ದಢೂತಿ ದೇಹ ಹೊತ್ತು ನಡೆಯಲು ಕಷ್ಟ ಪಡ್ತಿದ್ದವಳು ಇಂದು ಸೂಪರ್ ಮಾಡೆಲ್..!

ಈಕೆಯ ಹೆಸರು ಅಂಬೆರ್ ರಚ್ಡಿ, ದಢೂತಿ ದೇಹದ ಕಾರಣಕ್ಕೆ ಇವರು ವಿಶ್ವದಾದ್ಯಂತ ಸುದ್ದಿಯಾಗಿದ್ದರು, ಬರೋಬರಿ 657 ಪೌಂಡ್ ಅಂದರೆ ಸರಿ ಸುಮಾರು 300 ಕೆಜಿಗೆ ಸಮೀಪ ತೂಗುತ್ತಿದ್ದ ಇವರು ವೈಟ್ ಲಾಸ್ ಜರ್ನಿ ಕೇಳಿದರೆ ಯಾರಿಗಾದರೂ ಅಚ್ಚರಿಯಾಗದೇ ಇರದು. 

ಒಂದು ಕಾಲದಲ್ಲಿ ನಡೆದಾಡುವುದಕ್ಕೂ ಕಷ್ಟ ಪಡುತ್ತಿದ್ದ ಈಕೆಯನ್ನು ಇಂದು ನೀವು ನೋಡಿದರೆ ಅಚ್ಚರಿಯಾಗುವುದಂತೂ ಪಕ್ಕಾ ಅಷ್ಟು ಸ್ಲಿಮ್ & ಸ್ಮಾರ್ಟ್ ಆಗಿದ್ದಾರೆ ಅಂಬೆರ್ ರಚ್ಡಿ.  ಜಗತ್ತಿನ ಅತೀ ತೂಕದ ಮಹಿಳೆ ಎಂಬ ಅನಾರೋಗ್ಯಕಾರಕ ಖ್ಯಾತಿಗೆ ಪಾತ್ರಳಾಗಿದ್ದ ಅಂಬೆರ್ ರಚ್ಡಿಗೆ ಅಂದು ಮನೆಯ ಮೆಟ್ಟಿಲುಗಳನ್ನು ಇಳಿಯುವುದು ಕೂಡ ಬಲು ಕಷ್ಟದ ಕೆಲಸವಾಗಿತ್ತು. 

ಆಕೆಯ ಈ ರೂಪಾಂತರ ಇಡೀ ವಿಶ್ವವೇ ಮೆಚ್ಚುವ ಬದಲಾವಣೆ ಎಂದರೆ ತಪ್ಪಾಗಲ್ಲ,  ಕೇವಲ ಐದು ವರ್ಷದವಳಿರುವಾಗಲೇ ಅಂಬೆರ್ ರಚ್ಡಿ  ಬರೋಬ್ಬರಿ 68 ಕೆಜೆ ತೂಗುತ್ತಿದ್ದಳು. ಆಕೆಗೆ 23 ವರ್ಷ ಆಗುತ್ತಿದ್ದಾಗಲೇ 5 ಅಡಿ ಎತ್ತರಕ್ಕೆ ಬೆಳೆದಿದ್ದ ಅಂಬೆರ್ 657 ಪೌಂಡ್ ತೂಗುತ್ತಿದ್ದಳು. ಅಂದರೆ ಕೆಜಿಯಲ್ಲಿ ಹೇಳುವುದಾದರೆ 298 ಕೆಜಿ, 3 ಕ್ವಿಂಟಾಲ್‌ಗೆ ಬರೀ ಎರಡು ಕೇಜಿ ಕಡಿಮೆಯಷ್ಟೇ.

ಪರಿಣಾಮ ಜಾಸ್ತಿ ಎಂದರೆ ಯಾರದೇ ಸಹಾಯವಿಲ್ಲದೇ ಬಹಳ ಕಷ್ಟಪಟ್ಟು ಎದ್ದು ನಿಲ್ಲಲು ಮಾತ್ರ ಆಕೆಗೆ ಸಾಧ್ಯವಾಗುತ್ತಿತ್ತು. ಇದರಿಂದ ಆಕೆಗೆ ನಾನು ಎಲ್ಲರಂತೆ ಜೀವನ ಮಾಡುತಿಲ್ಲ, ಕೇವಲ ಜೀವದಲ್ಲಿ ಇದ್ದೇನಷ್ಟೇ ಎಂಬ ವಿಷಾದ ಭಾವನೆ ಆಕೆಗೆ ಬಂದಿತ್ತು. 

