ರಾತ್ರಿ ಮತ್ತೆ ಮತ್ತೆ ಮೂತ್ರ ಬರುತ್ತದೆಯೇ? ಈ ಗಂಭೀರ ಸಮಸ್ಯೆಗಳಿರಬಹುದು!

ಕೆಲವೊಮ್ಮೆ ಇದ್ದಕ್ಕಿದ್ದಂತೆ ಮಧ್ಯರಾತ್ರಿಯಲ್ಲಿ ನಿದ್ರೆಯಿಂದ ಎಚ್ಚೆತ್ತುಕೊಳ್ಳುತ್ತೀರಿ ಮತ್ತು ಮತ್ತೆ ಮತ್ತೆ ಶೌಚಾಲಯಕ್ಕೆ (Wash Room) ಹೋಗಬೇಕಾಗುತ್ತದೆ. ಅನೇಕ ಸಂದರ್ಭಗಳಲ್ಲಿ, ನೀವು  ಮಲಗುವ ಮೊದಲು ಹೆಚ್ಚು ದ್ರವಗಳನ್ನು (Liquid Food) ತೆಗೆದುಕೊಂಡಾಗ ಇದು ಸಂಭವಿಸುತ್ತದೆ, ಆದರೆ ಕೆಲವು ಸಂದರ್ಭಗಳಲ್ಲಿ ಇದು ಗಂಭೀರ ಸಮಸ್ಯೆಯ ಸಂಕೇತವಾಗಿರಬಹುದು.

ಮೂತ್ರ ಮತ್ತೆ ಮತ್ತೆ ಏಕೆ ಬರುತ್ತದೆ?
ರಾತ್ರಿಯಲ್ಲಿ ಆಗಾಗ್ಗೆ ಮೂತ್ರ ವಿಸರ್ಜನೆಯ ಸಮಸ್ಯೆಯನ್ನು ನೊಕ್ಟೂರಿಯಾ ಎಂದು ಕರೆಯಲಾಗುತ್ತದೆ. ಈ ಸಂದರ್ಭದಲ್ಲಿ, ನೀವು ರಾತ್ರಿಯಲ್ಲಿ ಆಗಾಗ್ಗೆ ಮೂತ್ರವನ್ನು ಮಾಡುತ್ತೀರಿ, ಕೆಲವೊಮ್ಮೆ ಕಂಟ್ರೋಲ್ ಮಾಡಲು ಸಹ ಸಾಧ್ಯವಿರುವುದಿಲ್ಲ. ಮತ್ತು ಇದು  ನಿದ್ರೆಯ ಮಾದರಿಯನ್ನು ಸಹ ತೊಂದರೆಗೊಳಿಸುತ್ತದೆ. 

ಮಲಗುವ ಮೊದಲು ಹೆಚ್ಚಿನ ದ್ರವಗಳನ್ನು ತೆಗೆದುಕೊಂಡಿದ್ದರೆ ಇದು ಸಂಭವಿಸಬಹುದು ಎಂದು ದಿ ಸನ್ (The Sun) ವರದಿ ಮಾಡಿದೆ. ನಿದ್ರೆಯ ಸಮಸ್ಯೆಗಳು ಸಹ ಈ ಸಮಸ್ಯೆಯನ್ನು ಉಂಟುಮಾಡುತ್ತವೆ ಏಕೆಂದರೆ, ನೀವು ಎಚ್ಚರವಾಗಿರುವಾಗ ಪದೇ ಪದೇ ಶೌಚಾಲಯಕ್ಕೆ ಹೋಗುವ ಅಗತ್ಯವನ್ನು ಅನುಭವಿಸುತ್ತೀರಿ, ಆದರೆ ಇದು ಕೆಲವು ಗಂಭೀರ ರೋಗಗಳಲ್ಲಿಯೂ ಸಂಭವಿಸಬಹುದು. 

ಹಾರ್ಮೋನ್ ಬದಲಾವಣೆ (hormonal changes)
ಯುಕೆ ವೆಸ್ಟ್ ಸಫೋಲ್ಕ್ NHS Foundation Trust ಪ್ರಕಾರ, ರಾತ್ರಿಯಲ್ಲಿ ಆಗಾಗ್ಗೆ ಮೂತ್ರ ವಿಸರ್ಜನೆಯು ಹಾರ್ಮೋನ್ (Harmone) ಬದಲಾವಣೆಯಿಂದ ಉಂಟಾಗಬಹುದು. ಏಕೆಂದರೆ ವಯಸ್ಸಾದಂತೆ, ಆ್ಯಂಟಿ ಮತ್ತು ಮೂತ್ರವರ್ದಕ ಹಾರ್ಮೋನ್ ದೇಹದಲ್ಲಿ ಕಡಿಮೆಯಾಗುತ್ತದೆ. ಇದು ದ್ರವವನ್ನು ಹಿಡಿದಿಟ್ಟುಕೊಳ್ಳಲು ದೇಹಕ್ಕೆ ಸಹಾಯ ಮಾಡುವ ರಾಸಾಯನಿಕವಾಗಿದೆ. ಇದರಿಂದ ನಿಮಗೆ ಆಗಾಗ ಮೂತ್ರ ಬರುವುದಿಲ್ಲ, ಅದರಲ್ಲೂ ರಾತ್ರಿ ಸಮಯದಲ್ಲಿ ಮೂತ್ರ ವಿಸರ್ಜನೆಯಾಗುತ್ತದೆ.

