ಟೊಮೆಟೊದ ಈ ಭಾಗ ವಿಷ… ತಿನ್ನುವಾಗ ಈ ತಪ್ಪು ಮಾಡಿದ್ರೆ ಅನಾರೋಗ್ಯ ಕಾಡುತ್ತೆ!

ಟೊಮೆಟೊ (Tomato) ಪೌಷ್ಟಿಕ ಹಣ್ಣು, ಆದರೆ ಇದನ್ನು ತರಕಾರಿಯಾಗಿ ಬಳಸಲಾಗುತ್ತದೆ. ಹೆಚ್ಚಾಗಿ ಎಲ್ಲಾ ಅಡುಗೆಗಳಲ್ಲಿ ಟೊಮೆಟೋ ಬಳಕೆ ಮಾಡ್ತೀವಿ ಅಲ್ವಾ? ಇದನ್ನು ತಿನ್ನುವುದರಿಂದ ಹೃದಯ, ಚರ್ಮ, ಕಣ್ಣುಗಳು, ತೂಕ ಆರೋಗ್ಯಕರವಾಗಿರುತ್ತದೆ. ಈ ಆಹಾರವು ಉತ್ಕರ್ಷಣ ನಿರೋಧಕಗಳು, ಜೀವಸತ್ವಗಳು ಮತ್ತು ಜಲಸಂಚಯನದ ಮೂಲವಾಗಿದೆ, ಹಾಗಾಗಿ ಇದನ್ನು ಆಹಾರದಲ್ಲಿ ಸೇರಿಸಬೇಕು ಎನ್ನಲಾಗುತ್ತೆ.
 

ಟೊಮೆಟೊದಲ್ಲಿ ಫೈಬರ್, ಕಾರ್ಬ್ಸ್, ವಿಟಮಿನ್ ಸಿ, ಪೊಟ್ಯಾಸಿಯಮ್, ವಿಟಮಿನ್ ಕೆ 1, ಫೋಲೇಟ್ ಸಮೃದ್ಧವಾಗಿದೆ. ಆದರೆ ಇದು ನೈಟ್ ಶೇಡ್ (night shade) ಫ್ಯಾಮಿಲಿಗೆ ಸೇರಿದೆ. ಅಂದರೆ ಹಣ್ಣುಗಳು, ತರಕಾರಿಗಳು ಮತ್ತು ವಿಷಕಾರಿ ಸಸ್ಯಗಳು ಈ ಗುಂಪಿನಲ್ಲಿ ಬರುತ್ತವೆ ಎಂದು ಆಯುರ್ವೇದ ತಜ್ಞರು ಹೇಳುತ್ತಾರೆ. ಈ ಕುಟುಂಬವು ಟೊಮೆಟೊ, ಆಲೂಗಡ್ಡೆ, ಬದನೆಕಾಯಿ, ಮೆಣಸು, ಕ್ಯಾಪ್ಸಿಕಂ ನಂತರ ಸಸ್ಯಗಳನ್ನು ಹೊಂದಿದೆ.
 

ಟೊಮೆಟೊದಲ್ಲಿರುವ ಆಲ್ಕಲಾಯ್ಡ್ ಅಪಾಯಕಾರಿ!
ಟೊಮೆಟೊಗಳಂತಹ ನೈಟ್ ಶೇಡ್ ತರಕಾರಿಗಳು ಲೈಕೋಪೀನ್ ಮತ್ತು ಅನೇಕ ಪೋಷಕಾಂಶಗಳಿಂದ ತುಂಬಿರುತ್ತವೆ, ಆದರೆ ಅವು ಸೋಲನೈನ್ ಅಥವಾ ಟೊಮಾಟಿನ್ ನಂತಹ ಆಲ್ಕಲಾಯ್ಡ್ ಗಳನ್ನು ಸಹ ಹೊಂದಿರುತ್ತವೆ. ಆಲ್ಕಲಾಯ್ಡ್ (alkaloid) ಒಂದು ಶಕ್ತಿಯುತ ರಾಸಾಯನಿಕ. ಸಸ್ಯಗಳು ತಮ್ಮನ್ನು ರಕ್ಷಿಸಿಕೊಳ್ಳಲು ಕೀಟಗಳಿಗೆ ಈ ವಿಷವನ್ನು ಬಿಡುಗಡೆ ಮಾಡುತ್ತವೆ.

