ಏನು ಬಿಟ್ಟರೂ ಭಾನುವಾರದ ನಿದ್ರೆ ಬಿಡೋರಲ್ವಾ ನೀವು? ಗುಡ್, ಇದರಿಂದ ಹೆಚ್ಚುತ್ತೆ ಆಯಸ್ಸು

ವಾರಾಂತ್ಯಗಳಲ್ಲಿ ಭಾನುವಾರ, ರಜಾದಿನಗಳಲ್ಲಿ ಜನರು ಸಾಮಾನ್ಯವಾಗಿ ತಮ್ಮ ಸ್ವಂತ ಇಚ್ಛೆಯಂತೆ ಕೆಲವು ಕೆಲಸಗಳನ್ನು ಮಾಡಲು ಬಯಸುತ್ತಾರೆ. ಇನ್ನು ಹೆಚ್ಚಿನ ಜನರು ರಜಾದಿನಗಳಲ್ಲಿ ಚೆನ್ನಾಗಿ ನಿದ್ರೆ ಮಾಡೋದನ್ನು ಬಯಸ್ತಾರೆ. ಹೌದು ವಾರ ಪೂರ್ತಿ ಸರಿಯಾಗಿ ನಿದ್ರೆ ಮಾಡದೇ ಓಡಾಟ, ಕೆಲಸದಲ್ಲಿ ಬ್ಯುಸಿ ಇದ್ದ ಜನರಿಗೆ ಚೆನ್ನಾಗಿ ನಿದ್ರೆ (good sleep) ಮಾಡೋದಕ್ಕೂ ಸಮಯ ಸಿಗೋದಿಲ್ಲ. ಇದರಿಂದಾಗಿ ಅನೇಕ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಡುತ್ತವೆ. ನೀವೂ ಸಹ ವಾರಪೂರ್ತಿ ದಣಿದಿದ್ದರೆ, ರಜಾದಿನಗಳಲ್ಲಿ ಬೇಕಾದಷ್ಟು ನಿದ್ದೆ ಮಾಡಿ, ಇದರಿಂದ ಹೆಚ್ಚಿನ ಆರೋಗ್ಯ ಪ್ರಯೋಜನ ಪಡೆಯುವಿರಿ. 
 

ಆಯಸ್ಸು ಹೆಚ್ಚುತ್ತೆ: 
ನಮಗೆ ನಿದ್ರೆ ಕಡಿಮೆಯಾದಷ್ಟು ನಮ್ಮ ಆಯಸ್ಸು ಕೂಡ ಕಡಿಮೆಯಾಗುತ್ತಂತೆ. ಅದಕ್ಕಾಗಿ ನಮ್ಮ ಹಿರಿಯರು, ತಜ್ಞರು ಎಲ್ಲಾ ಚೆನ್ನಾಗಿ ನಿದ್ರೆ ಮಾಡಿ ಎನ್ನುತ್ತಾರೆ. ಒಂದು ವೇಳೆ ನಿಮಗೆ ವಾರದಲ್ಲಿ ಸರಿಯಾಗಿ ನಿದ್ರೆ ಮಾಡಲು ಸಾಧ್ಯವಾಗದಿದ್ದರೆ, ರಜಾದಿನಗಳಲ್ಲಿ ಚೆನ್ನಾಗಿ ನಿದ್ರಿಸಿ, ಇದರಿಂದ ನೀವು ಆರೋಗ್ಯದಿಂದ ಇರುತ್ತೀರಿ, ಆಯಸ್ಸು (increase lifespan) ಕೂಡ ಹೆಚ್ಚುತ್ತೆ. 

ಹೃದಯಾಘಾತದ ರಿಸ್ಕ್ ಕಡಿಮೆ
ವಾರಾಂತ್ಯದಲ್ಲಿ, ಭಾನುವಾರ ಅಥವಾ ರಜಾದಿನಗಳಲ್ಲಿ ಹೆಚ್ಚು ಹೊತ್ತು ಮಲಗೋದರಿಂದ, ಅಥವಾ ಚೆನ್ನಾಗಿ ನಿದ್ರೆ ಮಾಡೋದರಿಂದ ನಿಮ್ಮ ಒತ್ತಡ ಮಟ್ಟ ಕಡಿಮೆಯಾಗುತ್ತೆ, ಇದರಿಂದ ರಕ್ತದೊತ್ತಡ ಕಡಿಮೆಯಾಗುತ್ತೆ, ಇದರಿಂದಾಗಿ ಹೃದಯಾಘಾತ(heart attack) ರಿಸ್ಕ್ ಕೂಡ ಕಡಿಮೆಯಾಗುತ್ತದೆ. 

