ಜೇನುತುಪ್ಪ ನಿಜವಾಗ್ಲೂ ಮಧುಮೇಹದ ಅಪಾಯ ಕಡಿಮೆ ಮಾಡುತ್ತಾ?
ನಂಜು ನಿರೋಧಕ ಗುಣಲಕ್ಷಣಗಳನ್ನು ಹೊಂದಿರುವ ಜೇನುತುಪ್ಪ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸಹ ಕಡಿಮೆ ಮಾಡಬಹುದೇ? ಇತ್ತೀಚಿನ ಅಧ್ಯಯನಗಳು ಇದನ್ನು ಹೌದು ಎಂದು ಸಾಬೀತು ಪಡಿಸಿವೆ. ಒಂದೇ ಹೂವಿನಿಂದ ತಯಾರಿಸಿದ ಜೇನುತುಪ್ಪ ರಕ್ತದಲ್ಲಿನ ಸಕ್ಕರೆ ಮಟ್ಟ ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ ವಿರೋಧಿ ಜೇನುತುಪ್ಪವನ್ನು ಭೂಮಿಯ ಮೇಲಿನ ಆರೋಗ್ಯಕ್ಕೆ ಮಕರಂದ ಎಂದು ಹೇಳಲಾಗುತ್ತದೆ. ಸಾಮಾನ್ಯವಾಗಿ ಚಳಿಗಾಲದಲ್ಲಿ ಜೇನುತುಪ್ಪದ ಬಳಕೆ ಹೆಚ್ಚಾಗುತ್ತದೆ. ಬ್ರೆಡ್ ಮೇಲೆ ಜೇನುತುಪ್ಪ ಹರಡಿ ತಿನ್ನುವುದು ಪೌಷ್ಟಿಕ, ರುಚಿಕರ ಮತ್ತು ಕೆಲವೇ ಸೆಕೆಂಡುಗಳಲ್ಲಿ ತಯಾರಿಸಲಾಗುವ ಉಪಾಹಾರ. ಆದರೆ ಮಧುಮೇಹಿಗಳು ಮತ್ತು ಮಧುಮೇಹ ಪೂರ್ವ ವ್ಯಕ್ತಿಗಳು ಈ ಉಪಾಹಾರವನ್ನು ತೆಗೆದುಕೊಳ್ಳಲು ಹೆದರುತ್ತಾರೆ. ಇದಕ್ಕೆ ಕಾರಣ ಜೇನುತುಪ್ಪದಲ್ಲಿರುವ ಸಕ್ಕರೆ. ಅದರಲ್ಲಿ ಸಕ್ಕರೆ ಶೇಕಡಾ 80ಕ್ಕಿಂತ ಹೆಚ್ಚು ಇರಬಹುದು. ರಕ್ತದಲ್ಲಿನ ಸಕ್ಕರೆ ಮಟ್ಟ ಹೆಚ್ಚಾಗುವ ಸಾಧ್ಯತೆಯಿಂದಾಗಿ ಮಧುಮೇಹಿಗಳು(diabetes) ಇದನ್ನು ಅವಾಯ್ಡ್ ಮಾಡ್ತಾರೆ. ಆದರೆ ಇತ್ತೀಚಿನ ಅಧ್ಯಯನಗಳು ಕಚ್ಚಾ ಜೇನುತುಪ್ಪ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುವುದು ಮಾತ್ರವಲ್ಲದೆ, ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ತೋರಿಸುತ್ತದೆ.
