ಅಕಾಲಿಕ ಬಿಳಿ ಕೂದಲಿನ ಸಮಸ್ಯೆ ಇದ್ರೆ ಈ ರೋಗಗಳಿರಬಹುದು ಜೋಪಾನ
ಒಬ್ಬ ವ್ಯಕ್ತಿ ಚಿಕ್ಕ ವಯಸ್ಸಿನಲ್ಲಿಯೇ ಬಿಳಿ ಬಣ್ಣದ ಕೂದಲನ್ನು ತೋರಿಸಲು ಪ್ರಾರಂಭಿಸಬಹುದು ಎಂಬುದಕ್ಕೆ ಹಲವು ಕಾರಣಗಳಿವೆ. ಇತ್ತೀಚಿನ ದಿನಗಳಲ್ಲಿ ಶಾಲೆ ಮಕ್ಕಳಿಗೂ ಈ ಸಮಸ್ಯೆ ಕಾಡುತ್ತದೆ. ಇದಕ್ಕೆ ಪ್ರಮುಖ ಕಾರಣವೆಂದರೆ ಒಂದು ರೋಗ.
)
Followಒಂದು ಕಾಲದಲ್ಲಿ, ಒಬ್ಬ ವ್ಯಕ್ತಿಯ ವಯಸ್ಸನ್ನು ಅವರನ್ನು ನೋಡಿಯೇ ಸುಲಭವಾಗಿ ಹೇಳಬಹುದಿತ್ತು. ಆದರೆ ಹೆಚ್ಚಿನ ಜನರು ತಮ್ಮ ಒತ್ತಡದ ಜೀವನಶೈಲಿಯಿಂದಾಗಿ, ತಮ್ಮ ವಯಸ್ಸಿಗಿಂತ ಹೆಚ್ಚಾಗಿ ಕಾಣುತ್ತಾರೆ. ಕೆಲವರಿಗೆ ಇದು ವಯಸ್ಸಾಗುತ್ತಿದೆ ಎಂಬ ಸೂಚನೆ ಎಂದು ಭಾವಿಸಬಹುದು. ಆದರೆ ಕೆಲವು ಸಂದರ್ಭಗಳಲ್ಲಿ, ಗ್ರೇ ಕೂದಲು ಜೈವಿಕ ವಯಸ್ಸಿಗಿಂತ ಹೆಚ್ಚು ಸೂಚಿಸಬಹುದು: ಇದು ಈ ಆರೋಗ್ಯ ಸಮಸ್ಯೆಗಳ ಪೈಕಿ ಒಂದನ್ನು ಸಂಕೇತಿಸಬಹುದು. ಕೂದಲು ಬಿಳಿಯಾಗುವುದು ಯಾವ ಆರೋಗ್ಯ ಸಮಸ್ಯೆಯ ಲಕ್ಷಣ ಮತ್ತು ಅದು ತುಂಬಾ ತಡವಾಗುವ ಮುನ್ನ ಹೇಗೆ ಸೂಕ್ತ ಆರೈಕೆ ತೆಗೆದುಕೊಳ್ಳಬೇಕು.
)
ಆ ಬಿಳಿ ಕೂದಲಿನ ಎಳೆಗಳು ಏನು ಹೇಳಲು ಪ್ರಯತ್ನಿಸುತ್ತಿವೆ ?
ಬೂದು ಬಣ್ಣದ ಕೂದಲು ಯಾವಾಗಲೂ ವಯಸ್ಸಾಗುತ್ತಿವೆ ಎಂದರ್ಥವಲ್ಲ. ಕೆಲವೊಮ್ಮೆ, ತಕ್ಷಣ ಆರೈಕೆ ಮಾಡದಿದ್ದರೆ ಮಾರಣಾಂತಿಕವಾಗಿ ಪರಿಣಮಿಸುವಂತಹ ಒಂದು ರೋಗವನ್ನು ಅನುಭವಿಸುತ್ತಿದ್ದೀರಿ ಎಂದರ್ಥ. ಹಾಗಾದರೆ, ಆ ರೋಗಗಳು ಯಾವುವು?
