ಏಲಕ್ಕಿ ನೀರು ಸೇವನೆಯಿಂದ ಇದೆ ಇಷ್ಟೊಂದು ಲಾಭ: ಹೀಗೆ ತಯಾರಿಸಿ

ಎಲ್ಲರ ಅಡುಗೆ ಮನೆಯಲ್ಲೂ ಏಲಕ್ಕಿ ಇರುತ್ತೆ. ಇದು ಒಂದು ಸುವಾಸನೆಭರಿತ ಮಸಾಲೆ ಪದಾರ್ಥ. ನಾವು ಮಾಡೋ ಬಹಳಷ್ಟು ಅಡುಗೆಗಳಿಗೆ ರುಚಿ, ಸುವಾಸನೆ ಹೆಚ್ಚಿಸಲು ಇದನ್ನು ಬಳಸ್ತೀವಿ. ಸಿಹಿ ತಿಂಡಿ, ಮಾಂಸಾಹಾರ ಅಡುಗೆಗಳಲ್ಲಿ ಹೆಚ್ಚಾಗಿ ಏಲಕ್ಕಿ ಬಳಸ್ತೀವಿ. ಟೀ ಮಾಡುವಾಗಲೂ ಏಲಕ್ಕಿ ಹಾಕ್ತೀವಿ. ಏಲಕ್ಕಿ ಟೀ ಕುಡಿದ್ರೆ ಒತ್ತಡ ಕಮ್ಮಿ ಆಗಿ ಮನಸ್ಸಿಗೆ ನೆಮ್ಮದಿ ಸಿಗುತ್ತೆ ಅಂತಾರೆ. ಇದೆಲ್ಲಾ ನಮಗೆ ಗೊತ್ತು. ಆದ್ರೆ ಇದೇ ಏಲಕ್ಕಿ ನಮ್ಮ ತ್ವಚೆ ಹೊಳಪಿಗೂ ಸಹಾಯ ಮಾಡುತ್ತೆ ಅಂತ ಗೊತ್ತಾ? ನೀವು ಓದಿದ್ದು ಸರಿ. ಏಲಕ್ಕಿ ನೀರು ನಮ್ಮ ತ್ವಚೆಯ ಮೇಲೆ ಚೆನ್ನಾಗಿ ಕೆಲಸ ಮಾಡುತ್ತೆ. ಮುಖ್ಯವಾಗಿ ತ್ವಚೆಯನ್ನ ಒಳಗಿನಿಂದ ಪೋಷಿಸಲು ಈ ನೀರು ಸಹಾಯ ಮಾಡುತ್ತೆ. ಏಲಕ್ಕಿ ನೀರು ಕುಡಿದ್ರೆ ಏನೆಲ್ಲಾ ಲಾಭ ಇದೆ? ಹೇಗೆ ತಯಾರು ಮಾಡೋದು ಅಂತ ಈಗ ನೋಡೋಣ...

ಏಲಕ್ಕಿ ನೀರು ಹೇಗೆ ತಯಾರು ಮಾಡೋದು?

2-3 ಹಸಿ ಏಲಕ್ಕಿಯನ್ನ ಪುಡಿ ಮಾಡಿ, ಬೇಕಾದಷ್ಟು ನೀರು ಹಾಕಿ 10-15 ನಿಮಿಷ ಕುದಿಸಿ. ನೀರು ತಿಳಿ ಕಂದು ಬಣ್ಣಕ್ಕೆ ತಿರುಗೋವರೆಗೂ ಕುದಿಸಿ. ನಂತರ ಸೋಸಿ, ಬೇಕಿದ್ರೆ ಲಿಂಬೆ ರಸ ಅಥವಾ ಕಿತ್ತಳೆ ಸಿರಪ್ ಹಾಕಿಕೊಳ್ಳಿ. ಏಲಕ್ಕಿಯನ್ನ ಬಿಸಿ ನೀರಿನಲ್ಲಿ ನೆನೆಸಿ ತಯಾರಿಸುವ ಪಾನೀಯ ಏಲಕ್ಕಿ ನೀರು. ಇದನ್ನ ಕುಡಿದ್ರೆ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತೆ. ತ್ವಚೆ ಆರೋಗ್ಯವೂ ಸುಧಾರಿಸುತ್ತೆ.