ಜೇನುತುಪ್ಪದಲ್ಲಿರುವ(Honey) ಪೋಷಕಾಂಶಗಳನ್ನು ಮೊದಲು ತಿಳಿದುಕೊಳ್ಳಿ
ಜೇನುತುಪ್ಪವು ಮ್ಯಾಂಗನೀಸ್, ಮೆಗ್ನೀಷಿಯಮ್, ತಾಮ್ರ, ಕ್ಯಾಲ್ಸಿಯಂ, ಪೊಟ್ಯಾಷಿಯಮ್, ಕಬ್ಬಿಣ, ಸತುವಿನಂತಹ ಖನಿಜಗಳನ್ನು ಹೊಂದಿರುತ್ತದೆ. ಇವುಗಳಲ್ಲದೆ, ವಿಟಮಿನ್ ಎ, ವಿಟಮಿನ್ ಬಿ, ವಿಟಮಿನ್ ಸಿ ಮತ್ತು ಅನೇಕ ರೀತಿಯ ಉತ್ಕರ್ಷಣ ನಿರೋಧಕಗಳು ಕಂಡುಬರುತ್ತವೆ, ಇದು ಚರ್ಮ ಮತ್ತು ದೇಹದ ವ್ಯವಸ್ಥೆಯನ್ನು ನಿವಾರಿಸುತ್ತೆ. ಗ್ಲುಕೋಸ್ ಮತ್ತು ಫ್ರಕ್ಟೋಸ್ ಸಕ್ಕರೆಯಿಂದಾಗಿ ಜೇನುತುಪ್ಪವು ಸಿಹಿ ರುಚಿಯನ್ನು ನೀಡುತ್ತದೆ.
ಅಧ್ಯಯನ ಏನು ಹೇಳಿದೆ?
ಟೊರೊಂಟೊ ವಿಶ್ವವಿದ್ಯಾಲಯದ ಸಂಶೋಧಕರು ಜೇನುತುಪ್ಪವು ರಕ್ತದ ಸಕ್ಕರೆ ನಷ್ಟ ಮತ್ತು ಕೊಲೆಸ್ಟ್ರಾಲ್ ಮಟ್ಟ ಸೇರಿ ಕಾರ್ಡಿಯೋ ಚಯಾಪಚಯ ಆರೋಗ್ಯವನ್ನು ಸುಧಾರಿಸುತ್ತದೆ ಎಂದು ಕಂಡುಕೊಂಡಿದ್ದಾರೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ, ಪರೀಕ್ಷೆ ಸಮಯದಲ್ಲಿ, ಒಂದೇ ಹೂವಿನಿಂದ ತಯಾರಿಸಿದ ಕಚ್ಚಾ ಜೇನುತುಪ್ಪವನ್ನು ಮಾತ್ರ ತೆಗೆದುಕೊಳ್ಳಲಾಯಿತು. ಸಂಶೋಧಕರು ಜೇನುತುಪ್ಪದ ಮೇಲಿನ ಕ್ಲಿನಿಕಲ್ ಪ್ರಯೋಗಗಳ ವ್ಯವಸ್ಥಿತ ಪರಿಶೀಲನೆ ಮತ್ತು ಮೆಟಾ-ವಿಶ್ಲೇಷಣೆಯನ್ನು ನಡೆಸಿದರು. ಇದರ ಆಧಾರದ ಮೇಲೆ, ಇದು ರಕ್ತದ ಗ್ಲೂಕೋಸ್ (Glucose), ಎಲ್ಡಿಎಲ್ ಅಥವಾ ಕೆಟ್ಟ ಕೊಲೆಸ್ಟ್ರಾಲ್, ಟ್ರೈಗ್ಲಿಸರೈಡ್ಗಳು ಮತ್ತು ಕೊಬ್ಬಿನ ಯಕೃತ್ತಿನ ಕಾಯಿಲೆಯ ಮಾರ್ಗಗಳನ್ನು ಕಡಿಮೆ ಮಾಡುತ್ತದೆ.
