ಎಚ್ಚರ! ಡಯಟ್ ಪಾನೀಯ, ಬಂಜೆತನದ ಅಪಾಯವನ್ನೂ ಹೆಚ್ಚಿಸಬಹುದು!
ಡಯಟ್ ಡ್ರಿಂಕ್ಗಳು, ಸೋಡಾ ಇವೆಲ್ಲಾ ದೇಹಕ್ಕೆ ತುಂಬಾ ಆರಾಮ ನೀಡುತ್ತವೆ. ಪ್ರತಿಯೊಬ್ಬರೂ ಸುಸ್ತಾದಾಗ ಅಥವಾ ಇನ್ಯಾವುದೋ ಕಾರಣಕ್ಕೆ ಇದನ್ನು ಸೇವಿಸಲು ಇಷ್ಟ ಪಡುತ್ತಾರೆ. ನೀವು ಆನಂದಿಸುವ ಪಾನೀಯಗಳು ಆರೋಗ್ಯವನ್ನು ಅಪಾಯಕ್ಕೆ ತಳ್ಳಬಹುದು. ಇದು ಪುರುಷರು ಮತ್ತು ಮಹಿಳೆಯರ ಬಂಜೆತನಕ್ಕೂ ಕಾರಣವಾಗಬಹುದು. ಹೇಗೆ?
)
Followಬಂಜೆತನ
ಬಂಜೆತನವು ಪ್ರಪಂಚದಾದ್ಯಂತ ಲಕ್ಷಾಂತರ ದಂಪತಿಯನ್ನು ಬಾಧಿಸುವ ಸಾಮಾನ್ಯ ಸಮಸ್ಯೆ. ಪಿಸಿಒಎಸ್, ಎಂಡೊಮೆಟ್ರಿಯಾಸಿಸ್ ಮತ್ತು ಅನಾರೋಗ್ಯಕರ ತೂಕ ಹೆಚ್ಚಳ ಮಹಿಳೆಯರಲ್ಲಿ ಬಂಜೆತನಕ್ಕೆ ಕೆಲವು ಸಾಮಾನ್ಯ ಕಾರಣಗಳು. ಪುರುಷರಲ್ಲಿ, ವೀರ್ಯಾಣುಗಳ ಉತ್ಪತ್ತಿ ಕಡಿಮೆ, ಅಸಹಜ ವೀರ್ಯಾಣುಗಳ ಕಾರ್ಯ ಅಥವಾ ವೀರ್ಯಾಣುವಿನ ಉತ್ಪತ್ತಿ ತಡೆಯುವುದು ಬಂಜೆತನಕ್ಕೆ ಎಡೆ ಮಾಡಿಕೊಡಬಹುದು.
)
ಕೆಲವು ಜೀವನಶೈಲಿ ಅಂಶಗಳು ಸಮಸ್ಯೆಗೆ ಕಾರಣವಾಗಬಹುದು, ಉದಾಹರಣೆಗೆ ಡಯಟ್ ಪಾನೀಯಗಳು ಮತ್ತು ಸೋಡಾಗಳ ನಿಯಮಿತ ಸೇವನೆ. 'ಡಯಟ್' ಪಾನೀಯವು ಗರ್ಭಧಾರಣೆಯ ಸಮಸ್ಯೆಗೆ ಕಾರಣವಾಗಬಹುದು ಎಂದು ಸಂಶೋಧನೆ ತೋರಿಸಿದೆ.
ಡಯಟ್ ಪಾನೀಯಗಳು ಸೋಡಾಗಳು
ಎಪಿಡೆಮಿಯಾಲಜಿ ಎಂಬ ನಿಯತಕಾಲಿಕದಲ್ಲಿ ಪ್ರಕಟವಾದ ಒಂದು ಅಧ್ಯಯನವು, ದಿನಕ್ಕೆ ಒಂದು ಅಥವಾ ಹೆಚ್ಚು ಕೃತಕ ಸಿಹಿ ಪಾನೀಯ ಸೇವನೆಯು ಗರ್ಭಿಣಿಯಾಗುವ ಸಾಧ್ಯತೆಗಳನ್ನು ಕಡಿಮೆ ಮಾಡುತ್ತದೆ, ಎಂದಿದೆ. ಗರ್ಭಧಾರಣೆಯನ್ನು ಯೋಜಿಸುವ ದಂಪತಿ ರಾಸಾಯನಿಕ ಆಧಾರಿತ ಕೃತಕ ಸಿಹಿಕಾರಕಗಳನ್ನು ಹೊಂದಿರುವ ಪಾನೀಯಗಳ ಸೇವನೆಯನ್ನು ತಪ್ಪಿಸಬೇಕು, ಇದು ಫಲವತ್ತತೆಯ ಮೇಲೆ ಹಾನಿಕಾರಕ ಪರಿಣಾಮ ಬೀರಬಹುದು ಎಂದು ಸಂಶೋಧಕರು ತಿಳಿಸಿದ್ದಾರೆ.