ವಿಟಮಿನ್ ಕೊರತೆಯಿಂದ ಬಳಲುತ್ತಿರುವವರು
ಸಂಶೋಧನೆಯ ಪ್ರಕಾರ ಕಡಿಮೆ ವಿಟಮಿನ್ ಬಿ12 ಮಟ್ಟಗಳು ಕೂದಲಿನ ವರ್ಣದ್ರವ್ಯವನ್ನು ಕಳೆದುಕೊಳ್ಳಲು ಕಾರಣವಾಗಬಹುದು. ಕೂದಲಿನ ವರ್ಣದ್ರವ್ಯ ಎಂದರೇನು? ಪ್ರತಿ ಕೂದಲ ಕಿರುಚೀಲವು ಮೆಲನಿನ್ ಎಂಬ ವರ್ಣದ್ರವ್ಯವನ್ನು ಹೊಂದಿರುತ್ತದೆ- ಚರ್ಮಕ್ಕೆ ಬಣ್ಣ ನೀಡುವ ಅದೇ ವಸ್ತು. ಈ ವರ್ಣದ್ರವ್ಯವು ಕೂದಲಿಗೆ ಬಣ್ಣವನ್ನು ನೀಡುತ್ತದೆ.
ಥೈರಾಯ್ಡ್
ಥೈರಾಯ್ಡ್ ಸಮಸ್ಯೆಗಳಾದ ಹೈಪರ್ ಥೈರಾಯ್ಡಿಸಮ್ ಅಥವಾ ಹೈಪೋಥೈರಾಯ್ಡಿಸಮ್ ನಿಂದ ಉಂಟಾಗುವ ಹಾರ್ಮೋನ್ ಬದಲಾವಣೆಗಳು ಅಕಾಲಿಕ ಬಿಳಿ ಕೂದಲಿಗೆ ಕಾರಣವಾಗಬಹುದು. ಹೈಪರ್ ಥೈರಾಯ್ಡಿಸಮ್ ಇರುವ ರೋಗಿಗಳ ಕೂದಲ ಶಾಫ್ಟ್ ಗಳು ಕುಗ್ಗಿರುವ ಟೆನ್ಸಿಲ್ ಸಾಮರ್ಥ್ಯವನ್ನು ತೋರಿಸುತ್ತವೆ.
ತುಂಬಾ ಒತ್ತಡ
ಒತ್ತಡವು ಕೂದಲು ಉದುರುವಿಕೆ ಮತ್ತು ಅಕಾಲಿಕವಾಗಿ ಕೂದಲು ಬಿಳಿ ಬಣ್ಣದಿಂದ ಕೂಡಿರುವಂತಹ ಅನೇಕ ಕೂದಲಿನ ಸಮಸ್ಯೆಗಳಿಗೆ ಕಾರಣವಾಗಬಹುದು. ಸಂಶೋಧನೆ ಪ್ರಕಾರ, ಒತ್ತಡವು ಹೋರಾಟ ಅಥವಾ ಹಾರಾಟದ ಪ್ರತಿಕ್ರಿಯೆಯ ಭಾಗವಾಗಿರುವ ನರಗಳನ್ನು ಸಕ್ರಿಯಗೊಳಿಸುತ್ತದೆ. ಈ ಕ್ರಿಯೆಯು ಕೂದಲಿನ ಕಿರು ಚೀಲಗಳಲ್ಲಿ ವರ್ಣದ್ರವ್ಯ-ಪುನರುತ್ಪಾದಿಸುವ ಕಾಂಡಕೋಶಗಳಿಗೆ ಶಾಶ್ವತ ಹಾನಿಯನ್ನು ಉಂಟುಮಾಡಬಹುದು.
ಲಿವರ್ ತೊಂದರೆ
ಅಸಿಡಿಟಿ, ಪಿತ್ತಜನಕಾಂಗದ ತೊಂದರೆಗಳಿಂದ ಬಳಲುತ್ತಿರುವವರು ಅಕಾಲಿಕವಾಗಿ ಬಿಳಿ ಬಣ್ಣದಲ್ಲಿ ಕಾಣಿಸಿಕೊಳ್ಳುತ್ತವೆ. 20ರ ತಲೆಯಲ್ಲಿ ಈ ಬಿಳಿ ಎಳೆಗಳು ಅನಾರೋಗ್ಯಕರ ಜೀವನಶೈಲಿಯನ್ನು ನಡೆಸುವ ಪರಿಣಾಮಗಳಾಗಿವೆ.
ಕೂದಲು ಬೂದು ಬಣ್ಣದಿಂದ ಕೂಡಿದರೆ ಹೃದಯ ಅಪಾಯದ ಸಂಕೇತ
ಬೂದು ಕೂದಲು ಪುರುಷರಲ್ಲಿ ಹೃದಯ ಸಂಬಂಧಿ ಕಾಯಿಲೆಯ ಅಪಾಯವನ್ನು ಹೆಚ್ಚಿಸುತ್ತದೆ. ಬಿಳಿ ಕೂದಲಿನ ಸಮಸ್ಯೆ ಪರಿಧಮನಿಯ ಕಾಯಿಲೆಯ ಅಪಾಯ ಹೆಚ್ಚಿಸಿರುವುದು ಮತ್ತು ಹೃದಯ ರಕ್ತನಾಳದ ಅಪಾಯದ ಅಂಶ ಹೆಚ್ಚಾಗುವ ಬಗ್ಗೆ ಸಂಶೋಧಕರು ತಿಳಿಸಿದ್ದಾರೆ.
