ಮಹಿಳೆಯ ಸೊಂಟದ ಗಾತ್ರ ಹೆಚ್ಚಾದಂತೆ, ಗರ್ಭಿಣಿಯಾಗೋ ಸಾಧ್ಯತೆಯೂ ಕಡಿಮೆಯಂತೆ!

ಅಧ್ಯಯನದ ಪ್ರಕಾರ, ಸಣ್ಣಗಿರುವ ಮಹಿಳೆಯರು ಬೇಗ ತಾಯಿಯಾಗುತ್ತಾರಂತೆ, ದಪ್ಪಗಿರುವ ಅಂದರೆ ಬೊಜ್ಜು ಹೆಚ್ಚಿರುವ ಮಹಿಳೆಯರು ತಾಯಿಯಾಗಲು ಸಮಸ್ಯೆ ಎದುರಿಸುತ್ತಾರಂತೆ.  

ಇತ್ತೀಚಿನ ದಿನಗಳಲ್ಲಿ, ಸ್ಥೂಲಕಾಯತೆಯ (obesity) ಸಮಸ್ಯೆ ವಿದೇಶದಲ್ಲಿ ಮಾತ್ರವಲ್ಲದೆ ಭಾರತದಲ್ಲಿಯೂ ಬಹಳ ವೇಗವಾಗಿ ಹೆಚ್ಚುತ್ತಿದೆ ಮತ್ತು ಮಕ್ಕಳಿಂದ ವೃದ್ಧರವರೆಗೆ ಅದರ ಹಿಡಿತಕ್ಕೆ ಬರುತ್ತಿದೆ. ಸ್ಥೂಲಕಾಯತೆಯಿಂದಾಗಿ, ಮಹಿಳೆಯರು ಗರ್ಭಧರಿಸಲು ಕಷ್ಟಪಡುತ್ತಿದ್ದಾರೆ ಅಥವಾ ಸೊಂಟದ ಅಗಲವಾದ ಗಾತ್ರದಿಂದಾಗಿ, ಅವರು ಬಂಜೆತನ ಕಾಡುತ್ತಿದೆ.

ಸ್ಥೂಲಕಾಯತೆಯಿಂದಾಗಿ ಮಹಿಳೆಯರು ತಾಯಿಯಾಗಲು ಕಷ್ತಪಡುತ್ತಿರುವ ಬಗ್ಗೆ ಅಧ್ಯಯನ ನಡೆಸಲಾಗಿದ್ದು, ದಪ್ಪ ಮಹಿಳೆಯರು ಅಥವಾ ಹುಡುಗಿಯರು ನಿಜವಾಗಿಯೂ ಗರ್ಭಧರಿಸಲು (getting pregnant) ಕಷ್ಟಪಡುತ್ತಾರೆಯೇ ಅಥವಾ ಇದು ಕೇವಲ ಮಿಥ್ಯೆಯೇ ಎಂದು ನೀವು ತಿಳಿದುಕೊಳ್ಳಲು ಬಯಸಿದ್ರೆ ಇದನ್ನ ನೀವು ಓದಬೇಕು.

ಬಂಜೆತನ ವೇಗವಾಗಿ ಹೆಚ್ಚುತ್ತಿದೆ
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಪ್ರತಿ 6 ಜನರಲ್ಲಿ ಒಬ್ಬರು ತಮ್ಮ ಸಂತಾನೋತ್ಪತ್ತಿ ವಯಸ್ಸಿನಲ್ಲಿ ಬಂಜೆತನ ಸಮಸ್ಯೆಯಿಂದ (infertility problem) ಬಳಲುತ್ತಿದ್ದಾರೆ. ಈ ಬಂಜೆತನವನ್ನು ಎರಡು ವಿಧಗಳಾಗಿ ವಿಂಗಡಿಸಬಹುದು, ಒಂದು ಪ್ರಾಥಮಿಕ ಮತ್ತು ಇನ್ನೊಂದು ದ್ವಿತೀಯ. ಪ್ರಾಥಮಿಕದಲ್ಲಿ, ಮಹಿಳೆಗೆ ಒಮ್ಮೆಯೂ ಗರ್ಭಧರಿಸಲು ಸಾಧ್ಯವಾಗುವುದಿಲ್ಲ ಮತ್ತು ದ್ವಿತೀಯ ಹಂತದಲ್ಲಿ ಒಮ್ಮೆ ಗರ್ಭಿಣಿಯಾದ ನಂತರ, ಎರಡನೇ ಗರ್ಭಧಾರಣೆಯಲ್ಲಿ ಅವಳು ಕಷ್ಟಪಡುತ್ತಾಳೆ.