ಫಲವತ್ತತೆ ಚಿಕಿತ್ಸೆಗೆ ಒಳಗಾಗುವ ಮಹಿಳೆಯರು ಈ ಪಾನೀಯಗಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ಕೃತಕ ಸಿಹಿಕಾರಕಗಳನ್ನು ಆಗಾಗ್ಗೆ ಸೇವಿಸುವುದರಿಂದ ಮಗುವನ್ನು ಗರ್ಭಧರಿಸುವ ಸಾಧ್ಯತೆಗಳನ್ನು ಕಡಿಮೆ ಮಾಡುತ್ತದೆ.
ಸೋಡಾಗಳಲ್ಲಿ ಹಾನಿಕಾರಕ ವಸ್ತುಗಳು
ಸೋಡಾವನ್ನು ಹೆಚ್ಚು ಸೇವಿಸುವುದರಿಂದ ಪುರುಷರು ಮತ್ತು ಮಹಿಳೆಯರಲ್ಲಿ ಬಂಜೆತನದ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ವಿವಿಧ ಅಧ್ಯಯನಗಳು ತೋರಿಸಿವೆ. ಅಧ್ಯಯನಗಳ ಪ್ರಕಾರ, ಹೆಚ್ಚು ಸೋಡಾ ಸೇವಿಸುವ ಪುರುಷರು ವೀರ್ಯಾಣುಗಳ ಸಂಖ್ಯೆ, ಚಲನಶೀಲತೆ ಮತ್ತು ಫಲವತ್ತತೆಯ ಮೇಲೆ ಪರಿಣಾಮ ಬೀರುವ ಅಪಾಯ ಹೊಂದಿರುತ್ತಾರೆ.
ಈ ಪಾನೀಯಗಳು ಆಮ್ಲೀಯವಾಗಿವೆ, ಅಂದರೆ ಅವು ದೇಹದ ಪಿಎಚ್ ಅನ್ನು ಬದಲಾಯಿಸಬಹುದು, ಇದು ಫಲವತ್ತತೆಯನ್ನು ಹದಗೆಡಿಸುತ್ತದೆ. ಹೆಚ್ಚಿನ ಪಾನೀಯಗಳಲ್ಲಿ ಬಳಸಲಾಗುವ ಆಸ್ಪಾರ್ಟೇಮ್ ಎಂಬ ಮತ್ತೊಂದು ಹಾನಿಕಾರಕ ವಸ್ತುವು ಎಂಡೋಕ್ರೈನ್ ಗ್ರಂಥಿಗಳ ಸರಿಯಾದ ಕಾರ್ಯನಿರ್ವಹಣೆಯನ್ನು ಬದಲಾಯಿಸಬಹುದು ಮತ್ತು ಹಾರ್ಮೋನ್ ಅಸಮತೋಲನಕ್ಕೆ ಕಾರಣವಾಗಬಹುದು.
ಹೆಚ್ಚಿನ ಪಾನೀಯಗಳಲ್ಲಿ ಕೆಫೀನ್ ಹೆಚ್ಚಿರುವುದರಿಂದ ಋತುಚಕ್ರದ ರಕ್ತಸ್ರಾವ ಕಡಿಮೆ ಮಾಡಬಹುದು ಮತ್ತು ಫ್ರೀ ರಾಡಿಕಲ್ ಗಳು ವೀರ್ಯ ಮತ್ತು ಅಂಡಾಣುವಿನ ಸಾವಿಗೆ ಕಾರಣವಾಗಬಹುದು.
ಸೋಡಾದ ಇತರೆ ಪರಿಣಾಮಗಳು
ಸೋಡಾದಲ್ಲಿ ಸಕ್ಕರೆ ಅಂಶ ಅಧಿಕವಾಗಿರುವ ಕಾರಣ ಅತಿಯಾದ ತೂಕ, ಬೊಜ್ಜು ಇತ್ಯಾದಿಗಳು ಬಂಜೆತನಕ್ಕೆ ಕಾರಣವಾಗಬಹುದು. ಫಲವತ್ತತೆ ಮೇಲೆ ಪರಿಣಾಮ ಬೀರುತ್ತದೆ. ಅಂಡೋತ್ಪತ್ತಿ ಮೇಲೆ ಪರಿಣಾಮ ಬೀರಬಹುದು. ಮತ್ತು ಪಾಲಿಸಿಸ್ಟಿಕ್ ಅಂಡಾಶಯದ ಸಿಂಡ್ರೋಮ್ (ಪಿಸಿಒಎಸ್) ಅಪಾಯವನ್ನು ಹೆಚ್ಚಿಸಬಹುದು.