ಆಹಾರ ಕ್ರಮದಿಂದ ಸ್ವಲ್ಪ ಮಟ್ಟಿಗೆ ಬೂದು ಬಣ್ಣ ನಿಧಾನವಾಗಬಹುದು
ವಿವಿಧ ವಿಟಮಿನ್ಗಳು (ಎ ಮತ್ತು ಬಿ), ಪ್ರೋಟೀನ್ಗಳು ಮತ್ತು ಖನಿಜಗಳಾದ ತಾಮ್ರ, ಅಯೋಡಿನ್ ಮತ್ತು ಕಬ್ಬಿಣಾಂಶಗಳು ಕೂದಲಿಗೆ ಆರೋಗ್ಯಕರ ಸಮತೋಲನವನ್ನು ನೀಡುತ್ತದೆ ಮತ್ತು ಆಹಾರದಲ್ಲಿ ಈ ಪ್ರಮುಖ ಖನಿಜಾಂಶಗಳ ಕೊರತೆಯಿದ್ದರೆ ಆಗ ಕೂದಲು ಮಸುಕಾಗಿ, ಆರೋಗ್ಯ ಕಳೆದುಕೊಳ್ಳುವ ಸಾಧ್ಯತೆ ಹೆಚ್ಚು. ಗಾಢ ಹಸಿರು ತರಕಾರಿಗಳು, ಕಿತ್ತಳೆ ಮತ್ತು ಹಳದಿ ಹಣ್ಣುಗಳು ಮತ್ತು ತರಕಾರಿಗಳನ್ನು ನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳಿ. ತಾಜಾ ಹಸಿರು ಸೊಪ್ಪು ತರಕಾರಿಗಳು, ಟೊಮ್ಯಾಟೊ, ಕಾಲಿಫ್ಲವರ್, ಧಾನ್ಯ, ಮೊಸರು, ಬಾಳೆಹಣ್ಣು, ಮೊಟ್ಟೆ, ಸಮುದ್ರ ಆಹಾರ, ಸೋಯಾ ಮತ್ತು ಇಡೀ ಧಾನ್ಯಗಳನ್ನು ಸೇವಿಸಿ.
ಹೈಡ್ರೇಟ್ ಮಾಡಿ
ದೇಹದ ಒಟ್ಟಾರೆ ಆರೋಗ್ಯಕ್ಕೆ ನೀರು ತುಂಬಾ ಮುಖ್ಯ. ದಿನಪೂರ್ತಿ ಸಾಕಷ್ಟು ನೀರು ಕುಡಿಯುವುದರಿಂದ ದೇಹವು ತಾಜಾ ಮತ್ತು ಆರೋಗ್ಯಕರವಾಗಿರದೆ, ದೇಹದಲ್ಲಿನ ವಿಷಕಾರಿ ಅಂಶಹೊರಹಾಕುವುದಲ್ಲದೆ ಅಕಾಲಿಕ ಬೂದು ಮತ್ತು ಇತರ ಆರೋಗ್ಯ ಸಮಸ್ಯೆಗಳನ್ನು ಇನ್ನಿಲ್ಲದಂತೆ ಮಾಡುತ್ತದೆ.
ನಿಯಮಿತವಾಗಿ ವ್ಯಾಯಾಮ ಮಾಡುವುದು ಒಟ್ಟಾರೆ ಆರೋಗ್ಯಕ್ಕೆ ತುಂಬಾ ಮುಖ್ಯ.
ಕೂದಲು ಉದುರುವಿಕೆ ಅಥವಾ ಅಕಾಲಿಕ ವಾಗಿ ಬೂದು ಬಣ್ಣದಲ್ಲಿರಬಹುದು, ದೈನಂದಿನ ದಿನಚರಿಯಲ್ಲಿ ಕನಿಷ್ಠ 20ನಿಮಿಷಗಳ ವ್ಯಾಯಾಮವನ್ನು ಸೇರಿಸಿಕೊಳ್ಳುವುದು ಒಳ್ಳೆಯದು. ದೈಹಿಕ ವ್ಯಾಯಾಮವು ಸದೃಢವಾಗಿ ಇರಲು ಮತ್ತು ರೋಗಗಳಿಂದ ರೋಗ ನಿರೋಧಕ ಶಕ್ತಿಯನ್ನು ಬಲಗೊಳಿಸಲು ಸಹಾಯ ಮಾಡುತ್ತದೆ.