ಅಧ್ಯಯನ ಏನು ಹೇಳುತ್ತದೆ
Journals.plos.org ನಲ್ಲಿ ಪ್ರಕಟವಾದ ಅಧ್ಯಯನವು ಚೀನಾದ ಒಂದು ತಂಡವು 3 ಸಾವಿರಕ್ಕೂ ಹೆಚ್ಚು ಮಹಿಳೆಯರ ಮೇಲೆ ಸಂಶೋಧನೆ ನಡೆಸಿತು. ಈ ಎಲ್ಲಾ ಮಹಿಳೆಯರು ಸಂತಾನೋತ್ಪತ್ತಿ ವಯಸ್ಸಿನವರಾಗಿದ್ದರು. ಮಹಿಳೆಯರ ಸೊಂಟದ ಗಾತ್ರ ಹೆಚ್ಚಾದಂತೆ, ಅವರು ಗರ್ಭಿಣಿಯಾಗುವ ಸಾಧ್ಯತೆಗಳು ಕಡಿಮೆಯಾಗುತ್ತವೆ ಎಂದು ಈ ಅಧ್ಯಯನವು ಕಂಡುಹಿಡಿದಿದೆ. ಸೊಂಟದ ಗಾತ್ರದ ಪ್ರತಿ ಒಂದು ಸೆಂ.ಮೀ.ಗೆ ಸಹ, ಬಂಜೆತನದ ಅಪಾಯವು 3% ನಷ್ಟು ಹೆಚ್ಚಾಗುತ್ತದೆ.

ಸತ್ಯ ಏನು?
ನ್ಯಾಷನಲ್ ಹೆಲ್ತ್ ಅಂಡ್ ನ್ಯೂಟ್ರಿಷನ್ ಎಕ್ಸಾಮಿನೇಷನ್ ನಡೆಸಿದ ಅಧ್ಯಯನವು 18 ರಿಂದ 45 ವರ್ಷದೊಳಗಿನ ಮಹಿಳೆಯರನ್ನು ತೆಗೆದುಕೊಂಡಿತು. ಈ ಪೈಕಿ 327 ಅಥವಾ 11% ಮಹಿಳೆಯರು ಬಂಜೆತನದಿಂದ ಬಳಲುತ್ತಿರುವುದು ತಿಳಿದು ಬಂದಿದೆ.

ಸೊಂಟದ ಗಾತ್ರವು ಫರ್ಟಿಲಿಟಿಯನ್ನು ಕಡಿಮೆ ಮಾಡುತ್ತದೆಯೇ?
ಅಗಲವಾದ ಸೊಂಟ (hip size) ಹೊಂದಿರುವ ಮಹಿಳೆಯರು ಫಲವತ್ತತೆ ಸಮಸ್ಯೆಗಳಿಂದ ಬಳಲುವ ಸಾಧ್ಯತೆ ಎರಡೂವರೆ ಪಟ್ಟು ಹೆಚ್ಚು, ಆದರೆ ತೆಳುವಾದ ಸೊಂಟವನ್ನು ಹೊಂದಿರುವ ಮಹಿಳೆಯರಿಗೆ ಬಂಜೆತನ ಬರುವ ಸಾಧ್ಯತೆ ಕಡಿಮೆ ಎಂದು ಅಧ್ಯಯನವು ಕಂಡುಹಿಡಿದಿದೆ. ಬೊಜ್ಜು ನಿಮ್ಮ ಫಲವತ್ತತೆಯ ಮೇಲೂ ಪರಿಣಾಮ ಬೀರುತ್ತದೆ ಎಂಬುದು ಈ ಎರಡೂ ಅಧ್ಯಯನಗಳಿಂದ ಸ್ಪಷ್ಟವಾಗಿದೆ.

ರೋಗಗಳು ಸಹ ಬಂಜೆತನಕ್ಕೆ ಕಾರಣವಾಗಿವೆ
ಇದರೊಂದಿಗೆ, ಬಂಜೆತನದಿಂದ ಬಳಲುತ್ತಿರುವ ಮಹಿಳೆಯರಲ್ಲಿ ಅಧಿಕ ಬಿಪಿ ಮತ್ತು ಮಧುಮೇಹದಂತಹ ಕಾಯಿಲೆಗಳು ಸಾಮಾನ್ಯ. ಸೊಂಟದ ಗಾತ್ರವು ಅಗಲವಾಗಿದೆ ಎಂದು ಅಧ್ಯಯನದಲ್ಲಿ ಕಂಡುಬಂದಿದೆ. ನಿಯಮಿತ ದೈಹಿಕ ವ್ಯಾಯಾಮದ (physical exercise) ಸಹಾಯದಿಂದ, ಬೊಜ್ಜಿನೊಂದಿಗೆ ಬಂಜೆತನದ ಅಪಾಯ ಕಡಿಮೆ ಮಾಡಬಹುದು ಎಂದು ಸಂಶೋಧಕರು ಹೇಳಿದ್ದಾರೆ. 

ಪಿಸಿಒಡಿಯಂತಹ ಆರೋಗ್ಯ ಸಮಸ್ಯೆಗಳಲ್ಲಿಯೂ, ವೈದ್ಯರು ಮೊದಲು ಮಹಿಳೆಯರಿಗೆ ಗರ್ಭಧರಿಸಲು ತೂಕ ಇಳಿಸಿಕೊಳ್ಳಲು (weight loss) ಹೇಳುತ್ತಾರೆ. ಮಹಿಳೆಯರಲ್ಲಿ ಸ್ಥೂಲಕಾಯತೆಯು ಅವರ ಗರ್ಭಧರಿಸುವ ಸಾಮರ್ಥ್ಯದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ ಎಂದು  ಸಂಶೋಧನೆಗಳು ಸ್ಪಷ್ಟವಾಗಿ ತಿಳಿಸಿವೆ.