PM Narendra Modi: 72ನೇ ವಯಸ್ಸಿನಲ್ಲೂ ಸಖತ್ ಆ್ಯಕ್ಟೀವಾಗಿರುವ ನಮೋ ಫಿಟ್ನೆಸ್ ಸೀಕ್ರೆಟ್ ಏನು?

72ನೇ ವಯಸ್ಸಿನಲ್ಲಿಯೂ ಪ್ರಧಾನಿ ನರೇಂದ್ರ ಮೋದಿ ಅವರು ಅತ್ಯಂತ ಫಿಟ್ ಮತ್ತು ಸಕ್ರಿಯರಾಗಿದ್ದಾರೆ. ಪ್ರಧಾನಿ 18 ಗಂಟೆಗಳ ಕಾಲ ನಿಲ್ಲದೆ ಹೇಗೆ ಕೆಲಸ ಮಾಡುತ್ತಾರೆ ಎಂದು ಪ್ರಪಂಚದಾದ್ಯಂತದ ಜನರು ಚರ್ಚಿಸುತ್ತಾರೆ. ಇಲ್ಲಿದೆ ಅವರ ಫಿಟ್ನೆಸ್ ಸೀಕ್ರೆಟ್.

ಪ್ರಧಾನಿ ಮೋದಿಯವರ (PM Modi) ಕೆಲಸದ ಬಗ್ಗೆ ಜಗತ್ತಿನಲ್ಲಿ ಚರ್ಚೆ ನಡೆಯುತ್ತಿದೆ, ಭಾರತದ ಪ್ರಧಾನಿ 18 ಗಂಟೆಗಳ ಕಾಲ ನಿಲ್ಲದೆ ಹೇಗೆ ಕೆಲಸ ಮಾಡುತ್ತಾರೆ, ಅವರು ದಣಿಯುವುದಿಲ್ಲವೇ? ಈ ಪ್ರಶ್ನೆಯನ್ನು ಅನೇಕ ಮಾಧ್ಯಮ ಸಂದರ್ಶನಗಳಲ್ಲಿಯೂ ಕೇಳಲಾಗಿದೆ. ಇದಲ್ಲದೆ, ಪಿಎಂ ಮೋದಿ ಹೇಗೆ ಸದೃಢರಾಗಿದ್ದಾರೆ ಮತ್ತು ಅವರು ಆಯಾಸಗೊಳ್ಳದೆ ಹೇಗೆ ಕೆಲಸ ಮಾಡುತ್ತಾರೆ ಎಂದು ಜನರು ಆಗಾಗ್ಗೆ ಗೂಗಲ್ನಲ್ಲಿ ಹುಡುಕುತ್ತಾರೆ. ಅಷ್ಟಕ್ಕೂ, ಪ್ರಧಾನ ಮಂತ್ರಿ ಏನು ತಿನ್ನುತ್ತಾರೆ, ಅವರು ಫಿಟ್ ಆಗಿರಲು ಕಾರಣ ಏನು ನೋಡೋಣ.

ಪ್ರಧಾನಿಯವರು ತಮ್ಮ ದಿನಚರಿ ಮತ್ತು ಫಿಟ್ನೆಸ್ (fitness secret) ಬಗ್ಗೆ ಅನೇಕ ಸಂದರ್ಭಗಳಲ್ಲಿ ಹೇಳಿದ್ದಾರೆ. ಇಂದು ಈ ಲೇಖನದಲ್ಲಿ, ಪಿಎಂ ಮೋದಿಯವರ ಆಹಾರ ಪ್ಲ್ಯಾನ್ ಏನು ಎಂದು ನಾವು ತಿಳಿದುಕೊಳ್ಳೋಣ., ಇದರಿಂದ ಅವರು ಯಾವಾಗಲೂ ಸದೃಢವಾಗಿ ಉಳಿಯುತ್ತಾರೆ.