ಟೋಮೆಟೋ ತಿನ್ನೋದ್ರಿಂದ ಏನೆಲ್ಲಾ ಸಮಸ್ಯೆ ಉಂಟಾಗುತ್ತೆ?
ದೇಹದಲ್ಲಿ ಉರಿಯೂತ ಹೆಚ್ಚಾಗುತ್ತದೆ
ಈ ಆಲ್ಕಲಾಯ್ಡ್ ಸ್ವಭಾವವು ಉರಿಯೂತದಿಂದ ಕೂಡಿದೆ ಮತ್ತು ಅವು ಪ್ರಾಣಿಗಳಿಗೆ ವಿಷದಂತೆ ಪರಿಣಾಮ ಬೀರುತ್ತೆ. ಈ ರಾಸಾಯನಿಕಗಳು ಆಲೂಗಡ್ಡೆ ಸಿಪ್ಪೆಗಳಲ್ಲಿಯೂ ಕಂಡುಬರುತ್ತವೆ ಮತ್ತು ಸಸ್ಯದ ಕಾಂಡ ಮತ್ತು ಎಲೆಗಳಲ್ಲಿಯೂ ತುಂಬಿರುತ್ತವೆ. ಆದ್ದರಿಂದ ಈ ವಸ್ತುಗಳನ್ನು ತಿನ್ನುವಾಗ ಬಹಳ ಜಾಗರೂಕರಾಗಿರಿ.

ಟೊಮೆಟೊ ಬೀಜ
ಟೊಮೆಟೊ ಬೀಜಗಳಲ್ಲಿ (tomato seeds) ಲೆಕ್ಟಿನ್ ಎಂಬ ಪ್ರೋಟೀನ್ ಇರುತ್ತದೆ, ಇದು ಇತರ ಜೀವಸತ್ವಗಳು ಮತ್ತು ಖನಿಜಗಳಿಗೆ ಅಂಟಿಕೊಳ್ಳುತ್ತದೆ ಮತ್ತು ಸೆಲ್ಯುಲಾರ್ ಅಪಸಾಮಾನ್ಯ ಕ್ರಿಯೆಗೆ ಕಾರಣವಾಗಬಹುದು ಎಂದು ತಜ್ಞರು ಹೇಳಿದರು. ಲೆಕ್ಟಿನ್ ನಿಮ್ಮ ಕರುಳನ್ನು ಕಿರಿಕಿರಿಗೊಳಿಸಬಹುದು ಮತ್ತು ಆಮ್ಲೀಯ ಪ್ರತಿಕ್ರಿಯೆಗೆ ಕಾರಣವಾಗಬಹುದು.

ಈ ತಪ್ಪನ್ನು ಮಾಡಬೇಡಿ
ಈ ಸಮಸ್ಯೆಗಳನ್ನು ತಪ್ಪಿಸಲು, ನೈಟ್ ಶೇಡ್ ಆಹಾರಗಳನ್ನು ಸರಿಯಾಗಿ ತಿನ್ನಬೇಕು. ಟೊಮೆಟೊಗಳನ್ನು ತಿನ್ನುವ ಮೊದಲು ಬೀಜಗಳನ್ನು ಹೊರ ತೆಗೆಯಬೇಕು. ಟೊಮೆಟೊವನ್ನು ಕುದಿಸುವ ಮೂಲಕ ಬೀಜಗಳನ್ನು ಸುಲಭವಾಗಿ ಹೊರತೆಗೆಯಬಹುದು. ಮತ್ತೊಂದೆಡೆ, ಆಲೂಗಡ್ಡೆ ತಿನ್ನುವ ಮೊದಲು, ಅದರ ಸಿಪ್ಪೆಯನ್ನು ತೆಗೆದು ತುಪ್ಪದಲ್ಲಿ ಬೇಯಿಸುವುದು ಕೆಟ್ಟ ಪರಿಣಾಮವನ್ನು ನಿವಾರಿಸುತ್ತದೆ.

ಟೊಮೆಟೊ ಬೀಜಗಳು, ಆಲೂಗಡ್ಡೆ ಸಿಪ್ಪೆಗಳು ಈ ಜನರಿಗೆ ಅಪಾಯಕಾರಿ
ಟೊಮೆಟೊ ಬೀಜಗಳು ಮತ್ತು ಆಲೂಗಡ್ಡೆ ಸಿಪ್ಪೆ (potato peel) ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿವೆ, ಆದ್ದರಿಂದ ಸಂಧಿವಾತ, ಕಿಡ್ನಿ ಸ್ಟೋನ್ ಮೊದಲಾದ ಸಮಸ್ಯೆ ಉಳ್ಳವರು ಅಂತಹ ವಸ್ತುಗಳನ್ನು ತಿನ್ನುವುದನ್ನು ತಪ್ಪಿಸಿ. ಇಲ್ಲದಿದ್ದರೆ, ರೋಗಿಗಳ ಊತ ಮತ್ತು ನೋವು ಹೆಚ್ಚಾಗಬಹುದು.