ನೋಡಿ… ಇದೇ ಕಾರಣಕ್ಕೆ ಕೂದಲು ಬಿಳಿಯಾಗುತ್ತೆ! ಮತ್ತೆ ಕಪ್ಪಾಗಲು ಇದಿಷ್ಟು ಮಾಡಿ

ವೃದ್ಧಾಪ್ಯ ಬರೋದಕ್ಕೂ ಮುನ್ನ ನಿಮ್ಮ ಕೂದಲು ಬಿಳಿಯಾಗಿತ್ತಿದ್ಯಾ? ಇದಕ್ಕೆ ಕಾರಣ ಏನು ಗೊತ್ತಾ? ವಿಟಮಿನ್ ಗಳ ಕೊರತೆ. ಹಾಗಿದ್ರೆ ಬನ್ನಿ ಯಾವ ವಿಟಮಿನ್ ಕೊರತೆಯಿಂದ ಕೂದಲು ಬಿಳಿಯಾಗುತ್ತೆ ನೋಡೋಣ.  

ಕೂದಲು ಬಿಳಿಯಾಗುವುದು (gray hair)ವಯಸ್ಸಾಗುವಿಕೆಗೆ ಸಂಬಂಧಿಸಿದ ಸಾಮಾನ್ಯ ಪ್ರಕ್ರಿಯೆ. ಆದರೆ ಇತ್ತೀಚಿನ ದಿನಗಳಲ್ಲಿ ಕಡಿಮೆ ವಯಸ್ಸಿನಲ್ಲಿ ಕೂಡ ಕೂದಲು ಬಿಳಿಯಾಗೋದು ತುಂಬಾನೆ ಸಾಮಾನ್ಯ ಆಗಿಬಿಟ್ಟಿದೆ. 30ನೇ ವಯಸ್ಸಿಗೆ ಮುನ್ನವೇ ಜನರಿಗೆ ಬಿಳಿ ಕೂದಲಿನ ಸಮಸ್ಯೆ ಉಂಟಾಗುತ್ತಿದೆ. ಇದಕ್ಕೆ ಹಲವಾರು ಕಾರಣಗಳಿರಬಹುದು, ಅವುಗಳಲ್ಲಿ ಒಂದು ಶರೀರದಲ್ಲಿ ಕೆಲವು ವಿಶೇಷ ವಿಟಮಿನ್ಸ್ ಕೊರತೆಯಾಗೋದು. ಬಿಳಿ ಕೂದಲು ಉಂಟಾಗಲು ಕಾರಣವಾದ ಆ ವಿಟಮಿನ್ಸ್  (vitamin) ಯಾವುವು ಮತ್ತು ಇದನ್ನು ಹೇಗೆ ನಿವಾರಿಸಬಹುದು ಅನ್ನೋದನ್ನು ನೋಡೋಣ.

ಯಾವ ವಿಟಾಮಿನ್‌ಗಳ ಕೊರತೆಯಿಂದ ಬಿಳಿ ಕೂದಲಿನ ಸಮಸ್ಯೆ ಕಾಡುತ್ತೆ ನೋಡಿ

ವಿಟಮಿನ್ ಬಿ12 (Vitamin B12)
ವಿಟಾಮಿನ್ ಬಿ12 ಶರೀರದಲ್ಲಿ ರಕ್ತಕೋಶಗಳ ನಿರ್ಮಾಣ ಮತ್ತು ಅದರ ಸರಿಯಾದ ಸಂಚಾರಕ್ಕೆ ಅಗತ್ಯವಿರುವ ಪ್ರಮುಖ ವಿಟಮಿನ್ ಆಗಿದೆ. ಇದರ ಕೊರತೆಯಿಂದ ಅನಿಮಿಯಾ ಉಂಟಾಗಬಹುದು, ಇದರ ಕೊರತೆ ಕೂದಲು ಬಿಳಿಯಾಗಲು ಸಹ ಕಾರಣವಾಗುತ್ತದೆ. ಈ ಸಮಸ್ಯೆ ಇದ್ದಲ್ಲಿ ರಕ್ತವು ಸಾಕಷ್ಟು ಪ್ರಮಾಣದಲ್ಲಿ ತಲೆಗೆ ತಲುಪುವುದಿಲ್ಲ, ಇದರಿಂದ ಕೂದಲು ಬಿಳಿಯಾಗುತ್ತೆ. ವಿಟಮಿನ್ ಬಿ12 ಕೊರತೆಯನ್ನು ನಿವಾರಿಸಲು ಮಾಂಸ, ಮೀನು, ಮೊಟ್ಟೆ ಮತ್ತು ಹಾಲಿನ ಉತ್ಪನ್ನಗಳನ್ನು ಹೆಚ್ಚಾಗಿ ಸೇವಿಸಬೇಕು.

ವಿಟಮಿನ್ ಡಿ (Vitamin D)
ವಿಟಮಿನ್ ಡಿ ನಮ್ಮ ಶರೀರಕ್ಕೆ ಬಹಳ ಅಗತ್ಯವಾಗಿರೋ ಅಂಶ. ಇದು ಮೂಳೆಗಳನ್ನು ಬಲಿಷ್ಠಗೊಳಿಸುವುದರೊಂದಿಗೆ ಕೂದಲಿನ ಆರೋಗ್ಯಕ್ಕೂ ಸಹ ಅಗತ್ಯವಾಗಿದೆ. ವಿಟಮಿನ್ ಡಿ ಕೊರತೆಯಿಂದ ಕೂದಲು ಉದುರುವುದು ಮತ್ತು ಬಿಳಿಯಾಗುತ್ತೆ. ಶರೀರದಲ್ಲಿ ವಿಟಮಿನ್ ಡಿ ಕೊರತೆಯನ್ನು ಪೂರೈಸಲು ಸೂರ್ಯನ ಬೆಳಕಿನಲ್ಲಿ ಕುಳಿತುಕೊಳ್ಳಬೇಕು ಮತ್ತು ಹಾಲು ಹಾಗೂ ಹಾಲಿನ ಉತ್ಪನ್ನಗಳನ್ನು ಸೇವಿಸಬೇಕು.

