ಏನೇ ಕಸರತ್ತು ಮಾಡಿದ್ರೂ ತೂಕ ಇಳಿಯುತ್ತಿಲ್ಲವೇ? ಈ ತಪ್ಪುಗಳನ್ನು ಮಾಡ್ಬೇಡಿ!

ಕಟ್ಟುಮಸ್ತಾದ ದೇಹ ಆತ್ಮವಿಶ್ವಾಸ ಹೆಚ್ಚಿಸುತ್ತೆ, ರೋಗಗಳಿಂದಲೂ ಕಾಪಾಡುತ್ತೆ. ಆದ್ರೆ ಇವತ್ತಿನ ದಿನಗಳಲ್ಲಿ ತೂಕ ಹೆಚ್ಚೋದು ಮಕ್ಕಳಿಂದ ಮುದುಕರವರೆಗೆ ದೊಡ್ಡ ಸಮಸ್ಯೆಯಾಗಿದೆ. ಇದರಿಂದ ನಾನಾ ತೊಂದರೆಗಳಿಗೆ ಸಿಲುಕುತ್ತಿದ್ದಾರೆ.. ಇದ್ರಿಂದ ಪಾರಾಗೋಕೆ ಡಯಟ್, ಜಿಮ್, ಯೋಗ ಏನೇನೋ ಮಾಡ್ತೀವಿ. ಆದ್ರೂ ತೂಕ ಇಳಿಯಲ್ಲ. ಹೌದು ಯಾಕೆ ಹೀಗಾಗುತ್ತೆ?

ಊಟ ಕಮ್ಮಿ ಮಾಡಿ, ವ್ಯಾಯಾಮ ಮಾಡಿದ್ರೂ ತೂಕ ಇಳಿಯುತ್ತಿಲ್ಲ ಅಂತೀರಾ? ಹೌದು ಇದಕ್ಕೆ ನಿಮ್ಮ ಕೆಲವು ಅಭ್ಯಾಸಗಳೇ ಕಾರಣ. ಅರಿವಿಲ್ಲದೆ ತಪ್ಪುಗಳನ್ನು ಮಾಡ್ತೀವಿ. ಇದ್ರಿಂದ ತೂಕ ಇಳಿಯೋದು ನಿಧಾನವಾಗುತ್ತೆ. ಹಾಗಾದರೆ ತೂಕ ಇಳಿಸುವಾಗ ಏನು ಮಾಡಬಾರದು ಅಂತಾ ನೋಡೋಣ.

ತೂಕ ಇಳಿಸುವಾಗ ಮಾಡ್ಬಾರದ ತಪ್ಪುಗಳು:

ಊಟ ಬಿಡೋದು

ತೂಕ ಇಳಿಸೋಕೆ ಮೊದಲು ಮಾಡೋ ತಪ್ಪು ಊಟ ಬಿಡೋದು. ಆದ್ರೆ ತೂಕ ಇಳಿಸೋಕೆ ಊಟ ಬಿಡೋದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದ್ರಿಂದ ಪೌಷ್ಟಿಕಾಂಶದ ಕೊರತೆ, ರೋಗಗಳು ಬರುತ್ತೆ. ಜಂಕ್ ಫುಡ್, ಪ್ಯಾಕ್ ಮಾಡಿದ ತಿಂಡಿಗಳನ್ನ ಬಿಡಿ.

ಪ್ರೋಟೀನ್ ಕಮ್ಮಿ ತಿನ್ನೋದು

ಊಟದಲ್ಲಿ ಪ್ರೋಟೀನ್ ಕಮ್ಮಿ ಆದ್ರೆ ಸ್ನಾಯುಗಳ ಆರೋಗ್ಯ ಹಾಳಾಗುತ್ತೆ, ತೂಕ ಇಳಿಯೋದಿಲ್ಲ. ಹಸಿವೂ ಜಾಸ್ತಿ ಆಗುತ್ತೆ. ತೂಕ ಹೆಚ್ಚಾಗುತ್ತೆ.

ಸಂಸ್ಕರಿಸಿದ ಆಹಾರ

ಸಂಸ್ಕರಿಸಿದ ಆಹಾರದಲ್ಲಿ ಕ್ಯಾಲೋರಿ ಜಾಸ್ತಿ, ಪೌಷ್ಟಿಕಾಂಶ ಇರಲ್ಲ. ಫಾಸ್ಟ್ ಫುಡ್, ಜಂಕ್ ಫುಡ್, ಸಿಹಿ ತಿಂಡಿ, ಹುರಿದ ತಿಂಡಿ ತಿಂದ್ರೆ ತೂಕ ಹೆಚ್ಚಾಗುತ್ತೆ, ಕರಗಲ್ಲ.

ನಿದ್ದೆ ಕಮ್ಮಿ

ನಿದ್ದೆ ಕಮ್ಮಿ ಆದ್ರೆ ಹಸಿವು ಕಂಟ್ರೋಲ್ ಆಗಲ್ಲ, ಹಾರ್ಮೋನ್ ಬ್ಯಾಲೆನ್ಸ್ ಹಾಳಾಗುತ್ತೆ. ಹಸಿವು ಜಾಸ್ತಿ ಆಗುತ್ತೆ. ಜಾಸ್ತಿ ತಿನ್ನಬೇಕು ಅನ್ಸುತ್ತೆ. ಕ್ಯಾಲೋರಿ ಜಾಸ್ತಿ ತಿನ್ನೋ ಸಾಧ್ಯತೆ ಇರುತ್ತೆ. ತೂಕ ಇಳಿಸಬೇಕು ಅಂದ್ರೆ ಸಾಕಷ್ಟು ನಿದ್ದೆ ಮಾಡ್ಬೇಕು.

ಮಾನಸಿಕ ಒತ್ತಡ

ತೂಕ ಇಳಿಸುವಾಗ ಮಾನಸಿಕ ಒತ್ತಡ ಆಗುತ್ತೆ. ಆದ್ರೆ ಒತ್ತಡದಿಂದ ತೂಕ ಹೆಚ್ಚಾಗುತ್ತೆ, ಕರಗಲ್ಲ. ತೂಕ ಇಳಿಸಬೇಕು ಅಂದ್ರೆ ಒತ್ತಡದಿಂದ ದೂರ ಇರಬೇಕು.

ಗಮನಿಸಿ : ಥೈರಾಯ್ಡ್, ವಿಟಮಿನ್ ಡಿ ಅಥವಾ ವಿಟಮಿನ್ ಬಿ12 ಕೊರತೆ ಇದ್ರೆ ತೂಕ ಇಳಿಯಲ್ಲ. ನಿಮ್ಮ ವೈದ್ಯರನ್ನ ಭೇಟಿ ಮಾಡಿ ಸಲಹೆ ಪಡೆಯಿರಿ.