ಜೇನುತುಪ್ಪವು ಎಚ್ಡಿಎಲ್ ಅಥವಾ ಉತ್ತಮ ಕೊಲೆಸ್ಟ್ರಾಲ್ (Cholesterol) ಅನ್ನು ಹೆಚ್ಚಿಸಲು ಮತ್ತು ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡಿತು. ಜೇನುತುಪ್ಪವು ಸುಮಾರು 80 ಪ್ರತಿಶತದಷ್ಟು ಸಕ್ಕರೆಯಾಗಿರುವುದರಿಂದ ಸಂಶೋಧಕರು ಈ ಫಲಿತಾಂಶಗಳನ್ನು ಆಶ್ಚರ್ಯಕರವಾಗಿ ಕಂಡುಕೊಂಡಿದ್ದಾರೆ.
ಕಾರ್ಡಿಯೋ ಚಯಾಪಚಯ ಆರೋಗ್ಯವನ್ನು ಸುಧಾರಿಸುತ್ತದೆ
ಜೇನುತುಪ್ಪ ವಿಶೇಷವಾದ ಮತ್ತು ಅಪರೂಪದ ಸಕ್ಕರೆಯ ಸಂಕೀರ್ಣ ಸಂಯೋಜನೆ. ಇದಲ್ಲದೆ, ಜೇನಿನಲ್ಲಿರುವ ಪ್ರೋಟೀನ್(Protein), ಸಾವಯವ ಆಮ್ಲಗಳು ಮತ್ತು ಇತರ ಜೈವಿಕ ಸಕ್ರಿಯ ಸಂಯುಕ್ತಗಳ ಉಪಸ್ಥಿತಿಯು ಆರೋಗ್ಯಕ್ಕೆ ಪ್ರಯೋಜನಕಾರಿ..
ಪ್ರಸ್ತುತ ಅಧ್ಯಯನವು ವೈದ್ಯಕೀಯ ಪ್ರಯೋಗಗಳ ಅತ್ಯಂತ ಸಮಗ್ರ ವಿಮರ್ಶೆಯಾಗಿದೆ. ಇದು ಸಂಸ್ಕರಣೆ ಮತ್ತು ಹೂವಿನ ಮೂಲದ ಬಗ್ಗೆ ವಿವರವಾದ ಡೇಟಾವನ್ನು ಒಳಗೊಂಡಿದೆ. ಹಿಂದಿನ ಸಂಶೋಧನೆಯು ಜೇನುತುಪ್ಪ ಹೃದಯ(Heart)-ಚಯಾಪಚಯ ಆರೋಗ್ಯವನ್ನು ಸುಧಾರಿಸುತ್ತದೆ ಎಂದು ತೋರಿಸಿದೆ. ಅಲ್ಲದೆ ನಂಜುನಿರೋಧಕವಾಗಿರುವುದರಿಂದ, ಗಾಯಗಳನ್ನು ಗುಣಪಡಿಸಲು ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ ಎಂದು ಅಧ್ಯಯನದಲ್ಲಿ ತಿಳಿದು ಬಂದಿದೆ.
ಯಾವ ಜೇನುತುಪ್ಪವು ಹೆಚ್ಚು ವಿಶೇಷವಾಗಿದೆ (ರೋಬಿನಿಯಾ ಅಕೇಶಿಯಾ ಜೇನುತುಪ್ಪ)
ಸಂಶೋಧಕರು ತಮ್ಮ ವಿಶ್ಲೇಷಣೆಯಲ್ಲಿ 1,100 ಕ್ಕೂ ಹೆಚ್ಚು ಸ್ಪರ್ಧಿಗಳ ಮೇಲೆ ಪ್ರಯೋಗ ನಡೆಸಿದ್ದಾರೆ. ಒಟ್ಟು 18 ನಿಯಂತ್ರಿತ ಪ್ರಯೋಗಗಳನ್ನು ನಡೆಸಲಾಯಿತು. ಪ್ರಯೋಗದ ಸಮಯದಲ್ಲಿ ಸ್ಪರ್ಧಿಗಳಿಗೆ ಪ್ರತಿದಿನ ಸರಾಸರಿ 40 ಗ್ರಾಂ ಅಥವಾ ಸುಮಾರು ಎರಡು ಟೇಬಲ್ ಸ್ಪೂನ್ ಜೇನುತುಪ್ಪ ನೀಡಲಾಯಿತು. ಪರೀಕ್ಷೆಯ ಸರಾಸರಿ ಅವಧಿ ಎಂಟು ವಾರಗಳು. ಇದು ಕೇವಲ ರೋಬಿನಿಯಾ ಅಕೇಶಿಯಾ ಅಂದರೆ ಮೊನೊಫ್ಲೋರಲ್ ಅನ್ನು ಮಾತ್ರ ಒಳಗೊಂಡಿತ್ತು. ರೋಬಿನಿಯಾವನ್ನು ಅಮೆರಿಕಾದಲ್ಲಿ (America)ಅಕೇಶಿಯಾ ಜೇನುತುಪ್ಪ ಎಂದು ಕರೆಯಲಾಗುತ್ತದೆ.