ಪ್ರಧಾನಿ ನರೇಂದ್ರ ಮೋದಿ ಅವರ ಸರಳ ಆಹಾರ ಕ್ರಮ: ಪ್ರಧಾನ ಮಂತ್ರಿಯವರ ಆಹಾರವು ಸಾಮಾನ್ಯ ಜನರಿಗಿಂತ ಭಿನ್ನವಾಗಿರುತ್ತದೆ ಎಂದು ನಿಮ್ಮ ಮನಸ್ಸಿನಲ್ಲಿ ಇದ್ದೇ ಇರುತ್ತೆ ಅಲ್ವಾ?. ನೀವು ಹಾಗೆ ಭಾವಿಸಿದರೆ, ಅದು ತಪ್ಪು. ಹೌದು, ಪ್ರಧಾನ ಮಂತ್ರಿಯ ಆಹಾರಕ್ರಮವು (PM Modi diet) ತುಂಬಾ ಸರಳವಾಗಿದೆ. ಅವರು ತಮ್ಮನ್ನು ಆರೋಗ್ಯಕರವಾಗಿ ಮತ್ತು ಶಕ್ತಿಯುತವಾಗಿಡಲು ಸರಳ ಆಹಾರ ಕ್ರಮ ಅನುಸರಿಸುತ್ತಾರೆ. ಇದಲ್ಲದೆ, ಪ್ರಧಾನಿಯವರು ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕಾಗಿ ಯೋಗ ಮತ್ತು ಉಪವಾಸ ಸಹ ಮಾಡುತ್ತಾರೆ.

ನುಗ್ಗೆ ಸೊಪ್ಪು ಪರೋಟ:  ಫಿಟ್ ಇಂಡಿಯಾ ಆಂದೋಲನದ (Fit India Moment) ಸಂದರ್ಭದಲ್ಲಿ ಪ್ರಧಾನಿಯವರು ವಾರಕ್ಕೆ ಒಂದು ಅಥವಾ ಎರಡು ಬಾರಿ ನುಗ್ಗೆ ಸೊಪ್ಪಿನ ಪರೋಟ (drumstick paratha)  ಸೇವಿಸುತ್ತಾರೆ ಎಂದು ಹೇಳಿದ್ದರು. ಆಯುರ್ವೇದ ಔಷಧಿಗಳನ್ನು ತಯಾರಿಸಲು ನುಗ್ಗೆ ಬಳಸಲಾಗುತ್ತೆ.. ಇದನ್ನು ಮುನ್ನೂರು ರೋಗಗಳಿಗೆ ಔಷಧಿಯಾಗಿ ಬಳಸಲಾಗುತ್ತೆ. ನುಗ್ಗೆ ಎಲೆಗಳು ಮತ್ತು ಬೀಜಗಳಿಂದ ಕಾಂಡಗಳವರೆಗೆ ಎಲ್ಲಾ ಭಾಗಗಳಲ್ಲಿ ಔಷಧೀಯ ಗುಣಗಳನ್ನು ಹೊಂದಿದೆ. ಇದರ ಸೇವನೆಯು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ, ಜೊತೆಗೆ ಇದರಲ್ಲಿರುವ ಕ್ಯಾಲ್ಸಿಯಂ ಪಿತ್ತಜನಕಾಂಗವನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ. ಇದಲ್ಲದೆ, ಇದು ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳಿಂದ ರಕ್ಷಿಸುತ್ತದೆ.

ಪ್ರತಿದಿನ ಮೊಸರು ಸೇವಿಸಿ (eating curd): ಪ್ರಧಾನಿ ಮೋದಿ ಪ್ರತಿದಿನ ಮೊಸರು ತಿನ್ನುತ್ತಾರೆ. ಅವರ ದೈನಂದಿನ ಆಹಾರದಲ್ಲಿ ಮೊಸರು ಸೇವಿಸುವುದು ಕಡ್ಡಾಯವಾಗಿದೆ. ಮೊಸರು ಸೇವಿಸೋದ್ರಿಂದ ಅನೇಕ ಪ್ರಯೋಜನಗಳಿವೆ. ಇದನ್ನು ತಿನ್ನುವ ಮೂಲಕ, ದುರ್ಬಲ ರೋಗನಿರೋಧಕ ಶಕ್ತಿ, ಹಲ್ಲುಗಳು, ಮೂಳೆ ಮತ್ತು ಹೃದಯಕ್ಕೆ ಸಂಬಂಧಿಸಿದ ರೋಗಗಳನ್ನು ನೀವು ತಪ್ಪಿಸಬಹುದು. ಮೊಸರಿನಲ್ಲಿ ಕ್ಯಾಲ್ಸಿಯಂ, ವಿಟಮಿನ್ ಬಿ, ವಿಟಮಿನ್ ಬಿ -2, ಮೆಗ್ನೀಸಿಯಮ್ ಮತ್ತು ಪೊಟ್ಯಾಸಿಯಮ್ ನಂತಹ ಪೋಷಕಾಂಶಗಳಿವೆ.