ಪ್ರಾಸ್ಟೇಟ್ (Prostate )ಸಮಸ್ಯೆಗಳು 
ಇದಲ್ಲದೆ, ರಾತ್ರಿಯಲ್ಲಿ ಅತಿಯಾದ ಮೂತ್ರಕ್ಕೆ ಒಂದು ಕಾರಣವೆಂದರೆ ಪ್ರಾಸ್ಟೇಟ್ ಗೆ ಸಂಬಂಧಿಸಿದ ಬದಲಾವಣೆಗಳು. ಈ ಗ್ರಂಥಿಗಳು ವಯಸ್ಸಾದಂತೆ ಬೆಳೆಯುತ್ತವೆ ಮತ್ತು ಮೂತ್ರನಾಳದ ಮೇಲೆ ಒತ್ತಡ ಹೇರುತ್ತದೆ. ಮೂತ್ರ ನಾಳದ ಮೇಲೆ ಹೆಚ್ಚು ಒತ್ತಡ ಬಿದ್ದಾಗ ಪದೇ ಪದೇ ಮೂತ್ರ ವಿಸರ್ಜನೆಯಾಗುತ್ತದೆ. 

ಮೂತ್ರಕೋಶದ (Bladder) ಸೋಂಕು 
ಮೂತ್ರಕೋಶದ ಸ್ಥಿತಿಯು ರಾತ್ರಿಯಲ್ಲಿ ಪದೇ ಪದೇ ಮೂತ್ರಕ್ಕೆ ಕಾರಣವಾಗಬಹುದು, ಅಂದರೆ ನೊಕ್ಟೂರಿಯಾ. ಅತಿಯಾದ ಸಕ್ರಿಯ ಮೂತ್ರಕೋಶ ಮತ್ತು ಮೂತ್ರಕೋಶದ ಸೋಂಕಿನ ಸಂದರ್ಭದಲ್ಲಿ ಇದು ಸಂಭವಿಸುತ್ತದೆ. ಆದುದರಿಂದ ಮೂತ್ರ ಕೋಶದ ಸಮಸ್ಯೆ ಬಗ್ಗೆ ಹೆಚ್ಚು ಜಾಗರೂಕರಾಗಿರುವುದು ಮುಖ್ಯ. 

ಹೃದ್ರೋಗ (Heart Disease)
ಈ ಸಮಸ್ಯೆ ಹೃದ್ರೋಗದಲ್ಲೂ ಬರುತ್ತದೆ. ಈ ಸಂದರ್ಭದಲ್ಲಿ ನಿಮ್ಮ ಹೃದಯ ಮತ್ತು ರಕ್ತ ಪರಿಚಲನೆ ದುರ್ಬಲವಾಗುತ್ತದೆ. ಕಾಲುಗಳು ಮತ್ತು ಪಾದಗಳಲ್ಲಿ ಊತವಿದ್ದರೆ ಮೂತ್ರದ ಸಮಸ್ಯೆಯನ್ನು ನಿರ್ಲಕ್ಷಿಸಬೇಡಿ.  ಸದಾ ಹೃದಯದ ಆರೋಗ್ಯವನ್ನು ಉತ್ತಮವಾಗಿರುವಂತೆ ನೋಡಿಕೊಳ್ಳಿ. 

ಮಧುಮೇಹ (Diabetes)
ರಾತ್ರಿ ಯಲ್ಲಿ ಆಗಾಗ್ಗೆ ಮೂತ್ರ ವಿಸರ್ಜನೆಗೆ ಮಧುಮೇಹವೂ ಕಾರಣವಾಗಬಹುದು. ಏಕೆಂದರೆ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಅಧಿಕವಾದಾಗ ಮತ್ತು ಸಾಕಷ್ಟು ನೀರು ಕುಡಿದಾಗ ನಿಮಗೆ ಮತ್ತೆ ಮತ್ತೆ ಬಾಯಾರಿಕೆ ಆಗುತ್ತದೆ.  ಇದರಿಂದ ದೇಹದಲ್ಲಿ ನೀರಿನ ಪ್ರಮಾಣ ಹೆಚ್ಚಾಗಿ ಮೂತ್ರ ವಿಸರ್ಜನೆಯಾಗುವ ಸಾಧ್ಯತೆ ಕೂಡ ಹೆಚ್ಚಾಗುತ್ತದೆ. 

ಆಲ್ಕೋಹಾಲ್ ಮತ್ತು ಕೆಫೀನ್ ಯುಕ್ತ ವಸ್ತುಗಳನ್ನು ಕುಡಿಯಬೇಡಿ
 ರಾತ್ರಿ ಮಲಗುವ ಮುನ್ನ ಮದ್ಯ ಸೇವನೆ ಮಾಡಿದರೆ ಅದು ಮೂತ್ರದ ಸಮಸ್ಯೆಗೂ ಕಾರಣವಾಗಬಹುದು. ಆಲ್ಕೋಹಾಲ್ ಮೂತ್ರವರ್ಧಕದಂತೆ ಕೆಲಸ ಮಾಡುತ್ತದೆ.  ಮಲಗುವ ಸ್ವಲ್ಪ ಮೊದಲು ಆಲ್ಕೋಹಾಲ್ ಮತ್ತು ಕೆಫೀನ್ ಯುಕ್ತ ವಸ್ತುಗಳನ್ನು ಕುಡಿಯಬೇಡಿ. ಅಲ್ಲದೆ ಮೂತ್ರಕೋಶದ (Bladder )ಮೇಲೆ ಒತ್ತಡ ಹೇರದಂತೆ ತೂಕವನ್ನು ನಿಯಂತ್ರಣದಲ್ಲಿಡಿ. ನಿಮಗೆ ಇಂತಹ ಸಮಸ್ಯೆ ಇದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.