ಮಾರಣಾಂತಿಕ ಕ್ಯಾನ್ಸರ್ ಭೀತಿಯೇ? ಈ 8 ಆಹಾರ ಸೇವಿಸಿ ನಿಶ್ಚಿಂತರಾಗಿರಿ..!
ಯಾವ ಆಹಾರದಿಂದ ಕ್ಯಾನ್ಸರ್ ತಡೆಯಬಹುದು ಅಂತೀರಾ..? 8 ಆಹಾರಗಳ ಪಟ್ಟಿ ಹೀಗಿದೆ ನೋಡಿ..
Followಕ್ಯಾನ್ಸರ್ ಅನ್ನೋದು ಈಗಲೂ ಸಹ ಭೀಕರ ಮಾರಣಾಂತಿಕ ಕಾಯಿಲೆಯಾಗಿದೆ. ಹಲವು ಆಹಾರಗಳ ಸೇವನೆಯಿಂದ್ಲೇ ಕ್ಯಾನ್ಸರ್ ರೋಗ ಬೇಗ ಬರುತ್ತೆ ಎಂತ ಹೇಳಲಾಗುತ್ತದೆ. ಹಾಗಾದ್ರೆ, ಯಾವ ಆಹಾರದಿಂದ ಕ್ಯಾನ್ಸರ್ ತಡೆಯಬಹುದು ಅಂತೀರಾ..? ಇಲ್ನೋಡಿ..
ದಾಲ್ಚಿನ್ನಿ (ಚಕ್ಕೆ): ದಾಲ್ಚಿನ್ನಿ ಅಥವಾ ಚಕ್ಕೆ ದೇಹದಲ್ಲಿನ ಸಕ್ಕರೆಯ ಅಂಶವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಹಾಗೆ, ಉರಿಯೂತದಿಂದ್ಲೂ ಪರಿಹಾರ ನೀಡುತ್ತದೆ. ಅಷ್ಟೇ ಅಲ್ಲದೆ, ಕ್ಯಾನ್ಸರ್ ಸೆಲ್‌ಗಳು ಹರಡುವುದನ್ನು ಸಹ ದಾಲ್ಚಿನ್ನಿ ಸಾರಗಳು ಬ್ಲಾಕ್‌ ಮಾಡುತ್ತದೆ.
ಆಲಿವ್ ಎಣ್ಣೆ: ಆಲೀವ್‌ ಎಣ್ಣೆ ಹಾಕಿದ ಆಹಾರ ಸೇವಿಸಿದರೆ ಕ್ಯಾನ್ಸರ್ ತಡೆಯಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ. ಈ ಪೈಕಿ ಸ್ತನ ಕ್ಯಾನ್ಸರ್ ಹಾಗೂ ಜೀರ್ಣಾಂಗ ವ್ಯವಸ್ಥೆ ಸಂಬಂಧಿತ ಕ್ಯಾನ್ಸರ್ ತಡೆಯುತ್ತದೆ ಎಂದೂ ತಿಳಿದುಬಂದಿದೆ.
ಅರಿಶಿನ: ಕರ್ಕ್ಯುಮಿನ್‌ ಎಂಬ ಅಂಶವನ್ನು ಅರಿಶಿನ ಒಳಗೊಂಡಿದ್ದು, ಇದು ಕ್ಯಾನ್ಸರ್ ಅನ್ನು ತಡೆಯಲು ಸಹಾಯ ಮಾಡುತ್ತದೆ. ಕರ್ಕ್ಯುಮಿನ್‌ ಕ್ಯಾನ್ಸರ್ ವಿರೋಧಿ ಎಫೆಕ್ಟ್‌ ಅನ್ನು ಹೊಂದಿದೆ.
ಟೊಮ್ಯಾಟೋ: ಟೊಮ್ಯಾಟೋ ತಿನ್ನೋದ್ರಿಂದ್ಲೂ ಕ್ಯಾನ್ಸರ್ ತಡೆಯಲು ಸಹಾಯ ಮಾಡುತ್ತದೆ. ಏಕೆಂದರೆ ಇದರಲ್ಲಿ ಲೈಕೋಪೀನ್‌ ಎಂಬ ಅಂಶವಿದ್ದು, ಇದು ಕ್ಯಾನ್ಸರ್ ವಿರೋಧಿ ಗುಣಲಕ್ಷಣಗಳನ್ನು ಹೊಂದಿದೆ.
ಕ್ಯಾರಟ್‌: ಕ್ಯಾರಟ್‌ ಹೊಂದಿರುವ ಹೆಚ್ಚು ಆಹಾರ ಸೇವಿಸಿದ್ರೂ ಸಹ ಕ್ಯಾನ್ಸರ್ ಉಂಟಾಗುವ ಅಪಾಯವನ್ನು ಕಡಿಮೆ ಮಾಡಬಹುದು. ಅದರಲ್ಲೂ, ಹೊಟ್ಟೆಯ ಕ್ಯಾನ್ಸರ್ ಹಾಗೂ ಶ್ವಾಸಕೋಶ ಕ್ಯಾನ್ಸರ್ ಅನ್ನು ತಡೆಯಬಹುದು.
ಬ್ರೊಕೋಲಿ: ಬ್ರೊಕೋಲಿಯಲ್ಲಿರೋ ಸಲ್ಫೋರಫೇನ್‌ ಎಂಬ ಅಂಶ ಹೊಂದಿದ್ದು, ಇದು ಕ್ಯಾನ್ಸರ್ ಉಂಟಾಗುವುದನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ. ಅದರಲ್ಲೂ ಕೊಲೊರೆಕ್ಟಲ್‌ ಕ್ಯಾನ್ಸರ್ ಅನ್ನು ತಡೆಯುತ್ತದೆ.
ಬೀನ್ಸ್‌: ಬ್ರೊಕೋಲಿಯಂತೆಯೇ ಬೀನ್ಸ್‌ ಸಹ ಹೆಚ್ಚು ಫೈಬರ್‌ ಅಂಶ ಹೊಂದಿದೆ. ಈ ಹಿನ್ನೆಲೆ ಈ ತರಕಾರಿ ಸಹ ಕ್ಯಾನ್ಸರ್ ತಡೆಯೋಕೆ ಸಹಾಯ ಮಾಡಬಹುದು.
ಸಿಟ್ರಸ್‌ ಹಣ್ಣುಗಳು: ನಿಂಬೆ ಹಣ್ಣು ಹಾಗೂ ಕಿತ್ತಳೆಯಂತಹ ಸಿಟ್ರಸ್‌ ಹಣ್ಣುಗಳನ್ನು ಸೇವಿಸಿದರೆ ಉಸಿರಾಟ ಕ್ಯಾನ್ಸರ್ ಹಾಗೂ ಜೀರ್ಣಕಾರಿ ಕ್ಯಾನ್ಸರ್ ಅಪಾಯ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
