ಹೆಚ್ಚಿಸಿ, ರಕ್ತನಾಳಗಳನ್ನ ದೊಡ್ಡದು ಮಾಡುತ್ತೆ. ಅಡ್ರಿನಾಲಿನ್ ಹೆಚ್ಚಾದ್ರೆ ದೇಹದಲ್ಲಿ ರಕ್ತ ಸಂಚಾರ ವೇಗವಾಗಿ ಆಗುತ್ತೆ. ಹೀಗಾಗಿ ಮುಖ, ಕೆನ್ನೆ, ಕಿವಿಗಳು ಕೆಂಪಾಗುತ್ತವೆ. ಕೋಪಿಷ್ಟರ ಮುಖದಲ್ಲಿರೋ ಕ್ಯಾಪಿಲ್ಲರಿ ಅನ್ನೋ ಸಣ್ಣ ರಕ್ತನಾಳಗಳಲ್ಲಿ ರಕ್ತ ಹೆಚ್ಚಾಗಿ ಹರಿಯುತ್ತೆ.

ಕೋಪ ಬಂದಾಗ ರಕ್ತನಾಳಗಳು ದೊಡ್ಡದಾಗೋದ್ರಿಂದ ಮುಖ ಕೆಂಪಾಗುತ್ತೆ. ದೇಹ ತಾತ್ಕಾಲಿಕವಾಗಿ ಹೆಚ್ಚಿನ ಉಷ್ಣತೆ ತಡೆದುಕೊಳ್ಳೋಕೆ ಹೀಗೆ ಮಾಡುತ್ತೆ. ಕೋಪದಲ್ಲಿ ಸಿಂಪಥೆಟಿಕ್ ನರ್ವಸ್ ಸಿಸ್ಟಮ್ ಸಕ್ರಿಯವಾಗುತ್ತೆ. ಇದೂ ಕೂಡ ಮುಖ ಕೆಂಪಾಗೋಕೆ ಒಂದು ಕಾರಣ. ಕೋಪ ಕಡಿಮೆಯಾದ ಮೇಲೆ ಚರ್ಮದ ಬಣ್ಣ ಸಹಜ ಸ್ಥಿತಿಗೆ ಬರುತ್ತೆ. ಅಡ್ರಿನಾಲಿನ್ ಕಡಿಮೆಯಾದಂತೆ ಕೆಂಪು ಕಡಿಮೆಯಾಗುತ್ತೆ.

ಕೋಪ ಕಡಿಮೆ ಮಾಡ್ಕೊಳ್ಳೋಕೆ ಏನು ಮಾಡಬೇಕು?

ಹೆಚ್ಚು ಕೋಪ ಅನಾಹುತಗಳಿಗೆ ಕಾರಣ ಅಂತ ಚಿಕ್ಕಂದಿನಿಂದಲೂ ಕೇಳ್ತಿರ್ತೀವಿ. ಕೋಪದಿಂದ ಮಾನಸಿಕ ಸಮಸ್ಯೆಗಳು ಬರುತ್ತವೆ ಅಂತ ತಜ್ಞರು ಎಚ್ಚರಿಸುತ್ತಾರೆ. ಹಾಗಾಗಿ ಕೋಪ ಬಂದ ತಕ್ಷಣ ಆಳವಾದ ಉಸಿರಾಟ ತೆಗೆದುಕೊಳ್ಳಬೇಕು. ಇದರಿಂದ ದೇಹ ರಿಲ್ಯಾಕ್ಸ್ ಆಗುತ್ತೆ. ಕೋಪ ಬಂದಾಗ ನೀರು ಕುಡಿಯಬೇಕು. ಇದು ದೇಹದ ಉಷ್ಣತೆ ನಿಯಂತ್ರಿಸುತ್ತೆ. ಕೋಪ ನಿಯಂತ್ರಿಸೋಕೆ ಧ್ಯಾನ, ಯೋಗ ಮಾಡಬೇಕು.

ಗಮನಿಸಿ: ಮೇಲಿನ ಮಾಹಿತಿ ಕೇವಲ ಪ್ರಾಥಮಿಕ ಮಾಹಿತಿ. ಆರೋಗ್ಯಕ್ಕೆ ಸಂಬಂಧಿಸಿದಂತೆ ವೈದ್ಯರ ಸಲಹೆ ಪಡೆಯುವುದು ಉತ್ತಮ.