ದೇಹ ಮತ್ತು ಮನಸ್ಸಿನ ಆಯಾಸ ದೂರವಾಗುತ್ತದೆ     
ವಾರಾಂತ್ಯದಲ್ಲಿ ಮಲಗುವುದು ನಿಮಗೆ ಒಂದು ವಾರದ ನಿದ್ರೆಯನ್ನು ನೀಡುವುದಿಲ್ಲ ನಿಜ,. ಆದರೆ ವಾರಾಂತ್ಯದ ನಿದ್ರೆ (weekend sleep) ನಿಮ್ಮನ್ನು ಮುಂದಿನ ವಾರಕ್ಕೆ ಸಿದ್ಧಪಡಿಸುತ್ತದೆ ಎಂಬುದನ್ನು ಸಂಶೋಧನೆ ತಿಳಿಸಿದೆ. ಇದು ನಿಮ್ಮ ದೇಹ ಮತ್ತು ಮನಸ್ಸಿನ ಆಯಾಸವನ್ನು ನಿವಾರಿಸುತ್ತದೆ.  

ತೂಕ ಕಡಿಮೆಯಾಗುತ್ತದೆ   
ಚೆನ್ನಾಗಿ ನಿದ್ರೆ ಮಾಡುವವರಿಗಿಂತ ಕಡಿಮೆ ನಿದ್ರೆ ಮಾಡುವವರು ಹೆಚ್ಚು ತೂಕ ಹೊಂದಿರುತ್ತಾರೆ. ಐದು ಗಂಟೆಗಳ ನಿದ್ರೆ ಪಡೆಯುವ ಜನರು ಹಸಿವನ್ನು ಉತ್ತೇಜಿಸುವ ಹಾರ್ಮೋನುಗಳನ್ನು ಶೇಕಡಾ 15 ರಷ್ಟು ಹೆಚ್ಚು ಉತ್ಪಾದಿಸುತ್ತಾರೆ ಎಂದು ಸಂಶೋಧಕರು ಕಂಡು ಹಿಡಿದಿದ್ದಾರೆ. ಅದೇ ಸಮಯದಲ್ಲಿ, ಎಂಟು ಗಂಟೆಗಳ ನಿದ್ರೆ ಮಾಡುವ ಜನರಲ್ಲಿ ಈ ಹಾರ್ಮೋನ್ ಸಾಮಾನ್ಯ ಪ್ರಮಾಣದಲ್ಲಿ ಉತ್ಪತ್ತಿಯಾಗುತ್ತದೆ. ನೀವು ವಾರಾಂತ್ಯದಲ್ಲಿ ಈ ಕೊರತೆಯನ್ನು ತುಂಬಬಹುದು. ಒತ್ತಡ (Stress) ಕಡಿಮೆ ಮಾಡುವುದು ತೂಕದ ಮೇಲೂ (weight lose) ಪರಿಣಾಮ ಬೀರುತ್ತದೆ.

ರೋಗನಿರೋಧಕ ಶಕ್ತಿ (Immunity Power) ಹೆಚ್ಚುತ್ತೆ
ನೀವು ಒತ್ತಡದಿಂದ ಮುಕ್ತರಾದಾಗ, ಅನೇಕ ರೀತಿಯ ರೋಗಗಳಿಂದ ದೂರವಿರುತ್ತೀರಿ. ವಾರಾಂತ್ಯದ ನಿದ್ರೆ ನಿಮಗೆ ವೃತ್ತಿಪರ ಒತ್ತಡದಿಂದ ಪರಿಹಾರ ನೀಡುತ್ತದೆ. ಇದರಿಂದಾಗಿ ನೀವು ಉಲ್ಲಾಸವನ್ನು ಅನುಭವಿಸುತ್ತೀರಿ. ಇದು ರೋಗನಿರೋಧಕ ಶಕ್ತಿಯನ್ನು (immunity power) ಬಲಪಡಿಸುತ್ತದೆ ಮತ್ತು ನೀವು ಮತ್ತೆ ಮತ್ತೆ ಅನಾರೋಗ್ಯಕ್ಕೆ ಒಳಗಾಗುವುದಿಲ್ಲ. ವಾರಾಂತ್ಯದ ಅಥವಾ ರಜಾದಿನದ ನಿದ್ದೆ ನಿಮಗೆ ಹೊಸ ಚೈತನ್ಯದ ಟಾನಿಕ್ ನಂತೆ ಕೆಲಸ ಮಾಡುತ್ತೆ. 

ನೀವು ಕೂಡ ವಾರಾಂತ್ಯದಲ್ಲಿ, ಭಾನುವಾರ, ರಜಾದಿನಗಳಲ್ಲಿ ಚೆನ್ನಾಗಿ ನಿದ್ದೆ ಮಾಡೋರು ಆಗಿದ್ರೆ, ಇದು ಖಂಡಿತಾ ಖುಷಿ ಪಡುವ ವಿಚಾರ. ಒಂದು ವೇಳೆ ನಿಮ್ಮ ವೀಕೆಂಡ್ ರಜೆಯ ಬಗ್ಗೆ ಜನ ಬೈಯ್ಯುತ್ತಿದ್ದರೆ ಅವರಿಗೆ ಇದರಿಂದಾಗುವ ಪ್ರಯೋಜನಗಳ ಬಗ್ಗೆ ಹೇಳಿ ನೋಡಿ.