ಕ್ಯಾನ್ಸರ್ ಸಮಸ್ಯೆ ಬರಲೇ ಬಾರದು ಎಂದಾದ್ರೆ ಈ ಐದು ವಿಷ್ಯಗಳನ್ನು ನೆನಪಿಡಿ!

ಪ್ರತಿ ವರ್ಷ ಭಾರತದಲ್ಲಿ ಕ್ಯಾನ್ಸರ್ ರೋಗಿಗಳ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ. ಈ ಲೇಖನದಲ್ಲಿ, ಕ್ಯಾನ್ಸರ್ ತಡೆಗಟ್ಟಲು ಖ್ಯಾತ ವೈದ್ಯರು ತಿಳಿಸಿದ 5 ಜೀವನಶೈಲಿ ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ. =

ಭಾರತದಲ್ಲಿ ಪ್ರತಿ ವರ್ಷ 10 ಲಕ್ಷಕ್ಕೂ ಹೆಚ್ಚು ಜನರು ಕ್ಯಾನ್ಸರ್ (cancer) ನಿಂದ ಬಳಲುತ್ತಿದ್ದಾರೆ. ಎನ್ಪಿಪಿಸಿ ವರದಿಯಲ್ಲಿ ಈ ಹೇಳಿಕೆ ನೀಡಲಾಗಿದೆ. ವರದಿಯ ಪ್ರಕಾರ, ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ಕ್ಯಾನ್ಸರ್ ಪ್ರಕರಣಗಳನ್ನು ಗಮನಿಸಿದರೆ, ಮುಂದಿನ ಕೆಲವು ವರ್ಷಗಳಲ್ಲಿ, ಪ್ರತಿ ಹತ್ತು ಜನರಲ್ಲಿ ಒಬ್ಬರು ಕ್ಯಾನ್ಸರ್ಗೆ ಗುರಿಯಾಗುತ್ತಾರೆ ಎಂದು ತಜ್ಞರು ಹೇಳುತ್ತಾರೆ.

ನಿರಂತರವಾಗಿ ಕ್ಯಾನ್ಸರ್ ಹೆಚ್ಚುತ್ತಿರುವ ಈ ಸಮಯದಲ್ಲಿ ಕ್ಯಾನ್ಸರ್ ಅಪಾಯವನ್ನು ಹೇಗೆ ಕಡಿಮೆ ಮಾಡುವುದು ಎನ್ನುವುದರ ಬಗ್ಗೆ, ಪ್ರತಿಯೊಬ್ಬರೂ ಉತ್ತರವನ್ನು ತಿಳಿಯಲು ಬಯಸುತ್ತಾರೆ. ನೀವು ಕ್ಯಾನ್ಸರ್ ಬಾರದಂತೆ ಉಳಿಯಬೇಕೆಂದಿದ್ದರೆ ನೀವು ನಿಮ್ಮ ಜೀವನದಲ್ಲಿ ಈ ಕ್ರಮಗಳನ್ನು (lifestyle) ಅನುಸರಿಸಲೇಬೇಕು. 

ಮದ್ಯಪಾನ ಮಾಡುವುದನ್ನು ನಿಲ್ಲಿಸಿ: ಡಬ್ಲ್ಯುಎಚ್ಒ (WHO) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಆಲ್ಕೋಹಾಲ್ ಹಾನಿಕಾರಕ ಪಾನೀಯವಾಗಿದೆ. ಇದರ ಸೇವನೆಯು ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಕ್ಯಾನ್ಸರ್ ತಪ್ಪಿಸಲು ಕೆಲವರು ಆಲ್ಕೋಹಾಲ್ ಸೇವನೆಯನ್ನು ಕಡಿಮೆ ಮಾಡೋದು ಸರಿಯಲ್ಲ ಅದನ್ನು ಸಂಪೂರ್ಣವಾಗಿ ತ್ಯಜಿಸಬೇಕು.. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಒಂದು ಹನಿ ಆಲ್ಕೋಹಾಲ್ ಕೂಡ ಕ್ಯಾನ್ಸರ್ ಗೆ ಕಾರಣವಾಗಬಹುದು. ಕೊಲೊನ್, ಪಿತ್ತಜನಕಾಂಗ, ಹೊಟ್ಟೆ, ಮೇದೋಜ್ಜೀರಕ ಗ್ರಂಥಿ, ಸ್ತನ, ಗಂಟಲು ಮತ್ತು ಅನ್ನನಾಳ ಸೇರಿದಂತೆ ಏಳು ರೀತಿಯ ಕ್ಯಾನ್ಸರ್ಗೆ (cancer) ಆಲ್ಕೋಹಾಲ್ ಸಂಬಂಧಿಸಿದೆ.

ಸಂಸ್ಕರಿಸಿದ ಮಾಂಸವನ್ನು ತಪ್ಪಿಸಿ: ನೀವು ಸಂಸ್ಕರಿಸಿದ ಮಾಂಸವನ್ನು (processed meat) ಸೇವಿಸಲು ಬಯಸಿದರೆ, ಅದನ್ನು ಇವತ್ತೇ ನಿಮ್ಮ ಅಡುಗೆಮನೆಯಿಂದ ಹೊರತೆಗೆಯಿರಿ. ಸಂಸ್ಕರಿಸಿದ ಮಾಂಸವು ಕರುಳು, ಹೊಟ್ಟೆ, ಪ್ರಾಸ್ಟೇಟ್ ಮತ್ತು ಮೇದೋಜ್ಜೀರಕ ಗ್ರಂಥಿಯ ಕ್ಯಾನ್ಸರ್ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಅನೇಕ ಸಂಶೋಧನೆಗಳಲ್ಲಿ ದೃಢಪಡಿಸಲಾಗಿದೆ. ಐಎಆರ್ಸಿ ಬಿಡುಗಡೆ ಮಾಡಿದ ಅಂಕಿಅಂಶಗಳ ಪ್ರಕಾರ, ಸಂಸ್ಕರಿಸಿದ ಮಾಂಸವು ಪ್ರತಿವರ್ಷ 34,000 ಕ್ಯಾನ್ಸರ್ ಸಾವುಗಳಿಗೆ ಕಾರಣವಾಗಿದೆ ಎಂದು ತಿಳಿದು ಬಂದಿದೆ.