ಆಕೆಗೆ ಸ್ವತಃ ಯಾರ ಸಹಾಯವಿಲ್ಲದೇ ಸ್ನಾನ ಮಾಡಲು ಕೂಡ ಆಗುತ್ತಿರಲಿಲ್ಲ, ಕಾರಿನಲ್ಲಿ ಕೂರುವುದಕ್ಕೂ ಸಾಧ್ಯವಿರಲಿಲ್ಲ,  ಈಕೆಯ ತೂಕದ ಏರಿಕೆ ಹೀಗೆಯೇ ಮುಂದುವರೆದರೆ 30ರೊಳಗೆ ಆಕೆ ಸಾಯುತ್ತಾಳೆ ಎಂದು ವೈದ್ಯರು ಹೇಳಿದ್ದರು. 

ಇದಾದ ನಂತರ ತಾನು ಬದಲಾಗಬೇಕೆಂದು ಬಯಸಿದರು ಅಂಬೆರ್ ಅದಕ್ಕಾಗಿ  ಟೆಕ್ಸಾಸ್‌ನ ಹೋಸ್ಟನ್‌ಗೆ ತೆರಳಲು ನಿರ್ಧರಿಸಿದರು. ಆದರೆ ಅದು ಅಷ್ಟು ಸುಲಭದ ಕೆಲಸವಾಗಿರಲಿಲ್ಲ,

ಆಕೆ ಏರ್‌ಪೋರ್ಟ್‌ಗೆ ಬಂದಾಗ ಆಕೆಯನ್ನು ಸರಕು ಸಾಗಣೆಗೆ ಬಳಸುವ ಕಾರ್ಟ್‌ನಲ್ಲಿ ಸಾಗಿಸಬೇಕಾಯ್ತು. ಅಲ್ಲದೇ ವಿಮಾನದಲ್ಲಿ ಪ್ರಯಾಣಿಸಲು ಆಕೆಗೊಬ್ಬಳಿಗೆ ಇಬ್ಬರು ಪ್ರಯಾಣಿಕರ ಟಿಕೆಟ್ ಪಡೆಯಲು ವಿಮಾನಯಾನ ಸಂಸ್ಥೆ ಒತ್ತಾಯಿಸಿತ್ತು

ಆದರೆ ನಂತರ ನಡೆದಿದ್ದು, ಪವಾಡವಂತೂ ಅಲ್ಲ ಭಾರೀ ಕಠಿಣ ಪರಿಶ್ರಮ ಆಕೆ ನಿಯತ್ತಿನಿಂದ ಡಯಟ್ ಫಾಲೋ ಮಾಡಿದಳು. ಪರಿಣಾಮ ತೂಕ ಇಳಿಕೆಯೇನೋ ಆಯ್ತು. ಆದರೆ ತೂಕದಿಂದ ಹೆಚ್ಚಾದ ಚರ್ಮ ಜೋತು ಬೀಳಲು ಶುರುವಾಯ್ತು ಇದಕ್ಕಾಗಿ ಆಕೆ ಸರ್ಜರಿಯ ಮೊರೆ ಹೋಗಬೇಕಾಯ್ತು. 

ಆದರೆ ತೂಕ ಇಳಿಕೆಯ ನಂತರ ಈಕೆ ಈಗ ಸೂಪರ್ ಮಾಡೆಲ್ ರೀತಿ ಕಾಣಿಸುತ್ತಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟಿವ್ ಆಗಿದ್ದಾಳೆ. ತೂಕ ಇಳಿಕೆಯ ನಂತರ ಆಕೆ ಟಿಎಲ್‌ಸಿಯ ರಿಯಾಲಿಟಿ ಟಿವಿ ಶೋ ಮೈ 600 ಎಲ್‌ಬಿ ಲೈಪ್‌ ದಲ್ಲಿ ಭಾಗವಹಿಸಿ ತಮ್ಮ ತೂಕ ಇಳಿಕೆಯ ಹಾದಿಯ ಬಗ್ಗೆ ಮಾತನಾಡಿದ್ದರು.  ಈಕೆಗೆ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಮೂರು ಲಕ್ಷಕ್ಕೂ ಅಧಿಕ ಫಾಲೋವರ್‌ಗಳಿದ್ದಾರೆ.