ಅತಿಯಾದ ಸೋಡಾ ಸೇವನೆಯು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸಬಹುದು ಮತ್ತು ಟೈಪ್-2 ಮಧುಮೇಹಕ್ಕೆ ಕಾರಣವಾಗಬಹುದು, ಇದು ಫಲವತ್ತತೆಗೆ ಹಾನಿ ಮಾಡಬಹುದು. ಇದು ಫಲವತ್ತತೆಯ ಮೇಲೆ ಪರಿಣಾಮ ಬೀರಬಹುದಾದ ಇತರ ಮಾರ್ಗಗಳೆಂದರೆ ದೇಹದಲ್ಲಿ ಹಾರ್ಮೋನ್ ಮಟ್ಟವನ್ನು ಅಡ್ಡಿಪಡಿಸುವುದು, ಕರುಳಿನ ಮೇಲೆ ಬೀರುವ ಪರಿಣಾಮಗಳು ಬಂಜೆತನಕ್ಕೆ ಕಾರಣವಾಗಬಹುದು.
ಸೋಡಾವನ್ನು ಕಡಿತಗೊಳಿಸಿ
ಅಧ್ಯಯನಗಳ ಪ್ರಕಾರ, ಒಂದು ದಿನದಲ್ಲಿ ಒಂದು ಸಕ್ಕರೆ ಸೋಡಾ ಅಥವಾ ಡಯಟ್ ಸೋಡಾ ಕುಡಿಯುವುದರಿಂದ ಬಂಜೆತನದ ಅಪಾಯವನ್ನು ಶೇಕಡಾ 20-25ರಷ್ಟು ಹೆಚ್ಚಿಸಬಹುದು. ಈ ಪ್ರತಿಕೂಲ ಪರಿಣಾಮಗಳು ನೈಸರ್ಗಿಕ ಗರ್ಭಧಾರಣೆಗೆ ಮಾತ್ರ ಸೀಮಿತವಾಗಿಲ್ಲ ಆದರೆ ಐಯುಐ ಮತ್ತು ಐವಿಎಫ್‌ನಂತಹ ಫಲವತ್ತತೆ ಚಿಕಿತ್ಸೆಗಳನ್ನು ಅನುಸರಿಸುತ್ತಿದ್ದರೆ, ಪರಿಣಾಮಗಳನ್ನು ಹೊಂದಿರಬಹುದು. ಆದ್ದರಿಂದ, ಸೋಡಾ ಕುಡಿಯುವುದನ್ನು ತಪ್ಪಿಸಿ ಮತ್ತು ಆರೋಗ್ಯಕರ ಆಯ್ಕೆಗಳಿಗೆ ಬದಲಾಯಿಸಿ.
ಫಲವತ್ತತೆಯನ್ನು ಹೆಚ್ಚಿಸುವ ಆಹಾರ
ಫಲವತ್ತತೆ ಹೆಚ್ಚಿಸಲು ಸೂಕ್ತ ಔಷಧೋಪಚಾರವನ್ನು ತೆಗೆದುಕೊಳ್ಳುವುದರ ಜೊತೆಗೆ, ಫಲವತ್ತತೆಯನ್ನು ಹೆಚ್ಚಿಸುವ ಆಹಾರಗಳನ್ನು ಸೇರಿಸುವುದು ಅತ್ಯಗತ್ಯ. ಆಂಟಿಆಕ್ಸಿಡೆಂಟ್‌ಗಳು, ನಾರು, ಪ್ರೋಟೀನ್, ಡೈರಿ ಮತ್ತು ಮಲ್ಟಿವಿಟಮಿನ್ ಗಳಿಂದ ಸಮೃದ್ಧವಾಗಿರುವ ಆಹಾರಗಳನ್ನು ತಿನ್ನುವುದು ಸೇರಿದಂತೆ ಪೌಷ್ಟಿಕ ಮತ್ತು ಆರೋಗ್ಯಕರ ಆಹಾರವನ್ನು ಸೇವಿಸಿ.
ನಿಯಮಿತ ವ್ಯಾಯಾಮ, ಉಪಾಹಾರ ತಿನ್ನುವುದು, ವಿಶ್ರಾಂತಿದು, ಕೆಫೀನ್ ಅನ್ನು ಕಡಿತಗೊಳಿಸುವುದು ಮತ್ತು ಆರೋಗ್ಯಕರ ತೂಕ ಕಾಪಾಡಿಕೊಳ್ಳುವುದು ಮುಂತಾದ ಕೆಲವು ಆರೋಗ್ಯಕರ ಜೀವನಶೈಲಿ ಬದಲಾವಣೆಗಳನ್ನು ಸಹ ಮಾಡಬೇಕಾಗುತ್ತದೆ.