ವಿಟಮಿನ್ ಇ (Vitamin E)
ವಿಟಮಿನ್ ಇ ಒಂದು ಆಂಟಿ ಆಕ್ಸಿಡೆಂಟ್ ಆಗಿದ್ದು, ಕೂದಲನ್ನು ಹಾನಿಯಿಂದ ರಕ್ಷಿಸುತ್ತದೆ. ಇದರ ಕೊರತೆಯಿಂದ ಕೂದಲು ದುರ್ಬಲವಾಗಿ ಮುರಿಯಲು ಆರಂಭಿಸುತ್ತವೆ ಮತ್ತು ಬಿಳಿಯಾಗುತ್ತವೆ. ವಿಟಮಿನ್ ಇ ಯ ಕೊರತೆಯನ್ನು ನಿವಾರಿಸಲು ಬಾದಾಮಿ, ಅಖರೋಟ್ ಮತ್ತು ಸೂರ್ಯಕಾಂತಿಯ ಎಣ್ಣೆ ಬಳಸಬೇಕು.

ವಿಟಮಿನ್ ಎ (Vitamin A)
ವಿಟಮಿನ್ ಎ ಕೂದಲಿನ ಬೆಳವಣಿಗೆಗೆ ಅಗತ್ಯವಾಗಿದೆ. ಇದರ ಕೊರತೆಯಿಂದ ಕೂದಲು ಉದುರೋದಕ್ಕೆ ಮತ್ತು ಬಿಳಿಯಾಗಲು ಆರಂಭಿಸುತ್ತವೆ. ವಿಟಮಿನ್ ಎ ಯ ಕೊರತೆಯನ್ನು ನಿವಾರಿಸಲು ಕ್ಯಾರೆಟ್, ಪಾಲಕ್ ಮತ್ತು ಗೆಣಸು ಸೇವಿಸಬೇಕು.

ನಿಮ್ಮ ಶರೀರದಲ್ಲಿ ಈ ಎಲ್ಲಾ ವಿಟಮಿನ್ಸ್‌ಗಳ ಪ್ರಮಾಣ ಸಮೃದ್ಧವಾಗಿದ್ದರೆ, ನೀವು ಬಿಳಿ ಕೂದಲಿನೊಂದಿಗೆ ಇತರ ಸಮಸ್ಯೆಗಳಿಂದಲೂ ಕೂಡ ಮುಕ್ತಿ ಪಡೆಯಬಹುದು. ಇದರಿಂದ ನಿಮ್ಮ ಕೂದಲು ಕಪ್ಪಾಗುತ್ತೆ, ಕೂದಲು ದಟ್ಟವಾಗಿ ಬೆಳೆಯುತ್ತೆ, ಹೊಳೆಯುವ ಕೂದಲು ನಿಮ್ಮದಾಗುತ್ತೆ, ಜೊತೆಗೆ ಕೂದಲು ಉದ್ದವಾಗಿಯೂ ಬೆಳೆಯುತ್ತೆ. 

ಕೂದಲು ಬಿಳಿಯಾಗೋದರಿಂದ ರಕ್ಷಿಸಿಕೊಳ್ಳಲು ಬೇರೆ ಏನೇನು ಮಾಡಬಹುದು? 

ಸಮತೋಲಿತ ಆಹಾರ ತೆಗೆದುಕೊಳ್ಳಿ (Balanced food): ನಿಮ್ಮ ಆಹಾರದಲ್ಲಿ ಎಲ್ಲಾ ಅಗತ್ಯವಾದ ವಿಟಮಿನ್ಸ್ ಮತ್ತು ಖನಿಜಗಳನ್ನು ಸೇರಿಸಿ.
ಟೆನ್ಶನ್ ಕಡಿಮೆ ಮಾಡಿ: ಟೆನ್ಶನ್, ಆತಂಕ, ಆಲೋಚನೆಗಳಿಂದ ಕೂದಲು ಹೆಚ್ಚು ಬಿಳಿಯಾಗುತ್ತದೆ.  ಹಾಗಾಗಿ ನಿಮ್ಮ ಆತಂಕವನ್ನು ನಿವಾರಣೆ ಮಾಡಲು ಧ್ಯಾನ ಮಾಡಿ. 
ಧೂಮಪಾನ ಮಾಡಬೇಡಿ (quit smoking): ಧೂಮಪಾನ ಕೂದಲಿನ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ.
ಚೆನ್ನಾಗಿ ನಿದ್ರೆ ಮಾಡಿ : ಪ್ರತಿದಿನವೂ 7-8 ಗಂಟೆಗಳ ನಿದ್ರೆಯನ್ನು ಪಡೆಯಿರಿ.
ಕೂದಲಿನ ಆರೈಕೆ ಮಾಡಿ (hair care): ಕೂದಲನ್ನು ನಿಯಮಿತವಾಗಿ ತೊಳೆಯಿರಿ ಮತ್ತು ಕಂಡೀಷನರ್ ಹಚ್ಚೋದನ್ನು ಮರಿಬೇಡಿ.