ಆದರೆ ತಿನ್ನುವ ಮೊದಲು ಈ ವಿಷಯಗಳನ್ನು ನೆನಪಿನಲ್ಲಿಡಿ
ಒಬ್ಬ ಮಧುಮೇಹ ಹೊಂದಿರುವ ವ್ಯಕ್ತಿ ಪ್ರಸ್ತುತ ಸಕ್ಕರೆಯನ್ನು ಅವಾಯ್ಡ್ ಮಾಡುತ್ತಿದ್ದರೆ, ಅವರು ತಕ್ಷಣ ಜೇನುತುಪ್ಪವನ್ನು ತಿನ್ನಲು ಪ್ರಾರಂಭಿಸಬಾರದು ಎಂದು ಸಂಶೋಧಕರು ಸ್ಪಷ್ಟಪಡಿಸಿದ್ದಾರೆ. ಅವನು ಅದನ್ನು ಪೂರಕವಾಗಿ ಬಳಸಬಹುದು.
ಟೇಬಲ್ ಸಕ್ಕರೆ, ಸಕ್ಕರೆ (Sugar) ಪಾಕ ಅಥವಾ ಇತರ ಸಿಹಿಕಾರಕವನ್ನು ಬಳಸುತ್ತಿದ್ದರೆ, ಆ ಸಕ್ಕರೆಗಳ ಬದಲಾಗಿ ಜೇನು ತುಪ್ಪ ಬಳಸಬಹುದು. ಇದು ಕಾರ್ಡಿಯೋಮೆಟಾಬಾಲಿಕ್ ಅಪಾಯವನ್ನು ಸಹ ಕಡಿಮೆ ಮಾಡುತ್ತದೆ. ಇದು ಆರೋಗ್ಯಕ್ಕೂ ಸಹ ಉತ್ತಮವಾಗಿದೆ ಎಂದು ತಿಳಿದು ಬಂದಿದೆ.
ಸಂಶೋಧಕರ ಪ್ರಕಾರ, ಜೇನುತುಪ್ಪವನ್ನು ಎಂದಿಗೂ ಬಿಸಿ ಮಾಡಿ ತಿನ್ನಬಾರದು. ಹೆಚ್ಚಿನ ತಾಪಮಾನದಲ್ಲಿ, ಕಚ್ಚಾ ಜೇನುತುಪ್ಪದ ಎಲ್ಲಾ ಪ್ರಯೋಜನಕಾರಿ ಗುಣಲಕ್ಷಣಗಳು ನಾಶವಾಗುತ್ತವೆ. ಕಚ್ಚಾ ಜೇನುತುಪ್ಪವನ್ನು ಮೊಸರು, ಸ್ಪ್ರೆಡ್ ಅಥವಾ ಸಲಾಡ್ (Salad) ಡ್ರೆಸ್ಸಿಂಗ್ ಆಗಿ ಬಳಸಬಹುದು. ಈ ಸಂಶೋಧನೆಯನ್ನು ಕೆನಡಾ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ರಿಸರ್ಚ್ ಸಹ ಬೆಂಬಲಿಸಿತು.