ಧೂಮಪಾನಕ್ಕೆ ಗುಡ್ ಬೈ ಹೇಳಿ: ಡಬ್ಲ್ಯುಎಚ್ಒ ವರದಿಯ ಪ್ರಕಾರ, ಶ್ವಾಸಕೋಶದ ರೋಗಿಗಳು ಪ್ರತಿವರ್ಷ ಹೆಚ್ಚಿನ ಸಂಖ್ಯೆಯ ಕ್ಯಾನ್ಸರ್ ಸಾವುಗಳನ್ನು ಹೊಂದಿದ್ದಾರೆ. ಧೂಮಪಾನವು ಶ್ವಾಸಕೋಶದ ಕ್ಯಾನ್ಸರ್ಗೆ ಮುಖ್ಯ ಕಾರಣವೆಂದು ಪರಿಗಣಿಸಲಾಗಿದೆ. ಇದರಿಂದ ಮೂತ್ರಕೋಶ ಮತ್ತು ಮೂತ್ರಪಿಂಡದ ಕ್ಯಾನ್ಸರ್ (Kidney Cancer) ಅಪಾಯವೂ ಉಂಟಾಗುವ ಸಾಧ್ಯತೆ ಇದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಧೂಮಪಾನದ ವ್ಯಸನಿಯಾಗಿದ್ದಲ್ಲಿ, ಇಂದಿನಿಂದ ಅದನ್ನು ನಿವಾರಿಸಲು ಮಾರ್ಗವನ್ನು ಹುಡುಕಲು ಪ್ರಾರಂಭಿಸಿ.

ನಿಮ್ಮ ಜೆನೆಟಿಕ್ಸ್ ಅನ್ನು ಅರ್ಥಮಾಡಿಕೊಳ್ಳಿ: ಕ್ಯಾನ್ಸರ್ ತಡೆಗಟ್ಟಲು ನಿಮ್ಮ ತಳಿಶಾಸ್ತ್ರದ (genetics) ಬಗ್ಗೆ ಅರ್ಥಮಾಡಿಕೊಳ್ಳಿ ಮತ್ತು ಅದನ್ನು ಸಮಯಕ್ಕೆ ಸರಿಯಾಗಿ ಗುರುತಿಸಿ. ಕೆಲವು ಕ್ಯಾನ್ಸರ್ಗಳು ಆನುವಂಶಿಕ ಸ್ವರೂಪದ್ದಾಗಿರುತ್ತವೆ. ಅವು ತಲೆಮಾರಿನಿಂದ ಪೀಳಿಗೆಗೆ ಸಂಭವಿಸುವ ಸಾಧ್ಯತೆ ಹೆಚ್ಚು. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಕುಟುಂಬ ಸದಸ್ಯರೊಂದಿಗೆ ಮುಕ್ತವಾಗಿ ಮಾತನಾಡಿ ಮತ್ತು ಇದನ್ನು ಅರ್ಥಮಾಡಿಕೊಳ್ಳಿ. ನಿಮಗೆ ಕ್ಯಾನ್ಸರ್ ಇದೆಯೇ ಎಂದು ಕಂಡುಹಿಡಿಯಲು ನೀವು ಆನುವಂಶಿಕ ಕ್ಯಾನ್ಸರ್ ಪರೀಕ್ಷೆಯನ್ನು ಮಾಡಬಹುದು.

ಸನ್ ಸ್ಕ್ರೀನ್ ಹಚ್ಚಿ ಮನೆಯಿಂದ ಹೊರಹೋಗಿ: ಸೂರ್ಯನ ಬೆಳಕಿನಿಂದ ಬರುವ ಹೆಚ್ಚಿನ ಯುವಿ ವಿಕಿರಣವು ಚರ್ಮದ ಕೋಶಗಳ ಡಿಎನ್ಎಯನ್ನು ಹಾನಿಗೊಳಿಸುತ್ತದೆ ಮತ್ತು ಚರ್ಮದ ಕ್ಯಾನ್ಸರ್ಗೆ (skin cancer) ಕಾರಣವಾಗಬಹುದು. ಆದ್ದರಿಂದ ಬಿಸಿಲಿನಲ್ಲಿ ಹೊರಗೆ ಹೋಗುವ ಮೊದಲು ಸನ್ ಸ್ಕ್ರೀನ್ ಹಚ್ಚಿ. ಮನೆಯಿಂದ ಹೊರಡುವ ಮೊದಲು, ನಿಮ್ಮ ಫೋನ್ನಲ್ಲಿ ಹವಾಮಾನ ಅಪ್ಲಿಕೇಶನ್ನಲ್ಲಿ ಯುವಿ ಸೂಚ್ಯಂಕವನ್ನು ಪರಿಶೀಲಿಸಿ. ಯುವಿ ಸೂಚ್ಯಂಕವು ಹೆಚ್ಚಾಗಿದ್ದರೆ, ಸನ್ಸ್ಕ್ರೀನ್ ಹಚ್ಚದೆ ಮನೆಯಿಂದ ಹೊರಬರಬೇಡಿ.