ವಾರದಲ್ಲಿ 3 ದಿನ ವಾಘರೇಲಿ ಖಿಚಡಿ: ಫಿಟ್ನೆಸ್ ಬಗ್ಗೆ ಸಕ್ರಿಯವಾಗಿರುವ ಪ್ರಧಾನಿ ಮೋದಿ ಗುಜರಾತಿ ಶೈಲಿಯಲ್ಲಿ ತಯಾರಿಸಿದ ಖಿಚಡಿಯನ್ನು ತಿನ್ನುತ್ತಾರೆ, ಇದನ್ನು ವಾಘರೇಲಿ ಖಿಚ್ಡಿ (wagherili khichdi) ಎಂದೂ ಕರೆಯಲಾಗುತ್ತೆ. ಈ ಖಿಚಡಿ ತಯಾರಿಸಲು ಸಾಕಷ್ಟು ಮಸಾಲೆಗಳನ್ನು ಬಳಸಲಾಗುತ್ತದೆ, ಆದರೆ ಪ್ರಧಾನಿ ಕಡಿಮೆ ಮಸಾಲೆಯಲ್ಲಿ ತಯಾರಿಸಿದ ಖಿಚಡಿಯನ್ನು ತಿನ್ನಲು ಬಯಸುತ್ತಾರೆ. ಇದನ್ನು ತಯಾರಿಸಲು ಅಕ್ಕಿ, ಹೆಸರು, ಅರಿಶಿನ ಮತ್ತು ಉಪ್ಪು ಬೇಕು. ಅಂದರೆ, ಪ್ರಧಾನ ಮಂತ್ರಿ ಎಷ್ಟು ಸರಳವಾಗಿ ಆಹಾರವನ್ನು ತಿನ್ನುತ್ತಾರೆ ಎಂಬುದನ್ನು ನೀವು ಅರ್ಥಮಾಡಿಕೊಳ್ಳಬಹುದು.

ಹಿಮಾಚಲಿ ಅಣಬೆ (Himachali Mushroom): ಹಿಮಾಚಲ ಪ್ರದೇಶದಲ್ಲಿ ಬೆಳೆಯುವ ಪರ್ವತ ಅಣಬೆಗಳೆಂದ್ರ ತಮಗೆ ಇಷ್ಟ ಎಂದು ಪ್ರಧಾನಿ ತಮ್ಮ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಮೋದಿ ಪರ್ವತ ಅಣಬೆಗಳನ್ನು ತುಂಬಾ ಇಷ್ಟಪಟ್ಟು ತಿನ್ನುತ್ತಾರೆ. ಇದು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾದ ಅನೇಕ ಪೋಷಕಾಂಶಗಳನ್ನು ಒಳಗೊಂಡಿದೆ. ಈ ಹಿಮಾಚಲಿ ಅಣಬೆಯಲ್ಲಿ ಸಾಕಷ್ಟು ವಿಟಮಿನ್ ಬಿ ಇದೆ, ಇದಲ್ಲದೆ, ಇದು ಪಿತ್ತಜನಕಾಂಗವನ್ನು ನಿರ್ವಿಷಗೊಳಿಸುತ್ತದೆ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಹೃದ್ರೋಗಗಳಿಂದ ರಕ್ಷಿಸುತ್ತದೆ.

ಮಿಸ್ ಮಾಡದೇ ಅರಿಶಿನ ಸೇವನೆ (Turmeric): ಪ್ರಧಾನ ಮಂತ್ರಿಗಳು ಅರಿಶಿನವನ್ನು ನಿಯಮಿತವಾಗಿ ಸೇವಿಸುತ್ತಾರೆ. ಫಿಟ್ ಇಂಡಿಯಾ ಆಂದೋಲನದ ಒಂದು ವರ್ಷ ಪೂರ್ಣಗೊಂಡ ಸಂದರ್ಭದಲ್ಲಿ, ಫಿಟ್ನೆಸ್ ಮತ್ತು ಆರೋಗ್ಯದ ಬಗ್ಗೆ ಮಾತನಾಡುವಾಗ, ಅವರು ಪ್ರತಿದಿನ ಅರಿಶಿನ ತಿನ್ನುತ್ತೀರಾ ಅಥವಾ ಇಲ್ಲವೇ ಎಂದು ತಮ್ಮ ತಾಯಿ ಯಾವಾಗಲೂ ಕೇಳುತ್ತಿದ್ದರು ಎಂದು ತಿಳಿಸಿದ್ದರು. ಅರಿಶಿನವು ಆಯುರ್ವೇದದಲ್ಲಿ ಅತಿದೊಡ್ಡ ಕೊಡುಗೆಯಾಗಿದೆ. ದೇಹದಲ್ಲಿರುವ ವೈರಸ್ ಗಳ ವಿರುದ್ಧ ಹೋರಾಡಲು ಅರಿಶಿನವು ಸಹಾಯ ಮಾಡುತ್ತದೆ.