ಏಲಕ್ಕಿ ನೀರಿನ ಲಾಭಗಳು : ತ್ವಚೆ ಆರೈಕೆ:

ಏಲಕ್ಕಿಯಲ್ಲಿ ಆಂಟಿಆಕ್ಸಿಡೆಂಟ್, ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿವೆ. ಇವು ಮೊಡವೆ ಕಡಿಮೆ ಮಾಡುತ್ತೆ. ವಯಸ್ಸಾದ ಲಕ್ಷಣಗಳು ಬರದಂತೆ ತಡೆಯುತ್ತೆ. ಪ್ರತಿದಿನ ಏಲಕ್ಕಿ ನೀರು ಕುಡಿದ್ರೆ ಶರೀರಕ್ಕೆ ಒಳಗಿನಿಂದ ಪೋಷಣೆ ಸಿಗುತ್ತೆ. ಇದರಿಂದ ಹೊಳೆಯುವ ತ್ವಚೆ ಸಿಗುತ್ತೆ.

ಏಲಕ್ಕಿ ನೀರಿನ ಲಾಭಗಳು : ವಿಷಕಾರಿ ಪದಾರ್ಥಗಳನ್ನ ತೆಗೆದು ಹಾಕುತ್ತೆ!

ಏಲಕ್ಕಿ ನೀರು ಶರೀರದ ವಿಷಕಾರಿ ಪದಾರ್ಥಗಳನ್ನ ಕಡಿಮೆ ಮಾಡುತ್ತೆ. ಜೀರ್ಣಕ್ರಿಯೆಯನ್ನೂ ಉತ್ತೇಜಿಸುವುದರಿಂದ ಹೊಟ್ಟೆ ಶುದ್ಧವಾಗುತ್ತೆ. ವಿಷಕಾರಿ ಪದಾರ್ಥಗಳು ದೇಹದಿಂದ ಹೊರ ಹೋಗುವುದರಿಂದ ಹೊಳೆಯುವ ತ್ವಚೆ ಸಿಗುತ್ತೆ. ತ್ವಚೆಯನ್ನ ಒಳಗಿನಿಂದ ತೇವವಾಗಿ ಇಡುತ್ತೆ. ತ್ವಚೆ ಒಣಗೋದನ್ನ ತಡೆಯುತ್ತೆ. ಮೊಡವೆ, ಸುಕ್ಕುಗಳು ಕಡಿಮೆಯಾಗಿ ಯೌವ್ವನಯುತವಾಗಿ ಕಾಣಲು ಏಲಕ್ಕಿ ನೀರು ಸಹಾಯ ಮಾಡುತ್ತೆ.

ಏಲಕ್ಕಿ ನೀರಿನ ಲಾಭಗಳು : ಬಾಯಿ ವಾಸನೆ ಹೋಗಲಾಡಿಸುತ್ತೆ!

ಬಾಯಿ ಆರೋಗ್ಯವೂ ಸುಧಾರಿಸುತ್ತೆ. ಏಲಕ್ಕಿ ನೀರು ಬಾಯಲ್ಲಿರುವ ವಿಷಕಾರಿ ಪದಾರ್ಥ, ಬ್ಯಾಕ್ಟೀರಿಯಾಗಳನ್ನ ತೆಗೆದು ಹಾಕುತ್ತೆ. ಇದರಿಂದ ಬಾಯಿ ವಾಸನೆ ಹೋಗುತ್ತೆ. ಹಲ್ಲುಸೊಳ್ಳೆ ಊತ, ಹಲ್ಲು ಹುಳುಕು ಕಡಿಮೆಯಾಗುತ್ತೆ. ಏಲಕ್ಕಿ ಕಾಳಲ್ಲಿರುವ ಸಿನೋಲ್, ಟೆರ್ಪಿನೈನ್, ಲಿಮೋನೆನ್ ಅಂಶಗಳು ಬಾಯಿ ಆರೋಗ್ಯ ಕಾಪಾಡುತ್ತೆ. ಸಿನೋಲ್ ಕ್ರಿಮಿನಾಶಕವಾಗಿ ಕೆಲಸ ಮಾಡಿ ಬಾಯಿ ವಾಸನೆಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳನ್ನ ತೆಗೆದು ಹಾಕುತ್ತೆ.